لسلام عليكم يا دكاتره ✋
انا طالب طب في السنه الرابعه
و عندي فكره سغيره كدا حابي اعرضها عليكم
زمان عملنا انا واصحابي قروب خيري صغير كدا.. بنجمع فيهو تبرعات وننشر فيهو حالات محتاجه مساعده.. وكان شغال لكين ما بساعد كتير

هسي قررت انو ننذرو لي مصابين الثوره
ننشر حالات المصابين الما عندهم قدره العلاج (نسبه المستشفى و المعدات المستخدمه والادويه)
ونضيف الدكاتره الناذرين نفسهم للثوره.. عشان يشوفو الحالات بانفسهم ويتواصلو معاها

وبرضو ندرب اعضاء القروب والمواطنين العاديين على الاسعافات الاوليه الميدانيه بي طريقه جميله وسهله وبسيطه عشان عدد الوفيات ومضاعفات الاصابه تقل

وبرضو ننسق على انو يكون في عدد من الدكاتره الميدانيين ومتطوعين مدربين للاسعافات الاوليه في كل مظاهره
دا رابط القروب 😊 👇
https://t.me/joinchat/CHUU2EiLYuR-M-fA2GQKgw

اي دكتور حابي انو يشارك ولو بي فكره
بتمنى انو ينضم للقروب... لانو السودان #محتاج_ليهو حالياً

لامن تجي تشتري العيش وتلقاه متوفر، تذكر ان دم اكتر من عشرين سوداني خلال الاسبوع الفات هو السبب في هذه الوفرة المؤقتة وليست السياسات الاقتصادية ..
لا تستطعم الخبز وتصمت، وتقدل وتمشي تتغدى، بل قدمه الى اهلك في خجل، واذكر لهم انه خبزٌ عُجن بدماء شباب سوداني..
أُكل واكِل عيالك، ولكن تذكر وذكرهم، انو في ناس ماتت بالرصاص لأجل خبز الجمعة والسبت والأحد ..

فانا لا أستطيع ان اضمن وفرة طويلة المدى..

كيفن يطيب الزاد ؟
لازم نرجع حقهم ونبرد قلوب امهاتهم وابهاتم واخوانهم هم طلعو عشانا كيف نستسلم بعد ما ضحو عشانا كيف نضيع حياتهم ونحنا السبب وحال البلد كلنا بقينا زي الما عايشين وم ح نعيش لو م رجع حقهم ولا ح نتهنى في حياتنا ثورة حتى النصر
#ياخرطوم ثوري ثوري ضد الحكم الدكتاتوري

#الحصة_وطن
#موكب_31ديسمبر
#الثورة_مستمرة
#مدن_السودان_تنتفض

في وقتٍ قريب..
سنعبُر معاً شوارِع الخُرطوم يداً بيَد ، نمر بذاتِ الشوارِع التي كانت تهتف " سلميّة" ونلتقي بلوحةٍ مكتوب عليها " انتصرت ارادة الشعب"
نضحك سوياً ونتذكّر أصوات الرصاص ، الغاز المسيل للدموع الذي استنشقناهُ ونحن نثور ونردد " بقتُل سُكات الزول " !
وقتها لم تخفني سيارات الشرطة ، ولا محاولاتهم لاعتقالِنا ، لم تخفني أسلحتهم بقدر ما أخافني وطن يقتل أحلامنا بحكمٍ جائِر..
بقدر ما أخافني أن يستعصى مهري عليكَ ، ولا تنصفك الشوارع لتلتقيني ..
سنمُر بلافتةٍ كتب عليها " الثورة خيارُ الشعب" ، ونضحك لانتصارِنا..
نمر بقرب بائع عصير ، وقبل أن يناولنا الكوب ، يخبرنا أنّ قبل سنواتٍ قليلة كان العالم ضيق للغاية ، ولكن بعض الشباب أراد الحياة واستعاد الوطن ، وبعد أن كنا نبيع هذا الكوب بعشرة جنيهات ، أصبح واحد يكفي لشرائه!
وبعد جولتنا الطويلة..
نصل لمنزِلنا ، سيكون العالم ضاحكاً ، والوجوه مستبشِرة ، وسائل النقل تملأ الأرجاء ، وسينسى الناس كيف ترتب الصفوف!
نتذكّر ليلةَ زفافِنا ، وبأن الحرية كانت طفلةَ قصتنا ، نعود بابتسامةٍ للوراء وندندن سوياً
" بنادق وين؟ بنادق وين بتمنعنا العديل والزين " ♥
في يومٍ قريب
سنتذكّر كم معركةٍ خضناها ، وكم صديقٍ فقدنا وسط لجّة الضيق هذه ، ومن هذا الضيق سنخلق سعة ، ووطناً جديداً، يتسع لحُب كبير ، وقصص ستتوارثها الأجيال ..

