حنصلي الجمعه في ميدان ابو جنزيره وبعد كده ح نكون متماسكين مع بعض والجمعه دي جمعه الرجال ما عايزين النساء معانا عشان م نتغيد بيهم نركز علي الكمامات المنقوعه بالخل نحن ح نقيف وقفه سلميه الجمعه م حنصلي في المساجد الجمعه ح نصلي في الميادين انسخو معي عشان الحاضر يكلم الغايب
#مدن_السودان_تنتفض

- حكومه تخلي أمي وأبوي يكونو شايلين الهم وراسهم يضرب كيف يجيبو لي ولي اخواني قروش الجامعه والمدارس كاش ، تسسسقط.
- حكومه تخخلي أبوي يرجع البيت الساعه وحده ونص صباحاً لانو بفتش على عيش لينا ، تسسسسسقط.
- حكومه تخلي العيشه الوحده بي جنيه ، تسسقط.
- حكومه تخلي الطعميه الوحده بي جنيه ، تسقططط.
- حكومه تتزيد البيبسسي من ٥ ج لي ١٨ ج ، تسسقطط.
- حكومه تخلي الاندومي بي ١٢ تسسقطط.

Comments💬:
الناس اللي بيطلعوا مظاهرات ..#اتوضوا من بيوتكم ولما يدخل #وقت_الصلاه الشباب يصلوا #جماعه في مكان واحد ..براكم شفتو الموت بعيونكم كيف تكون ماشي للموت ومامصلي !!!! ..ربنا قال للماجهدين في زمن الرسول عليه الصلاة والسلام ..(رجالا او ركبانا )بمعنى #اثناء_الحرب صلوا وقولوا الفاتحه وقولوا ذكر الركوع والسجود سواء ماشي على رجولك او راكب الخيل ..فما تغفلوا عن الحاجه دي ياخوانا ..وكمان لما يشوفوا منظركم انتوا بتصلوا والله #حترعبوهم اكتر وحيحسوا انو ربنا حينصركم عليهم لانكم اتصلتوا بي ربنا ..اعملوا شير لكلامي ده ..نأدي فرض الله عشان الله ينصرنا ويقلب حال البلد #لأحسن..🌸🇸🇩

Comments💬:
وأهمّ شي تكونوا مصليين الصبح في جماعة
روى مسلم (657) عن جندب بن عبدالله رضي الله عنه قال : قال رسول الله صلى الله عليه وسلم : ( مَن صَلَّى الصُّبحَ فَهُوَ فِي ذِمَّةِ اللَّهِ ، فَلا يَطلُبَنَّكُمُ اللَّهُ مِن ذِمَّتِهِ بِشَيْءٍ فَيُدرِكَهُ فَيَكُبَّهُ فِي نَارِ جَهَنَّمَ ) .
عن سمرة رضي الله عنه قال: قال رسول الله صلى الله عليه وسلم: ( من صلى الصبح في جماعة فهو في ذمة الله تعالى.) رواه ابن ماجة

كتلة الجبل الجليدي الظاهرة للعيان بتمثل ١٠٪‏ فقط من الكتلة الكلية، وال ٩٠٪‏ الباقية بتكون تحت سطح الماء ومتوارية عن الأنظار.
زي الجبال الجليدية بالضبط: المشاكل البنشوفها في الشارع زي العيش والبنزين و و و، برغم كبر حجمها الا انها جزء بسيط من المشاكل المستفحلة في البلد.

لو أخدنا العيش كمثال (وقس على ذلك) وفكرنا ليه اساسا أسعار العيش ارتفعت في السودان، حنلقى انه خلال الأزمة الاخيرة سعر جوال الدقيق ارتفع من ٥٠٠ ل ٩٠٠ جنيه بسبب ارتفاع سعر الدولار.

وليه ارتفع سعر الدولار؟
بسبب شُح العملة الأجنبية وعجز موازنة الدولة

وليه في شُح في العملة وعجز في الموازنة؟
دي عندها خمسمية سبب، منهم انه في سوء استثمار لموارد الدولة وعدم وجود مشاريع تجارية، زراعية، أو صناعية تغطي المتطلبات المحلية وتساهم في التصدير وايراد النقد الأجنبي. ده غير انه طباعة العملة بسبب ومن غير سبب أدى للتضخم الاقتصادي وخلى سعر الجنيه ما يسوى الورق الانطبع عليه.

