ولاية القضارف محلية الفاو (مدينه الفاو)
ساعدونا بالإعلام
لانو اعلامنا تعبان و بلدنا كلها كلاب أمن

المظاهرة بدأت من مركز التأمين الصحي وسار الموكب الي سوق الفاو وأثناء اتجاهه الي دار المحليه باغتهم كلاب الامن بالاضافه لقوات الشرطه وتم تفريق الموكب نسبة للعدد الغير كافي
وتم اعتقال (الشاب : نصر الدين احمد مكي)

شمبات
١٣/١/٢٠١٩

#موكب13يناير

بحري
١٣/١/٢٠١٩

#موكب13يناير

#فجر_الخلاص_قرب ✌️🏽

‏تنفذ جريدة "الجريدة" السودانية وقفة احتجاجية صامتة غداً الاثنين الساعة 12 ظ، بتوقيت الخرطوم،أمام مباني إدارة الإعلام بجهاز الأمن والمخابرات تنديدا بالرقابة القبلية والمصادرات المتكررة.
نقلا عن شمائل النور

#موكب13يناير

النظام يستخدم غاز اعصاب روسي
#تسقط_بس
#مدن_السودان_تنتفض

“إنَّ تِلكَ الإنتصارات الصغيرة والتي لا يتذكرها سِواك، وحدها ما تُبقيك قوياً
أمام كُل مَا يُسيء إليك”

"وصاح الشهيد:
سلاّم سلاّم
على من صَمَدْ
نحبُ البلاد
كمَا لا يُحبُ البلاد أْحد..." 💜💫

مـلآمِحه تشبه السـودآن وده المديهـا لـون وطعم..🖤

#صباح_الحرية 🇸🇩

لمن تكون بتلعب كوره
وتشوف زولتك جنب الميدان😂😂😂🔥

~ ولوهلة ! تغيرت صفات فارس الأحلام لديهنَّ
.. ثوري، سلمي، ملثم، مبحوح الصوت من الهتاف .. وسافر في الشوارع مناضلاً، ليؤسس لها وطناً قبل بيتهما الصغير ~🇸🇩💙
#محمد_عبدالرحمن

11/1/2019
#مبادرة_كلنا_اولادك✌️
في حياتي كلها ما ح انسى اليوم ده

اليوم ده بقدر م كان حلو بقدر م كان موجع ، الحمد للّه ربنا وفقنا انا ومجموعة شباب معاي قدرنا نوصل ونتواصل مع اهالي الشهيدين ، المهندس محمد والدكتور صلاح ،
م عايزة اخش ف تفاصيل كتيرة ، بس بالجد ياريت اي زول بقدر يمشي ع اهالي الناس ديل م يتردد ، واللّه العظيم لما تشوفو حالتهم كيف تحنن والكلام البقولوهو لما يعرفو انو نحنا جينا م بنعرف الشهيد ، وجايين عشان الوجع كان جوة ناس كتار مننا ، بفرحو شديييد ، واللّه الكلام القالوهو لينا خلاني ف لحظة احس هم البصبرو فينا ، م نحنا البنصبر فيهم !
اول شي مشينا لعيلة الشهيد محمد ف امدرمان مدينة النخيل ، طبعاً هو الولد الكبير والوحيد ، اخواتو اصغر منو 2 تومات ف عمر 10 سنوات تقريباً ، وطفلة ف عمر 5 او 6 سنين تقريباً ، امو كانت ماسكة القرآن و صابرة ب طريقة مبالغ فيها ، القوة الجواها بتمنى بس من اللّه يزيدها جواها ، لما شافتنا جينا م كانت بتقول غير الحمد للّه ، وقالت لينا كلام كتير من ضمنو ( محمد م كان ناقصو شي بس حال البلد واجعو ، المصبرني انو قبل يطلع حضني وكفاية ، محمد اخد شهادة الموت قبل شهادة الهندسة ، محمد ولدي مات بس جاب لي اولاد تانين ، انتو اولادي ، محمد م مات محمد هدا فيكم ) وغيرو من كلام حسيت بيهو بتتصبر من خلال وجودنا ، ودموع اخواتو ونحنا ماشين خلاني بالجد احس انو الناس ديل شايفة محمد فينا !
بعدها مشينا لعيلة الشهيد الدكتور صالح ف الكلاكلة جنب الاحتياطي المركزي ، ابوهو زول كبير ف السن والصدمة كانت قوية عليهو ف بيغمى عليهو ل يوم الليلة ، امو متوفية الف رحمة ونور تنور قبرها ، ربتو اختو الكبيرة ، وف اخوهم الكبير ، مما دخلنا ليهم اهلو كلهم بيتحسبنو ويداعو ف اللي كان السبب ، كمية الادعية من ناس موجوعة شديد كده انا متاكدة م حتروح ساي ، لما جات اختو عشان نعزيها ، بعد اخدت الفاتحة بقت بس تقول ( حسبي اللّه ونعم الوكيل ) ، وتعيد وتكرر فيها ، موجوعة لانها كانت امو الربتو بعد وفاة امهم اللّه يرحمها ، ولما شافتنا جيناها مجموعة ، قالت كلام ( انتو فرحتوني اللّه يحفظكم ، صلاح م مات ، صلاح حي بالناس الزيكم ، اللّه يحميكم ويحفظكم ) بعدها التفتت ع خالاتها وقالت ( انا م دايرة حق صلاح خلاص ، الناس دي رجعت لي حقو )
كمية الوجع الكانت ف بيوت الناس ديل كافية جداً انها تليّن حجر وتهز جبل ، لكن للاسف رئيسنا م بهزو غير الرقيص ، واللّه الحكومة دي بدعاوي العيلتين ديل بس م حيلاقيهم خير ، ف ما بالك بباقي الأُسر اللي فقدو زمان من 2013 ولليوم ؟
ياخ انا م قادرة اقتنع انو ديل بشر زينا ، معقولة ف زول بيقدر ياخد سلاح عشان يقتل زول زيو وابن بلدو ويرجع بليل ينوم عادي ؟! م خايف انو البعمل فيهو ده يتردّ ليهو ف واحد من ناس بيتو ؟ معقولة الناس دي باعت ضميرها وانسانيتها للدرجة دي ؟ وعشان خاطر شنو وخاطر كم ؟ مليون ؟ مليونين ؟!!!
واللّه الدنيا مسخت لي وكرهت الحكومة دي وكرهت اي شي ف البلد دي ، حكومة تصرف ف قروش عشان تقتلنا وتوجع قلوبنا بس ، اللّه ينتقم منهم اشد انتقام ، يااارب انت بس القادر عليهم ، ف انتقم منهم عاجلاً غير اجل
يااارب زي م وجعو قلوب الناس دي وجّع وافجع قلوبهم ف اعز م يملكو ، يارب خذهم اخذ عزيزٍ مُقتدر ، حسبنا اللّه ونعم الوكيل