"محاولتك في التخلص من كونك سيئاً، أكبر دليل على صلاحك".💙

يارب اكون من الناس اللي غيروا حياة أحد للأحسن، اللي عطوا شعور الفرح ولو كان بسيط، ومن الناس اللي مروا ولا ضروا

2/1
خلاص ح نبدأ سيرة الڤلانتاين وبتاع 🌚💦

أولى انت بي بلدك ولا الحرامية ؟!
نشن على كفنك ، يا انت يا وطنك
يا موت يا حرية، عوافي يا انسان
حربك سلامية
#سلمية #سلمية #ضد_الحرامية
#مدن_السودان_تنتفض
#تسقط_بس
#ثورة

‏من الآخر كدة يا جماعة اللي بيحبك بجد مش هيسيبك ، مش هيهون عليه زعلك ، مش هيبعد عنك ، استحاله اي حاجة او اي حد ياخد مكانك عنده ، اليوم مينفعش يكمل من غيرك علشان بالتالي هيحس انه ناقصه حاجة ، الحُب زي الإدمان، الحب أمان مش خووف، الحُب وعود، الحُب إنك تكمل للأخر وتوفي بوعدك

وعنْ أَبي الأعْوَر سعيدِ بنِ زَيْدِ بنِ عَمْرو بنِ نُفَيْلٍ، أَحدِ العشَرةِ المشْهُودِ لَهمْ بالجنَّةِ، قَالَ: سمِعت رسُول اللَّهِ ﷺ يقولُ:
منْ قُتِل دُونَ مالِهِ فهُو شَهيدٌ، ومنْ قُتلَ دُونَ دمِهِ فهُو شهيدٌ، وَمَنْ قُتِل دُونَ دِينِهِ فَهو شهيدٌ، ومنْ قُتِل دُونَ أهْلِهِ فهُو شهيدٌ.
رواه أَبو داود، والترمذي وَقالَ: حديثٌ حسنٌ صحيحٌ.

ان كنا نحن لا ننام قهرا كيف تنام انت
بكل هذا الذنب كيف تنام وقد سرقت
روح ..
انتقاما جبار ياالله بقدر حرقة القلوب 💔

ومن توقدُ القلبَ آلامُه..يلازمه الشعر أنى يحيد..
إذا طفحت بالمآسي النفوس..فلابد أن يستجيب القصيد.....
وفي السودان....
سمار شقياان
وحزن متباري
وجعنا بحر
ماليهو كباري
كرهنا التكلة..
صباحنا الشكلة..
وبين الطالب..والكمساري
هزل بالدين!
أنصاري يسب
في شيوخ ميتين
والصوفي يسب
دقن الأنصاري
الشجرة الشربت موية النيل..
عدمانة الخير..
هجرانة الطير..
بضل مغشوش..
والزيت في النار
يقلي الفنكوش
ختة صندوق
ناقصاها قروش
أستاذ غلباان..
وحلق مقروش..
نزلة وبندول..
وشعر منكوش..
وينو المصروف!..
جيب لينا خروف..
والحال مردوف..
سايقاهو ظروف..
والحزن ولوف..
بحر الآلام..
م عندو جروف..
مهموم ملهوف
جابد أنفاس
نفسو المختوف
مديون غلبان
جاينو ضيوف
والعيش خلصان
واقفنلو صفوف
شاعر مخنووق
خانقاهو حروف..
سيد الدكان
الغاز خلصان
ناولني فحم
شافع جيعان
والحلة ملاح
مافيها لحم
دفتر مشروط
م عندو قلم
منهجنا قديم
مافيهو فهم
طابور ونشيد
لياتو علم!?
حيطة آمال
والمونة وهم..
ي ود الناس..
ناولني الكاس
ناولني العود
راسي المهدود
م عندي صعود
حواتة هناك
تحت العامود
كملنا صبر
كملنا صمود
دايرلي جواز باي طريق..
ورق الأيام بلعبنا حريق..
لا بنقول دك..
لا نعيد الشك..
بايظنا سنين..
نسكت صابرين..
لما الأعمار..
تقبض خمسين!..
لما الأعمار..
تقبض خمسين...


