*فزاعيه للعباس ع*


من يغضب تره العباس
عنده الغيره بدويه
➖➖➖➖➖➖

يشهدله الدرع وطاس
وبيه غيره ورفعه راس
يامحله الاسم عباس
يطبكهم طبك ميه
➖➖➖➖➖➖

ماهاب الكفر كلها
ابجفه كلها يكتلها
بخزره عينه يكلبها
سبع ومبجي المنيه
➖➖➖➖➖➖

سبع ماهاب عدوانه
الهوسه تلوك ميدانه
كلنه اليوم عوانه
ونكابل المسبيه

➖➖➖➖➖➖
كافلها حرم وطفال
مايدري الهزل من مال
اخته راحت ويه ارجال
خويه عالو اعليه

➖➖➖➖➖➖
ماتلحك يخويه الحيد
انته الكافل الصنديد
خذونه للمكان بعيد
الحكلي مشو بيه
➖➖➖➖➖➖
📝 *بقلم خادمه اهل البيت*
*هيلين الساعدي*

https://telegram.me/Healea

*فزاعيه الام البنين والعباس ع*
➖➖

*يشيل الراس*
*اسم ابنج يبدويه*

➖➖➖➖➖➖
ثلث انعام يم عباس
من جبتي سبع فراس
بس اسمه يشيل الراس
*((اسم ابنج يبدويه))*

➖➖➖➖➖➖
انتي الجبتي الكافل
لزينب يعدل المايل
وهوه يسكت العايل
*((اسم ابنج يبدويه))*

➖➖➖➖➖➖
ربيتي والربه ماضاع
وافه اخته وابد ماباع
عباس وياحلو لطباع
*(( اسم ابنج يبدويه))*

➖➖➖➖➖➖
الكفاله تلوك بس عباس
هوه يجيس ماينجاس
كلامه بيه وفه واحساس
*(( اسم ابنج يبدويه))*


➖➖➖➖➖➖
كافل زينب الحره
عليها الكلب شيصبره
اخوها خنكته العبره
*(( اسم ابنج يبدويه ))*
➖➖➖➖➖➖➖

📝 *بقلم خادمة اهل البيت*
*هيلين الساعدي*

https://telegram.me/Healea

*فزاعيه للعباس ع*
➖➖➖➖➖➖


*بالديوان طب عباس*
*سكتها الزلم كلها*

💦💦💦💦💦💦💦
يطب للمجلس العباس
يسكتها ابكلامه الناس
يحجي معدل ومقياس
*سكتها الزلم كلها*
💦💦💦💦💦💦💦

اخو زينب يشيل الراس
فحل ابن الفحل نبراس
ياحلو الغيره والاحساس
*سكتها الزلم كلها*

💦💦💦💦💦💦💦
من يغضب يهد هده
وشحده اليكرب شحده
بس يندب اسم جده
*سكتها الزلم كلها*

💦💦💦💦💦💦💦
فراضه الوحده الجيدوم
يسطرهم سطر ويكوم
من يحجي الحجي معلوم
*سكتها الزلم كلها*

💦💦💦💦💦💦💦
ابكلامه يعدل الميله
والعايل يشل حيله
ابد مايرضه عالعيله
*سكتها الزلم كلها*

💦💦💦💦💦💦💦

📝 *بقلم خادمة اهل البيت*
*هيلين الساعدي*

https://telegram.me/Healea

:
*فزاعيه للعباس ع*



هذا الجود. والجفين
جاوينه ابو الغيره
💦💦💦💦💦💦

طايح عالنهر ياحيف
وبصفه الدرع والسيف
يافارس بطل ومخيف
*ابكلبي حسره اجبيره*

💦💦💦💦💦💦💦
جبيره حسرتي ياناس
من طاح البطل عباس
اجفوفه مشمره والطاس
*زينب ضلت ابحيره*

