#اقتباساتي 💭

لابد لمن أراد أن يرفع الظلم عن كاهله و كواهل الناس أن يكون فاعلاً لاً مفعول به !!
وكلٌ ميسر لما خلق له ...!

#بين_التاريخ_والواقع
#راغب_السرجاني

#اقتباساتي 💭

إن الوحدة العربية الإسلامية مرتبطة بيقظة مجموع الأمة _وليس الحكام فقط_ وسعيها في تحقيق الوحده ، وهذه اليقظة تبدأ من أول مستوى يهم المسلم وهو صِله الرِحَّم فإن المسلم الذي لا يهتم بصله الرِحَّم ولا يهتم بحال جيرانه في المسكن ، لايمكن أن يهتم في حال المسلمين في بقاع الأرض حيث لا يراهم ولا يدري بمعناتهم .... !!

#بين_التاريخ_والواقع
#راغب_السرجاني

⭕️جدول المظاهرات لشهر ديسمبر

٢٥ ديسمبر: تجمع المهنيين و ابناء الوطن يدعموهم من كل مكان
٢٦ ديسمبر:اعتصام ابناء الوطن الخارج السودان في كل السفارات في يوم واحد كفيل بتغيير رائ العالم في الطاغيه و اعتصام السودانيين في الداخل امام السفاره الامريكيه
٢٧ديسمبر:اعادة الطامه الكبري كل ابناء السودان الموجودين في ولاية الخرطوم يجتمعوا في جاكسون من كل موقع في العاصمه بدون انتظار زول يمشي و انت تدعمو بالفيس الاعمى يقود المكسر
٢٨ ديسمبر: مظاهره الخلاص و النصر من المساجد الى الساحات و الشوارع بكل الاعمار و كل مدن السودان تنتفض في ساعات الخلاص من بعد الصلاه الى منتصف الليل
٢٩ديسمبر: اعتصام نسائي خالص في شارع النيل الخرطوم و رجالي في شارع المطار
٣٠ ديسمبر: الاحتفال بالنصر بإذن ربي موفقين و النتيجه نجاح ان شاء الله
نسبة التنفيذ 70% كفيله باسقاط النظام
مشاركه و توعيه للجميع لازم تكلم اي زول ما عندو واتس فيس لازم تبداء بناس بيتكم اهلك جيرانك النصر لنا بإذن الله

#الثورة_مستمرة
#مدن_السودان_تنتفض

‌‎#مدن_السودان_تنتفض
لعنة الله على كل من شارك في إراقة دم حرام.
أذكر هؤلاء القتلة بحديث:
قال رسول الله صلى الله عليه وسلم: «لو أنَّ أهل السماء وأهل الأرض اشتركوا في دم مؤمن لأكبهم الله في النار» رواه الترمذي.

