☘قصيده للسفير مسلم عليه السلام☘

المسلم حيل الطمي ولاتفترين
ونعازي الزجيه وأبو الحسنين

يطوعه هلهلي للسيف لو شاله
وحيد بنص عده وحاطته الخياله
الله يعين مسلم ويلي وشحاله
مارحموه ابد ذوله الملاعين.....
المسلم حيل الطمي ولا تفترين

الطمي على الغريب وعاوني الزهره
تفجع حالته من طاح عل غبره
حميده تصيح بويه كليبي شيصبره
وحيد بنص كفر وماله معين....
المسلم حيل الطمي ولا تفترين

شيصبره كلبها ضلت وحيده
عمرها بلا ابو ياناس متريده
ماعدها اهل وديارها بعيده
تون وتنوح تنطي الوجع لاوين.....
المسلم حيل الطمي ولا تفترين

من فوك القصر شمروه على الكاع
بس غدروه غدره هذا ابن السباع
وبكل المدن هذا الخبر شاع
وجسمه من الضرب كله نياشين....
المسلم حيل الطمي ولا تفترين

ويلي عل غريب المات عطشان
ولا يمه عمام ولاله خوان
جروه بسلاسل على التربان
ياوسفه عليه ابن الميامين.......
المسلم حيل الطمي ولا تفترين

ننصب ماتمه وي ماتم العتره
نعزي حيدره وفاطمه الزهره
ويصير العزاء بأول العشره
ندك ونوح هذا ابن السلاطين...
المسلم حيل الطمي ولا تفترين

بقلم✍ الشاعره خادمة اهل البيت عليهم السلام
📖 ام فراس الساعدي
#ام#فراس#الساعدي


https://telegram.me/Healea

قصيده للسيدتي ومولاتي فاطمة الزهراء عليها السلام
/////////////////
دمع مسفوح وكلب مجروح
ونتنه على الزهره

يزهره صوابج بكلبي
اون ومانشف دمعي
ياريت انكسر ظلعي
ومنج كل الم يبره........

يريت الي اعصرج بالباب
بكلبه وبسهم ينصاب
يحيف شكال داحي الباب
بصدره مكسره العبره......

من شبو ابابه النار
بوصيه مقيد الكرار
وصاه النبي المختار
عفيه ومانفذ صبره......

من شال النعش بالليل
يبجي والدموع اتسيل
كعد يم النبي ياويل
يسولف يمه ويخبره.....

يكلله وديعتك هايه
اجت اليوم شكايه
وياك الها حجي هوايه
كلبها اتريدك اتجبره.....

مارادت عمرها يديم
شافت كل قهر كل ظيم
من بعدك يبو ابراهيم
شظل بالدنيه الغبره.......

كاعد يقرا بالقران
عله كبر الزهره وحزنان
ولنه من الحزن غفيان
اجته الزهره منقهره......

تكلله ارجع يبو الحسنين
زينب بجت دمع العين
تصييح وين اروحن وين
عكب عيناج يا زهره......

وحسين و حسن يبجون
لا وين الوجه ينطون
ابونه وامنه ايكولون
وحشه دارنا وظلمه ......

دمع مسفوح وكلب مجروح
ونتنه على الزهره
////////////////////
✍ ام فراس الساعدي
خادمة مضيف الزهراء عليها السلام

https://telegram.me/Healea

قصيده للسيده زينب عليها السلام
/////////////////
زينب انه ميسره زينب انه ميسره
وذبحو والياني
والعليل وياي زين العابدين
..........................
من رحت للشام انه علهزل ركبوني
فوك همي والعطش بسو ويضربوني
والايتام وياي كلها والحرم وضعوني
جايه انه لكربلا جيت ازوراخواني
بلكت من ابجي تفز خويه يحسين

ياحسين ارداشتكيلك عن يزيدوزمرته
مثلماضربوهاامي خويه توجع ضربته
من رقيه تلوع يمي والله حيلي هدته
كمت احشم بخوتي.من هضم عدواني
ماتت بوسط الخرابه ياحسين