#رغد_عبدالرحمن

م تياسو زي باقي القنوات اللي باشرت حياتها عادي
اي زول ما بطلع الشارع بياخد الطاقة منكم والامل. ...
لما يشوفكم كسرتو حنك حيفهم انه خلاص كل شي انتهى ونارنا انطفت فخليكم مصدر الضوء
وصلو صوت الثوار لأي متابع واي مكان ما تخذلوهم زي اعلامنا السوداني
#اللثورة خيار الشعب

ناس اتوفت، و ناس ما لاقينها، وناس امهاتهم وابهاتهم قلبهم محروق عليهم وهم شايفنهم مرقدين مستشفيات و بغذوهم بالدريب ، وناس معتقلينهم وما عارفين مكانهم وين و ناس من الالم حق الضرب والتعذيب ما قادرين يشربو موية.. وتجي واحدة تكتب
" حكومة تخليني ما اشوف صحباتي تسقط بس" ،
ولا '' حكومة تخليني ما اعاين للكراش تسقط بس ''،
'' حكومك تخليني في البيت ما اطلع تسقط بس ''،
وغيرو كتير ، ليه لييه ياخ الوجعة دي وعدم المسؤوليه دي ، م قادرين تعملوا حاجة او تساعدوا بالبوستات ساي اقفلوا خشمكم عليكم من المهزلة دي ولموا روح الظرافة العندكم دي شوية احتراماً للناس الما قادرة وزعلانة وموجوعة دي ، ماف احترام للناس الاستشهدت وقدمت نفسها فداء، لقضيتك وقضيه كل الشعب! !
الظرافة واللطافة مرات بتوصل فكرة بطريقه محدده ومقبوله لكن تقلب لاستهتار دي حاجه اوفر شديد ياخ... 😊

#مدن_السودان_تنتفض

الحب💖
السَيدة فَاطمة كَانت جَميلة جِداً شبه النبي أصلاً..💙
فَـ لما وصلِت سِن الزواج ، رجال كثر تقَدموا لهَا منهُم.." سَيدنا أبو بَكر " و " سَيدنا عُمر بن الخطاب " لكِن سَيدنا مُحمد كان يرفض
فَـ سَيدة مِن الأنصَار ذهَبت لسَيدنا " علي " وقَالت لهُ : أعَلِمت أن فَاطمة خُطبت إلي رسُول الله ؟
وخُطبت هنا ليس مَعناها اتخَطبت ، ولَكن مَعناها نَاس تَقدموا لخُطبتها.. فَـ سَيدنا " علي " قَال لهَا : عَلمت.
فَـ قَالت لهُ : وما الذي يَمنعُك أن تَأتي لرسُول الله ، فَـ يُزوجها لَك ؟
فَـ قَال لهَا : وعِندي شيء أتَزوج بِه ؟!
فَـ مَضمون مَا قَالته له : إذهَب وإن شَاء الله خَير ، وظَلت تُقنِع فِيه..وفِـ الأخر سَيدنا " عَلي " ذَهب لرسُول الله لِـ طَلب يَد السَيدة فَاطمة ، ولكنُه لَم يَستطع التحَدث بمُجرد الجُلوس أمَام رسُول الله..
والنَبي يسألهُ مَا جاء بِك يَ " عَلي "؟.. ألَك حَاجة ؟ ، وظَلت أسئلة رسُول الله تَتوالي وعَلي صَامت ولَم يَتكلم..
فَـ رسُول الله قَال لهُ : لعلَك جِئت تَطلُب فَاطمة..!م
فَـ أومئ سَيدنا عَلي برأسه " أي نَعم "
فَـ سَيدنا مُحمد سَأله هَل تملُك شَيء تُقدمه كَصداق لَها ؟
فَـ سَيدنا عَلي قَال له : لا والله لا أملُك شَيء.. فَـ سَيدنا مُحمد قال له : بَل معَك ، وذكره بدِرع قَد أهداه لَه وسَأله ماذا فعلتَ بِه ؟!
فَـ قَال له سَيدنا علي : مَا زال مَعي ، فَـ هل ينفَع ؟
فَـ قَال له سَيدنا مُحمد : نعَم ينفَع ، وسَيدنا مُحمد إشتَري لَهم بَيتاً وتَم الزَواج.
وبَعد زواجهُما يَقول سَيدُنا علي :
فَـ أحببتُها حُباً عَظيماً
فَـ والله ما نَاديتُها يَوماً يَ فاطمة ، ولكِن كُنت أقول يَ بِنت رسول الله.. وما رأيتُها يَوماً إلا وذَهب الهَم الذي كَان فِـ قَلبي ، ووالله مَا أغضبتُها قَط ، ولا أبكيتُها قَط ، ولا أغضَبتني يَوماً ، ولا أذتنِي يَوماً..
ووالله مَا وليتُها ظَهري أبَداً ، ووالله مَا رأيتُها يَوماً إلا وقَبلتُ يَداها..💙
" غسلّها وكفّنها ثم جلس وحيدًا "(
وهمس فى اُذنِها : يا فاطمة أنا علي
#هذا_الحب_الصادق❤