رسالة لطلابي من منسوبي قوات الشرطة والقوات العسكرية والأمنية والأجهزة العدلية..
السلام عليكم ورحمة الله وبركاته..
أوجه لكم هذه الرسالة وأنا على سرير المرض في معركة ضد مرض السرطان وأسأل المولى الرحيم اللطف والشفاء التام.. ولكن أجزم بأن معركتي سهلة مقارنة بالمعركة الشريفة المشرفة والشرسة لبنات وأبناء السودان وهم يخوضونها بكل الجسارة ضد سرطان استشرى لمدة 30 عام ونخر جسد بلدنا النبيل.. فبتروا جزء عزيز منه ونهبوا كل مقدراته وشردوا أهله.. غول القهر والذل والفساد والانكأ سرقة مستقبل ثلاثة أجيال نشأت وهي ترى الوطن يدمر ويداس تحت أحذية تجار الدين الذين استغلوا عاطفة أهلنا الاسلامية السمحة وصبرهم فساموهم العذاب والجوع والهوان والإمتهان..
طلابي الأعزاء..رسالتي ليست سياسية ولا أدعى ولا أنا مؤهل كناصح او مرشد سياسي وقسما بالله العظيم لا أنتمي لأي تنظيم سياسي أو غيره .. بل أنتمي فقط بكل الفخر مثلكم لسودان العزة والكرامة..
لكن هذا تذكير أخلاقي متواضع لكم ولجميع المكلفين بأعمال الشرطة والأمن والعدالة في بلادي..
ولو تتذكرون في محاضراتي لكم في الطب الشرعي..حكمة أن هناك شيئين لا يرجعان أبداً إن أطلقتهما.. (الكلمة.. والرصاصة) ..
وان لا تحاولوا إطلاق النار الا على شخص يهدد حياتكم بسلاح مميت أو كان يقتل في العُزل ويهدد حياة المواطنين الامنين..
(وقلتها لكم بالدارجي الفصيح.. بمثل لييه تضرب رصاص على ولد كان متلبس مع بنت في حالة خلوة غير شرعية.. وقاموا جاريين.. ؟ وهل هروبهما كان من جريمة عقوبتها الإعدام..؟ وهل الأمر شرعاً وقانوناً يستحق طلق ناري..وهدر دم إنسان.. ؟
ما تتهوروا بالإندفاع والغضب اللحظي وبوهج السلطة.. وبعدين الندم بشقيكم وأرواحكم بتتعذب في الدنيا قبل الآخرة..ولات ساعة مندم )
والان طلابي من أخوتي وأبنائي وبناتي في قوات الشرطة والقوات الامنية الأخرى والأجهزة العدلية المختلفة..وأنتم أبناء هذا الشعب الكريم والذين مْنحتم شرف السلطة والسلاح بعد إجتهاد وتأهيل ومثابرة وأديتم اليمين..
هؤلاء المتظاهرين الأنقياء العزل والشباب الثائر من أجلنا هم جميعاً من أهلنا وعزوتنا.. خرجوا لإسترداد الوطن المسلوب ومن أجل حق العيش الكريم للكل.. من أجل وطن معافى خالي من الفساد ويسع الجميع بدون لون أو دين أو جنس أو قبيلة.. وأنتم تعلمون ما وصل إليه حال بلدنا من دمار وخراب يصعب على العدو قبل الصديق..
بالله عليكم.. لا تأمروا بإطلاق أو تطلقوا النار على أخواتكم وإخوانكم وأبائكم وأمهاتكم وأبنائكم وبناتكم وشعبكم الأبي الكريم وهم ينادون سلمية.. سلمية ضد الحرامية..وكفاية..كفاية.. السودان هو الغاية..
وحتى لو قذفكم شاب صغير أو طفل بحجر او غيره بإنفعال الثوار.. لا تطلقوا عليهم النار فالسلاح خائن وانت مقتدر بالسلطة.. فلنتذكر جميعا قدرة الخالق الجبار علينا..
تذكروا أنكم أقسمتم بالله على حماية الدستور وحماية الوطن والمواطن.. ولا طاعة شرعية في أي أمر بقتل العزل الأبرياء مهما كان الآمر..أنتم العين الساهرة على المواطن لا جلاديه.. أنتم حراسه لا قاتليه.. واذا كان هناك من يطلق النار على الابرياء بأسمكم عرّوهم واكشفوهم للجميع..فأنتم من رحم هذا البلد وليسوا بمرتزقة..
أفخر دوما.. وسأظل ما حييت بتدريسي لطلاب وسعادة ضباط الشرطة في الكلية والمعاهد بنفس درجة فخري بطلابي في الطب ..كما أفخر بتدريسي لمعالي القضاة ووكلاء النيابات والمحامين وكل القانونيين في القوات المسلحة.. حوبتكم جات يا أضلاع العدالة.. وشعبكم لاينشد غير العدالة..
والله من وراء القصد..