وليه سوء الاستثمار ده؟
دي حاجة متوقعة لمن تجيب وزير للصناعة ووزير للزراعة ووزير للتجارة توازي حدود معرفتهم بوزاراتهم حدود معرفتي باللغة الصينية. ده كله عشان الولاء للحاكم والتشبث بالكراسي بقى اهم من تعيين مسئولين ذوي كفاءة وخبرة وشايلين هم البلد وعايزين يطورو الوضع للاحسن. وطبعا اي زول في الجماعة ديل لمن يجي يقعد حيجيب "ناسو"، والناس ديل حيجيبو "ناسهم"، وعلى الزراعة والتجارة والصناعة السلام.

طيب سؤال اخير: هل بلدنا فقيرة للدرجة دي؟
خلونا نعاين لممتلكات اعضاءالحكومة واستثماراتهم بالخارج البتصل لملايين وملايين الدولارات، دي جات من وين؟؟
من أكبر مشاكل السودان هو الفساد المتفشي بين المسئولين الكل زول فيهم قرر انه عنده حق في اي صفقة تجي للبلد ومع مرور السنين زاد جشعهم أضعافا مضاعفة لدرجة انه معظم الصفقات بقت شخصية والداخل جيوبهم اكثر من الداخل خزينة الدولة.

عشان كده نحن محتاجين انه الحكومة دي من رئيس لوزير لمعتمد لنائب برلمان كلها تتقلع من جذورها وتتغير باشخاص وطنيين وذو كفاءة يقدرو يعالجو المرض الاتفشى فينا مدة ٣٠ سنة ده.

حتى بعد داك العشرة عيشات بترجع بجنيه.

ثم إننا لله وإنا اليه راجعون
‏توفى قبل ٦ ساعات طالب من طلاب جامعة الخرطوم عبد الرحمن الصادق محمد الامين كان في قبضة الامن وتم الاتصال باهله وابلاغهم بانه مات غرقا وهو الان بالمشرحة ورفض والده استلامه الا بعد التشريح حيث وجدت اثار ضرب كثيرة في
الراس وهو من ابناء الكلاكلة
‎
‎
#مدن_السودان_تنتفض

رسالة توعية الكلام الماعلمونا ليه نحن معاصرين جيل الانقاذ!
البديل منو؟؟! البديل منو
تتخيلوا طلع شنو الرد التساؤل ده؟!!
الرد احفظوه كويس علموا لي اهلكم واخوانكم
( البديل الجاي قانون! البديل الجاي دستور ، مؤسسات منفصلة غير حزبية ولا قبيلة ولا بتنتمي لي زول البديل مازول اطردوا الفكرة دي)
(البديل دستور يحميك يحفظ كرامتك تكون شايل جوازك متطمن لانه وراك دستور بيحفظ حقك ويطالب بيك لو حبسوك! يعني كرااامة
أنقلوا السطر ده
البديل قانون البديل دستور
يعني انت إنسان عندك كرامة وصوت وكلمة مسموعة
عشان لما يقولوا مات سوداني اوفي سوداني مصاب في حتة او دولة أو قهروك هضموا حقك
تكون انت كيان. بيستحق يلتفتوا ليه
دايرين السودان دولة قوية زي زمان
نتفجج بين الدول دي ونقعد
نقول رايناونقول دايرين ونقول لا
البديل قانون البديل دستور
البديل مازول وقناعات وافكار شخصية
البديل قانون البديل دستور
البديل كرامة. للانسان السوداني
♥️اَي زول قرا الكلام ده يدعي للسودان اخوانه المتظاهرين وارفعوا عشان كل الناس تعرف♥️♥️
شعب الكرامة
#اوقفوا-ضرب-متظاهرين-السودان-بالنار
#اوقفوا_ضرب_متظاهري_السودان_بالنار
#اوقفوا_ضرب_متظاهري_السودان_بالنار
#اوقفوا_ضرب_متظاهري_السودان_بالنار
#اوقفوا_ضرب_متظاهري_السودان_بالنار
#اوقفوا_ضرب_متظاهري_السودان_بالنار
#اوقفوا_ضرب_متظاهري_السودان_بالنار
#اوقفوا-ضرب-متظاهرين-السودان-بالنار #Civil_disobedience_in_sudan2
#مدن_السودان_تنتفض
#مدن_السودان_تنتفض
#الثورة_خيار_الشعب2
#الشعب_يريد_اسقاط_النظام2
#مدن_السودان_تنتفض
#الثورة_خيار_الشعب2
#الشعب_يريد_اسقاط_النظام2
#مدن_السودان_تنتفض
#الثورة_خيار_الشعب2
#الشعب_يريد_اسقاط_النظام2