‏حكومة ماخلتنا نتحير في انو اشتري ايفون X ولا ايفون X max ..
وماخلتنا نتحير في الوان عرباتنا ..
وماخلتنا نتحير حنسافر وين في الاجازة ..

تسقط والله تسسقط بس 😐

وكييف تحككم بلدا كتلت اولاده!!?

#مدن_السودان_تنتفض

‏ما فضل كتيير باقي القلييل الناس تتحد والكلمة تبقي وااحدة وأكيد النصر لنا✌️✌️✌️
#موكب_31ديسمبر

#واحد_وثلاثون_رسالة_في_ديسمبر
#الرسالة_الثامنة_عشرة


لا تتحدث كثيراً، استمع، انصت، واهتم، احترامكَ لنفسك يُجبر الآخرين على احترامك، قاتل نحو الجهة التي تؤمن بها، ليس التي تثق بانتصارها، لا تراود الآخرين عن أشيائهم، لا تكن لحوحاً، حرر أفكارك، ذاتك، ورسالتك، كُن ذا وِجهة، لا تتخبط بلا هُدى، ستكسر أنفك!"


-لميس سراج

#واحد_وثلاثون_رسالة_في_ديسمبر
#الرسالة_التاسعة_عشرة


"أنزع الأشواك من جسد الضعيف، سترى على وجه ابتسامة تجعلكَ تحترف هذا العمل، لا ترضَ الذُل، ارفع صوتكَ فوق صوت الباطل ما دمتَ تصدح بالحق، لا يستوي الأعمى والبصير، المقصود أعمى الفِكر وليس البصر، إقرأ، افتح ذهنكَ نحو آفاق جديدة، لا تستسلم للعوز، لا تمد يدكَ للغرباء، لا تستسغر نفسك، ابحث عن الحياة الكريمة التي تستحقها، أو بالاحرى، انتزعها"


-لميس سراج

#واحد_وثلاثون_رسالة_في_ديسمبر
#الرسالة_العشرون


"مسد جراح قدميك بالرماد، وواصل، صب الماء على رأسكَ، وواصل، اعتذر لقلبكَ عمّا أصابه من وهن، وواصل، أحبو، لكن لا تتوقف، وعورة الطريق دليل على صحته، ما دمت تتألم فأنت تُبلي حسناً، الله لن يرمي لكَ برزقكَ في الصحن، يجب أن تزرع لتحصد، أسوأ ما قد يواجهه البشر هو التكبيل، لذا تحرر من قيودكَ، العادات، القوانين، الاضطهاد، الجلد، القمع، الظلم، والنظام!"


-لميس سراج

#واحد_وثلاثون_رسالة_في_ديسمبر
#الرسالة_الواحدة_والعشرون


"لا تنتظر أن يتفق الناس معك، ولا تحزن ان عارضوك، ميزة البشر الاختلاف، لا تتوانى في التعبير عن أهدافك، رغباتك، دوافعك، مصالحك، كن واضحاً، لا تتصنع لتكسبَ فئة من البشر، لا تحتقر انتماءات الآخرين ومعتقداتهم، احترم حروفهم، قولهم، ألسنتهم، لونهم واختلافهم، كُن الانسان ترى الانسانية، لا تسكت عن الظلم، ولا ترحم الظالمين"