ارداعاتب ابوفاضل وارداكله عل جره
ليش خويه تعذرتني منمشيت ميسره
ماكلت ياهو لزينب باليتاما محيره
احلفك بامك الزهره ..كوم وتلكاني
شوف متني من الضرب صاير طعين

يمه يازهره تعالي وشوفي حالي وغربتي
وين اودي هل حراير والله كلت حيلتي
والعليل يريد اعذره يكلي طوك بركبتي
شوفي عملات الدهر ..يمه شراواني
ريت يمه من اندهج هسه تجين

ارد اخبر حيدره شسوت وياي الطفوف
حسين حزو منحره وداروا اعليه بالالوف
وابوفاضل ضل صريع بويه مكطوع الجفوف
مني راحت عيلتي..واحترك صيواني
شلون ترضا بهاي يابويه الحنين

بلله شرد احجي وشكول لو رحت لديارنا
يسالوني عن هلي اوينهم وليانه
لواجت ام البنين تسال اعله اخوانه
يمه شحجي وشعتذر.كولي شمكواني
ارجعت يمه من اخوتي صفر اليدين
/////////////////////////
✍ ام فراس الساعدي
خادمة مضيف الزهراء عليها السلام


https://telegram.me/Healea

السلام عليكم صدر ديوان الشاعره. سعاد حسين الساعدي. ام رحاب. بالاسواق والمكاتب بكافه المحافضات.
ديوان عاشوري.

☘قصيده للهلال☘

يشهر الشوم ها ياشهر الحزان
بيك افكد ابوي وكل الخوان

🌹🌹🌹🌹🌹🌹🌹🌹
افكد بيك اخوتي وكل الاحباب
واداوي بالجرح وصوابي ماطاب
وعليكم يخوتي اكليبي انصاب
اضل بلا ولي وكلبي حزنان.......
يشهر الشوم ها ياشهر الحزان

🌹🌹🌹🌹🌹🌹🌹🌹
حزنان الدليل ابفكد الخوان
اضل طول الزمان وكلبي حيران
منكم يخوتي هالنزل خلوان
بروحي اعله الاهل شبت النيران.....
يشهر الشوم ها ياشهر الحزان

🌹🌹🌹🌹🌹🌹🌹🌹
شبت نار روحي بيوم رحتوا
شلكم بالرمل وبهيمه سكنتوا
اصيح بصوت جنكم ماسمعتوا
ابجي اعله المشو ابدمع غدران....
يشهر الشوم ها ياشهر الحزان

🌹🌹🌹🌹🌹🌹🌹🌹

الف ياحيف غدرتني المنيه
وشال البي وفه ولبيه حميه
وكولوا شلون عفتوها البنيه
سدوها ومشو وضلمت الديران....
يشهر الشوم ها ياشهر الحزان

🌹🌹🌹🌹🌹🌹🌹🌹

تعبان الجسد والروح خلصانه
تبجي تكول ابوي احسين عافانه
رايح بالضعن وعيوني عميانه
عافوني عليله وكلبي حيران....
يشهر الشوم ها ياشهر الحزان
🌹🌹🌹🌹🌹🌹🌹🌹
بقلم. خادمه اهل البيت
*هيلين الساعدي*
https://telegram.me/Healea

☘قصيده لليوم العاشر☘

اليله العاشره روحي شبكه بيها
عافاها ومشه هاليوم واليها
🌹🌹🌹🌹🌹🌹🌹🌹🌹

راحو كل هلي وخابت اضنوني
اليوم امن الطم لعميها اعيوني
يا هالناس يالوادم دعينوني
شوكلهم ضحايه الرمل غاطيها...
اليله العاشره روحي شبكه بيها
🌹🌹🌹🌹🌹🌹🌹🌹
ضحايه اهل الحميه حملو كلهم
روحي اتروح من ايمرني طاريهم
انه اعتب عليهم ورد احاجيهم
عيني من البواجي اعليهم اعميها....
اليله العاشره روحي شبكه بيها
🌹🌹🌹🌹🌹🌹🌹🌹
واحد عالنهر والثاني عالغبره
وانه كليبي يون كلولي شيصبره
ابجي اعله اخوتي وروحي متحسره
زينب من بجت ياهو اليواسيها...
اليله العاشره روحي شبكه بيها
🌹🌹🌹🌹🌹🌹🌹🌹
زينب من هضمها عيونها امورمه
من شافت اخوها سابح بدمه
صاحت صوت ها يازهره يايمه
ذبحو مهجتج زينب ميسريها....
اليله العاشره روحي شبكه بيها
🌹🌹🌹🌹🌹🌹🌹🌹
عباس الشفيه ماسمع صوتي
شلج بالعمر ياروحي وج موتي
يهضمني الشمر ويكلي شو فوتي
كعدونه بخرابه. وسكف مابيها....
اليله العاشره روحي شبكه بيها

