اللهم لا تخمد بقايا الأمل فينا
لا تطفيء شغف الحياة بأعيننا ♥️✨
.

مساء الخير للذين يرفضون البقاء على هامش الحياة، للَّذين يصارعون تحديات الحياة مُتوكِّلين على الله،لأجل علمٍ ينتفع به، لغرس أثر طيِب يدوم، لتحقيق حلمٍ أسمى من كل الأحلام 💙✨

‏أما الآن ، فأنا لا أحمل في داخلي شيئًا أكثر من أسفٍ عميقٍ وهائل لنفسي التي أرّقتها بالركض في كل دربٍ مأهول بالخيبة والأسيّة !

#لا_للانصرافيه عازين نجيب حق اخوانا الماتو
2 مايو
#اعتصام_القياده_العامه

"لماذا يبكي الإنسان حين يحزن؟،كان سؤالي في النهاية.
- لأنه يجب غسل زجاج العين من وقتٍ إلى آخر لنتمكن من الرؤية بوضوح، هكذا كان رد الطفل."🌸

_أوجست سترندبرج.

قبل فتره جاتني اختي قالت لي محتاجه لي 5000ج بعد كم يوم كدا عايزه اسجل في معهد لغه واشتري بعض الاغراض...
قلت ليها جدا من عيوني ...
ونسيت الموضوع وما اهتميت كتير ولا حت فكرته اسحب ليها قروش..
معهد لغه شنو وكلام فاضي مؤجزه تقعد في البيت وخلاص...
المهم بعد كم يوم جاتني الصباح وانا طالع للشغل.
قالت لي جهزته القروش .. عايزاهم.
ضربت كفي ع راسي نظام مخلوع كدا ..الله يااااخ والله نسيت.
ما اتزكرته معليش..
ولا حت ردت لي صرت وشها ومشت ....
ولا اخدت علي بالي مشيت طوالي دورت عربيتي ومشيت الشغل...
بس الغريب في نفس اليوم حصل شي غريب ...
اكيد من ربنا عشان يفتح راسي واكون ع صواب...
قريب لنهاية الدوام كدا ...
ضربت لي حبيبتي ... وهي بتبكي ...
مالك يا بت في شنو؟ قالت لي تلفوني شاشتو اتكسرت.
ولقيته ب 900ج.
بدون تردد قلت ليها اخلص دوام واجي اسوقك اصلحها ليك...
ولا حت اتزكرته موقف اختي القبيل ولا جا ع بالي..
وفي نفس اليوم مواعد لي زول عايز منو 10الف
قلت لي بجيك بعد الدوام اشيلها ..
ولم خلصت وطلعت وللاحتياط سحبت الفين من الصراف...
ومشيت ع زولتي ضربت ليها طلعت ..
مشينا طوالي صلحنا الشاشه ب 800ج ورجعتها البيت مبسووووطه تضحك ساي..
وانا مبسوط عشان هي مبسوطه...
ومشيت ع زولي المواعدو واخدت منو ال 100 الف ومشيت البيت...
خشيت لقيت امي في الصاله قلت ليها ختي لي غدا جعان...
قالت حاضر بس انت ليه مزعل اختك؟
راسي طواااالي جا وفتح في الثانيه ديك واتزكرته الحصل مع حبيبتي. قلت ليها اخخخ ياخ اختي. الله يااخ
قالت لي من الصباح ولا فطرت ولا اتغدت حابسه نفسها في غرفتها...
قلت لامي الغدا خلي كدي النمشي عليها...
وصلت غرفتها دقيت الباب قلت ليها فلان اخش...
خمسه ثواني جهزت نفسها وقالت خش.
خشيت والله فعلا باين عليها زعل ودموع ووشها مورم..
قلت ليها عندك نص ساعه من هسه وبدون اي نقاش..
تستحمي وتلبسي امززززز استايل عندك وتتجيهي زييين
على بال م اريح القاك جهزتي نفسك وهسسس ولا كلمه وطلعت خليتها.
بعد نص ساعه جاتني في الغرفه قالت لي جهزته في شنو اها
بسم ماشاءالله اول مره اشوف اختي كدا مع اني شفتها باللبسه دي عشره مرات...
قمر والله عسل كيف ... اتزكرته في اللحظه ديك انو الواحد ممكن يمدح حبيبتو عسل قمر حلوه سكر منقه لكن غالبا م الواحد يتجرأ يمدح اختو ... بس قلت ليها في اللحظه ديك بصدق اول مره اشوفك حلوه كدا...