-لميس سراج

#واحد_وثلاثون_رسالة_في_ديسمبر
#الرسالة_الثانية_والعشرون


"لا تقف في الحياد، الحياد للجبناء، كُن شجاعاً واختر منطقتك، إما سوداء أو بيضاء، وقوفك في المنتصف يجعل منك شبحٌ غير مريء، شفاف، ضعيف، وجبان؛"


-لميس سراج

#واحد_وثلاثون_رسالة_في_ديسمبر
#الرسالة_الثالثة_والعشرون



"الحُب عند النساء مقترن بالبسالة، والبسالة عندهنّ من الرجولة، والرجولة مشتقٌ مصدره حُب الوطن، لا تقعَ في حُب فتاة أبداً، إن لم تكن رجلاً"



-لميس سراج

#واحد_وثلاثون_رسالة_في_ديسمبر
#الرسالة_الرابعة_والعشرون


"الفقير الذي يمد قدحه لتملأه، لا تنظر إليه، انظر نحو القدح، أساله، لماذا أنت هنا؟ لما لستَ وسط مائدة ضخمة تعج بالولائم والمرق! لا تسأل الفقير، انه يستحي من فقره، اسأل الحاكم، ما الذي يجعل القدح مرمي هنا؟ وما الذي سبب فيه تلكَ الضربات، والنتؤات، والخدوش! ان لم يجبكَ الحاكم، اصفعه، ستسقط سِنه الذهبية في القدح، وسيبتسم الفقير"


-لميس سراج

#واحد_وثلاثون_رسالة_في_ديسمبر
#الرسالة_الخامسة_والعشرون



"التاريخ لا يرحم أحد، لا تتوقع كونكَ الآن بعيدٌ، مستعمي، غاض النظر، بأنه لن يذكرك!، سوف يذكرُ صمتك، جبنكَ، وضعفك، سيقول في ذات يوم، كانت الأوطان تُنادي، هبّت الجموع للفزع، بينما كان فُلان، وفُلان يضعون أصابعهم في آذانهم من الصواعق حزر الموت، انهض، تلك البلاد التي تُنادي، بلادك"


-لميس سراج

اكيييد✌️

31 ديسمبر ومنتصرين ان شاء الله

▪️يوم 24 يناير 2011 كانو الناس بيمشوا شغلهم عادي جدا و البلد نوعا ما هادية و مافيها حاجة إلا بعض الدعوات على مواقع التواصل الاجتماعي وخاصة الفيسبوك و خصيصا كده صفحة (كلنا خالد سعيد ) .. الناس دي بدأوا بسيطين شدييد و كان اغلب الكلام انو بكرة هننزل الشارع هننزل ميدان التحرير و فعلا تاني يوم الطلبه بدأوا الحراك هم و طلعوا

▪️الوقت داك لسه الحراك كان دعت ليه الصفحات في الفيس بس مافي جهة كبيرة اتبنته .. كان في حركة اسمها ( شباب 6 ابريل ) و حركة ( كفاية ) ديل برضو جمعوا ناسهم و قرروا ينزلوا مع الناس النزلت في التحرير المهم انو يوم 25 كلو عدى بأنو مجموعه شباب دايرين يخشوا التحرير و الشرطة ملت الميدان كلو و ما خلتهم يخشوا .. الناس دي فضلت كده لغاية يوم 28 الهو يوم الجمعة

▪️ الناس بعد صلاة الجمعة مافي زول رجع بيته البنات قبل الاولاد و الصغار قبل الكبار الناس كلها من المساجد على الميدان من كل حتة في القاهرة .. الناس كلها بتهتف نفس الهتاف ما شايلين حاجة غير أعلام مصر بس ، الناس وهي ماشية طبعا لقوهم الشرطة في كل مكان و بدأوا يضربو فيهم ما بضربو بمبان .. لا رصاص حي و في الراس طوالي ولا بيهظروا