أخوكم علي الكوباني

#الثورة_مستمرة
#مدن_السودان_تنتفض

‏إلى جمعية حماية المستهلك: الحكومة السودانية تضرب المتظاهرين بقنابل مسيلة الدموع (بومبان) منتهية الصلاحية. يرجى سحب هذه الكميات التالفة من الأسواق وشراء قنابل صالحة للاستهلاك لضربنا بها احتراماً لحقوق الإنسان.

الطفل ذو العشرة سنوات قابع بجواري في المعتقل لا حولة له ولا قوة منظره يمزق القلب، بكاء زميلتي أثناء ضرب زميلي الصحفي كما لو ان الضرب وقع عليها، يصعب وصفه، ماذا أفعل وأنا الأعزل فوق ظهري البنادق ووجهي مصلوب على الحائط .

عزمي عبد الرازق
صحفي ويعمل بقناة امدرمان

#الثورة_مستمرة
#مدن_السودان_تنتفض

انا متحير في ناس الشرطه والأمن ديل ليهم كم سنه ما صلو صلاة للدرجه البتصل بيهو انو قلبه يُسود و يقتل إنسان بدم بارد !
كيف يقدر يقابل ربه و في رقبته دم أبرياء ؟
في الدين كلو ماف حاجه أعظم عند ربنا من بعد الشرك غير قتل النفس بدون حق! يعني انت و الكافر تقريباً في كفتين متقاربات..
و الرسول صلى الله عليه وسلم قال : لن يزال المؤمن في فسحه من دينه ما لم يُصب دماً حراماً


تسرق تنهب تظلم كلو هين مقارنه بإنو يكون في رقبتك دم يوم القيامه
و انت بترفع سلاح في زول اتذكر انك حتتقابلو سوا قدام ربنا ..

رسلوا الرابط ده لناسكم
تليجرام ما محظور
وما محتاج vpn
https://t.me/joinchat/AAAAAFZ9a8ncJpxgbWcyjQ

الحكومة بقت تخاف من الاعلام الممكن يكشف حقيقة الحاصل

ﺍﻟﻠﻴﻠﻪ ﺍﺗﻀﺮﺏ ﺍﻛﺜﺮ ﻣﻦ 100 ﺑﻤﺒﺎﻥ ﺍﺿﺮﺑﻬﺎ ﻓﻲ 100 ﺑﺘﻌﻤﻞ ﻣﻌﺎﻙ ﻋﺸﺮﻩ ﺍﻟﻒ
ﺩﻭﻻﺭ
ﻳﻌﻨﻲ ﻋﺸﺎﻥ ﻳﻘﻤﻌﻮﻧﺎ ﻓﻲ ﻳﻮﻡ ﻭﺍﺣﺪ ﺧﺴﺮﺍﻧﻴﻦ 850 ﺍﻟﻒ ﺟﻨﻴﻪ ﺩﻱ ﻛﺎﻧﺖ ﺣﺘﻌﺎﻟﺞ
ﻛﻢ ﻣﺮﻳﺾ؟ ﺣﺘﺠﻴﺐ ﻛﻢ ﺷﻮﺍﻝ ﺩﻗﻴﻖ؟
ﺑﻴﻘﺘﻠﻮﻧﺎ ﻭﻳﻘﻤﻌﻮﻧﺎ ﺑﻘﺮﻭﺷﻨﺎ ﻭﻳﺨﻠﻮﻧﺎ ﻧﻤﻮﺕ ﻣﻦ ﺍﻟﺠﻮﻉ ﻭﺍﻟﻤﺮﺽ ﻟﻌﺪﻡ ﺍﻟﻤﻴﺰﺍﻧﻴﻪ

انا معظم الكلام البكتبو بكتبو لي ناس الستعينات و الاليفانات و المطلوقات والشماسه

خلونا نعترف بي حاجة
نحن #صغار ما وعندنا خلفيه سياسيه او عسكريه وما كوادر متدربه
ومحتاجين نتعلم واهو ربنا ادنا تدريب في ارض الواقع #الثورة
و في نوعين من التدريب، نظري وعملي