🌹🌹🌹🌹🌹🌹🌹🌹
بقلم *خادمه اهل البيت*
*هيلين الساعدي*


https://telegram.me/Healea

:
*فزاعيه للعباس ع*



هذا الجود. والجفين
جاوينه ابو الغيره
💦💦💦💦💦💦

طايح عالنهر ياحيف
وبصفه الدرع والسيف
يافارس بطل ومخيف
*ابكلبي حسره اجبيره*

💦💦💦💦💦💦💦
جبيره حسرتي ياناس
من طاح البطل عباس
اجفوفه مشمره والطاس
*زينب ضلت ابحيره*

💦💦💦💦💦💦
ضلت حيل محتاره
ابكلبي نار وجاره
يادنيه والله غداره
*وجهنه المن انديره*

💦💦💦💦💦💦
اندير الوجه ياصوب
من شفت البطل مصيوب
اخوي وللعده مطلوب
*صارت حيرتي حيره*

💦💦💦💦💦💦
حيره اتحيرت زينب
كلبها من القهر شيب
تبجي ضلت وتنحب
*زينب انه ايسيره*
💦💦💦💦💦💦💦
بقلم خادمه اهل البيت
*هيلين الساعدي*


https://telegram.me/Healea

☘قصيده للسيده زينب عليها السلام☘

صيحي بصوت عالي اه يازينب
تراهي الشافته يخلي الكلب يلهب

شلون الها كلب من شافته مطروح
وجسمه اعله الثرى مليان كله جروح
وراسه اعله الرمح من الكفا مذبوح
صعدت على الناكه والدموع تصب....
صيحي بصوت عالي اه يازينب

ماخلو عليه هدوم من ذبحوه
والخاتم البيده وخنصره كطعوه
والخيل اعله صدره سحكت وداسوه
تشوفه اعلى الثره مطروح ومسلب...
صيحي بصوت عالي اه يازينب

صاحت ياعزيز امك يبو اليمه
يل جانت تبوسه بنحره وتشمه
هسه الكوم كلها اعليك ملتمه
مو هينه حسين بدمه مخضب...
صيحي بصوت عالي اه يازينب

اعذرني يخويه من رحت عنك
اخذوني غصب وبعيني اصدلك
اريد وياك خويه بصوت اصيحلك
شلون الضعن يمشي عنك وغرب....
صيحي بصوت عالي اه يازينب

محزونة مشت للشام مسبيه
تصيح حسين خويه وعينها ربيه
تكول اشلون عفت احسين انه شبيه
كامت تبجي لفراك الولي وتنحب.....
صيحي بصوت عالي اه يازينب

طبيت ليزيد بعينه ينظرلي
مكشوفه الوجه والدمع ظل يهلي
يشتم والدي وباسمي يندهلي
وبديوان اميه وكفت انه اخطب.....
صيحي بصوت عالي اه يازينب

✍بقلم الشاعره خادمة اهل البيت
عليهم الصلاة السلام
📖ام فراس الساعدي

https://telegram.me/Healea

☘قصيده للزهراء عليها السلام☘

هاي معنونه من غير عنوان
فكلنه الكبر خايب يدفان

فكلنه الكبر نتوادع وياها
هاي معدله التعجب حجاياها
عزيزتنه دكلي شلون ننساها
من فراكها هل كلب خلصان....
هاي معنونه من غير عنوان

هاي الوالده يل كلها حنيه
هل عافت ولدها ويه البنيه
روحي وداعت الله راشده النيه
لاتنسينا ندري الاجل حان......
هاي معنونه من غير عنوان

