*قصيده عالاهل طور فواتح*


صفت ديران اهلنه اليوم خلوانه
مشو عني الاهل وبكيت حزنانه

➖➖➖➖➖➖➖➖
صفت ديران اهلنه اليوم حزنانه
ما ندري اشجره وصار ويانه
دار العفه صارت هسه خلوانه
( جاوين مغرب واليها )
➖➖➖➖➖➖➖➖
خلت ديرانهم وتراب غطاها
يمته اتعود متكلي يملفاها
انوح اليوم بس انه وياها
( ياراعيها لدار ارجع )

➖➖➖➖➖➖➖➖
سدو دارهم ونقفلت البيبان
شوصبح نزلهم هالمسه خلوان
وضل خطارهم وابابهم حيران
( حزنانه عالشالو روحي )

➖➖➖➖➖➖➖➖
حزنان الدليل من ارحلو مني
ضيعت الاحبهم وبعدو عني
عافوني وحيده من زغر سني
( ادار اتون وبجي وياها )

➖➖➖➖➖➖➖➖
اون اعله اخوتي البعدو اعليه
اشتعلت نارهم ابصدري سعريه
اريد انحب عليهم حيل مابيه
( امضيعه الوالي وين الكاه)
➖➖➖➖➖➖➖➖
*تمت بقلم خادمه اهل البيت ع*
#هيلين_الساعدي
#هيلين_الساعدي

https://telegram.me/Healea

*قصيده عالوليان* مع هوسه


*وين العاشرونه وجانو ويانه*
*اضل لدوم الهم انه حزنانه*

➖➖➖➖➖➖➖
كلها سباع ويا هيبت دواوين
امغربين النشامه وين ماوين
يانسل الشجاعه وين ناوين
( يادنيه من اهلي شخليتي)
➖➖➖➖➖➖➖➖
يدنيه شبيج وياهم تميلين
ذوله ابطال او وبيهم تعيلين
خلوبالطفوف الهم نياشين
(ياكاع الطف امبجيها)
➖➖➖➖➖➖➖➖
خلو بالطفوف الهم علامات
هيهات اليضدهم الف هيهات
خسرنه اسباع والله او حرامات
(عياله يادنيه شمالج)
➖➖➖➖➖➖➖➖
وين العاشرونه وجانو احذانه
خذاهم الدهر وبحسره خلانه
خلونه بهضم والروح نحلانه
( مشتاكه عالراح روحي)
➖➖➖➖➖➖➖➖
عشنه ايام وياهم يمحلاها
حسافه وجوه حلوه فاركيناها
و شلون الكبر بترابه ضماها
( حزنانه ضليت اعليهم)
➖➖➖➖➖➖➖➖
تمت بقلم خادمه اهل البيت ع

#هيلين_الساعدي
#هيلين_الساعدي

https://telegram.me/Healea

قصيده الزهراء ع
بصوت🎤🎤 ملا علاء الدفاعي
بقلم✍✍ خادمه الحسين هيلين الساعدي
@alldafaee

قصيده لزهراء ع مربوعه فزاعيه حسب القاره


عليله ام الحسن ماصح دوه ليها
عليها اليوم والله العين لعميها

➖➖➖➖➖➖➖➖
عليله ام الحسن وشلون حالتها
يبجي وليدها وتصرخ ابنيتها
ضلمه الدار امي اليوم عافتها
(لشيل الهم شالت روحي )

*هيلين الساعدي*
➖➖➖➖➖➖➖➖
لتشيل الهم تشيل اليوم عن عيني
صحت بصوت يم حسين تانيني
تطول الفركه يمه وخاف تنسيني
(زغيره ويومج مانهوا)

*بنت الاشتر*
➖➖➖➖➖➖➖➖
اصغيره ام الحسن والموت لافيها
شجاك استعجلت يادهري اعليها
غاطيها التراب الحار غاطيها
( امشي بهيده يالشايلها )

*هيلين الساعدي*
➖➖➖➖➖➖➖➖

أمشي بهيده بأامي يلتشيعهه
مكسور الظلع وخاف يوجعهه
شلون أم حسن هليوم اودعهه
(يعمي عيوني وفراك أمي )

*بنت الاشتر*
➖➖➖➖➖➖➖➖
يعمي العين تره فراك الحنينات
مشيجن مو سهل وانتن عزيزات
نضل اخلافهن نجهر الونات
(وداعت ضلعج ما انساج )

*هيلين الساعدي*
➖➖➖➖➖➖➖➖

ما انساج يمه يابعدروحي
عليج اليوم يم حسين كل نوحي
والله بروحتج زيدتي أجروحي
(احا يالراحت مهظومه)

*بنت الاشتر*
➖➖➖➖➖➖➖➖
مضلومه مشت فاطمه الزهره
ماتت وبصدرها مكسره العبره
اه يمصيبتج وياضلعج وكسره
( المالومه احا يزهره )