طيب مفروض نتعلم شنو
1/ قولة الحق
يعني اتكلم في الحكومة وما تسكت وقول الحق دايما في اي حتة بدون خوف
عشان ما تكون منافق.. مدام بتحب البلد دي ومستعد تضحي عشانا اتكلم وعلي صوتك

2/ الخوف
اي الخوف عديل، لازم نخاف على روحنا عشان ما نكون هدف ساهل
بي بساطة لو كتمت ما تواجه لانك ضعيف قوم جاري واندسا وتعال ليهن بي اللفة التانيه وما تنبذهم قدامهم عشان م يقبضوك يخواني لازم نتعلم الجري و نزوغ بي وين ونلبد وين
كونك جريت منهم وما قبضوك ( انت مناضل) كونو يعتقلوك ( انت مناضل بس دقستا يا فارة)

3/ التخطيط
يا جماعة اي مشروع عندو خطة أ و خطة ب وعشان نعرف الحاجه دي محتاجين فتره صراحه ما بين يوم وليله.. كيف نخطط لي مظاهره او إعتصام او اي حركة مفكرين نعملها

وفي حاجات لازم ندركا

1/طالع الشارع وداير تسقط النظام ليه؟
عشان جعان! ؟ للاسف ما سبب منطقي النظام دا قادر انو يديك اكل تاكلو
عشان نفسك يقولو مناضل ويزغرتو ليك والناس والبنات تحبك؟ وهمي انتا ما اكتر لو هدفك حب الناس ليك ما حتسقط النظام
اذا كنت طالع الشارع عشان تغير وعشان كرامة الانسان السوداني وعشان تراب البلد دي وعشان الحرية اذن انت واعي


2/ليه طالع في الوقت دا؟!
ليه الصباح ما بليل وليه بليل ما الصباح طيب النهار مالو.. الشارع زاتو في الاوقات دي بكون كيف.. خلو بالكم للحاجات دي

3/ ليه نطلع شارع الستين ما عبيد ختم ليه الساحه الخضرا ما الحلة جوه
انت عرفت في كم عمارة في الحتة طيب ممكن يكون في كم قناص؟! الكجر حجو بي ياتو شارع وجهاز الامن حضرب من وَين لازم تقرا المنطقه الحتطلع فيها بي الورقه والقلم وترسما رسم وتعرف انك حتجري بي وين و حتطلع تقول شنو وبي ياتو اسلوب