هاي ام الحسن يافاطمه الزهره
عمت عيني عليها عينها حمره
راحت للكبر بس بالكلب حسره
ظلت بعد ابوها الكلب حيران.....
هاي معنونه من غير عنوان

سكطوها الجنين وكسروا ظلوع
عمت عيني عليها ظلت تلوع
ظل ياحيف ابو الحسنين موجوع
غدروهم غدر ذوله العدوان.....
هاي معنونه من غير عنوان

شرداحجي وشكولن ياعمت عيني
اظل اخدم اسمها عمري وسنيني
مقصره شما اقدم مالي وبنيني
تسجلها خدمتي الزهره عنوان....
هاي معنونه من غير عنوان

✍بقلم الشاعرات خادمات اهل البيت عليهم الصلاة والسلام
📖ام فراس الساعدي وهيلين الساعدي




https://telegram.me/Healea

ام فراس شاعرة اهل البيت عليهم السلام:
☘قصيده للحسين عليه السلام ☘

عمري يخلص بالمناحه لتالي عمري
خويه وفراكك صعب بس الله يدري

اه ياليل السهرته خويه بجفاك
انه ما انسه الايام الجانت وياك
اختك ويصعب عليها حيل فركاك
مايروح اسمك يظل دوم اعله فكري....
عمري يخلص بالمناحه لتالي عمري

انه ابطرواك خويه من يجي الليل
عيني علباب واناطر دمعتي تسيل
من غيابك والله خويه اتهدم الحيل
حارباني اعليك خويه ليش دهري.....
عمري يخلص بالمناحه لتالي عمري

احن للكعدات وسوالف قديمه
راحن وراحت فرحتي ياحريمه
شال اخيي وراح خلاني بهضيمه
والله خويه من اذكرك يضيق صدري...
عمري يخلص بالمناحه لتالي عمري

خويه والله الدار وحشه ولوعتني
ومن اشم بهدومك الحركه عمتني
خالي ظل افراشك الفركه المتني
جرح اخدودي الدمع من دمه يجري...
عمري يخلص بالمناحه لتالي عمري

وسفه من ضيعتك وانت الشفيه
لودريت اشصار بختك من رزيه
بس مرار وحلي راح ومهضميه
ريت خويه افديك بسنيني وخدري....
عمري يخلص بالمناحه لتالي عمري


✍بقلم شاعرة اهل البيت عليهم السلام
📖 ام فراس الساعدي


https://telegram.me/Healea

:
قصيده الشفاء

انه لولا الزهرة ميتة من زمان
ومالي بهل دنيا بيت ولا مكان

انه لو لا الزهرة ماعندي مضيف
ولا مجالس لا قراية ولا وليف
ولا الي مكتبة ولا منبر شريف
انه اسم الزهرة صايرلي عنوان ....
انه لولا الزهرة ميتة من زمان

انه شفت الموت من ذاك المرض
وصرت اتوجه باسمهه بكل فرض
بالسما عيوني وجسمي بالارض
ومدت ايديهه على صدري بكل حنان....
انه لولا الزهرة ميتة من زمان

مرة جانت وصفتي وماتنجرع
وجنت اغص بالماي كوة ينبلع
وكلبي من ادعي احس بي ينشلع
وفرحتني بحلم وانطتني البيان .....
انه لولا الزهرة ميتة من زمان

صبرت ما فكرت يوم بجزع
وبامر ربي اكيد اني اقتنع
يمكن بهاي المضرة اني انتفع
وهاي حكمة ربي كل يوم بشان ....
انه لولا الزهرة ميتة من زمان

صرت ادك بيبان اهلي واصدقاء
يلا ارجوكم احضروا وبعناء
فاطمة تحضر ترة بهذا العزاء
والي تحضر مجلس تنول الامان ....
انه لولا الزهرة ميتة من زمان

سألتهه شقدمت من خدمتي
راضية بهذا الي اقدمة وونتي
دموعي يجرن من نمت بوسادتي
ولن شفتهه بطيفي احلى من الجنان ....
انه لولا الزهرة ميتة من زمان

