مصدر : إعتقال أحمد الشريف أمادو وحسام قريش وفكي علي .. قبل قليل من صينية القندول ..
وإن اختلفنا في شكل الدعوة للتظاهر اليوم .. ولكن أحترم شجاعة وجسارة هؤلاء الشباب في وفائهم بوعدهم وهتافهم بكل بسالة في وجه الرباطة ✌️


#مدن_السودان_تنتفض

مؤتمر صحفي لأحزاب الحوار بشأن التطورات الأخيرة على الجزيرة مباشر الان

حريه لأستاذنا أسامه حسين 😭 يااارب🤲

ﺍﻥ ﺷﺎﺀ ﺍﻟﻠﻪ ﺑﻌﺪ .. ﺳﻘﻮﻁ .. ﺍﻟﻜﻴﺰﺍﻥ ...

١- ﺍﻻﺳﻢ ﺍﻟﺠﺪﻳﺪ: ﺍﻟﺴﻮﺩﺍﻥ ﺍﻟﻤﺘﺤﺪ .
٢- ﺍﻟﻘﻀﺎﺀ ﻣﻨﻔﺼﻞ ﻭﺍﻋﻼ ﺳﻠﻄﺔ ﻓﻲ ﺍﻟﺒﻠﺪ .
٣- ﻓﺘﺮﺕ ﺍﻟﺤﻜﻢ ٤ﺳﻨﻮﺍﺕ .
٤-ﻧﻈﺎﻡ ﺍﻟﺤﻜﻢ ﺩﻭﻟﺔ ﻣﺆﺳﺴﺎﺕ ﺍﻭ ﺑﺮﻟﻤﺎﻧﻲ ﺗﺸﺎﻭﺭﻱ ﻣﻦ ﺟﻤﻴﻊ ﻓﺌﺎﺕ ﺍﻟﻤﺠﺘﻤﻊ.
٥- ﺗﺤﺴﻴﻦ ﺍلاﺟﻮﺭ ١٠٠% ١٠٠.
٦- ﺍﻟﺤﺎﻛﻢ ﻫﻮ ﺍﻟﺸﻌﺐ ..

#يتبع

وزير الصناعه: القمح متوفر طوال العام لكن يحتاج الى سيوله
القمح الموجود في المطاحن يكفي لثلاثه اضعاف السودان
#تسقط_بس
#الثورة_مستمرة
#مدن_السودان_تنتفض

#تسقط_بس 🙂

‏الشعب حالياً خاشي مع البشير مرحلة
" ركوب الراس " اللي هي
توفر الدقيق!!
تسقط بس.😌✋
تنزل سعر الدولار!
تسقط بس.😌✋
تدينا اكياس لبن مجاني، تبكي، تدردق، تضبح الشاي وتشربنا شاي بلبن عدييييل برضووووو
تسقط، تسقط، تسقط
تسقط بس 😌✋

‎#تسقط_بس

#وارد

بالدارجي الفصيح في 20 جمله :

الكاتب / محمد مبارك

1/ أي مجموعه حتمشي للبشير عشان تقنعو يتنحي ما حتنجح لأنها ما بتملك أي ضمانات ليهو وهو قلبو مقطوع أساسا ..

2/ دول الخليج قالوا ليهو خليك قبلك وما تطلع نحنه معاك للنهايه طبعا هو ما واثق فيهم ولا هم واثقين فيهو أصلا ..

3/ أحزاب الحوار والأكاديميين وشيوخ الطرق الصوفيه وناس الكوره وكل البطانات عملوا منو ياع بالبارد ..

4/ قوش فشل ينهي الحراك الشعبي المشتعل والجهاز ما قادر يوقف المد الجماهيري الكبير ده برغم القمع الدموي ..

5/ الجيش والشرطه ما عندهم الرغبه يخشوا في عمق الحاصل بالذات الجيش لي غباين داخليه لسع موجوده ممكن تولع في أي لحظه ..

