فزاعيه شبه طور الحيدري للعباس ع



احز اركابهم ماهاب
لو زينب تناديني

💧💧💧💧💧💧💧💧

كافلها تره العباس
يكطع روس هالارجاس
الي تاريخ بين الناس
وضحي ثنين جفيني

💧💧💧💧💧💧💧💧

اضحي اجفوف للحره
لو نادتني بس مره
ضلت بالصدر عبره
وخليها ابطن عيني
💧💧💧💧💧💧💧💧
عيني افديها لخواني
لو احسين ناداني
شوف الدهر لاواني
لفدي عمري وسنيني
💧💧💧💧💧💧💧💧

هوه الي كفل زينب
يجيب الماي مايصعب
يكطع روس من يغضب
وروي طفلة احسيني

💧💧💧💧💧💧💧💧

توصي ام البنين الحيد
عباس اوبالحرب صنديد
وساحة حرب عنده العيد
ام الوفه توصيني
💧💧💧💧💧💧💧💧

تمت بقلم خادمه اهل البيت ع

*هيلين الساعدي*
*هيلين الساعدي*

https://telegram.me/Healea

فزاعيه للعباس ع


نعكد راية العباس
وريده يشافينه

➖➖➖➖➖➖➖➖
نعكد رايته اليله
وانه كاضيه نحيله
يالعباس صيحيله
يجلي هم العلينه

➖➖➖➖➖➖➖➖➖
يجلي الهم الهوايه
ابجي وعكد الرايه
اجيك اليوم مشايه
وللعباس دمشينه

➖➖➖➖➖➖➖➖➖
امشن نوكف ابابه
هيابه وابن الهيابه
بالعباس ومصابه
انحلفه بداعت سكينه
➖➖➖➖➖➖➖➖
نحلفه بداعت المذبوح
عالغبره كضت هالروح
ياجرح النشد اجروح
نريده اليوم ينطينه
➖➖➖➖➖➖➖

ينطينه ونرد لمراد
منك يانسل لمجاد
ابابك نوكف استعداد
ويكضيه ابجفينه
➖➖➖➖➖➖➖➖➖


تمت بقلم خادمة اهل البيت ع

#هيلين_الساعدي
#هيلين_ الساعدي

https://telegram.me/Healea

*فزاعيه للعباس ع*



طب للمعركه العباس
يكطع روس عدوانه
➖➖➖➖➖➖➖

طب يرهب بصولاته
بطل معروفه وكفاته
من يغضب يمحلاته
ويحامي لخوانه

➖➖➖➖➖➖➖
ترهب غيرت العباس
شجاع وماله مقياس
امبجيهم تره الانجاس
انريدك توكف ويانه
➖➖➖➖➖➖➖
نريدك توكف ويانه
ياعزنه ويمولانه
يوم الحشر تحمانه
كنه الك عوانه
➖➖➖➖➖➖➖
يكطع روس اخو زينب
وخته كباله من تنحب
كلبه من القهر شيب
وسعو بسرعه ميدانه

➖➖➖➖➖➖➖
شايل سيفه المجنه
جن حيدر علي جنه
كلها خايفه منه
صاكر ابن مرجانه
➖➖➖➖➖➖➖
*بقلم خادمه اهل البيت ع*
#هيلين_الساعدي
#هيلين_الساعدي

https://telegram.me/Healea

*فزاعيه للامام العباس ع*


ارض المعركه العباس
والله تراب سواها
➖➖➖➖➖➖

خله الكوم تردم كوم
يافارس بدر معلوم
الضده يضل مندوم
ارض الموت سماها

➖➖➖➖➖➖➖
داخل للحرب جن عيد
شجاع وبالحرب صنديد
وسيفه لازمه بالايد
وخته كام حياها

➖➖➖➖➖➖
خله روسهم طشار
يشبه والده الكرار
شاعله بحطب وبنار
المهره بكيفه مشاها

➖➖➖➖➖➖➖
منه انهزمت العدوان
خلاهم وصط ميدان
كطع روسها الفرسان
الطف كلها عاداها
➖➖➖➖➖➖
سوه واقعه صفين
قاتل ياشهم الفين
وانطه لخته الجفين
يكطع ياهو يدناها
➖➖➖➖➖➖➖
تمت بقلم خادمه اهل البيت ع
#هيلين_ الساعدي
#هيلين_الساعدي