الحرس الكانوا في المول في الوقت الكانت تاتشرات الحكومة فرقتنا حتى م خلتنا نصل الميدان وحاصرتنا جوااا المول
حرس المول كان بدخلوا فينا جواا المول وعيونهم
مليانة خوف علينا في الوقت الكان بضرب
فيهو رصاص حي وبمبان
وهم بقولوا لينا ادخلوا واول م ندخل بقفلوا
الابواب في وش الامنجية واول م نقول طالعين
تاني بفتحوا لينا الابواب وتاني لما يحاصرونا برجعوا بفتحوا الابواب
لحد م امنجية اتنين كانوا عايزين يدخلوا وانا واقفة
بجواا قصاد الباب الحرس قال ليهو لو عايز تقبض حد مهمتك تقبضوا برا مش تدخل
جوااا والامنجية شغالين ليهو قلنا ليك افتح الباب
والخوف الكان في عيون البنات انو يفتح ليهم الباي
بس ردوا كان انتوا بتعملوا شغلكم وانا بعمل شغلي
ودا شغلي ودي منطقتي وم ح اسمح ليكم
تدخلوا لو فيها موت وقتها الامنجية لملموا بعض ورجعوا
والبنات كانت بتزعرد وبتضحك من موقف الحرس
#شكرا_جميلا ياخ
#الموقف التاني
وانحنا طلعنا من المول وكميتنا كانت كبيرة شديد وبعد شوية بدوا يفكوا فينا البمبان وقطعنا مسافة من المول وماف مكان ندخلوا والعربات حاصرتنا وبدوا يضربوا رصاص والناس بقت تجري وانحنا م لقينا غير البدروم بتاع العربات التابع للمول والامنجية كانوا ورانا وجواا البدروم في باب م بدخلوا بيهوا الا الموظفين بس في عم كبير مهمتوا يحرس الباب دا اول م شافنا محاصرين فتح لينا الباب وقال لينا ادخلوا واول م عايز يقفل الباب الامنجي مسكوا العم دفر بتاع الامنجي لحد م قرب يقع وقفل الباب وبقى يطلع للامنجي لسانوا بورا باب القزاز بحركة معناها اقدر اصلنا😂😂😂😂 ياخ عن كمية الضحك الضحكناهوا لما عمو كان بغيظ فيهم ونحنا واقفين والامنجية واقفين م قادرين يصلونا وعيونهم كانت مليانة حقد وكره كأننا من كوكب تاني وم بشر
بعدها العم وصف لينا مكان نطلع بيهو وقال لينا اجروا قلنا ليهو وانت قال لينا زي م هم مشغلنهم عشان يحموا رئيسهم انا كمان مشغلني عشان احمي المكان دا وماف زول فيهم يقدر يسألني
وقال لينا ربنا يغطي عليكم وطالما انتوا طالعين عشان حقكم اوعى تخافوا منهم ديل كلاب ساي
ديل اكتر #موقفين انا كنتا جزء منهم واتاكدتة انو نحنا شعب سمح شديد وم نستحق الا السمح
البشبهنا
شكرا لكل الناس حتى الناس الموجودة في مكانه وم طلعت بس لما احتاجوها الناس لقوها سند وضهر
....
منقووول من صفحة وفاق احمد ..

دي الحاجات المفروض ت تشير جد .....

#مدن_السودان_تنتفض
#اوقفو_قتل_المتظاهرين
#اوقفو_الاعتقالات
#مرقنا

لبيّكَ وطنِى وإِنْ لمْ أكُن بينَ الثُوّارِ مُناضلاً..
لبيّك وطنِى وإِنْ لمْ أكُن بينَ الحُشُودِ مُجَاهِداً.. 😭💜🇸🇩🙌🏻

لو باقي ألفين ميل
لو ألف صوت نادى
إنو الجمُر بحرق
ضرب السلاح بقتُل
وصوت الطُغاة بيخنِق!

حنفِج ضلام الليل
ومن عتمة الظالم
ضوء الفجر بشرِق
ماتشيلو هَم عترة
ما تخافو كان سُدّت
كل الطُرق بالنار!
حيقدرو الثوّار
على كسر عين الظُلم
بالصبر والإصرار
حنكمل المشوار
لو التمن روحنا
حنكمّل المشوار ❤

#رغد_عبدالرحمن

موقفك من الثورة دي شنو ؟؟
موقف اهلك؟وجيل السبعينات الماشي بمنطق الخواف ربى عيالو؟
قالو لو ما حصل انقلاب عسكري ماف فايدة؟ يعني الكلام دا صح
وكيف يحصل انقلاب واصلا هم ما متعاونين معانا
الناس تلجأ للاعتصام؟ وتعسكر في الميادين ؟
هل ممكن يكون حل؟؟؟
دي أسئلة في راس اي زول
معظم الناس الطلعت دي دافع الحماس جواها كبير
لكن لو مسكت زول من يده وقلت ليه انت بتظاهر في شنو بالضبط واهدافك شنو ممكن ياخد فترة عشان يتذكر
احنا ما عايزين نتمسك باقل حقوقنا اللي هو حق الحياة
يعني عيش وبنزين شنو ال احنا عايزنهم؟؟
على قولو صفق شجر بناكل برجلينا بنمشي😆😆😆😆
طيب هو وين من زمن عمر بن الخطاب مش كان صحابي الناس كانت شبعانة والحمد لله
احنا عايزين نغير مفهوم الثورة عند ناس كتار ودي مهمتنا احنا الناس المتعلمة العندها مخ .....