6/ نافع قال الرساله وصلت قصدو البشير بقي عارف الناس قرفت منو للطيش مع إنو نافع نفسو جزء أصيل من الأزمه الحاصله دي ..

7/ الصادق المهدي والميرغني وكل الأحزاب الطائفيه والمعارضه التقليديه تاني ما حتقوم ليهم قايمه في البلد دي ولو بعد 100 سنه ..

9/ القوات الشغاله في العاصمه حاليا وصلت قمة الإرهاق والتعب وهي ذاااته خايفه ومرعوبه وبدوا ينقنقوا ..

10/ في بوادر إنسلاخات وإنسحابات فرديه داخل القوات دي وطبعا عدم الإحترافيه وااااضح في أسلوبهم القمعي ..

11/ أكتر زول خايف منو البشير حاليا حميدتي وهو قادر يبلع البشير وقوش في جغمه واحده لكن مشكلتو الجيش ..

12 / البشير جري للشرطه يغريهم بعد عرف الغباين الجواهم وبرضو الثقه ما متوفره ..

13/ أي وفد حيمشي للبشير حيفشل والجيش بطنو غريقه وممكن جدا يقلب الطاوله علي الجميع ما دام المحطات الخارجيه شغاله تش ..

14/ الجيش اذا حسم الموضوع بحكومه إنتقاليه حميدتي عندو خيارين يا إما يتعاون أو يهرب للخلا ويفتش ليهو ممول جديد ..

15/ إبن عوف وعبد المعروف ما بعيد يلعبوا دور المرحوم سوار الدهب إذا حميدتي ما سبقهم عليها لكن الثوار حيكون عندهم راي تاني بتاع محاسبات ..

16/ قوش عندو الجواز البريطاني ..

17/ النظام الآن ميت سريريا وبإنتظار توقف القلب إما بالتنحي أو الجيش أو حميدتي طبعا قوش بره منهم ..

18/ المظاهرات المستمره كملت قروش الإستعداد وهسع الخزنه فااااضيه والشغله بقت صعبه خالص ..

19/ قبال يوم 10 الجاي إحتمال تتحسم أمور كتيره لأنو مرتبات الجيش في جهجهه ولحدي اليوم داك البشير ما حينوم نص ساعه لأنو البندقيه ما بتتحمل الفلس يوم واحد ..

20/ السودانيين كسروا حاجز الخوف والثوره مستمره والنظام فعليا سقط بس منتظرين المشهد الأخير ياتو فيهم ..
كتبت بواسطة :
( محمد مبارك)

و هيبه رجالك بتسند قفاي 💜🌸
أطلقوا سراح أسامه محمد 😭😭😭💔
#ادعوا ليهو يخوانا

أن الشهداء الذين ماتوا برصاص النظام فى هذا الشهر؛ كان ايضاً لهم أحلامٌ بعامٍ جميل !.

هام جدا

نحن ما بنعرف المعتقلين عموما بقولو في شنو
والتحري معاهم بأي شكل

وشكل المعلومات البقولوها في التحري

طيب معناها نحن ما نكتب اي معلومات ونكون بنخدم فيهم بدون قصد وبنديهم معلومات مجانية وبنكشف في معلومات المعتقلين الممكن كانوا بنكروها

بعرف زول في التحري كان بقول هو اتقبض في السوق ساي وما بعرف حاجة عن المظاهرات ولا عندو حزب ومجرد بائع تلفونات
المتحري كان ما بمتلك داتا عنو وصدق الكلام
فجأة واحد من الامن قال دي صورتك في الفيس بوك والناس بتكتب المناضل والراكز ووالخ
بسببها انجلد واخد ٢٠ يوم في المعتقل

العايز اقولو بالظبط حاليا الامن ما عندو قدرة يستوعب معتقلين كتار وما بتمسك بالمعتقلين بالكتير ٢٤ ساعة وضرب او اتحولو للاقسام وبالضمانة بطلعوا
بس لما يحسو انك خطر وعندك اعلام معناها انت قيادي
وبتحفظو بيك اكتر والضغط بكتر