انشروها 💜

Comments💬:
ي أصلي أسمع كلامي
ثورتنا دي كدا م حتجييب الحاجه العاوزنها الا الناس دي تووقف الحركه
يعني ماف مواصلات ماف عرباات
النااس دي كلهاااا تقييف عن أي حااجه وتطلع الشاارع وماف حاجه اسمها ثورة ونرجع بيتنا لا لا الناس دي تعسكر عديل يوم يومين تلاته اياام لحدي م الحزب الحاكم دا ينزل
البنات والنسووان يجيبو الدعم بتاع الاكل والشباب يجيبو الموويه
النااس تعسكر ف الميااديين الكبيير عشاان كلنا نصل للعاوزنوا يعني معنى كلامي الفووق دا كلو شنوو. انو النااس م ترجع بيتها الا الحكوومه دي تنزل
+ لو الفكره بتاعتي دي الناس إتجاوبت معاه حيكون أهم عاامل ف نجااحها الإعلام لازم الكلام دا يصل لي كل زول لي صغير وكبير لي أي مخلووق قاعد ف السودان دا + انا عندي قنوات ما شاء الله وعندي معارف عندهم قنوات كبييره ومننا نحن ومعاكم ممكن نبدأ الإعلام ونحدد اليووم ويلا نقول بسم الله ونفكر حبه حبه ونحرر سودانا

-
أبارك لجاري #المسيحي بحفل زواجه ، #وأعزيه بفقدان عزيز ، لكني لا #أهنئه بيوم :-
#يعتقد فيه أن #الله_أنجب_ولدآ ✋💔 !

” #آلإسلام 💜“ .

‏🚦 لو خوفنا راح.. وطريقنا مرصوف بالثبات..
ومشينا للحرية صاح.. لا بد اكييد..
ممها طال الليل ضلامو الفجر جاي.. وضياهو عيد..

ونعود عُزاز زي ما مضى.. ونفوسنا يرويها الرضى
وضميرنا تملاهو الحياة.. تشرق شموس الأغنيات ✌
‎#مدن_السودان_تنتفض
‎#جمعة_الشهداء
‎#Sudan_revolts

لسلام عليكم يا دكاتره ✋
انا طالب طب في السنه الرابعه
و عندي فكره سغيره كدا حابي اعرضها عليكم
زمان عملنا انا واصحابي قروب خيري صغير كدا.. بنجمع فيهو تبرعات وننشر فيهو حالات محتاجه مساعده.. وكان شغال لكين ما بساعد كتير

هسي قررت انو ننذرو لي مصابين الثوره
ننشر حالات المصابين الما عندهم قدره العلاج (نسبه المستشفى و المعدات المستخدمه والادويه)
ونضيف الدكاتره الناذرين نفسهم للثوره.. عشان يشوفو الحالات بانفسهم ويتواصلو معاها

وبرضو ندرب اعضاء القروب والمواطنين العاديين على الاسعافات الاوليه الميدانيه بي طريقه جميله وسهله وبسيطه عشان عدد الوفيات ومضاعفات الاصابه تقل

وبرضو ننسق على انو يكون في عدد من الدكاتره الميدانيين ومتطوعين مدربين للاسعافات الاوليه في كل مظاهره
دا رابط القروب 😊 👇
https://t.me/joinchat/CHUU2EiLYuR-M-fA2GQKgw

اي دكتور حابي انو يشارك ولو بي فكره
بتمنى انو ينضم للقروب... لانو السودان #محتاج_ليهو حالياً

لامن تجي تشتري العيش وتلقاه متوفر، تذكر ان دم اكتر من عشرين سوداني خلال الاسبوع الفات هو السبب في هذه الوفرة المؤقتة وليست السياسات الاقتصادية ..
لا تستطعم الخبز وتصمت، وتقدل وتمشي تتغدى، بل قدمه الى اهلك في خجل، واذكر لهم انه خبزٌ عُجن بدماء شباب سوداني..
أُكل واكِل عيالك، ولكن تذكر وذكرهم، انو في ناس ماتت بالرصاص لأجل خبز الجمعة والسبت والأحد ..

فانا لا أستطيع ان اضمن وفرة طويلة المدى..

