✍🏻 كلمات الشاعرة ولائـية وافتـخر

اداء🎙🎙 كليم الحسين-ملا بسام الشمري

افلح من صل علي محمد وال محمد

#هوسـات_لـولادة_الامـام_الرضـا

الموالـي اتنـورت بالفـرح داره
ميـلاد الرضا خـل نشعل انواره
لابـو محمد نـروح وكلنـا زواره
🍃(نحييها فرحتنة الليلة)🍃
✹✹✹🌷🌷🌷✹✹✹
نقـدم تهانينـا للساكـن بطـوس
الامـام الثامن وتـاج عالـروس
حبـك بالگلب ثـابت ومغـروس
🍃(بمولوده فرحانة الدنيا)🍃
✹✹✹🌷🌷🌷✹✹✹
#ابـوذيـه
تبـارك هالخلگ بمولـد..رضانا
الكـون اتنـور بمولـد..رضانا
يـا ثـامن امـام انـت..رضانا
🍃فرحت الاكوان ونهني الزجية🍃
✹✹✹🌷🌷🌷✹✹✹
مدينا ايدينا الك يامولاي هالليلة كلنه
تگضيها الحوايج يالرضا اتفرجلنه همنه
شبعنة هموم من هالزمن والجورشفنه
🍃(تنطينـه المراد الليلـة)🍃
✹✹✹🌷🌷🌷✹✹✹
يـاضامن الجنـان اشملنـة بالطافـك
خسـران اليضـدك خسر مـن عافـك
عثرتـه النكـر عطفـك ظـل يخافـك
🍃(مريودة منك طلبتنـة)🍃
✹✹✹🌷🌷🌷✹✹✹
هالليلـة الگلـب رفـرف بميـلاده
جبت كل الفرح وصرنـة بسعـاده
نـردد أسمك وننطقـه بالشهـاده
🍃(اويـه سمانة فرحان الكون)🍃
✹✹✹🌷🌷🌷✹✹✹
#ابـوذيـه
امـن العراق لطـوس نبعـث..تهاني
فرحانـه كـل النـاس بميـلاده..تهاني
مهدينة فـرح ويشوف كل الـ..تهاني
🍃عجل يالولي وشع ع البرية🍃
✹✹✹🌷🌷🌷✹✹✹
بـالمحشر نصيـح اسمـك يمـولاي
لـو طحنـة بعسـر تحظـر يوفـاي
تفـزع للموالـي اتصيـر حمـاي
🍃(اتنجينـه مولاي احظرنـة)🍃
▁▁▁▁▁▁▁🍃🌸🍃▁▁▁▁▁▁▁
{تـمت بعـون اللـہ}
2/8/2017
✍🏻 #ولائــية_وافتــخر
🚫غير مبرئ الذمة امام اللـہ والزهراء من يحذف اسم الشاعرة🚫
🔴قناة الشاعرة ولائـية وافتـخر🔴

نشر 💥قصائد 💥نعي 💥هوسات

للاشتراك اضغط ع الرابط👇👇
https://telegram.me/DoaaAIamry11

نزله للعباس
➖➖➖

مشيت اميسره خويه. يعباس

➖➖➖➖➖➖➖
كلي شلون ترضاها.. يعباس
حرمكم محد وياها. . يعباس
طول الدرب ممشاها. يعباس
عليك ادير عيناها.. يعباس
ماتفزع يخوها الكلك احساس

➖➖➖➖➖➖➖
ماتفزع يابو الغيره ..يعباس
زينب ضلت بحيره ..يعباس
ومن ديره لعد ديره ..يعباس
عليكم حسرتي جبيره...يعباس
وينك ياشهم ياراعي الطاس

➖➖➖➖➖➖
ترضه الكوم يولوني . يعباس
بعد ماشوف بعيوني. يعباس
ومن بعدك يضربوني. يعباس
وينك حامي ضعوني. يعباس
وختك ضلت وحيده يجرناس