https://telegram.me/Healea

*فزاعيه للعباس ع*


بيرغنه يون شبي
ثاري انجتل شياله

🌹🌹🌹🌹🌹🌹🌹

شياله رحل عنه
كله غيره ومحنه
عدوانه خايفه منه
ليش الدنيه مياله

🌹🌹🌹🌹🌹🌹🌹

مياله باخوتي احنان
وانه امفاركه الخوان
شبت بالكلب النيران
شبيج ويانه عياله
🌹🌹🌹🌹🌹🌹🌹

عياله ويه اخوي الحيد
هوه البالحرب صنديد
وبيرغه شايله بالايد
ابين الزمره حياله

🌹🌹🌹🌹🌹🌹🌹
طايح بيرغه العباس
ياكاتل كوم هالرجاس
من صيته تخاف الناس
كالو طاح شياله

🌹🌹🌹🌹🌹🌹🌹
طاح الهيبه والجيدوم
نام اعله النهر ميكوم
يالصوتك امبجي الكوم
وين يروح جتاله
🌹🌹🌹🌹🌹🌹🌹
بقلم خادمه اهل البيت
*هيلين الساعدي*
https://telegram.me/Healea

*فزاعيه للعباس*
➖➖➖➖➖

اعدلي لطمة العباس
يستاهل تلطميله

➖➖➖➖➖➖
يستاهل تره العباس
ابو الغيره وابو النوماس
وبجاله اشيل الراس
وهوه معدل الميله
➖➖➖➖➖➖

فدوه روح لنفاسه
تصعد غيرته الراسه
هوه الكون وحساسه
كلها اصيح ادخيله

➖➖➖➖➖➖
ادخيلك يابو فاضل
انته التعدل المايل
كفو منه الحمل شايل
ابد مينام عالعيله

➖➖➖➖➖➖
ابد مينام المجنه
جن حيدر علي جنه
غيور وكلك محنه
واليكرب الف ويله
➖➖➖➖➖➖
تشيل الراس وكفاته
عباس وحلوه جلماته
هوه الكافل اخواته
مايرضه زينب ذليله
➖➖➖➖➖➖

📝 *بقلم خادمة اهل البيت*
*هيلين الساعدي*

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للعباس*


*شدي لطمه العباس*
*زينب حاظره بيها*
➖➖➖➖➖➖
دعينيها ودواسيها
عله العباس عازيها
والدمعه دهيليها
*زينب حاظره بيها*
➖➖➖➖➖➖

شدي الطمه شديها
اجفوفه البطل فاديها
لخته الضحه اعليها
*زينب حاظره بيها*
➖➖➖➖➖➖
احنه اليوم متعنين
وياها ونهل العين
عله اخوتها المعزبين
*زينب حاظره بيها*
➖➖➖➖➖➖
اجينه اليوم للمجلس
نلطم حيل ونهوس
ونذكر يوم المعرس
*زينب حاظره بيها*

➖➖➖➖➖➖
وتريد اليواسيها
عله خوتها اواليها
يله الدمعه حظريها
*زينب حاظره بيها*

➖➖➖➖➖➖

📝 *بقلم خادمه اهل البيت*
*هيلين الساعدي*
خادمة اهل البيت هيلين الساعدي
كتابه القصائد الحسينيه.
https://telegram.me/Healea

فزاعيه. لسيده زينب واخيها العباس


زينب طبت الديوان
من شال الكمر عنها

➖➖➖➖➖➖
طبت مجلس ابن ازياد
هيبه اربات ابو السجاد
لبوه ومن صعب تنصاد
صدمتهم ابكلمتها
➖➖➖➖➖➖