💦💦💦💦💦💦
ضلت حيل محتاره
ابكلبي نار وجاره
يادنيه والله غداره
*وجهنه المن انديره*

💦💦💦💦💦💦
اندير الوجه ياصوب
من شفت البطل مصيوب
اخوي وللعده مطلوب
*صارت حيرتي حيره*

💦💦💦💦💦💦
حيره اتحيرت زينب
كلبها من القهر شيب
تبجي ضلت وتنحب
*زينب انه ايسيره*
💦💦💦💦💦💦💦
بقلم خادمه اهل البيت
*هيلين الساعدي*


https://telegram.me/Healea

فزاعيه لا ام البنين. وشجاعه العباس ع
➖➖➖➖➖➖


هاي الربت الشجعان
ماهابو الحربيه
➖➖➖➖➖➖

هاي ام البطل عباس
ابو الغيره وابو النوماس
شجاع وينعرف فراس
كفل زينب يحاميه
➖➖➖➖➖➖

توصي ام البنين الحيد
اختك كظها من الايد
وانته للعدو صنديد
وخلي بالك اعليه
➖➖➖➖➖➖

تنطي لو طلبتوها
تكظي الكلفه تدروها
ام عباس تعرفوها
هاي ام البطل هايه
➖➖➖➖➖➖

اوصيكم بابو اليمه
حسافه ينهدر دمه
احلفكم ابضلع امه
الوحده لاتعوفونه

➖➖➖➖➖➖
حرمكم لا تخلوها
بيد العده يسبوها
وختكم لا يسبوها
هذا العدو اياذيه
➖➖➖➖➖➖

✏ بقلم. خادمه اهل البيت ➖
*هيلين* #الساعدي#➖

خادمة اهل البيت هيلين الساعدي
كتابه القصائد الحسينيه.
https://telegram.me/Healea

لطميه فزاعيه للحسين ع


صعبه وتوجع الدلال
احا يافركت اخواني

🍂🍂🍂🍂🍂🍂
احا يلسلبو اهدومه
اخوتي اعله الرمل نومه
ماينهض الجيدومه
محتاره امخليني

🍂🍂🍂🍂🍂🍂
امخليني اون اعليه
اكل لحظه يمر طاريه
وكع ماجنت اضنن بيه
بكلبي تشب نيراني
🍂🍂🍂🍂🍂🍂
زماني بيه اشسوه
اخذ ياضحكته حلوه
اعزاز وكلهم امروه
يادهري اشراواني
🍂🍂🍂🍂🍂🍂

شراواني زماني عليك
انه الجنت ازامط بيك
مهمومه واعاين ليك
وبيك الوكت لاواني

🍂🍂🍂🍂🍂🍂
كطعو منحرك لشرار
وبخيامي تشب النار
وينك هايحامي الجار
شوف عداك توليني
🍂🍂🍂🍂🍂🍂

مشبوحه تضل عينه
على رقيه وعلى سكينه
هذا النذل يسبينه
وهالمنظر يبجيني

🍂🍂🍂🍂🍂🍂

✏ بقلم خادمة الحسين 🍂
*هيلين*الساعدي*🍂

خادمة اهل البيت هيلين الساعدي
كتابه القصائد الحسينيه.
https://telegram.me/Healea

لطميه. ثكيله للحسين ع

حرم ويتام. جفن مينام
كلها اصيح يحسيني

💧💧💧💧💧

حرم ضلت بلا والي
ها يحسيني يالغالي
خويه مدوهنه حوالي
وانه اتغطيت بحزاني
حرم ويتام. جفن مينام
💦💦💦💦💦💦
انه الضليت اهل دمعي
عله خواني و عله ابني
ضلت صورته بذهني
ينور العين يحسيني
حرم ويتام. جفن مينام
💦💦💦💦💦💦
مشت مسبيه هالنسوان
مهمومه وكلب حيران
وتضل مستعره هالنيران
يخويه ما تحاجيني
حرم ويتام. جفن مينام
💦💦💦💦💦💦