*هيلين الساعدي*
➖➖➖➖➖➖➖➖

تمت باقلام خادمات اهل البيت ع

#هيلين_الساعدي
و
#بنت_الاشتر_المالكي

https://telegram.me/Healea

*فزاعيه للامام العباس ع*


ارض المعركه العباس
والله تراب سواها
➖➖➖➖➖➖

خله الكوم تردم كوم
يافارس بدر معلوم
الضده يضل مندوم
ارض الموت سماها

➖➖➖➖➖➖➖
داخل للحرب جن عيد
شجاع وبالحرب صنديد
وسيفه لازمه بالايد
وخته كام حياها

➖➖➖➖➖➖
خله روسهم طشار
يشبه والده الكرار
شاعله بحطب وبنار
المهره بكيفه مشاها

➖➖➖➖➖➖➖
منه انهزمت العدوان
خلاهم وصط ميدان
كطع روسها الفرسان
الطف كلها عاداها
➖➖➖➖➖➖
سوه واقعه صفين
قاتل ياشهم الفين
وانطه لخته الجفين
يكطع ياهو يدناها
➖➖➖➖➖➖➖
تمت بقلم خادمه اهل البيت ع
#هيلين_ الساعدي
#هيلين_الساعدي

https://telegram.me/Healea

قصيده للامام العباس عليه السلام


اريد اكصد اخيي النايم هناك
اشبعت ضيم زينب بعد عيناك

➖➖➖➖➖➖➖➖
ماتنهض يكافل خويه برجاك
حرم ضلت تنادي احنه بحماك
افزع يابطل خلينه وياك
مشينه احنه سبايه ويه اعداك

➖➖➖➖➖➖➖➖
مشينه بالهضم خويه يعباس
اريد انخاك ياهيبه ينوماس
يمسكت اليعيل وراهب الناس
شبعت ضيم زينب بعد عيناك
➖➖➖➖➖➖➖➖

يتاج الراس يمسكت اليعيلون
فده انطيك اديني وحته لعيون
جيدوم وشهم ابن اليرهبون
حاميها العقيله الاجت وياك
➖➖➖➖➖➖➖➖

اجت وياك تعرف بيك صولات
تدخل للحرب اتردد ايات
وكفاتك يخوها كلها حلوات
جبتها وياك زينب هيه بحماك

➖➖➖➖➖➖➖➖
تربات ام البنين وعلي الكرار
ترهب غيرتك وتكتل اشرار
ترك اهله ومشه وخلاها الديار
بهيده ويه العقيله بطي ممشاك
➖➖➖➖➖➖➖➖

هوسه
رجيته عباس المجلس
➖➖➖➖➖➖➖➖

بقلم خادمه اهل البيت ع
هيلين الساعدي

https://telegram.me/Healea

قصيده على طور مله باسم
ام البنين الحره
➖➖➖➖➖➖➖➖

امي المشت من عندي
وخلت الدمعه بخدي
وانه اصغيره وانه اصغيره
امي المشت هليله
وخلتني دوم انحيله
امصابج كتلني ومرضج فجعني

➖➖➖➖➖➖➖➖

عمري الكضيته انه وياج
من فدوه اروح الطرواج
عيوني وجعني لجلج عمني
انتي امي الحنينه
غيبتج صعبه اعلينه
ونج ذبحني دمعج فجعني


*هيلين الساعدي*

➖➖➖➖➖➖➖➖
تدريني يمه انه وياج
مابيه احمل فركاج
مرضج كتلني مرضج كتلني

ماارضه اعيش بدونج
وانحرم من عيونج
يحبيبه حني يحبيبه حني

*ام فراس الساعدي*
➖➖➖➖➖➖➖➖
شلون الدهر عذبني
ومنج يزهره حرمني
كسرج كسرني كسرج كسرني
انه العشت وياهه
ومااكدر بلياهه
ضلعج كتلني ضلعج كلتني

*ام علي المالكي*
➖➖➖➖➖➖➖➖
8شالت امي بهذا اليوم
وصفى الكلب كله هموم
غيابج فجعني وزيدلي وني
عذبني بعدج يمه
دنيانه صارت ظلمة
ليليه انعي ييمة ليليه انعي

*العلويــٍّﮧ الموسويــّــھ*
➖➖➖➖➖➖➖➖
آه يامي يابلواها
جور الكفر اذاها
ضلعچ هضمني ضلعچ هضمني
عصروچ یمه اگبالي
وسليت وانشل حالي
من زغر سني من زغر سني

*العلويه ام ضيغم المحنه*
➖➖➖➖➖➖➖➖
تمت بمشاركه خادمات اهل البيت ع

هيلين الساعدي
ام فراس الساعدي
ام علي المالكي
العلويه الموسويه
ام ضيغم المحنه
👇🏼👇🏼👇🏼👇🏼👇🏼👇🏼👇🏼
على طور مله باسم
https://youtu.be/p_UIO5khTx0

https://telegram.me/Healea

قصيده لسيده زينب ع
بصوت🎤🎤 ملا علاء الدفاعي
بقلم✍✍ خادمه الحسين هيلين الساعدي
@alldafaee