نخوه لام البنين عليها السلام
🤲🏻🤲🏻

انه بعازتج واليوم اطلبنج
ضاجت دنيتي وجيت اندبنج



😭😭😭😭😭😭😭😭
ياام البنين الشده حليها
انه بعازتج

وهاي علتي وانت التشافيهه
انه بعازتج

مولاتي اذبها لو اخليها
انه بعازتج .

صعبه حاجتي بس انتي تكضيها
😭😭😭😭😭😭😭😭
خدامج وكفنه اليوم يم بابج
انه بعازتج .

لحاجات تكظيهه لطلابج
انه بعازتج .

نعرفج يالكريمه يالمثل ابنج
انه بعازتج

يالعازيتي يالضحيتي بولادج

😭😭😭😭😭😭😭😭
حاشه ماتعوفيني محتاره
انه بعازتج

نخيت اليوم اريدن منج ابشاره
انه بعازتج ..

نحلفج بالحسين اليوم وانصاره
انه بعازتج ..

وبجاه البطل عباس ابو الشاره
😭😭😭😭😭😭😭😭
من ام البنين امراد أريدنه
انه بعازتج ..

خادمكم انه يالعشت بالونه
انه بعازتج ..

انه بعازتج ماااكطع الضنه
انه بعازتج

عظيمه انتي بجهاج نندعي ربنه
😭😭😭😭😭😭😭😭

مهظومه//ونخيتج انه



الاهي اقسم عليك بأم البنين عليها السلام ان ترزق كل طالب ذريه 🤲🏻🤲🏻


تمت بقلم📝
كوثر الشويلي


https://telegram.me/Healea

ماتت طفلتك يحسين
برض الشام مهضومه


مهضومه رقيه اليوم
ماتت طفلت المضلوم
شالت والكلب مهدوم
برض الشام مهضومه

عذبها الدرب يحسين
وانه امفاركه الزينين
عليها هالعمت هالعين
برض الشام مهضومه


كتلها راسك المكطوع
ماتت والكلب مشلوع
ماسكتت عليك اتلوع
برض الشام مهضومه

طفله ونامت اعله الراس
ماتت كطعت الانفاس
يريت يشوفها العباس
برض الشام مهضومه


----------------'

تمت بقلم خادمه اهل البيت
الشاعره هيلين الساعدي

https://telegram.me/Healea

ماتت الطفله بالغرب
رقيه ياوالينه



طفله ماتت بالغرب
عذبها ياخويه الدرب
ابسوط الاعادي تنضرب
بين العده مخلينه


طفله وتريد الوالي
ياعمه وين الغالي
خويه دشاحد حالي
بخرابه امكعدينه

امخليني يا ضنوه علي
بيد العده ومالي ولي
رقيه ماتت ياهلي
بيد الغرب حادينه


عدوان مابيهم رحم
انهضلي يا سبع الزلم
ميسوره انه والحرم
جا عدمن امودعينه



بالشمس كعدونه العده
والشمر كل ساعه اعتده
او فطر كلبي ومرده
وهاي العده ميسرينه

__________________

تمت بقلم خادمه اهل البيت ع

الشاعره هيلين الساعدي

https://telegram.me/Healea

بابا الحسن يابا الحسن يابا الحسن مهضومه اجيت
➖➖➖➖➖➖➖➖
انه جيتك يا شفيعي ازيل من عندي الحمول
سيدي كثرن اهمومي اشكي يا فحل الفحول
وانته تسمع يا امامي محنتي وانته اشتكول
صارت احزاني ثكيله ومنك امرادي انول

باب الكرم باب الكرم باب الكرم مهضومه اعتنيت

➖➖➖➖➖➖➖➖

سيدي تدري انته بيه الزمن كاسرلي كلب
اجيت من هم العليه ادموع عالوجنه تصب
بس الك اشكي همومي ابكلبي نار وتلتهب
انته ياباب الكرامه معتني ليك بعتب

صابر انه صابر انه صابر انه وبابك بجيت

➖➖➖➖➖➖➖➖
اجيت انته وما تردني حاجتي تكضيها الي
بالكفل زينب احلفك اتفرح اكليبي وهلي
ماترد حاشه التعنه انته يا حيدر علي
تجبر الطايح حملها والي ما عدها ولي
تفرح الكلب اتفرح الكلب اتفرح الكلب وبابه انحنيت