عايزين نتعلم زي الناس وبدون معاناة اي طبقة من حقها تتعلم وتتوفر ليها سبل التعليم
اي زول من حقه يتعالج
في حاجات مفترض اي طبقة في البلد دي تحصل عليها

يعني اذا اتوفر الدقيق والوقود هل حنسكت؟؟

الناس حتشوف ما عندنا حق لو اتظاهرنا لانه هدفنا اتحقق
هل حنطلع تاني عشان نقول صحة وتعليم؟
حنبقى قليلين ادب وعجبتهم الثورة وحنفقد ناس كتار
عايزين هتافتنا عندها معنى من البداية نخت كل شي عايزنووو قدامنا
لانه حكامنا ديل عملونا مسخرة زي الكلب ينبح عشان جعان تدي لقمة وتسكتو لا احنا اكبر بكتيييييير من كدا
عايزين حكام عندهم مخ وطموووح ناس بتفكر احنا ما اقل من باقي الدول
م عايزين نغني ونكتب ونتحسر على أراضينا ونيلنا
كل زول يفكر في الحاجات الشايف انها مهمة
صحة
تعليم
عمران

وحاجات كتيييبر نناشد بيها

#حرية سلام وعدالة....الثورة خيار الشعب
#مدن السودان تنتفض

#وارد

المنظمات المذكورة اعلاه كانت تستعد الليلة لهجوم الكتروني لدعم اخوتنا المناضلين في السودان

يا حلما ليس بالبعيد..تحقق❤️🌸

نقلت إحدى القنوات الألمانية خبراً ( للسخرية ) تقول فيه عن السودان :

#صفوف الخبز والنقود وصفوف البترول تشيب الراس قبل المشيب

والجوع يعصف بالبطون
وأبناء المدارس يتناولون الكيك بدلا من الخبز اواخرون يفطرون بالحلوي أن سمحت ادارة بعض المدارس بخروج التلاميذ
هذه هي البلاد العتية

#هذه البلاد ( أي السودان ) بلاد عجيبة ، مثل قصة السندباد و علي بابا !!! .

هل تصدقون كمشاهدين أن السودان يمتلك أكبر مخزون من الذهب في أفريقيا و أيضاً النحاس بالإضافة إلى النفط ؟؟ .

و أكثر من هذا يمتلك أراضي زراعية كبيرة جداً !! .
وهل تصدقون ان السودان يملك 50 مليون راس بقر
إضافة للابل والماعز
ولديه كمية مياه امطار تعادل مياه النيل
هذا غير المياه الجوفية!!

واكبر الدول في العالم انتاجا للصمغ العربي

وان اقليم دارفور به كل انواع المعادن
وبه كمية يورانيوم يعادل الموجودفي جنوب افريقيا
وبه اكبر محمية حيوانات برية في العالم تعادل مساحة لبنان
رغم ذلك

هل تصدقون أن حكومة السودان لا توفر للمواطنين الكهرباء ، والوقود ، وغاز الطهي ، والعلاج ، ويعيشون في غلاء ومعيشة طاااااحنة ، والكثير من أساسيات الحياة اليومية غير متوفرة ، والكثير أيضاً لا يتوفر لهم مياه الشرب .

و الغريب الأغرب في هذه البلاد أن المواطن الذي يخرج في تظاهرة مطالباً بحقوقه يتصداه و يمنعه شرطي أو جندي يعاني من نفس الظروف ، فقط كي يدافع عن حاكم لص سرقهم الاثنين معاً !! .

و هل تصدقون أن الذين يحكمون هذه البلاد يعيشون داخل سياج محصن في الخرطوم العاصمة ، ويتوفر لديهم المال و جميع الموارد التي لا يمتلكها المواطن السوداني ؟؟؟ .🤔🤔

*ما نقوله لكم ليس ( نكتة أو مزحة ) .. إنه فعلاً ما يحدث خلف قضبان هذه البلاد !!! .*
#مدن_السودان_تنتفض