صدمتهم. ابخطبتها
كلها حكمه جلمتها
خطبت كلها سكتتها
من عباس هيبتها

➖➖➖➖➖➖
من عباس المشكر
ابسيفه حير العسكر
يكلبها مثل خيبر
هوه الي تكفلها

➖➖➖➖➖➖
دكلها الصدر عباس
والله يجيس ماينجاس
ابصولاته البطل ينقاس
وعيونه تصد الها
➖➖➖➖➖➖

يسيره هالحرم كلها
طفال الضيم كاتلها
مات اليوم كافلها
والزينب دعازنها
➖➖➖➖➖➖
هوسه. عازوها. عالكافل زينب
➖➖➖➖➖➖➖➖
📝 *بقلم خادمة اهل البيت*
*هيلين الساعدي*

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للعباس ع*



ضهضب ورتجل عباس
*للماي وتعناله*
💦💦💦💦💦💦💦

وكال انه الاجيب الماي
اشربجن وحك عيناي
وصاح بصوت انه الرواي
*للماي وتعناله*

💦💦💦💦💦💦💦

اضحي اثنين جفيني
وفديها بعد عيني
خويه لو تناديني
*للماي وتعناله*
💦💦💦💦💦💦💦

اغضب ورتجل العباس
ابو الغيره وابو النوماس
بس صيته يشيل الراس
*للماي وتعناله*
💦💦💦💦💦💦💦

تعنه لشريعه الحيد
راح وكع عنه بعيد
ويلي اعليك ياصنديد
*للماي وتعناله*
💦💦💦💦💦💦💦

اله تاريخ بالحومه
وكلها تعرف علومه
هذا السبع جيدومه
*للماي وتعناله*

💦💦💦💦💦💦💦

📝 *بقلم خادمه اهل البيت*
*هيلين الساعدي*

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للعباس ع*


من يغضب تره العباس
عنده الغيره بدويه
➖➖➖➖➖➖

يشهدله الدرع وطاس
وبيه غيره ورفعه راس
يامحله الاسم عباس
يطبكهم طبك ميه
➖➖➖➖➖➖

ماهاب الكفر كلها
ابجفه كلها يكتلها
بخزره عينه يكلبها
سبع ومبجي المنيه
➖➖➖➖➖➖

سبع ماهاب عدوانه
الهوسه تلوك ميدانه
كلنه اليوم عوانه
ونكابل المسبيه

➖➖➖➖➖➖
كافلها حرم وطفال
مايدري الهزل من مال
اخته راحت ويه ارجال
خويه عالو اعليه

➖➖➖➖➖➖
ماتلحك يخويه الحيد
انته الكافل الصنديد
خذونه للمكان بعيد
الحكلي مشو بيه
➖➖➖➖➖➖
📝 *بقلم خادمه اهل البيت*
*هيلين الساعدي*

https://telegram.me/Healea

*فزاعيه الام البنين والعباس ع*
➖➖

*يشيل الراس*
*اسم ابنج يبدويه*

➖➖➖➖➖➖
ثلث انعام يم عباس
من جبتي سبع فراس
بس اسمه يشيل الراس
*((اسم ابنج يبدويه))*

➖➖➖➖➖➖
انتي الجبتي الكافل
لزينب يعدل المايل
وهوه يسكت العايل
*((اسم ابنج يبدويه))*

➖➖➖➖➖➖
ربيتي والربه ماضاع
وافه اخته وابد ماباع
عباس وياحلو لطباع
*(( اسم ابنج يبدويه))*

➖➖➖➖➖➖
الكفاله تلوك بس عباس
هوه يجيس ماينجاس
كلامه بيه وفه واحساس
*(( اسم ابنج يبدويه))*


➖➖➖➖➖➖
كافل زينب الحره
عليها الكلب شيصبره
اخوها خنكته العبره
*(( اسم ابنج يبدويه ))*
➖➖➖➖➖➖➖