رفعت الايد اليمين اعله السما
الله وانه راضية و متبسمة
معنى هل خدمة قبلتهه فاطمة
سجدت اشكر ربي من كلبي ولسان ....
انه لولا الزهرة ميتة من زمان

كعدت فرحانة ولن بالي سرح
الي يخدمهم ترة يفوز وفلح
وبامتحان الدنيا مايرسب نجح
وبرضى الله يرضي كل انس وجان
انه لولا الزهرة ميتة من زمان

✍بقلم شاعرة اهل البيت عليهم الصلاة والسلام
📖ام فراس الساعدي
مضيف الزهراء ع:
https://telegram.me/Healea

:
☘لطميه للاكبر عليه السلام ☘

يبني يلكبر لفراكه مكدر
ايلبتول

يمه يبعد الروح يانور العيون
كلبي لمصابك ناح ليهسه مفتون
وسفه العدو يغدروك الما يرحمون
كلبي تمرمر ولاكسري يجبر
دمعي سيول ايلبتول....

ابحر الشمس ظليت نايم يمدلول
صدرك يظل عل كاع وتدوسه الخيول
بينك وبيني الموت يالاكبر يحول
فكري تحير وجبدي تفطر
انه شكول ايلبتول...

منين اجتني هاي بله المصيبه
نار الكلب تسعر صارت لهيبه
سافر سفر لبعيدياهو اليجيبه
بويه يحيدر من صبرك اصبر
خافن يطول ايلبتول....

راح الولد ماظن يرجع اليه
يمه علي هيهات احضنك بديه
فوك الهزل ياناس انصب عزيه
مصابك يلكبر يفجع ويقهر
تنادي وتكول ايلبتول ....

ليش الدهر ياخذ سلوة زماني
يمه القهر والنوح غير الواني
ابقى انتظر واشتاك واصبر واتاني
دهرك يلكبر بيه انه يغدر
عكب الرسول ايلبتول...

رسومك ييمه الموت مني خذاها
هاجت ييمه الروح مدري شجاها
ربي يعين الام التفكد ضناها
هذا المكدر علينه الله يامر
يحكم وانول ايلبتول

✍شاعرة اهل البيت عليهم الصلاة والسلام
📖 ام فراس الساعدي
مضيف الزهراء ع:

https://telegram.me/Healea

لطميه مع هوسه. للعريس
➖➖➖➖


نلطم لو نهلهل للعراريس
مشو من لذه الدنيا مفاليس

➖➖➖➖➖➖➖➖

راح الزين منه اليرفع الراس
مشه عنه النوده بعيد ياناس
ماخذ هيبته من الحيد عباس
(( ياصعب افراكك ياهيبه ))

➖➖➖➖➖➖➖➖
فراكهم صعب ويهدم الروح
مالوم الكلب ومترس اجروح
اشد صبري ييمه ابشجره الوح
( مالومه عالراحو روحي )

➖➖➖➖➖➖➖
مالومه وتون الروح نحلانه
وين الي نحبهم وكعدو ويانه
ياوسفه الوكت نشتاك خلانه
(( مشتاكه لوجوه الحلوه))
➖➖➖➖➖➖➖➖
مشتاكه عليه العين تبجي دموم
انه امك ييمه والكلب مهدوم
عرسك ماكمل يابطل ياجيدوم
(( ومحنينه ابدمه الشاب ))
➖➖➖➖➖➖➖➖

امحنه بالدمه يبني ياجسام
ليش اعله الرمل يايمه اتنام
عمك وحده وحاطته الضلام
((عمك محتاجك يالهيبه ))
➖➖➖➖➖➖➖➖