#تسقط_بس

ناشط : ‏دايرين الكلام البيضحك ولا البيبكي؟..
‏الذي يحدث الآن لن يسقط هذا النظام، اسلوب الاجازات و الراحة و بعدها المظاهرات البتكون ساعتين و ترجع البيت لن يسقط هذا النظام ولا حلول، بطريقة ما و لأسباب كتيرة المظاهرات بدأت تتحول من الحراك الشعبي لحراك شبه سياسي فقط اللي بدأت تحصل فيهو المشاكل و المهازل المعتادة دي..
‏أي كلام عن ارهاق قوات و قربت تسقط غير واقعي، أي كلام عن انشقاقات و تحركات و انقلاب و كل التمنيات الأخرى غير حقيقية، لسه النظام ده قوي و متماسك و مسيطر و بالعكس كل ما يمر بيهم وضع زي ده مظاهرات او حرب بيتوحدوا اكتر حماية لمصالحهم و لوجودهم و بيتناسوا خلافاتهم..

#مدن_السودان_تنتفض

الله حين نُصبِح ، الله حين نُمسي، الله عند الخوف ، عند الفزع ، عند الكرب، عندما يشتد الضيق ، عندما يتسع الطريق.
الله في الطرق المظلمة نور ، في الوحدة أنيس، وسط الجموع حامي ، الله عند الفرح سجدة ،الله

​رئيس "تحرير السودان": البشير مارس التطهير والإبادة

“ولا نخاف سوى أن نُحارب كُل هذا، ونخسرُ في الجولة الأخيرة.”

*بيان مشترك*

نحييكم اليوم والوطن يتنسم عبير الحرية ويولي ظهره للخوف في مواجهة بطش النظام المغتصب.

لن يثنينا وشعبنا التقتيل أو الإعتقالات أو الملاحقات، ونتعهد أمام شعبنا والوطن بأننا ماضون في طريق إسقاط النظام بالوسائل السلمية، رغم الهجمة الشرسة أمنياً وإعلامياً ومحاولات تقويض النجاحات التي هددت عرش الطغاة.

إننا وعقب توقيع إعلان الحرية والتغيير الذي عملنا من خلاله لتجميع كل قوى التغيير حول مطالب الحد الأدنى التي تجمعها سوياً وأعلنا فتحه لتوقيع كل من يريد أن يرمي سهماً في صدر هذا النظام،ندعوكم جميعاً للتوقيع على هذا الإعلان عبر اصدار بيانات وتصريحات للتوقيع والدعم كما نعلن عن الخطوات الآتية :

١- الخروج في جمعة الحرية والتغيير من كل مدن السودان نهار الجمعة القادم الموافق الرابع من يناير ٢٠١٩.

٢- قيادة موكبكم الثالث الذي سينطلق نحو القصر الجمهوري وذلك يوم الأحد السادس من يناير ٢٠١٩م الساعة الواحدة ظهراً من عدة نقاط سنعلن عنها لاحقاً.

٣- قيادة موكبكم الرابع يوم الأربعاء الموافق التاسع من يناير ٢٠١٩ ويتجه نحو مباني المجلس الوطني في أم درمان لتسليم مذكرة تطالب برحيل النظام.

٤- مواصلة التظاهرات الليلية بكافة أنحاء البلاد، وبالكيفية التي ترتب لها الجماهير وقياداتها الميدانية، وهذا ما شتت ويشتت قوة النظام.

إن انتفاضتنا تستمد قوتها من جماهير الشعب السوداني ومن شبابه، ومن وحدتنا التي هددت النظام وجعلته يترنح ويفقد زمام المبادرة، فهو لم يعد لديه سوى ترسانته الأمنية، والدعاية الإعلامية المضللة، وأنتم من تقومون بالفعل والنظام ليس لديه سوى ردود الفعل البائسة، فأصوات النظام المرتبكة التي تهدد الشعب وتتوعده بمصير دول هي الآن أفضل حالاً منا، تتجاهل أننا فعلاً نفتقر للسلام والأمن والطعام والحرية.