📝 *بقلم خادمة اهل البيت*
*هيلين الساعدي*

https://telegram.me/Healea

*فزاعيه للعباس ع*
➖➖➖➖➖➖


*بالديوان طب عباس*
*سكتها الزلم كلها*

💦💦💦💦💦💦💦
يطب للمجلس العباس
يسكتها ابكلامه الناس
يحجي معدل ومقياس
*سكتها الزلم كلها*
💦💦💦💦💦💦💦

اخو زينب يشيل الراس
فحل ابن الفحل نبراس
ياحلو الغيره والاحساس
*سكتها الزلم كلها*

💦💦💦💦💦💦💦
من يغضب يهد هده
وشحده اليكرب شحده
بس يندب اسم جده
*سكتها الزلم كلها*

💦💦💦💦💦💦💦
فراضه الوحده الجيدوم
يسطرهم سطر ويكوم
من يحجي الحجي معلوم
*سكتها الزلم كلها*

💦💦💦💦💦💦💦
ابكلامه يعدل الميله
والعايل يشل حيله
ابد مايرضه عالعيله
*سكتها الزلم كلها*

💦💦💦💦💦💦💦

📝 *بقلم خادمة اهل البيت*
*هيلين الساعدي*

https://telegram.me/Healea

:
*فزاعيه للعباس ع*



هذا الجود. والجفين
جاوينه ابو الغيره
💦💦💦💦💦💦

طايح عالنهر ياحيف
وبصفه الدرع والسيف
يافارس بطل ومخيف
*ابكلبي حسره اجبيره*

💦💦💦💦💦💦💦
جبيره حسرتي ياناس
من طاح البطل عباس
اجفوفه مشمره والطاس
*زينب ضلت ابحيره*

💦💦💦💦💦💦
ضلت حيل محتاره
ابكلبي نار وجاره
يادنيه والله غداره
*وجهنه المن انديره*

💦💦💦💦💦💦
اندير الوجه ياصوب
من شفت البطل مصيوب
اخوي وللعده مطلوب
*صارت حيرتي حيره*

💦💦💦💦💦💦
حيره اتحيرت زينب
كلبها من القهر شيب
تبجي ضلت وتنحب
*زينب انه ايسيره*
💦💦💦💦💦💦💦
بقلم خادمه اهل البيت
*هيلين الساعدي*


https://telegram.me/Healea

فزاعيه لا ام البنين. وشجاعه العباس ع
➖➖➖➖➖➖


هاي الربت الشجعان
ماهابو الحربيه
➖➖➖➖➖➖

هاي ام البطل عباس
ابو الغيره وابو النوماس
شجاع وينعرف فراس
كفل زينب يحاميه
➖➖➖➖➖➖

توصي ام البنين الحيد
اختك كظها من الايد
وانته للعدو صنديد
وخلي بالك اعليه
➖➖➖➖➖➖

تنطي لو طلبتوها
تكظي الكلفه تدروها
ام عباس تعرفوها
هاي ام البطل هايه
➖➖➖➖➖➖

اوصيكم بابو اليمه
حسافه ينهدر دمه
احلفكم ابضلع امه
الوحده لاتعوفونه

➖➖➖➖➖➖
حرمكم لا تخلوها
بيد العده يسبوها
وختكم لا يسبوها
هذا العدو اياذيه
➖➖➖➖➖➖

✏ بقلم. خادمه اهل البيت ➖
*هيلين* #الساعدي#➖

خادمة اهل البيت هيلين الساعدي
كتابه القصائد الحسينيه.
https://telegram.me/Healea

لطميه فزاعيه للحسين ع


صعبه وتوجع الدلال
احا يافركت اخواني

🍂🍂🍂🍂🍂🍂
احا يلسلبو اهدومه
اخوتي اعله الرمل نومه
ماينهض الجيدومه
محتاره امخليني

🍂🍂🍂🍂🍂🍂
امخليني اون اعليه
اكل لحظه يمر طاريه
وكع ماجنت اضنن بيه
بكلبي تشب نيراني
🍂🍂🍂🍂🍂🍂
زماني بيه اشسوه
اخذ ياضحكته حلوه
اعزاز وكلهم امروه
يادهري اشراواني
🍂🍂🍂🍂🍂🍂