➖➖➖➖➖➖➖➖

جينه نشكي الضيم يمك سيدي من العده
صارت ايام الثكيله وموته عدنه معدده
العراقي يصيح اغثني من جيوش اهل الرده
انته تسمعنه وتشاهد ضحايه عدنه امدده
تحمي الوطن تحمي الوطن تحمي الوطن مولانه دعيت

➖➖➖➖➖➖➖➖

اعتنينه للمنايه والوطن مملي جراح
والعراقي همه زايد ابد مايوم استراح
والحوادث عدنه كثرت نستمع بس النياح
والماذن صاح كافي والله حي اعله الفلاح

هموم امتله اهموم امتله اهموم امتله مولانه نخيت

➖➖➖➖➖➖➖➖

تمت بقلم خادمه اهل البيت ع .
*الشاعره*
*هيلين الساعدي*

https://telegram.me/Healea

وين الطالبه الحاجات
عند العسكري حلها
➖➖➖➖➖➖➖➖
يحلها صاحب الغيره
وجهنه اليوم اله انديره
ابذكره ما تضل حيره
عند العسكري حلها

➖➖➖➖➖➖➖➖
يكظي العسكري الطلبه
ابجي واوكف ابعتبه
ايسهلها كفو الصعبه
عند العسكري حلها

➖➖➖➖➖➖➖➖
محتاره واجيت انخاك
يامولاي انه اترجاك
هايه شيعتك بحماك
عند العسكري حلها

➖➖➖➖➖➖➖➖
مشاكل صارت هوايه
اجينه اليوم عنايه
الك ياصاحب الغايه
عند العسكري حلها

➖➖➖➖➖➖➖➖
الشيعه اليوم محتاره
شبت بالارض ناره
ماتنطفي وجاره
عند العسكري حلها

➖➖➖➖➖➖➖➖
ماكو رحم عند العده
ضحايه عدنه امدده
شبان كلها امهدده
عند العسكري حلها
➖➖➖➖➖➖➖➖


تمت بقلم خادمه اهل البيت ع

*الشاعره هيلين الساعدي*

https://telegram.me/Healea

لطميه مع هوسه للزهراء عليها السلام


امي من مشت ما وصت اعليه
ينار افراكها بالكلب سعريه

➖➖➖➖➖➖➖➖
امي من مشت اعليها ذاب الحيل
انه افركاج يمه صحت حيل الويل
اضلن ساهره ما نمته انه اليل
( اوفركاها ذوبلي اعيوني )

➖➖➖➖➖➖➖➖
ذوبلي الدليل وبالصدر حسره
ينار الزاجيه ابنص الكلب جمره
ما تسكت عليها الدمعه والعبره
( اماذيني يفراك الشفجه )

➖➖➖➖➖➖➖➖
الكسر ظلعج يشفجه هم كسر كلبي
عيني اعله الدرب يايمه هالتربي
خلص صبري يزهره اوتيهت دربي
( امتانيته طولج يحبيبه )

➖➖➖➖➖➖➖➖
مشت عني الاودها التشرك ابهمي
شعتب عالزمن الماخذج مني
ياوسفه الوكت الباعدج عني
( يفراك امي فاكس عيني )

➖➖➖➖➖➖➖➖
يعذب الروح يفراك العزيزات
صعب كلش صعب بالمكبره اتبات
وينه اليوم شيال الكلافات
وهد حيلي يفراكج يمه )

➖➖➖➖➖➖➖➖


تمت بقلم خادمة اهل البيت ع

*الشاعره هيلين الساعدي*



https://telegram.me/Healea

نهايه مجلس لزهراء عليها السلام


دكي اعله الصدر تستاهل الزهره
هاي ام الحسن بالضلع متعوره

➖➖➖➖➖➖➖➖
امشينه اروح كلنه انكابل الحره

ينار افراكها ابنص الكلب جمره

خل نلطم عليها ونسجب العبره

شالت ياسندنه حيل منقهره

يابنت الديانه وباب للعتره

كلب زينب يون والله شكثر صبره

شافت عين امها وبالوجه سطره

ضلع ام الحسن مكسور شيجبره

يوجع بالكلب ياضلعج وكسره

ماتت والدتنه وحيل متحسره

يا اعضم مصيبت امج الزهره

بعد امها وابوها اتروح متيسره


هوسه

اشينساها عشرتهن حلوه
➖➖➖➖➖➖➖➖


تمت بقلم خادمة اهل البيت ع

*الشاعره هيلين الساعدي*

https://telegram.me/Healea

قصيده علئ العليله. ؏





تهد روحي منطب لديارهم ضلمه
ضل خالي مجانك يالجنت نعمه
❥ـــــــــــــ❁❁❂❁❁ـــــــــــــ❥
تعمي العين يابويه وتعذبنـي
هد حيلي غيابك والله تعبنـي
بتك ليش عايفهه يضي عيني
رحت لبعيد ماگتلي ابد جلمه

🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن
❥ـــــــــــــ❁❁❂❁❁ـــــــــــــ❥
عليله والزمان بيش يطلبني
شنو ذنبي وخذاكم يلابو مني
حمام الدوح ماونت مثل وني
يبويه بفركتك كلبي انثلم ثلمه

🔴الشاعره حسينية الهوئ
زهراء الحربي
❥ـــــــــــــ❁❁❂❁❁ــــــــــــ
مشه عني الابو اوما اله جيه
يبو طول الحلو يالكله حنيه
طايح عالترابه وما شرب ميه
كون امشي لابوي ونحره اشتمه

*هيلين الساعدي*
❥ـــــــــــــ❁❁❂❁❁ـــــــــــــ
اشمن منحره وتوسد تــرابـــه
يلجمني لكلب من ضيعت حبابه
بكلبي نار فركك صار عطابـــه
وسفه عله ترب متفيض بدمه


🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن
❥ـــــــــــــ❁❁❂❁❁ـــــــــــــ
اشم نحره واعاتب ليش خلاني
وحجيله الزمان اشلون عاداني
من فركه الابو هالوكت بجاني
من كثر البجي عيوني هالتعمه

*هيلين الساعدي*
❥ـــــــــــــ❁❁❂❁❁ـــــــــــــ

تمت الْحٍمَدٍ للـّہ. بــقـــلـــم ✍
شــاعــرات اهـــل البيت. ؏


https://telegram.me/Healea

قصيده مع هوسه الابو فاضل


ابنج حير العسكر يبدويه
يسوي افنون من يدخل الحربيه

(ايهابونه لو هد عباس )
💦💦💦💦💦💦💦💦
يهابونك يبن حيدر يالمشكر
الك تاريخ كتبو حير العسكر
خلاني الزمان اخلافك اتمرمر
( وين الكاه الكال ابسدي)

💦💦💦💦💦💦💦💦
اجيت انشد عليه اليعدل الميله
يا قائد حرب مينام عالعيله
ناوي اعله الرحيل وعجل الشيله
( ايهابونه اسمك عباس )

💦💦💦💦💦💦💦💦
اندهولي البطل خلوني احاجيه
يامحله الاخو محله محاجيه
شلون اشلون خويه من اصد ليه
( كالولي السهم ابعينه)

💦💦💦💦💦💦💦💦

وين الي كفلني وصاح بحماي
زينب ما تظل اتروح وياي
افدي اجغوف الج وثنين عيناي

(عباس الحيد انطه عيونه )

💦💦💦💦💦💦💦💦
اجيت ابهمه اركض لشريعه
رته ايشوف حال اخته الوديعه
ضاكت يخوتي اعليه الوسيعه
( ياخويه اخلافك محتاره )

💦💦💦💦💦💦💦💦

تمت بقلم خادمات اهل البيت
*الشاعره هيلين الساعدي*

*و*
*الملايه ام ايه*



https://telegram.me/Healea

قصيده ثقيله الى مولاي ابا الفضل



كلبي مهموم ونخيتك يابو فاضل
انه من همي اجيتك يابو فاضل
انته للحاير سند
من اصيحن يامدد
يابو فاضل يابو فاضل

💧💧💧💧💧💧💧💧


يبو فاضل من نخيتك وانته تعرف قصتي
انه اجيتك بيه حسره حلي انته طلبتي
راح احلفك بالسبيه وانته شافي علتي

