جمعت الاسئله اللي قالوها لي
انتر هيلث بالعربي
التخصصي والرعاية بلانجليزي
تكلمي عن نفسك
وش الخلفية اللي عندك عن رعاية المرضى
عادي تداومين شفتات
ليش ماتوظفتي للحين
ايش الخبرة اللي عندك
انتي بعيدة عن الرياض تقدرين توافقين بين منطقتك والرياض او تقدرين تستقرين في الرياض
ليش اخترتي رعاية المرضى
لو جبت لك خمس مرضى تعبانين "مافهمت وش المرض اللي قالته "وش بتسوين
لو جبت لك مريض ثقيل وش بتسوين
تخصصك فيزياء كيف رح تتصرفين مع المريض عندك مهارة انك تتعاملين معه
في تخصصك درستي بلانجليزي ولا العربي

واحد من الشباب الي سووا مقابلة اليوم
#للإفادة فقط
س١_عرف عن نفسك؟
س٢_اش تعرف عن برنامج الأمن الصحي؟
س٣_اش جذبك في البرنامج؟
س٤_ليش ما اخترت نفس مسار تخصصك واتجهت للصحة؟
س٥_اش تعرف عن الامن والسلامة؟
س٦_اذكر موقف مر عليك وكيف تصرفت؟
س٧ هل عندك دورات وخبرات؟
س٨_هل اشتغلت من قبل؟
س٩_ كيف لغتك الانجليزيه؟


حبيت افيدكم وبالتوفيق للجميع 🤍

بالنسبة لي كانت الأسئلة كالتالي؟
- عرف عن نفسك
- وش تعرف عن الأمن الصحي
- هل عندك دورات
- عطنا مشكلة او موقف مر عليك وكيف قدرت تتخطاه
- كيف لغتك الانقليزيه وكم تقيم نفسك من ١٠ ( بعدها يسألك سؤال في الانقليزي) ، طبعا الانقليزي مو مهم
- المساحة الأخيرة لك اذا فيه عندك أي استفسار

السلام عليكم قبل امس كانت مقابلتي وكانت الاسئلة
1- عرف عن نفسك ؟
2- وش تعرف عن برنامج الامن الصحي هل قريت عنه كم مدته والخطه ؟
3- ليش قدمت على برنامج الامن الصحي ؟
4- ايش السمات التي لابد توفرها على رجل الامن الصحي ؟
5- ايش الدورات الي عندك ؟ وهل اخذة دورات فالامن والسلامة او الطوارئ ؟
6- ايش الصعوبات الي واجهتك خلال عملك السابق ؟
7- لو جاك مريض عصبي ونرفزك كيف تتعامل معاه ؟
8- ايش اكبر انجاز حققته غير الشهادة الجامعية ؟
9- كيف لغتك الانجليزية ؟ وبعدها سألني سؤال واحد فقط بالانجليزي
وبس بالتوفيق وانتظر الرد خلال شهر ياقبول او رفض

المقابلة كاملة
تحدث عن نفسك؟
لماذا تستحق هذه الوظيفة بين جميع المتقدمين؟
موقف صعب تعاملت معه؟
ما هي معرفتك عن الوظيفة؟
صفه مميزه فيك؟
مدى معرفتك بالانجليزية؟
عرف عن نفسك بالغة الانجليزية؟

اسئلة المقابلة لشخص راح لهم يوم الخميس الماضي .


المقابلة كانت عبارة عن:

- عرف عن نفسك؟
- وش تعرف عن الأمن الصحي؟
- تدري إن الوظيفة هي حارس أمن؟
- هل تتقبل إنك تلبس بدلة بالدوام ؟
- سبق وعملت سابقًا في مجال من المجالات ؟
- وش تنصح اللي شغال بالأمن الصحي ويتعامل مع الناس بنرجسية(يعني يتكبر عليهم)
- كيف لغتك الإنجليزية ؟
- تكلم عن نفسك بالإنجليزي
- المساحة الأخيرة لك إذا لك استفسار أو إشكال .