شراواني زماني عليك
انه الجنت ازامط بيك
مهمومه واعاين ليك
وبيك الوكت لاواني

🍂🍂🍂🍂🍂🍂
كطعو منحرك لشرار
وبخيامي تشب النار
وينك هايحامي الجار
شوف عداك توليني
🍂🍂🍂🍂🍂🍂

مشبوحه تضل عينه
على رقيه وعلى سكينه
هذا النذل يسبينه
وهالمنظر يبجيني

🍂🍂🍂🍂🍂🍂

✏ بقلم خادمة الحسين 🍂
*هيلين*الساعدي*🍂

خادمة اهل البيت هيلين الساعدي
كتابه القصائد الحسينيه.
https://telegram.me/Healea

لطميه. ثكيله للحسين ع

حرم ويتام. جفن مينام
كلها اصيح يحسيني

💧💧💧💧💧

حرم ضلت بلا والي
ها يحسيني يالغالي
خويه مدوهنه حوالي
وانه اتغطيت بحزاني
حرم ويتام. جفن مينام
💦💦💦💦💦💦
انه الضليت اهل دمعي
عله خواني و عله ابني
ضلت صورته بذهني
ينور العين يحسيني
حرم ويتام. جفن مينام
💦💦💦💦💦💦
مشت مسبيه هالنسوان
مهمومه وكلب حيران
وتضل مستعره هالنيران
يخويه ما تحاجيني
حرم ويتام. جفن مينام
💦💦💦💦💦💦

مشينه دروب يابو دروب
وعيني مشبحه عله البوب
صبرت انه صبر ايوب
وكلام الناس يجرحني
حرم ويتام. جفن مينام
💦💦💦💦💦💦
ضحايه مسلبه الهدوم
وروس امعلكه هليوم
وعليكم حيلنه مهدوم
بحيره شلون خلوني
حرم ويتام. جفن مينام
💦💦💦💦💦💦

✏ بقلم خادمة الحسين 💦
*هيلين*الساعدي💦

خادمة اهل البيت هيلين الساعدي
كتابه القصائد الحسينيه.
https://telegram.me/Healea

فزاعيه للحسين
➖➖➖


محد غسلك يحسين
لا دفنوك ياخويه
➖➖➖➖➖➖
محد شربه اميه
الله ينعل بني اميه
خويه انظر اعليه
اختك مشت مسبيه

➖➖➖➖➖➖
خذوني عداك بالكوه
ضلم مابيهم امروه
زماني بيه اشسوه
والظالم يسب بيه
➖➖➖➖➖➖
يسبنه ويزمخ اعلينه
والله وحيل مابينه
ماتنهض يوالينه
ضربو بنتك ارقيه
➖➖➖➖➖
مشينه لليسر كوه
وعفنه حسين يتلوه
احا يابلوت البلوه
والوادم تنظر اعليه
➖➖➖➖➖➖
تتفرج عليه الناس.
وينك يابطل عباس
اخوك اتولته الارجاس
وين الي يحامينه
➖➖➖➖➖

✏ بقلم خادمة اهل البيت ➖
*هيلين*الساعدي➖

خادمة اهل البيت هيلين الساعدي
كتابه القصائد الحسينيه.
https://telegram.me/Healea

فزاعيه للحسين ع


هاي اعمامه المهيوب
زينب هوسو بيها
➖➖➖➖➖➖
وكعت عالرمل هاليوم
عمامه امخضبه بدموم
خويه بسك من النوم
والعمامه دضميها

➖➖➖➖➖➖
هاي اعمامه الجيدوم
نايم عالثره متكوم
تبجي زينب وجلثوم
ياوسفه تخليها
➖➖➖➖➖➖

