‼️Կիրանցում շուրջ 400 զինծառայող է քվեարկել․ գյուղի բնակիչները մերժել են ՔՊ-ին․ Արամ Պետրոսյան

• Դա արվել է միտումնավոր՝ տպավորություն ստեղծելու համար, թե կիրանցիները գոհ են ստեղծված իրավիճակից։

ℹ️Այնինչ իրականում այդտեղ ձայների մեծամասնությունը Փաշինյանն ու իր գլխավորած ուժը ստացել են զինծառայողների և ոստիկանների, այլ ոչ թե կիրանցիների քվեարկության արդյունքում։

‼️Այն, ինչ տեղի ունեցավ հունիսի 7-ին, ո՛չ արդար էր, ո՛չ ժողովրդավարական. Արսեն Գրիգորյան

• Ընտրությունների օրը և դրան հաջորդած ժամերին արձանագրվեցին բազմաթիվ խախտումներ։

ℹ️Չնայած արդյունքների զգալի մասը դեռևս չէր ամփոփվել, իսկ հրապարակված տվյալներում կային ակնհայտ անճշտություններ, իշխանությունը շտապեց հայտարարել իր հաղթանակի մասին։

‼️Փաշինյանը պարտվել է՝ չկարողանալով ստանալ ձայների 50%-ը․ Ավետիք Չալաբյան

• Նույնիսկ կիրառելով հսկայական վարչական ռեսուրս, գործող վարչախումբը չի կարողացել ապահովել 50% և ավել ձայներ։ Իր կառավարման ողջ ընթացքում Փաշինյանը փորձել է հանդես գալ որպես ժողովրդի ներկայացուցիչ, սակայն հիմա ակնհայտ է, որ դա այդպես չէ։

ℹ️Նա այլևս ժողովրդի մեծամասնության ներկայացուցիչը չի հանդիսանում։

‼️ԿԸՀ երեկվա սկանդալային որոշման մասին, և թե ինչ է պետք անել հիմա այս իրավիճակից անցնցում դուրս գալու համար. Ավետիք Չալաբյան

‼️Այս ընտրությունները հնարավոր չէ համարել արդար և թափանցիկ․ Արսեն Գրիգորյան

• Ընտրությունները շարունակվել են 20.00-ից հետո՝ զինծառայողների մասսայական ներգրավվածությամբ։

ℹ️Այս պայմաններում չենք կարող խոսել արդարության և թափանցիկության մասին, այնինչ դրանք ազատ ժողովրդավարական ընտրությունների կարևորագույն սկզբունքներից են։

‼️ՔՊ-ի մեծամասնությունը ապահովվել է «փոշիացված» ձայների հաշվին․ Ավետիք Չալաբյան

• Ընտրողների ձայների շուրջ 13%-ը փոշիացվել է։ Դրանք հիմնականում ընդդիմադիր ուժերին տրված ձայներ էին, որոնք գործող ընտրական համակարգի պատճառով մեծ մասամբ բաժին են հասել «Քաղաքացիական պայմանագրին»։ Հենց այս մեխանիզմն է ՔՊ-ին ապահովել մեծամասնություն ձևավորվող խորհրդարանում։

ℹ️Սա ընտրական համակարգի ամենաակնհայտ և վիճահարույց թերություններից մեկն է։

⚡️Ընտրողը «ոչ» է ասել Արցախի հարցը փակելուն․ Փաշինյանը պարտվել է․ Մենուա Սողոմոնյան

• Իշխանությունները չեն հաղթել։

Այսպիսի արդյունքներ գրանցվել են պետական ռեսուրսների և ճնշումների լայնակի կիրառմամբ, ընտրովի արդարադատությամբ և ստեղծված անարդար պայմանների հետևանքով։

⚡️Ձայների վերահաշվարկը բացահայտել է հանձնաժողովներում տիրող իրական պատկերը. Արեգ Սավգուլյան

• Ընտրություններն ուղեկցվել են բազմաթիվ խախտումներով՝ ճնշումներից ու կուտակումներից մինչև հանձնաժողովների աշխատանքի վրա ներգործության փորձեր։