بالنسبة للطول:
مشددين على الطول

بعض الاسئلة الواردة بالمقابلة:
ماذا تعرف عن الامن الصحي؟
لية نقبلك وش يميزك؟
كيف لغتك الانجليزية؟
تحدث عن نفسك بالانجليزي
لو جاتك وظيفة اخرى هل تتركنا؟
لو تم تعيينك بمكان بعيد عادي تروح؟
تخصصك غير قريب من الوظيفة لية قدمت على الامن الصحي؟
اذا اعتدى عليك شخص ماذا تفعل؟
هل تعرف ان الوظيفة حارس امن؟
وين تشوف نفسك بعد ٥ سنين؟
ماذا استفدت من تخصصك؟

السلام عليكم
كان عندي مقابلة اليوم الساعة 2:45
وحاب انقل لكم تجربتي عسى أن يستفيد منها أحد
تخصصي ادارة اعمال مسار موارد بشرية

لما وصلت لهم قبل الموعد بعشر دقايق
اخذو قياس طول ووزن بعد كذا دخلت المقابلة ما طولت كان تقريباً 10 دقايق
اسئلة المقابلة عادية
- عرف بنفسك
- وش تعرف عن الامن الصحي
- وش يميزك عن غيرك علشان نختارك
- لو عيّناك خارج الرياض القنفذة مثلاً عادي ؟؟ ولا بترفض
- ليش اخترت وظيفة الأمن الصحي ؟؟
وخلصت المقابلة
وقالو النتائج بعد شهر
وروح خذ ورقة علشان تسوي الفحص الطبي وبتوصلنا نتيجة الفحص الطبي الكترونياً
وبالتوفيق
هذي كانت تجربتي اليوم
وبالتوفيق لكم جميعاً 🌹

من الخاص

توني طالعه هذي الاسئله اللي جتني
اول شي اللجنه كانت مرأة ورجالين
1- عرفي بنفسك
2- وش الصعوبات اللي ممكن توجهك كمسؤولة امن صحي ولو قابلتي شخص ماتعرفين لغته وش تسوين
3- وش تعرفين عن الامن الصحي ومهامه في الوصف الوظيفي
4- وش الدور اللي مفروض يقوم فيه مسؤول الامن الصحي وايش ادوات السلامه
5- اكيد استخدمتي نظام البلاك بورد في الجامعه كيف استخدمتيه
6- موقف صعب مر عليك وكيف تعاملتي معه

من الخاص
مقابلة الرياض

اول ما دخلت رحبو بي ويمزحون معي
وقال تكلم عن نفسك وايش شهادتك؟
بعد ما تكلمت عن نفسي
قال وش تعرف عن الامن الصحي او بس كذا جاي؟
جاوبتهم
بعد سألوني لو جاك شخص وتلفظ عليك وتهجم عليك وش تسوي؟
وقالو لو انت بمحلنا وش المهارة الي راح تبحث عنها علشان توظف شخص بالامن الصحي
وسؤال الأخير اذكر شي مميز بك؟

من الخاص
👇👇
الحمدلله
ابشرك سويت مقابله الرياض متسهلين ابعد شيء
ياخذو طول و وزن بس ما اعلم اذا ردو حد طوله ناقص

مقابله سهله

اسئلة عاديه تكلم عن نفسك اش تخصصك اش تعرف عن برنامج يسئلك سؤال يخوفك انك تقابل ناس عصبين راضي عن الأمن الصحي ليشش اخترت ذي وظيفه تخصصك ادارة
اش تعرف عن رقم ٩٣٧
الجواب يخدم مواطن بشكاوى واستفسار واستشارات الطبية