➖➖➖➖➖➖
خويه وغيرتك حلوه .يعباس
شهم يالكلك مروه .يعباس
انته للكلب سلوه ... يعباس
خذونه الكوم بالكوه.. يعباس
شجاع وبالحرب خويه متنقاس
➖➖➖➖➖➖➖➖
زينب ودمع همال .. يعباس
يخويه والدرب جتال. يعباس
شعتب عالزمان المال .يعباس
تمنيت العمر لاطال .يعباس
انته اضل علم للخوه والساس
➖➖➖➖➖➖➖
📝 *بقلم خادمه اهل البيت*
*هيلين الساعدي*

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للعباس*
➖➖➖➖➖

اعدلي لطمة العباس
يستاهل تلطميله

➖➖➖➖➖➖
يستاهل تره العباس
ابو الغيره وابو النوماس
وبجاله اشيل الراس
وهوه معدل الميله
➖➖➖➖➖➖

فدوه روح لنفاسه
تصعد غيرته الراسه
هوه الكون وحساسه
كلها اصيح ادخيله

➖➖➖➖➖➖
ادخيلك يابو فاضل
انته التعدل المايل
كفو منه الحمل شايل
ابد مينام عالعيله

➖➖➖➖➖➖
ابد مينام المجنه
جن حيدر علي جنه
غيور وكلك محنه
واليكرب الف ويله
➖➖➖➖➖➖
تشيل الراس وكفاته
عباس وحلوه جلماته
هوه الكافل اخواته
مايرضه زينب ذليله
➖➖➖➖➖➖

📝 *بقلم خادمة اهل البيت*
*هيلين الساعدي*

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للوليان *.


بيش انزامط العدوان
وهل الزود مويمنه

➖➖➖➖➖➖
مو يمنه ونعاتبهم
ونخلص الوكت يمهم
توجع حيل فركتهم
*شالو وبعدو عنه*
➖➖➖➖➖➖
شالو شمعت سنيني
عليهم من يواسيني
ماتو من يعزيني
*والله ورحلو منه*

➖➖➖➖➖➖
منه شالو الوليان
خلوه الكلب خلصان
عليهم هالدمع غدران
*مشو يالكلهم امحنه*
➖➖➖➖➖➖
مشو عنه اوتركونه
بالديران خلونه
نبجي ومايسمعونه
*ذكرهم ريحت الجنه*
➖➖➖➖➖➖
عليهم دمعتي تلالي
وانه انكسر دلالي
عليهم منشده بالي
*احا يافي اليلمنه*
➖➖➖➖➖➖

📝 *بقلم خادمة اهل البيت*
*هيلين الساعدي*

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للعباس*


*شدي لطمه العباس*
*زينب حاظره بيها*
➖➖➖➖➖➖
دعينيها ودواسيها
عله العباس عازيها
والدمعه دهيليها
*زينب حاظره بيها*
➖➖➖➖➖➖

شدي الطمه شديها
اجفوفه البطل فاديها
لخته الضحه اعليها
*زينب حاظره بيها*
➖➖➖➖➖➖
احنه اليوم متعنين
وياها ونهل العين
عله اخوتها المعزبين
*زينب حاظره بيها*
➖➖➖➖➖➖
اجينه اليوم للمجلس
نلطم حيل ونهوس
ونذكر يوم المعرس
*زينب حاظره بيها*

➖➖➖➖➖➖
وتريد اليواسيها
عله خوتها اواليها
يله الدمعه حظريها
*زينب حاظره بيها*

➖➖➖➖➖➖

📝 *بقلم خادمه اهل البيت*
*هيلين الساعدي*
خادمة اهل البيت هيلين الساعدي
كتابه القصائد الحسينيه.
https://telegram.me/Healea