إننا ندعو كل قطاعات الشعب المهنية والسياسية والنساء، والطلاب، والقطاعات العمالية، والتجار والحرفيين، وغيرهم في كافة بقاع السودان شمالاً وجنوباً، شرقاً وغرباً، للانتظام وتشكيل لجان الإضراب السياسي والعصيان المدني استعداداً للحظة الحاسمة التي بدأت بشرياتها تلوح في الأفق.

جماهير شعبنا العزيز، إن أي تنصل من النظام وأي إعلان أو تصريح من أي جهة بالوقوف ضده، يفت من عضد النظام ويفقده تماسكه، ومع إدراكنا إن قوة النظام الحقيقية تكمن في ترسانته الأمنية فقط، فإن افتقاده للدعم السياسي يؤثر حتى على قوته الأمنية.
وفي هذا الإطار فإننا ندعو جميع من له مثقال ذرة من احترام للوطن، للخروج الفوري من عباءة النظام والانحياز إلى الشارع العريض، والمحاسبة في سوح العدالة ودولة القانون هي التي ستكون الفيصل يوم الحساب ضد كل من أجرم في حق هذا الشعب.

كما نطالب المجتمع الدولي ومؤسساته القيام بدورها بالضغط على النظام لاحترام حقوق الإنسان وحرية التعبير والتنظيم المتمثلة في تسيير المواكب والاحتجاجات، ونخاطب مليشيات النظام والممسكين بآلته القمعية بالكف عن البطش وعدم تنفيذ أوامر القتل والإيذاء فالمسؤولية في ذلك فردية، والعنف لن يثني الشعب عن مسيرته والتي سيتوجها بإسقاط النظام وإقامة دولة الوطن، ونخاطب الشرفاء في القوات النظامية بالانحياز لصف الشعب وتركه يحدد مصيره.

*عاش نضال الشعب السوداني من أجل السلام والحرية والكرامة*

تجمع المهنيين السودانيين
قوى نداء السودان
قوى الإجماع الوطني
التجمع الإتحادي المعارض
٣ يناير ٢٠١٩م

#جمعه_الحريه_والتغيير
#موكب_6يناير
#موكب_9يناير
#مدن_السودان_تنتفض

⭕️مصدر : هنالك انباء عن وجود مؤتمر صحفي سري للبشير وعدد من قيادات الحزب الحاكم وحيجيبوا مجموعة من المهنيين (الذين لا يمثلون التجمع الحالي) التابعه للكيزان من طبيب لصيدلي لمهندس... الخ
لكي يمثلوا انهم من المهنيين ويقولوا البشير رئيسنا وتجمع المهنيين لا يمثلنا والكلام ده حيبث عبر القنوات الفضائية لكي يخمدوا نار الثورة من الداخل
لذلك وجب التنبيه
بناءاً على ذلك كل الحيطلع من المؤتمر اليوم عبارة عن تمثيلية


#بورتسودان_موكب3يناير
#جمعه_الحريه_والتغيير
#موكب6يناير
#موكب9يناير

#مدن_السودان_تنتفض

مواكب ما بتتراجع تاني ✌️🏻


#بورتسودان_موكب3يناير
#جمعه_الحريه_والتغيير
#موكب6يناير
#موكب9يناير

#مدن_السودان_تنتفض

‏جماهير البحر الأحمر تعلن انحيازها إلي خيار الشعب والمطالبة ً بإسقاط االنظام، وتسليم السلطة إلى حكومة انتقالية، ومحاسبة من تورط في قتل المواطنين.

#بورتسودان_موكب3يناير.

مؤتمر غبي معاد ومكرر لكذب سمعناه مليون مرة 🙂🙂

نغني و نحنا في اسرك
و ترجف و انت في قصرك✌️