المقداد 🎻

✨
هو يحبهاا ومتعلق بهاا ولكنه لا يريد ان يعترف بذلك حتى لنفسه...
ربماا لانه كره ما يسمى بالحب او انه يخااف من ردة فعلهاا.. خاائف ان تتركه اذا علمت بحبه لها ...ليس هذا فحسب بل ولديه قناعة تاامة بان هذا خذلان (لا ادري ما الخطيئة في الامر ولكن هذا اعتقاده) ....
وهي تعشقه ولا يكتمل يومها بدونه ولكنها أيضاً تكذب على نفسها بان ليس في قلبها شي من هذا القبيل ربماا لانهاا لا تريد ان تقع في حب شخص غير الذي سيتزوجهاا ويجعلها حلاله (ولا ادري ما المانع في ان يكون هو حلالها) ✨ وفي كلا الحالتين اوليس هذا الخوف هو في حد زاته حب؟!❤️✨
فاللهم قلباان تحابا فاادم مودتهما واجلهاا حلاله اللهم اجمع بينهما ولا تخذلهما ياا ارحم الراحمين ❤️😴❤️✨

- فكُل شيءً تطلبونهُ وأنتم تصلّون بإيمان؛ تنالونهُ .

تقول رصاصةٌ بعد استخراجها من جسدِ شهيدٍ:كنت ٲنوي العبورَ بجانبه ،ولكنّ رائحةً قوية شدّتني ، ظننتها " الجنة " فحشرتُ رٲسي 💙

‏*الحب في زمن الثورة*

قال : عيونك لساتك بتحرق حشاي
قالت : و صوتك كأنك بتهتف وراي
قال : ح تسقط إذا كنتي جمبي و حداي
قالت : عازماك موكب بتمرق معاي؟

تشابُه الأسماء لا يَمُر بسلام لابُد من فزة القلب.

الأشياء حولي تبدو قاتمة ..
هذا الشهر غريب الأطوار
الذي لا يعرف -البتة- ماذا يريد..
قطف أرواح عديدة، وجمع أخرى

الله في علياه يسمع ويرى
ينصت إلى أحلامنا ودعائنا، قادر على الاستجابة
وقريب لحد غير متوقع!

الحكومة سيئة جداً
رائحة الفقر نتنة، والموت جائع!


حبيبي كوسادة لدنة،
كلما نظرتُ إليه تبدد الظلام،
وكلما قال "أحبك" عمّ السلام!
وجوده هو نقطة الضوء الوحيدة
المتبقية حتى الآن

-لميس سراج

‏برغمك نحن ما زلنا
بنعشق فى سلاسلنا
بنسخر من زنازنا
و بنسخر من زنازينك

للسودان مواقفنا
و للسودان عواطفنا
و لما تهب عواصفنا
فما حيلة قوانينك

‎

الفاتح عز الدين وأمثاله. ....
ليكم يوم 👌👌

عزيزهم الرئيس
السلام علينا ورحمة الله على شهداء الثورة وسلم الله المصابين وفك أسر المعتقلين في بيوت الأشباح
وبعد
أكتب لك نيابة عن جيل التسعيان
شذاذ الافاق، المارقين، العملاء، الإسرائيليين، المطاليق، الصعاليق،
الكنداكات، المندسات، حاملات الحقائب ، التي تحمل التاتشرات والاسلحة الثقيلة.

يا ضمرالهمام
إن سألت عن حالنا، فنحن في تمام الهتاف بكامل المواكب وفي أتم السلمية ولا ينقصنا سوى رحيلك إلى الأبد...

نحن ومنذ دخولنا البويضه ، لا بل منذ ان كنا حلويات و طحنية في الدكاكين
كانت جيناتنا وما زالت تحمل معنى الحرية والسلام والعدالة

نحن يا سيد
تمردنا علي كل المفاهيم التي أوجدتموها انتم من اللاشيء
تكاتفنا رغماً عن مخططاتكم الشيطانية بأشغالنا عن قضيتنا باشياء تافهة
إتحدنا فصرنا روحاً واحده ترفرف عالياِ بأسم السودان المليون ميل مربع
هذا الواطن الشامخ الذي لم يعرف الخضوع الا في عهدكم
السودان الذي شكلنا بكامل اختلافاتنا و تناقضاتنا احفاداً لحضارة من اقدم الحضارات في العالم
نحن أبناء بعانخي وأماني ريس
نحن الفراعنة السود يا عمر البشير

أرهب وعذب واقتل
ووالله لن يزيدنا التعذيب الا ثباتاً و لا الموت الا إيماناً
نحن عندما نموت نذهب الي الله الحق العدل والله لن يظلمنا كلظلمك لنا

أخيراً
هذه الثورة ليست ثورة جياع، ولا ثورة شعب مكبوت، إنها ثورة مفاهيم وكرامة وحرية خالصة بأسم النيل لأسترجاع شموخ الوطن الكبير #السودان

@ahmed_tarig

‏يا رافع الأعلام الليلة حر قدام
والعسكري الأهبل فاكر رماك في البوكس وكسر مقاديفك
والله هو المكسور وانت الشجاع وجسور

"يا ليتهم ..
وبنفس قوة بطشهم بالابرياء..
بطشوا بمن سرق الرغيف من الجياع"
#موكب7فبراير
#تسقط_بس

من طين المكارم قد خلقنا
وكستنا الشمس سمرة
طيبون
قلوبنا بالحب تهدي الأرض وردآ وسلاما
ثم للناس المسرة ..