مشينه دروب يابو دروب
وعيني مشبحه عله البوب
صبرت انه صبر ايوب
وكلام الناس يجرحني
حرم ويتام. جفن مينام
💦💦💦💦💦💦
ضحايه مسلبه الهدوم
وروس امعلكه هليوم
وعليكم حيلنه مهدوم
بحيره شلون خلوني
حرم ويتام. جفن مينام
💦💦💦💦💦💦

✏ بقلم خادمة الحسين 💦
*هيلين*الساعدي💦

خادمة اهل البيت هيلين الساعدي
كتابه القصائد الحسينيه.
https://telegram.me/Healea

فزاعيه للحسين
➖➖➖


محد غسلك يحسين
لا دفنوك ياخويه
➖➖➖➖➖➖
محد شربه اميه
الله ينعل بني اميه
خويه انظر اعليه
اختك مشت مسبيه

➖➖➖➖➖➖
خذوني عداك بالكوه
ضلم مابيهم امروه
زماني بيه اشسوه
والظالم يسب بيه
➖➖➖➖➖➖
يسبنه ويزمخ اعلينه
والله وحيل مابينه
ماتنهض يوالينه
ضربو بنتك ارقيه
➖➖➖➖➖
مشينه لليسر كوه
وعفنه حسين يتلوه
احا يابلوت البلوه
والوادم تنظر اعليه
➖➖➖➖➖➖
تتفرج عليه الناس.
وينك يابطل عباس
اخوك اتولته الارجاس
وين الي يحامينه
➖➖➖➖➖

✏ بقلم خادمة اهل البيت ➖
*هيلين*الساعدي➖

خادمة اهل البيت هيلين الساعدي
كتابه القصائد الحسينيه.
https://telegram.me/Healea

فزاعيه للحسين ع


هاي اعمامه المهيوب
زينب هوسو بيها
➖➖➖➖➖➖
وكعت عالرمل هاليوم
عمامه امخضبه بدموم
خويه بسك من النوم
والعمامه دضميها

➖➖➖➖➖➖
هاي اعمامه الجيدوم
نايم عالثره متكوم
تبجي زينب وجلثوم
ياوسفه تخليها
➖➖➖➖➖➖

شفتها وهوسو بيها
ماتحظر يراعيها
عيني تنظر اعليها
كتلهم دعوفوها

➖➖➖➖➖➖
شتماني وقهرني حيل
الف وسفه وكتنه يميل
ياخويه حسافه شيل
واختكم حيل اذوها

➖➖➖➖➖➖
بجيت وصحت ياويلي
مني انهدم كل حيلي
احلف مانمت ليلي
وايتامك اواسيها

➖➖➖➖➖➖

✏بقلم خادمه اهل البيت ➖
*هيلين*الساعدي➖

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للحسين*



*مشينه لليسر يحسين*
*ماتكعد تحامينه*

➖➖➖➖➖➖
خذونه لليسر كوه
وصوط الشمر يتلوه
اخوي ورفجتك حلوه
*خويه اكعد وحاجينه*

➖➖➖➖➖➖

حاجيني يخوي حسين
انه تمفاركه الطيبين
عباس ويه ضي العين
*ماتفزع يوالينه*


➖➖➖➖➖➖
افزع شوفها اعيالك
اسوو بينه عدوانك
عزيز وخالي امجانك
*يزيد اطاول اعلينه*

➖➖➖➖➖➖
اطاول يخويه ايزيد
شحجيلك بعد شتريد
اهل الشام عدهم عيد
*كلنه بهضم حسينه*

➖➖➖➖➖➖

بخرايب خويه كعدونه
ومن الماي حرمونه
ومن نبجي يضربونه
*والكوم اشمتت بينه*
➖➖➖➖➖➖
📝 *بقلم خادمة اهل البيت*
*هيلين الساعدي*
خادمة اهل البيت هيلين الساعدي
كتابه القصائد الحسينيه.
https://telegram.me/Healea