يابو فاضل ياطبيب
انته لشيعي حبيب
يابو فاضل يابو فاضل

💧💧💧💧💧💧💧💧



انته ادره بحالتي يبو فاضل واعتنيت

كاصد اليوم بحضرتك دخيل بحركه بجيت

والله مولاي العمر مصيبه بمصيبه كضيت

انته ادره بحاجتي
اريد منك طلبتي

يبو فاضل. يبو فاضل

💧💧💧💧💧💧💧💧


انه جيتك همي زايد يابو فاضل ياشهم
انته يالكافل خواتك يابو الرايه والعلم
يالي بوجودك نخنك صاحن امبجي الزلم

اخته صاحت ونتخت
عباس وينه حشمت

يابو فاضل يابو فاضل

💧💧💧💧💧💧💧💧

انته كضاي الحوائج ونعم منك صحت
اذكر اسمك ياشهم بعيوني جن رأيه شفت
بيك ماتدري يزينب علنهر انته طحت

بعمد صابو راسك
وكطعو انفاسك


يبو فاضل. يبو فاضل


💧💧💧💧💧💧💧💧

وينه عباس اليجينه حته احجيله الجره
حيل مهضومه اعتنيته والي كصو منحره
مابيه امشي منالمصايب والضلوع امكسره

انخيتك انته يا شهم
انهضلي ياراع العلم
يابو فاضل يابو فاضل

💧💧💧💧💧💧💧💧

وحق زينب واليسر الزمن كضايني
اطلب الحاجه عتنيتك دمع تجري عيني
والله كثرانه اهمومي جيتنك اتنجيني


عمري خلص بلمحن
باليني دهري والزمن.

يبو فاضل. يبو فاضل

💧💧💧💧💧💧💧💧


تمت بقلم خادمات اهل البيت ع

الشاعره هيلين الساعدي
و
الشاعره ام كنان الهاشمي


https://telegram.me/Healea

قصيده للأحباب

{ وتصلح للفواتح}
فزاعي

*********************


صلف ياموت لاتتدنه النحبهم
هذوله اعزازنه واحنه النودهم


********************


هذوله عزازنه جاوين يردون
هم لينه بعد يحباب تلفوون
بشوفتكم يهلنه نكحل لعيون

( لا تنداله // ياموت ابعد)


******************

يموت ابعد عليهم ذوله اهلنه
يمنبع طيب يالكلهم محنه
مشت لبعيد كلها حملت عنه
( شينساها عشرتهم جنه)

*******************
.
شنسه من محنه أهل المروه
فلوهه ومشو ياجلمه الخوه
وين الكه سند وجان تجوه

( وين الكاه / الضايع مني)

********************

وين الكه الحنين الينشد اعليه
خلاني وحيده والهضم بيه
محتاره بزماني امربطه اديه

( وحزنانه //ضليت اوحيده )

**********************


هم ليكم بعد جيه يلاحباب
أضل مناطره كل يوم علباب
مايلفون لينه وجوه الغياب

( احبابي // شيردهم ليه)

*********************

وين احبابنه يمته يعودون
ودر يا بعدهم ذني العيون
حسافه من وكت ضلو يرحلون

( الرايح منه//شيعوده اعلينه)

**********************


تمت باقلام خادمات أهل البيت ع

الشاعره ام كنان الهاشمي
و
الشاعره هيلين الساعدي

https://telegram.me/Healea

فزاعيه للامام الكاظم ع



يا مولاي اجيت اعليك
يا دكتور الولايه

➖➖➖➖➖➖➖➖
اجيت اعليك مولانه
نريدك دوم ويانه
لتخيليني حيرانه
يادكتور الولايه

➖➖➖➖➖➖➖➖
ادخل حظرتك مولاي
بيدك علتي ودواي
اليكم معتني عناي
يا دكتور الولايه

➖➖➖➖➖➖➖➖
اجيتك سيدي حيران
من هذا الزمن تعبان
كلبي بالحزن مليان
يا دكتور الولايه

➖➖➖➖➖➖➖➖
يبن جعفر اجيت اليوم
محتاره وعليه هموم
جسمي من المرض مالوم
يادكتور الولايه

➖➖➖➖➖➖➖➖
انته التكضي الحاجات
بابك ينطي امرادات
الكاظم يا ابو الكلفات
يا دكتور الولايه

➖➖➖➖➖➖➖➖
اجيت اليوم يم بابه
بجيت اكعدت بعتابه
ياسيدي ويه مصايه
يا دكتور الولايه
➖➖➖➖➖➖➖➖

تمت بقلم خادمه اهل البيت ع

*الشاعره هيلين الساعدي*

https://telegram.me/Healea