ℹ️Վերահաշվարկի արդյունքները ցույց են տվել, որ տեղամասերում արձանագրված իրական վիճակը տարբերվել է ներկայացվածից։

‼️ՀՀ ընտրություններում այսպիսի զանգվածային ընտրախախտումներ շուտվանից չէին արձանագրվել․ Ավետիք Չալաբյան

• Խախտումները ոչ միայն զանգվածային բնույթ էին կրում, այլև աչքի էին ընկնում իրենց բացահայտ լկտիությամբ և ցինիզմով՝ մնալով անպատիժ։

ℹ️Ստեղծվում է տպավորություն, որ երկիրը ոչ թե առաջ է շարժվում, այլ հետքայլ է կատարում դեպի մութ 90-ականները։

⚡️Փաշինյանն այդպես էլ չստացավ ընտրողների մեծամասնության վստահությունը․ Մենուա Սողոմոնյան

• Չնայած վարչական ռեսուրսի, ճնշումների, ընտրակաշառքի և այլ միջամտությունների կիրառմանը՝ Փաշինյանին չի հաջողվել ստանալ ընտրողների ձայների բացարձակ մեծամասնությունը։ Սակայն գործող սահմանադրական մեխանիզմները հնարավորություն են տալիս նույնիսկ 50%-ից պակաս աջակցություն ստացած ուժին ձևավորել խորհրդարանական մեծամասնություն։

‼️Հենց այս հակասությունն էլ դարձել է ստեղծված իրավիճակի հիմնական պատճառներից մեկը։

⚡️«Բարգավաճ Հայաստանը» տուժեց սխալ մուտքագրված տվյալների պատճառով․ Արեգ Սավգուլյան

• «Բարգավաճ Հայաստան» կուսակցությանն ընդամենը 50-55 ձայն է պակասել 4% անցողիկ շեմը հաղթահարելու և խորհրդարան մուտք գործելու համար։

ℹ️Դա տեղի է ունեցել ձայների սխալ հաշվարկման և տվյալների մուտքագրման ընթացքում թույլ տրված սխալների հետևանքով, ինչն էականորեն ազդել է վերջնական արդյունքի վրա։

‼️Խստորեն դատապարտում ենք գործող վարչախմբի կողմից ԵՊՀ դոցենտ, քաղաքագետ Ալեն Ղևոնդյանի հանդեպ իրականացվող քաղաքական հետապնդումը։

Ալեն Ղևոնդյանին բացարձակապես առանց հիմքերի ձերբակալելը, իսկ այնուհետև հանրային խոսքի իրավունքից զրկելը հերթական անգամ վկայում է այն մասին, որ կեղծված ընտրություններով ու օտար ուժերի աջակցությամբ վերարտադրվել փորձող խմբակը մտադիր է Հայաստանում գերեզմանել խոսքի ազատությունն ու քաղաքացիական մյուս ազատությունները։

ℹ️ Պահանջում ենք դադարեցնել շինծու քրեական հետապնդումը։ Մեր զորակցությունն ենք հայտնում Ալեն Ղևոնդյանին։

‼️Նիկոլ Փաշինյանը գողացել է ժողովրդի քվեները․Ավետիք Չալաբյան

• Մարդկանց ահաբեկել են, տարածել են ատելության խոսք, բազմաթիվ քաղաքացիներ ձերբակալվել են։ Իշխող ուժի կողմից եղել են պաշտոնեական դիրքի չարաշահումներ։

ℹ️Քաղաքացիների ձայները շահելու նպատակով արված խոստումները, այդ թվում՝ վարորդական վկայականների վերականգնումը, արդյո՞ք ընտրակաշառքի դրսևորում չեն։

‼️Այս ընտրությունները լեգիտիմ չեն․ Մենուա Սողոմոնյան

• Ընտրակեղծիքների մեկ էջը փակվել է, մյուսն են բացել։ Փոխվել է ընտրախախտումների բնույթը, բայց ոչ էությունը։

ℹ️Տեղի ունեցած խախտումները էական ազդեցություն են ունեցել թե՛ ընտրական գործընթացի, թե՛ վերջնական արդյունքների վրա, ինչը կասկածի տակ է դնում հունիսի 7-ի ընտրությունների լեգիտիմությունը։