فزاعيه عن السيده وينب ع
➖➖➖➖

عله الهودج صعتي
شلون يرضون

➖➖➖➖➖➖➖
مهيوبه ويعرفونج
وين الكافل ضعونج
المايرضه يجيسونج
نام اعله الثره ومغمض العيون
➖➖➖➖➖➖➖

احا يازينب الحره
وبكلبج الف حسره
تجوي بالكلب جمره
عافوج بهضوم ومايفزعون

➖➖➖➖➖➖➖
صعتي اعله الهزل كوه
ويه المابيهم مروه
وين الرفجته حلوه
ناديتي عليهم مايسمعون
➖➖➖➖➖➖➖

ضربني وحيل اذاني
وشكال الهضم راواني
اخويه العدو سباني
وين اهل المروه مايكومون

➖➖➖➖➖➖➖
محتاره ليش عفتوني
بعد ماشوف بعيوني
يخواني دسمعوني
ضرباني الشمر اورملي امتون
➖➖➖➖➖➖➖➖

✏ *بقلم خادمه اهل البيت*
*هيلين الساعدي*

https://telegram.me/Healea

ندبه للعباس. ع


وين عباس البطل
طلبتي يكضيها

➖➖➖➖➖➖➖
انته سبع الموزمه
عيوني عليك امرمه
مو دمع ينزل دمه
انته لصعبات اي تكظيها
➖➖➖➖➖➖➖
انته صكار الزلم
طشرتهم ماتلم
وانه مت من الالم
انته البطل وللحرم تحميها

➖➖➖➖➖➖➖
طلبتي يمك اكيد
اتخلص الامر الشديد
انته بالحومه صنديد
وهاي شنهوهسه احسابها

➖➖➖➖➖➖➖
جينه وندك بابك
تعتنيك احبابك
الماترد طلابك
انحلفك ابزينب اودمعاتها
➖➖➖➖➖➖➖

ضحيت ايسار ويمين
لاجل اخوك الحسين
هامتك ويه العين
اي رفعت امك راسها
➖➖➖➖➖➖➖
بقلم. خادمات اهل البيت
*هيلين الساعدي*
*ام محمد الساري*



https://telegram.me/Healea

*فزاعيه لرجوع*


زينب ردت من الشام
هنياله اليكابله
^^^^^^^^^^^
ردت والكلب مهموم
عله خال الولد تحوم
اجيتك خويه انه اليوم
عل ونه نساعدهه
**********
هنياله اليكابلها
يعازيها عله خوتها
صبت دمه دمعتها
من ودعها ابن امهه
➖➖➖➖➖
ودعها ويهل دمعه
وبالعيله مكلفه
جاوين الكفل عنه
الكفاله ليش فلاهه
➖➖➖➖➖

حزنه ابد ماموجود
من ردت للديار ردود
علكنه روايه السود
وذكرنه مصايبه
➖➖➖➖➖➖
خل الفاكده اتجيني
وعله ابن امي تواسيني
الفركه حيل تاذيني
تساعدني وساعدهه
➖➖➖➖➖➖➖
*بقلم خادمات اهل البيت*

*هيلين الساعدي*
*و*
*ام محمد الساري*

https://telegram.me/Healea

*فزاعيه لسيده زينب ع*


الف هنيال من لاكاج
يازينب المحزونه
➖➖➖➖➖➖
انون اعله الولي وياج
ونبجي وننحب لمبجاج
يم الخدر ما ننساج
ومنج انه ممنونه

➖➖➖➖➖➖➖
زينب حايره حيره
ويه اطفال بالديره
وهاي المعضله جبيره
عونه الكابلج عونه
➖➖➖➖➖➖➖
وياج اليوم ونينه
علئ المذبوح والينه
للمجلس تعنينه
انريد مراد تنطونه
➖➖➖➖➖➖➖
نبجي وننصب الاحزان
ونذكر بالطم الحنان
حسين وياكمر عدنان
انريد الهم تزيلونه
➖➖➖➖➖➖➖➖