◼️لطمية ثگيلة لزيارة الاربعين◼️

#لحن قصيدة (تفتح الباب اذا دگ جفي بضلوعي) &الرادود ستار العرج&

◐جيت ع الباب الك أرد اطلب مرادي◐
◐انظر لحاجتي بجاه النبي الهادي◐
●هاية عشاگك اجت تبجي المصاب●
●شيعة وابابك اجت تاخذ جواب●
〰➰〰➰〰➰〰➰〰
1/
ياسيدي حسين البجت لك هاي العيون
وبحسرة تصرخ سيدي وتلطم هالمتون
هاي الخلگ نصبت عزاك بگلب محزون
ياوسفة غدروك العدا وكسروها السنون
◐لجله خنّوح نون ونواسي لمصابه◐
◐ نفتخر حيل اذا سمونة احبابه◐
●حسين هذا الهيبة مرمي اعلة التراب●
●شيعة وابابك اجت تاخذ جواب●
🏴❃❃❃🏴❃❃❃🏴
2/
مشاية جيتك معتني يالتنطي المراد
يدعي اليحبك كل سنة هالمشيه تنعاد
نصبوا مواكب هالخدم للماي والزاد
نـادوا بأسمك سيدي للرايح و راد
◐بيها كل حين يحيي المهدي زوارك◐
◐اجرك وياي اكتبه يالعفت دارك◐
●بالحسين ادعولي يخلص هالغياب●
●شيعة وابابك اجت تاخذ جواب●
🏴❃❃❃🏴❃❃❃🏴
3/
والزهره حظرت كربله وتنظر هالجموع
محنية تمشي وتلتفت مكسورة اضلوع
سجلت كل خادم الك واتهل الدموع
وتگله يالخادم الك كل صوت مسموع
◐تبجي وتنادي يالمحب انـة امكم الزهره◐
◐اوفي كل صوت ينوح لأبني بالعبره◐
●يالأجيت بحسرتك تحيي المصاب●
●شيعة وابابك اجت تاخذ جواب●
🏴❃❃❃🏴❃❃❃🏴
4/
مگطوعة جفين الگمر وايحيي زوار
ويصيح انـه الكافل خدر زينب المغوار
غدروني ياشيعة العدا والزمن دوار
ابجّيتك يبن الحسن ينتهي المشوار
◐اظهر ابساع يمهدي او رفرف الراية◐
◐شيعتك عون الك وتهينك بهايه◐
●الزهرة ترفع ﭼـفي ابيوم الحساب●
●شيعة وابابك اجت تاخذ جواب●
🏴❃❃❃🏴❃❃❃🏴
5/
بالاربعين انـة اندبك واصرخ يمظلوم
ضربتّك اسهام العدا ويلي يجيدوم
حرموك من ماي الشرب ضليت محروم
زينب تندبك يالولي والگلب ملجوم
◐فدوه يحسين نّرخص لاجلك ادمانه◐
◐يشهد الكون وارضنه وتشهد اسمانه◐
●هالزيارة بدمنه انكتبت كتاب●
●شيعة وابابك اجت تاخذ جواب●
➞➞❍❍➞➞❍❍➞➞
{تــمت بعــون اللـہ}
25/7/2017
✍🏻 #ولائــية_وافتــخر
🚫غير مبرئ الذمة امام اللـہ والزهراء من يحذف اسم الشاعرة🚫

*فزاعيه لام البنين ع*


انه ام البطل عباس
احضر لليندبوني
➖➖➖➖➖➖

ام عباس انه الوفاي
وعداهن يجيب الماي
وكال اضحي ابعيناي
*ولو كطعتو امتوني*
➖➖➖➖➖➖

مني اخذي الجلمه
خواتي بركبتي ذمه
عباس انهدر دمه
*كال اضحي بعيوني*

➖➖➖➖➖➖
يسموني البدويه
ماخاب الزمط بيه
والله الحاجه مكظيه
*بس طلبو ونادوني*

➖➖➖➖➖➖
بدويه وتعرفوني
عله ولادي دعازوني
بعد ماشوف بعيوني
*من شالو وعافوني*
➖➖➖➖➖➖

ورحي حيل خلصانه
من التعب نحلانه
شمعجلكم يوليانه
*من شلتو وتركتوني*
➖➖➖➖➖➖

📝 *بقلم خادمة اهل البيت*
*هيلين الساعدي*
خادمة اهل البيت هيلين الساعدي
كتابه القصائد الحسينيه.
https://telegram.me/Healea