▪️ لا وما كده وبس الشرطة مشوا فتحوا السجون و طلعوا كل المعتقلين المسجلين خطر قالوا ليهم أمشوا اقتلوا التقتلوه مافي زول هيتحاسب!!
فيلا كده ما بقت الشرطة براها البتضرب الثوار بقى معاهم البلطجية المسجلين خطر لكن برضو الناس ما رجعت بقوا لما يلقوا ليهم عساكر واقفين سادين ليهم الشارع الشباب بيجروا عليهم كتاااار و بيجرو سرييعو.. الشرطة طبعا ما هتقدر تقتل كل العدد الجاييها دا .. اتخيلوا عساكر واقفين مسلحين و شباب جاري عليهم اتنين تلاتة وقعو مقتولين والباقيين قبل ما يصلوا زاتو العساكر جرووا عديل كده
▪️الشرطة جرت .. لا و ما جروا ساكت بقو يطلعو في العمارات الفي الشارع يدخلوا البيوت و يقولوا للناس أدونا هدوم نلبسها بدل الكاكي دا الناس ديل لو شافونا بلبسنا دا هيدقونا أدونا أي شي نلبسه بقوا بيرموا أسلحتهم و يجروا بس في لحظة كده الشرطة اختفت من القاهرة كلها .. العساكر كلهم جروا هربوا بقوا الثوار و البلطجية بس في الشارع

▪️ الناس قدروا يخشوا التحرير و يملول الشوارع الجنبه كلهااا .. الميدان كان فيه كل أطياف الشعب فالنجارين و مهندسين الكهرباء و ديل عملوا ليهم منصة من الخشب و مكرفونات و كده و بدأوا ينظمو في الشباب كل مجموعو بيمسكوا ليهم مدخل من مداخل الميدان يقيفوا فيه و يفتشوا الناس الداخله عشان ما يكونوا بلطجية ولا كده

▪️واحدة من العمارات الناس الفيها فتحوا شققهم و عملوها مستشفى نادوا الدكاترة الفي الميدان و الصيادلة و المسعفين وقلبوا العمارة مستشفى

▪الناس قررو انو ما يطلعوا من الميدان دا هيعتصموا لغاية ما مبارك يتنازل مافي زول بقى يمشي الشغل كل الحاجات قفلت حتي الدكاكين قفلت مافي مترو مافي مواصلات مافي أي حاجة في البلد بس ثوار معتصمين في الميدان

▪️الوقت دا الاعلام المصري كان جايب صورة النيل و النت كان مقطوع من البلد كلها القناة الوحيدة الكانت بتجيب الأحداث الجزيرة

▪️المهم عدت يومين تلاتة أربعة الناس دي لسه قاعدين لا وبقوا يطلعوا مسيرات من الميدان يلفوا القاهرة ساي و يرجعوا طبعا مافي شرطة تدقهم .في بلطجية بس لكن برضو ما كانوا بيقدروا على الناس

▪️بعد دا الجيش نزل بدباباته عديل لكن نزل وقف مع الناس و طالب مبارك انه يتنحى .. المجلس العسكري طلع ليهو بيان كده قال لمبارك خلاص اتنحى اللحظه ديك مبارك لقى إنه بقى براه حرفيا كده الداخلية بتاعتك هربوا البلطجية ما قادرين يعملوا حاجة الجيش خلاك ووقف مع الشعب
▪️بعد 18 يوم من الاعتصام زي الساعة 8 كده بعد صلاة العشاء طلع عمر سليمان في التلفزيون قال انو حسني مبارك اتنازل عن السلطة .. يعني خلاااص الثورة نجحت خلاص مبارك اتنازل .. في اللحظة دي الإعلام المصري طلع بقى يقول انو احنا كنا بنتهدد و بتاع وكلام أهبل كده

▪️المهم الخلاصة شنو .. الناس ديل قتلوا منهم كتاااار شديييد ما وقفوا طلّعوا ليهم بلطجية من السجون و ما وقفوا قطعوا ليهم النت و إعلامهم ما معاهم و ما وقفوا قعدوا 18 يوم في الميدان حتي بعد دا مبارك اتنازل الحاجة النجحت الثورة المصرية بالجد شنو الإضراب العام الخلى البلد تتشل مافي زول بيمشي شغل ولا مدرسة ولا جامعة ولا أي حاجة .. الناس بتطلع من البيت تمشي الميدان بس ياخ حتى المطاعم قفلت إلا كم واحد كده وأصلا الناس ما بتشتري منهم .. الناس بس تستمر يأخوانا والله هننجح و النظام هيسقط بس لو الناس استمرت لو عملنا اضراب عام كل الناس تشارك فيه ما الاطباء و بس كل الناس لازم تشارك + لازم يكون عندنا صفحات و ناس شجاعة تقود الثوار ديل تقول ليهم أنزلوا و ما تجي تتراجع تاني عشان الحتة ما أمان


#فتيلة_الثواااار 🔥🔥🔥
#رااااية_وصوت
#ثوروا_تصحوا
#مدن_السودان_تنتفض
#صفرجت✌️🔥