عليهم نسدر الونات
ونبجي ونهمل الدمعات
لهل الزود يمحبات
كلب الفاكده شلونه


➖➖➖➖➖➖➖➖
عوانه واجينه اليوم
وياج بكلب مالوم
الحيل اعله الاخومهدوم
ضامي ومايرحمونه

➖➖➖➖➖➖➖
بقلم خادمات اهل البيت

*هيلين الساعدي*
*و*
*سحر ام كرار الساعدي*


https://telegram.me/Healea

خادمه اهل البيت هيلين الساعدي:
*قصيده لسيده زينب ع*


*حايره والمن اميل*
*اعله خوتي دلوني*

➖➖➖➖➖➖
حايره بدرب اليسر
والصوط كل ساعه يمر
وانه شبعت امن القهر
*جاوين نور عيوني*

➖➖➖➖➖➖➖
جاوين عباس الكفل
عاف العقيله بل أهل
وفراكه أبد ماينحمل
*بعده العده يسبوني*
➖➖➖➖➖➖➖

ياخوي ماتنهض الي
عباس ردني المنزلي
هذا الشمر يشتم هلي
*يحسين ضيعتوني*
➖➖➖➖➖➖➖

يحسين خويه تعذبت
ردني لوطن جدي ردت
من السوط ياخويه متت
*والظرب إذا امتوني*

➖➖➖➖➖➖➖
الظرب يوصل للعضم
ياخويه شبعينه هضم
والله متنه من الضلم
*ومرمات اعيوني*
➖➖➖➖➖➖➖

ورمت عيني والمتن
صحت وانادي يم حسن
لحكي بناتج ينسبن
*ولرض الغرب ودوني*

➖➖➖➖➖➖➖➖
*بقلم خادمات اهل البيت* *ع*
*هيلين الساعدي*
*و*
*بنت الاشتر المالكي*

https://telegram.me/Healea

**فزاعيه للعباس ع*



شايل رايته العباس
ويهوس عله الحومه
➖➖➖➖➖➖➖

هوس وارتجل عباس
للحومه يخوف ارجاس
يكطع راس فوك الراس
وبالطف تشهد اعلومه


*هيلين الساعدي*
➖➖➖➖➖➖➖
صعدت غيره المغوار
خافو منها هالاشرار
يشبه والده الكرار
بجاهم الجيدومه


*هيلين الساعدي*
➖➖➖➖➖➖➖
خل تشهد جميع الناس
اخويه حسين ماينداس
شمحلاه الدرع والطاس
فنه يوصل الحومه

*ام علي المالكي*

➖➖➖➖➖➖➖➖

شجاع امبجي المنيه
ابد ميخاف من ميه
راح يجيب الميه
غضب وتغيرت رسومه

*هيلين الساعدي*

➖➖➖➖➖➖➖

وشال السيف المدرب
وذب الماي مايشرب
حيرهم اخوا زينب
يشهد بالحرب يومه

*ام علي المالكي*
➖➖➖➖➖➖➖
طاح البطل عالغبره
ابكلب زينب بقت عبره
والله امصابج شكبره
واخته منه محرومه

*هيلين الساعدي*

➖➖➖➖➖➖➖
*بقلم خادمات اهل البيت ع*
*هيلين الساعدي*
*و*
*ام علي المالكي*

https://telegram.me/Healea

*فزاعيه للامام العباس ع*



فدوه الغيره العباس
كلها تروح عدوانه
➖➖➖➖➖➖

الغيره لايكه العباس
راعي الفخر والنوماس
بس صيته يشيل الراس
ضهضب وسعو ميدانه

*هيلين الساعدي*
➖➖➖➖➖➖➖

وسعو مجلس الشجعان
سوو بالوسط ميدان
يافارس بني عدنان
كنه اليوم عوانه

*هيلين الساعدي*
➖➖➖➖➖➖

كنه انكابل الحره
وياها نسجب العبره
همها صاير شكبره
يازينب يحيرانه

*هيلين الساعدي*
➖➖➖➖➖➖
يسلم صاحب الرايه
يجيب العلگمي ومايه
زينب بيه امكفايه
اخوها الزود عنوانه
____________