كيفن يطيب الزاد ؟
لازم نرجع حقهم ونبرد قلوب امهاتهم وابهاتم واخوانهم هم طلعو عشانا كيف نستسلم بعد ما ضحو عشانا كيف نضيع حياتهم ونحنا السبب وحال البلد كلنا بقينا زي الما عايشين وم ح نعيش لو م رجع حقهم ولا ح نتهنى في حياتنا ثورة حتى النصر
#ياخرطوم ثوري ثوري ضد الحكم الدكتاتوري

#الحصة_وطن
#موكب_31ديسمبر
#الثورة_مستمرة
#مدن_السودان_تنتفض

في وقتٍ قريب..
سنعبُر معاً شوارِع الخُرطوم يداً بيَد ، نمر بذاتِ الشوارِع التي كانت تهتف " سلميّة" ونلتقي بلوحةٍ مكتوب عليها " انتصرت ارادة الشعب"
نضحك سوياً ونتذكّر أصوات الرصاص ، الغاز المسيل للدموع الذي استنشقناهُ ونحن نثور ونردد " بقتُل سُكات الزول " !
وقتها لم تخفني سيارات الشرطة ، ولا محاولاتهم لاعتقالِنا ، لم تخفني أسلحتهم بقدر ما أخافني وطن يقتل أحلامنا بحكمٍ جائِر..
بقدر ما أخافني أن يستعصى مهري عليكَ ، ولا تنصفك الشوارع لتلتقيني ..
سنمُر بلافتةٍ كتب عليها " الثورة خيارُ الشعب" ، ونضحك لانتصارِنا..
نمر بقرب بائع عصير ، وقبل أن يناولنا الكوب ، يخبرنا أنّ قبل سنواتٍ قليلة كان العالم ضيق للغاية ، ولكن بعض الشباب أراد الحياة واستعاد الوطن ، وبعد أن كنا نبيع هذا الكوب بعشرة جنيهات ، أصبح واحد يكفي لشرائه!
وبعد جولتنا الطويلة..
نصل لمنزِلنا ، سيكون العالم ضاحكاً ، والوجوه مستبشِرة ، وسائل النقل تملأ الأرجاء ، وسينسى الناس كيف ترتب الصفوف!
نتذكّر ليلةَ زفافِنا ، وبأن الحرية كانت طفلةَ قصتنا ، نعود بابتسامةٍ للوراء وندندن سوياً
" بنادق وين؟ بنادق وين بتمنعنا العديل والزين " ♥
في يومٍ قريب
سنتذكّر كم معركةٍ خضناها ، وكم صديقٍ فقدنا وسط لجّة الضيق هذه ، ومن هذا الضيق سنخلق سعة ، ووطناً جديداً، يتسع لحُب كبير ، وقصص ستتوارثها الأجيال ..

#رغد_عبدالرحمن

م تياسو زي باقي القنوات اللي باشرت حياتها عادي
اي زول ما بطلع الشارع بياخد الطاقة منكم والامل. ...
لما يشوفكم كسرتو حنك حيفهم انه خلاص كل شي انتهى ونارنا انطفت فخليكم مصدر الضوء
وصلو صوت الثوار لأي متابع واي مكان ما تخذلوهم زي اعلامنا السوداني
#اللثورة خيار الشعب

ناس اتوفت، و ناس ما لاقينها، وناس امهاتهم وابهاتهم قلبهم محروق عليهم وهم شايفنهم مرقدين مستشفيات و بغذوهم بالدريب ، وناس معتقلينهم وما عارفين مكانهم وين و ناس من الالم حق الضرب والتعذيب ما قادرين يشربو موية.. وتجي واحدة تكتب
" حكومة تخليني ما اشوف صحباتي تسقط بس" ،
ولا '' حكومة تخليني ما اعاين للكراش تسقط بس ''،
'' حكومك تخليني في البيت ما اطلع تسقط بس ''،
وغيرو كتير ، ليه لييه ياخ الوجعة دي وعدم المسؤوليه دي ، م قادرين تعملوا حاجة او تساعدوا بالبوستات ساي اقفلوا خشمكم عليكم من المهزلة دي ولموا روح الظرافة العندكم دي شوية احتراماً للناس الما قادرة وزعلانة وموجوعة دي ، ماف احترام للناس الاستشهدت وقدمت نفسها فداء، لقضيتك وقضيه كل الشعب! !
الظرافة واللطافة مرات بتوصل فكرة بطريقه محدده ومقبوله لكن تقلب لاستهتار دي حاجه اوفر شديد ياخ... 😊

#مدن_السودان_تنتفض