شفتها وهوسو بيها
ماتحظر يراعيها
عيني تنظر اعليها
كتلهم دعوفوها

➖➖➖➖➖➖
شتماني وقهرني حيل
الف وسفه وكتنه يميل
ياخويه حسافه شيل
واختكم حيل اذوها

➖➖➖➖➖➖
بجيت وصحت ياويلي
مني انهدم كل حيلي
احلف مانمت ليلي
وايتامك اواسيها

➖➖➖➖➖➖

✏بقلم خادمه اهل البيت ➖
*هيلين*الساعدي➖

خادمة اهل البيت هيلين الساعدي
كتابه القصائد الحسينيه.
https://telegram.me/Healea

*فزاعيه للحسين*



*مشينه لليسر يحسين*
*ماتكعد تحامينه*

➖➖➖➖➖➖
خذونه لليسر كوه
وصوط الشمر يتلوه
اخوي ورفجتك حلوه
*خويه اكعد وحاجينه*

➖➖➖➖➖➖

حاجيني يخوي حسين
انه تمفاركه الطيبين
عباس ويه ضي العين
*ماتفزع يوالينه*


➖➖➖➖➖➖
افزع شوفها اعيالك
اسوو بينه عدوانك
عزيز وخالي امجانك
*يزيد اطاول اعلينه*

➖➖➖➖➖➖
اطاول يخويه ايزيد
شحجيلك بعد شتريد
اهل الشام عدهم عيد
*كلنه بهضم حسينه*

➖➖➖➖➖➖

بخرايب خويه كعدونه
ومن الماي حرمونه
ومن نبجي يضربونه
*والكوم اشمتت بينه*
➖➖➖➖➖➖
📝 *بقلم خادمة اهل البيت*
*هيلين الساعدي*
خادمة اهل البيت هيلين الساعدي
كتابه القصائد الحسينيه.
https://telegram.me/Healea

فزاعيه عن السيده وينب ع
➖➖➖➖

عله الهودج صعتي
شلون يرضون

➖➖➖➖➖➖➖
مهيوبه ويعرفونج
وين الكافل ضعونج
المايرضه يجيسونج
نام اعله الثره ومغمض العيون
➖➖➖➖➖➖➖

احا يازينب الحره
وبكلبج الف حسره
تجوي بالكلب جمره
عافوج بهضوم ومايفزعون

➖➖➖➖➖➖➖
صعتي اعله الهزل كوه
ويه المابيهم مروه
وين الرفجته حلوه
ناديتي عليهم مايسمعون
➖➖➖➖➖➖➖

ضربني وحيل اذاني
وشكال الهضم راواني
اخويه العدو سباني
وين اهل المروه مايكومون

➖➖➖➖➖➖➖
محتاره ليش عفتوني
بعد ماشوف بعيوني
يخواني دسمعوني
ضرباني الشمر اورملي امتون
➖➖➖➖➖➖➖➖

✏ *بقلم خادمه اهل البيت*
*هيلين الساعدي*

https://telegram.me/Healea

ندبه للعباس. ع


وين عباس البطل
طلبتي يكضيها

➖➖➖➖➖➖➖
انته سبع الموزمه
عيوني عليك امرمه
مو دمع ينزل دمه
انته لصعبات اي تكظيها
➖➖➖➖➖➖➖
انته صكار الزلم
طشرتهم ماتلم
وانه مت من الالم
انته البطل وللحرم تحميها

➖➖➖➖➖➖➖
طلبتي يمك اكيد
اتخلص الامر الشديد
انته بالحومه صنديد
وهاي شنهوهسه احسابها

➖➖➖➖➖➖➖
جينه وندك بابك
تعتنيك احبابك
الماترد طلابك
انحلفك ابزينب اودمعاتها
➖➖➖➖➖➖➖

ضحيت ايسار ويمين
لاجل اخوك الحسين
هامتك ويه العين
اي رفعت امك راسها
➖➖➖➖➖➖➖
بقلم. خادمات اهل البيت
*هيلين الساعدي*
*ام محمد الساري*



https://telegram.me/Healea