قالوا لنا اسبوع الدمام اسبوع جدة بيجيهم قبول او رفض

بس قالت لي موظفة عندك اختبار اللغة الانجليزية قلت لا

اسهل مقابله وتنظيم في الرياض سوى مقابله موظفه اثنين شباب فيهم رحابه صدر

2 موظفين وموظفة

من الخاص

انا تو طلعت من المقابله اول شي دخلت عطيت واحد قدام على الكمبيوتر شهادتي و بطاقتي الاحوال وشهاده الستيب بعدها قال على الميزان ناخذ الوزن💔 و الطول بعدها انتظرت شوي جلست بعدها بدقيقتين دخلت المقابله كانو رجالين وواحد منهم هو اللي جاء و دخلني و واحد ساكت ما تكلم ينصت فقط و كانت الساعه ٣ و دخلت قبلها اول سوال تكلمي عن نفسك ايش مهام الامن الصحي من وين سمعتي عننا ليش نختارك انتي من المتقدمين و موقف صار لك 💔كان نصها انقلش بحكم تخصصي .


مقابله في الباحه
تخصص انجليزي
بنت

من الخاص

كانت مقابلتي بالعقارية الثالثه الدور السادس الرياض سهله وحبيبببييين جدا

عرفي عن نفسك
وش الصفات اللي يتحلى فيها مسؤول الامن
وتنتقلين من تعليم لامن ترا يبيلها ناس قويه ؟
قلت وانا قويه
تقبلين تتوظفين بمدينه ثانيه
وكيف لو جاك شفتات
ولو حصل حريق كيف بتنبهين الاشخاص ان فيه مشكله بالانقلش
وفيه شخص يبي يزور وبدا يتهجم لفظي وجسدي وكذا

من الخاص المقابلة
بالرياض


مانقصوا طولي زي ماهو ١٦٠ وسألتني وهي تقيس كم طولي قالت ١٦٠ قالت صح اللي قاست لي ع اليمين بالميزان العادي مو الكتروني / الرجال اللي قدام ميزان الكتروني وهجيت منه

طابقوا الوثيقه والهويه سألتني عندي ستيب قلت لا

دخلت بالانتظار لين عطوني ورقه ثم وجهوني لغرفة انتظار ثانيه جات وحده واخذتني للجنه ٥ دخلت بثقه سلمت بصوت واضح ردوا مبتسمين وبشوشين سألوني كيف حالي مرتين وردين الحمدلله بصوت مسموع مارتبكت

كل الاسئله سألتني اياها وحده بس وكانو بنتين ورجال

طلبت مني اعرف عن نفسي
وسألتني من الرياض او لا ، ارتبكت شوي صغيره بنهاية تعريفي عن نفسي ثم سألتني وش تعرفين عن الامن الصحي وكم مدة البرنامج وش المهارات مسؤول الامن الصحي
وش المواقف الصعب اللي تتوقعين بتواجهينها واذكري موقف صعب سألتني كيف لغتك الانجليزيه وسألتني وش معنى خطر بالانجليزي وايش معنى مساعده بالانجليزي وبس كذا

لحد يتوتر المقابله بسيطه وكانها سوالف ومره مريحين وبشوشين والامر ابسط من انكم تتوترون ، موفقين يارب 🙏🏼

تخصصي علم اجتماع وخدمه اجتماعيه

-عرفي عن نفسك؟
-وش معك دورات؟
-وش مهام الامن الصحي؟
-فيه سؤال مدري وشو حشود ومدري ايش قال تعرفينه قلت لا مدري وش قصده
-وش الاحداث الطارئه الي ممكن تصير بالمستشفى
-وش سويتي بالفتره الي جالسه فيها بعد التخرج
-سألني اذا عندي دوره اسعافات اوليه ومتى اخذتها؟
-ليش قدمتي بغض النظر عن تخصصك؟
-وهل الامن الصحي الخط الامامي ومدري ايش

بالنسبه لطول مانقصو ولا شي

الرياض-بنت