عاينت لي بتعجب كدا . قلت ليها ارح ارح عشان اطلع من الموضوع دا....
كوركت لي امي قلت ليها نحن طالعين بنجي الساعه 2 بالليل اتعشو بعدين ما تنتظرونا ... امي زاتها استغربت عاينت لينا وسكتت...
ركبنا العربيه قلت لي اختي حصل صعتي لي 22 بالليل وانا عارف الاجابه سلفا
قالت لي انت عارف المغرب دا لو لقاني بره البيت انت بتعمل شنو...
والوكت داك لسه المغرب ما جا وكنت شايل قروش ما يعادل ال12 الف...
قلت ليها شوفي ي ستي اول شي انتي لا فطرتي لا اتغديتي
افتحي لي نفسك ممكن...
ياداب هنا حسيت في ابتسامه في وشها...
طوالي فوووو اولاد ام درمان ....
ولا عايزه بيتزا ... قالت لي البريحك....
اكلتي شية إبل قبل كدا؟ لا
طيب نص لحمه ابل نص لحمه ضان نص كبده
سلطه دكوه وشطه.
2 عصير مشكل النوع ابو كديس
2 بيبسي
2 مويه صافيه
كلو في ظرف نص ساعه قدامنا.
ضربنا ضرب. عرقانين عرق رغم انها مستغربه بس مبسوطه.
اول موعد غرامي بينها وبين اخوها في حياتها.
شبعنا شبعه صلاة على النبي فل ماشاءالله...
ولسه الاكل ممكن ياكل نفرين تاني.
غسلنا يدينا وعندي عطر في العربيه بخينا على يدينا وطلعنا..
وين. كافي ع شارع النيل...
وفي يخت كمان ....
قالت لي انا بطني دي تاني ما بتشيل فنجان مويه.
قلت ليها نسكافي ظريف كدا للونسه.
طلعت تلفوني وهاك ي ليدو...
ياخ ضحكنا ضحك من جووه القلب ...
جلدتها جلد . غلبتها كل الاقيام...
قبيل لم كنت مبسوط عشان حبيبتي مبسوطه
انا هسه مبسوط اضعاف عشان اول مره اعمل كدا واتشجع لحاجه زي دي...
سالتها من فستان قالت عايزاهو قبل شهرين وكان طنشتها هسه بكون قاعد؟
ضحكت وقالت لي نزلت موديلات احلا منو...
قلت من هنا وعلى محل الفساتين...
دردشته معاها عن امور بتخصها واصحابها وصحباتها...
تصدقو فعلا هي كانت محتاجه تحكي وبدت تحكي
ساعه تنضم ماخلت لي شمار ما خلت موقف انا ساكت وبعاين ليها... ماهبله الحبيبه .... طلعت الهبله الاخت.
وطلعنا ومشينا البوتيك محل الفساتين ...
عجبها فستان ولم سالت من سعرو عملت رايحه...
حست انو غالي شديد...
طوالي قلت للبت نزلي عايزنو...
اخدتو ليها... وطلعنا ع البيت ....
لم وصلنا طلعت ليها 5000ج اديتها ليها بكره تمشي تسجلي في المعهد...
ودي 500 مصاريف. ولا كلمه...
كافأتني ب احلا كلام ممكن اسمعو في حياتي
انا عمري م حاوطي راسكم انت وابوي واخواني.....
شي يطمن فعلا...
....
انا ماعارف هي ح تكون نامت كيف اليوم داك...
بس اسالوني انا نمت كيف....
.
اذا عندنا القدره لاسعاد الحبيبات
لماذا لا يكون عندنا الشجاعه لاسعاد الاخوات ..

ااااخ 😭😭♥️♥️
اللهم هذا 🌸✨

الله 😭♥️♥️♥️♥️♥️

ما راجع انا ليا مطالب جيبو حكومة الحكم المدني دم الكوز القتل الطالب
ما راجع انا ليا مطالب

إن الله معك إن الله يرى 🌸✨

‏أرجو عدم استخدام شخصٍ ما ،
لنسيان آخر »

‏هُناك طمأنينة تسكن وجهك، عند النظر إليك تستقر الفوضى التي بداخلي.♥️✨

‏لا تنسَ الأشخاص الذين يستقطعون وقتاً من يومهم للاطمئنان عليك.

-‏فأنت هوائي وكفُ النجاة،وأنت المنافي لغُربة ذاتي 🌸✨