اخوها وبيه تتباها
ضحايه الزلم خلاها
كل عهوده وفاها
تسلم ريت ذرعانه
_____________

ريت اذراع واليها
سالم من يرد ليها
ويسطره اليبچیها
ويگلها اویاچ اظل انه
_____________

یگلها اویاچ بعهودي
وبعدها تحرسچ ازنودي
شیلي الراس بوجودي
يظل ايرفرف الوانه
_____________
وين الواك وازنودك
يامن ضاخرك عودك
رد الزينب بجودك
عليك اليوم عدمانه

ام ضيغم المحنا
____________

*بقلم خادمات اهل البيت ع*

*هيلين الساعدي*
*و*
*ام ضيغم المحنا*

https://telegram.me/Healea

فزاعيه
جديد

باجر خواتك ينسبن
عباس بس هاليله
➖➖➖➖➖➖

اشوف العده توليهن
عباس لتخليهن
وينجون رجليهن
شوف الحبل بديهن
عدوانكم تحديهن
نوك الهزل تاذيهن
ويتحركن يعبيهن
يصرخ يويلي اعليهن
جر وضرب يعميهن
جنك اظن ناسيهن

(باجر خواتك ينسبن)
(عباس بس هاليله)

➖➖➖➖➖➖

تبكه العقيله حايره
اطفالكم مطشره
وحيده هيه مرمره.
عفيه صبرها هالمره
كلكم ضحايه اعله الثره
كلمن خذوله منحره
كلبها مدري اصبره
حزينه بنت الطاهره

( باجر حواتك ينسبن)
(عباس بس هاليله)

➖➖➖➖➖➖

حرم ما يمهن زلم
طحت يشيال العلم
نادت الك ها يا شهم
وسفه يالبعينك سهم
زينب بكت بيكم تلم
منهو اليدافع عالحرم
وتحركت كل الخيم

( باجر حواتك ينسبن)
(عباس بس هاليله)

➖➖➖➖➖➖

اطفال تسحك عالجمر
يهجم عليهن هالكفر
نوح وبواجي والقهر
بالسبي يخلص هالعمر
وانته صريع اعله النهر

( باجر حواتك ينسبن)
(عباس بس هاليله)

➖➖➖➖➖➖


تمت بقلم خادمة اهل البيت
الشاعرة
هيلين الساعدي



https://telegram.me/Healea

فزاعيه للعباس ع جديد

اوطباها ابو فاضل
بالحومه لعب جوله


➖➖➖➖➖➖
طب للحومه المغوار
صولاتك علي الكرار
الكافل طشر الكفار
ملك الموت صاحوله

➖➖➖➖➖➖
اليكرب يمه ياويله
بركبته صارت العيله
ابد مانام كل ليله
كفر ميدان عدلوله

➖➖➖➖➖➖
ميدان الكفر صارت
الشجاعه يمك احتارت
و اركاب العده طارت
بطل وحزام شدوله

➖➖➖➖➖➖
احزامه صار بيرغهم
شده وصاح يا حيهم
عالعدوان همتهم
الف احساب حسبوله
➖➖➖➖➖➖

زينب بس نخت نخوه
ابو فاضل يبو الخوه
شجاع وبيك المروه
اخوي ويا حلو طوله
➖➖➖➖➖➖

تمت بقلم خادمة اهل البيت
الشاعرة
هيلين الساعدي


https://telegram.me/Healea