⚡️Պարոն Հովակիմյան, ծառայե՛ք Սահմանադրությանը, ոչ թե իշխանությանը․ Արեգ Սավգուլյան

• ԿԸՀ նախագահի երդումը հստակ է՝ առաջնորդվել Սահմանադրությամբ, լինել անաչառ և ծառայել ժողովրդին։ Այդտեղ ոչ մի բան գրված չէ «Քաղաքացիական պայմանագրին» կամ նրա առաջնորդին հավատարիմ լինելու մասին։

ℹ️ Այդ իսկ պատճառով կոչ ենք անում ԿԸՀ նախագահին հավատարիմ մնալ իր երդմանն ու լիարժեք կերպով կատարել իր լիազորություններն ու պարտավորությունները։

⚡️ԲՀԿ-ի մուտքը խորհրդարան ունի ռազմավարական նշանակություն․ Արմեն Մանվելյան

• «Բարգավաճ Հայաստան» կուսակցության ներկայությունը խորհրդարանում փորձում են արհեստականորեն արգելել։ Դա պարզապես մանդատների հարց չէ։ Խոսքը քաղաքական հավասարակշռության մասին է։

ℹ️Եթե ԲՀԿ-ն չհայտնվի Ազգային ժողովում, իշխող ուժը կստանա բացարձակ մեծամասնություն, ինչը կարող է ճանապարհ հարթել սահմանադրական փոփոխությունների և մի շարք այլ կարևոր որոշումներ ընդունելու համար։

‼️ԿԸՀ-ն խլել է ընդդիմությանը և ժողովրդին պատկանող մանդատները․ Ավետիք Չալաբյան

• Պետք է տեր կանգնենք մեր իրավունքին և թույլ չտանք, որ անտեսվի ժողովրդի կամքը։ Պետք է հավաքվենք Սահմանադրական դատարանի առաջ և շարունակենք մեր պայքարը, մինչև «Բարգավաճ Հայաստանի» մանդատների վերականգնման հարցը ստանա իրավական արդար լուծում։

ℹ️Մեր համախմբվածությունն ու հետևողականությունը վճռորոշ են այս պայքարում։

⚡️Անվավեր ճանաչվեց այն տեղամասերի արդյունքը, որտեղ ընդդիմությունը շատ ձայներ ուներ․ Մենուա Սողոմոնյան

• ԿԸՀ-ն անկախ պետական մարմին է և պարտավոր է առաջնորդվել բացառապես Սահմանադրությամբ ու օրենքով, այլ ոչ թե պատվեր կատարի։

ℹ️Նրա որոշումները պետք է հիմնված լինեն բացառապես օրենքի գերակայության, անաչառության և հավասարության սկզբունքների վրա։

‼️Հայաստանում տեղի են ունեցել սարսափելի ընտրախախտումներ․ Արմեն Մանվելյան

• Ընտրախախտումները սկսվել են դեռևս քվեարկության օրվանից առաջ։ Ընդդիմադիր հայտնի գործիչների նկատմամբ կիրառվել են ճնշումներ, խոչընդոտվել է շտաբների բնականոն աշխատանքը, ինչը լրջորեն ազդել է ընտրական գործընթացի վրա։

ℹ️Այդ մասին պետք է իմանան թե՛ ՀՀ քաղաքացիները և թե՛ արտասահմանյան գործընկերները՝ համապատասխան քաղաքական գնահատական տալով տեղի ունեցածին։

⚡️Հունիսի 7-ը հայ ժողովրդի դեմ մղվող հիբրիդային պատերազմի գլխավոր ճակատամարտն էր․ Արեգ Սավգուլյան

• Հունիսի 7-ը քաղաքական Ավարայր էր։ Ընտրությունների օրը ընդդիմադիր ուժերի վստահված անձինք ենթարկվել են բազմաթիվ ճնշումների, սակայն կարողացել են վճռականորեն կատարել իրենց պարտականությունները։

ℹ️Հետագա գործընթացը կախված է ընդդիմադիր ուժերի միասնական, համակարգված և հետևողական գործողություններից։