*يلاكم نكون لجان مقاومتنا* 💪🏾
شبابنا وشاباتنا الواعين المثقفين
الليلة عايزين ندخل توش وبدون رتوش، ايوه عايزين نجيب الزيت
البطلع زيت الحيكومة الدمها فاير وحيلها خاير عايزنكم كلكم تعملوا لجان الاحياء ( ما اللجنة الشعبية حقتهم ديك ) المثقفين بسموها لجان المقاومة وقع ليك؟
المهم انحنا نعمل حاجتنا في حدود معرفتنا وبالشي البحقق طموحاتنا وامالنا
ولو سألتوني لجان المقاومة دي تكوينها كيف ؟؟؟
اها بسم الله
نخش في المحشي
يلا نحنا عشان نكون لجان لا فيها طق ولا شق نركز كلنا مع بعض كدة، ونعرف لجنة مقاومة يعني شنو ؟؟ .لجنة مقاومة يعني جماعة من الناس بتفقوا علي هدف معين ويحاولوا يعملوه بعد المشاورة والاتفاق والإقتناع ويبدوا تنفيذ ويحاولوا لحدي ما ينجزوا مهمتم.

اها ننجز كيف؟
لجان المقاومة بتاعت الأحياء بتعملو ليكم قروب واتس وانتو متكلين في العمود وكلكم فرد وواثقين في بعض وبيوتكم كلها واحد، بعد تظبطوه فلان داك زول كويس ياخ نضيفو وعلان داك اصلي بعزنا، كربتو الشغلة؟ تمام.
نمشي نشوف ناس من الحي الجنبنا ونطلع مننا اتنين بمثلونا في قروب لامي كل الاحياء القريبة لحد مانقفلها مدينة كاملة زط الا خط.
والمهنيين الفي مكان العمل والمدارس وربات البيوت والمواطنين ممكن يساعدوا في الرصة دي برضوا ماتقول لي دي بت مابتنفع في الغلش ده، البت قدااام انت الورا.

لجان المقاومة ما بتكون مربوطه بأي حزب سياسي حقتكم انتو وبتعبر عنكم انتو وعن رأيكم ..ولجنة المقاومة بتتكون من كل واحد ليهو مصلحه فى اسقاط النظام والفارات ديل يشتتو ،، وده طبعا الهدف بتاعنا كلنا الافراد العندهم القدرات منكم ممكن يساهموا بيها فى العمل البتقررو اللجنه وبصب في خدمة هدفنا الأساسي اها نحنا ديل نقوم نتواصل معاهم ونساعدهم وهم بوجهونا وممكن نحنا زاتنا نوجههم زي ما قلنا العمل جماعي والحلم اجتماعي والهدف واحد عشان كدة ضروري نشارك مع بعض.

اها الشغلة كربناها وبقت مؤسسة والناس تقول يمين نمشي يمين شمال تقع شمال الخطوة الجاية شنو؟ الخطوة سهر جداد وبشتنة ورقاد واطة وقع ليك؟ بس قرض على كده. تاني في بيان بتاع غلش طلع من المهنيين نستلم الزيت ونبدا ننفذ.

في قزقزة كده بتجي من الملل وعدم الموضوع نقوم نعمل شنو؟ نشخبط نملاهم فقر بس اي حيطة تسقط بس وكمان لو بقت فيها قروش وشيرنق دي العزة زاتها هاك يابوسترات وملصقات ( اعمل حسابك الفارات ماينقشوك بطير ليك ولينا )

المهم خالص يا شبابنا المهنيين وغيرهم من المواطنين عشان ماتقول لي انا بعثي وخاين وعميل لايمكن اشتغل مع اتحادي مرتزقة وبتاع لجان المقاومه فى الاحياء ما بتكون على مستوى تنظيمات يعنى على المستوى الفردى بغض النظر عن انتماء الشخص الحزبى يعنى صاحبى لو عندو مصلحه فى التغيير وما بضر الشغل أهلاً بيهو حتي لو كان موجود في حزب ولو اختلفنا في بعض التفاصيل يعني الحصة وطن.
في النهاية اختلاف الرأي لا يفسد للود قضية زي ما بقولو ما دام متفقين على هدف اساسي واحد هو اسقاط النظام ✌🏾✌🏾
ونعمل تحت المظلة دي
وهيلاهوب مع بعض بنلقى لجان مقاومتنا اتشكلت وماشايفين قدامنا غير
#تسقط_بس

اها الغلش ده لمتين يامعلمين؟ لحد مانصل لمرحلة قفل واحتفل. موضوع منهتي


#مدن_السودان_تنتفض