بقلم *خادمة اهل البيت*
*هيلين الساعدي*

https://telegram.me/Healea

☘ قصيده للامام الحسين ع ☘
فزاعيه سريعه
بهداي ويه ابو علي يهل الخيل

لاتلجمون صوابه يهل الخيل
كلبي عليه عطابه يهل الخيل
حيدر صحت يايابه يهل الخيل
ويلي عليه ومصابه يهل الخيل
نار العطش لهابه يهل الخيل
والله فجعتو احبابه =
بهداي ويه ابو علي يهل الخيل
لاتلجمون عيونه =
لاتنفجع سكونه =
بهداي ويه ابو علي يهل الخيل
كطعو الخنصر بيده =
رقيه بجت وتريده =
بهداي ويه ابو علي يهل الخيل
زينب اجت محتامه =
لاتضربون الهامه =
بهداي ويه ابو علي يهل الخيل
لاتصوبون كليبه =
هذا الاخو والهيبه =
بهداي ويه ابو علي يهل الخيل
خلو الحسين بحاله
لاتروعون اطفاله
بهداي ويه ابو علي يهل الخيل
وصه اخيته بعيله
ظلت بحيره الليله
بهداي ويه ابو علي يهل الخيل
زينب بجت وتنادي
خويه ياريع افادي
بهداي ويه ابو علي يهل الخيل
هاي المصيبه جبيره
لاتخليني بحيره
بهداي ويه ابو علي يهل الخيل
من الكفا يذبحونه
والمنحر يكطعونه
بهداي ويه ابو علي يهل الخيل
مشلوع كلب الزهره
لمن اجت واتنظره
صبت ادموع ابعبره
ياعلي صاحت حضره
بهداي ويه ابو علي يهل الخيل
عليه دارن بنياته
يتذكرن احجاياته
بهداي ويه ابو علي يهل الخيل
وحده تبوسه بنحره
وحده تشمه بصدره
بهداي ويه ابو علي يهل الخيل
شافنه غابت روحه
ويشدشدن بجروح
كبر عويل ونوحه
ودمايته مسفوحه يهل الخيل
بهداي ويه ابو علي يهل الخيل

✍بقلم شاعرة اهل البيت عليهم السلام
📖 ام فراس الساعدي
مضيف الزهراء ع:
https://telegram.me/Healea

مضيف الزهراء ع:
☘ لطميه لفاطمه العليله ☘
فزاعيه سريعه
فاطمه هاي العليله فاطمه هاي العليله

يحبايب ساعدنها .. ابد مابطلت ونها
يله كومن ودعنها
ثوبهامن المرض ماتكدر تشيله
فاطمه هاي العليله فاطمه هاي العليله

حسين خلاها غريبه ..لا اخيه ولا حبيبه
والله فركاهم صعيبه
بغيرهم بالديره شوظلت ذليله
فاطمه هاي العليله فاطمه هاي العليله

المرض اذاها وكتلها.. غير اهلها ياهو الها
يعينج الله من يكلها
والمرض ياناس خلاها نحيله
فاطمه هاي العليله فاطمه هاي العليله

حايره وتصفك بديها.. وتنتظر عمها يجيها
يم اهلها يوديها
لو اجه العباس كل همها يزيله
فاطمه هاي العليله فاطمه هاي العليله

حنت وصاحت ييمه اطيني عبد الله اشمه
اشبكه وبصدري اظمه
دموم من الفركه دمعتها تسيله
فاطمه هاي العليله فاطمه هاي العليله

راح ابوي ومااجاني من المرض زادت احزاني
شلون واعدني زماني
كتبت ماكو طارش الهم يوديله
فاطمه هاي العليله فاطمه هاي العليله

صدت وصاحت يوالي ليش بويه النزل خالي
بعدك شصاير بحالي
والله همي زاد والفركه ثكيله
فاطمه هاي العليله فاطمه هاي العليله

ضيعتني شلون ضيعه من رحت والله فجيعه
بالله اسالكم يشيعه
ماسمعنه الخل هم يترك خليله
فاطمه هاي العليله فاطمه هاي العليله

لو اجت بويه المنيه من يسبلي اديه
لاحبيبه ولا اخيه
والنعش يابويه الغربه تشيله
فاطمه هاي العليله فاطمه هاي العليله

جنت اتمنى تجيني وتفرح بملكاك عيني
بالكبر من تواريني
وتكعد انت حذاي تقرالي العديله
فاطمه هاي العليله فاطمه هاي العليله

✍بقلم شاعرة اهل البيت عليهم السلام
📖 ام فراس الساعدي
مضيف الزهراء ع:
https://telegram.me/Healea