للناس المفقودين
#شيرووو عندكم
#الحصة_وطن
#موكب_25ديسمبر
#مدن_السودان_تنتفض

#مفقود
الحسين سعود مختفي ياريت لو تساعدونا بالشير
البعرف معلومه يرسلا هنا
@Sscore_bot

المظاهرات المتفرقه و المواكب المتكرره حتدي الناس خبرة كويسة شديد في انو كيف يقدرو يقودو مظاهره ضخمة تطيح بالنظام..
اولا شي حنفهم طبيعة العدو في ساحة القتال ( جهاز أمن بي كل فروعو ، حركة إسلامية، مؤتمر وطني، شرطة، جيش، دعم سريع) كلهم ديل خليني اسميهم #كيزان ( العدو)

تاني شي حنعرف نتعامل كيف مع اي واحد فيهم، وقصة انو الجيش معانا و بحمينا دي ما واقعه لي في راسي كان يجيبو حلايب و يشوفو الطيارة البتضرب بليل والنور طافي
فلاحتهم فينا انحنا الغلابه العزل؟! يحمو شنو كدي يحمو نفسهم اول شي وياخدو رواتبهم... هم زاتهم مساكين

تالت حاجه يا جماعة لازم نفهم انو الثورة ما اسبوع ولا يوم ولا شهر ولا مية سنة الثورة ثورة حتى إسقاط النظام يعني لازم نصبر.. حيعتقلونا ويقتلونا ويعذبونا بس دي ياها ضريبة الثورة ما تفكرو انو الحكومة دي بتمشي بدون دم يعني نحن لازم نموت عشان البلد دي تحيا

رابعا لازم نبطل نسخر من بعض خاصه الايام دي.. نسخر من العدو بس.... قلة ادبنا البنعملا لي بعض دي نأجلها لي بعد المعركة.. نخلي هدفنا واحد بعداك الباقي هين
شايقي جعلي غرابي ساكن المعمورة ولا امبده شيوعي كافر مسلم مسيحي.. دا كلو ما بوحدنا البتوحدنا بلدنا دي بس فحقو نحبها ونقاوم عشانا

خامسا ما نيأس ممكن بكره تحس الامور عاديه بس بعد بكره بنجوطا، تاني يومين تهدا وبعداك نجوطا.. وهكذا لحدي م الحكومة دي تسقط... يعني وحده وحده.. خطوة خطوة لحدي ما نصل.. وحنصل إن شاء الله

سادس شي أفهمو نحن جيل التسعينات والتمنينات ي جماعة ظروفنا براها والعدو بتاعنا مختلف حنتعلم و ونتألم ونسقط النظام و الموت دا كدا كدا بنموت، هوي الله كم... حات الله جنس سماحة موت... المهم شويه شويه حننظم المظاهرات برانا و نعرف كيف نتعامل مع كل ظرف صعب يلاقينا

أنا احمد طارق شايف انو بلدنا دي بتستحق الزول يموت عشانا... على الاقل نموت رافعين راسنا بدل عيشة الذل والإهانة دي

فيا جماعة #الحرب_قامت
والموت علينا حق

@ahmed_tarig

بعيدا عن جو المظاهرات والجوطة الحاصلة .. نحنا في نهاية شهر 12 وزي م عارفين الشتا في السودان بيشتد اخر السنة وكمان برضو شايفين حال اولاد الشوارع الما عندهم بيوت 💔 .. ف لطفاً وانت طالع/ـة الصباح شيل/ـي معاك ان شاء الله ملاية م مستخدمينها في البيت وادوها ليهم ح يلاقوكم جمب الدكان او في وسط الحي او جمب الاستوبات او.. المهم قدر م قدرتوا ساعدوهم لانو ما يعلم بحالهم الا الله .. جوع وبرد والحمد لله يعني .. لو م قدرتوا تساعدوهم بغطا ان شاء الله اعملو سندوتشات من الفضل من العشا وادوها ليهم 🙏 حباً حباً يخوانا ساعدوهم لو قدرتوا 🙏💔💔

قبيل الود الجنبي
لما سمعنا صوت الرصاص
قال لينا اركزو يا جماعة
احنا اصلاً جايين ناس مووت 💔
بقدر فرحتي بيه وبكلمته دي
بقدر خوفي عليه وعلى نفسي وعلى كل الناس المعانا،
كان نفسي اقول ليه الزيك دا بالذاات احنا عايزنه يعييش، عشان عايزين هو اللي يجيب لينا التغيير البنحلم بيه 🌸❤️
يا جماعة والله حكاية الرصاص الحي والمووت دي بقت كتيرة ومخيفة!
والناس دي لا عندها قلب لا رحمة ومستعدين يبيدونا عديل عشان يتسمرو في كراسيهم دي!
فزي ما قال أحمد، احنا محتاجين افكار جديدة!
او على الأقل ضمانات انو ما نتقتل
اعلام عالمي مثلا
حقوق الانسان
اي شي من النوع دا

وربنا يحمي شبابنا ❤️

الناس العايزه تصور فديو او تعمل لايف أثناء المسيرات او الكتمات او المظاهرات ✌✌✌

دا ابلكيشن لتصوير الفيديو والشاشة مغلقة😍😍
يعني مافي زول بعرف انك قاعد تصور يا أصلي 😎✌

يمكن اغلاق التطبيق برقم سري وحماية التسجيلات
يعني لو قلبوا التلفون سما ارض ما بيلقوا شي 😎✌

دا رابط ممكن تحملوا منو التطبيق 👋

https://play.google.com/store/apps/details?id=com.kimcy929.secretvideorecorder&fbclid=IwAR3OC16zYbAuv1GnprAcOF3N37BGedYqi76goZ2w0e1yQr_GOrJs45ywblI

#تأمينكم_يا_فرد ✌✌
#مدن_السودان_تنتفض

منقول

سيدنا ‌‌‎عمر بن الخطاب:
لو ماتت شاة على شط الفرات ضائعة لظننت أن الله تعالى سائلي عنها يوم القيامة.
-ولو ماتت روح بشر جوعاً وقتلا!!!

#اقتباساتي 💭

لا جديد على الأرض...!
فالتاريخ يكرر نفسه بصوره عجيبة ، ونفس الأحداث نراها من جديد رأي العين ، فقط باختلاف يسير يكاد لا يتعدى الأسماء و الأمكنة .....

#بين_التاريخ_والواقع
#راغب_السرجاني

#اقتباساتي 💭

في صفحات التاريخ نتبين أنه لا أمل في السعي وراء حقوقنا المسلوبة في أروقة الأمم المتحدة وإنما يجب أن نقول كما قال السابقون:

ما حَكَّ جِلدكَ مثلُ ظُفرِكْ
فًتوَلَّ أنت جميعَ أمرِكْ

#بين_التاريخ_والواقع
#راغب_السرجاني

#اقتباساتي 💭

لابد لمن أراد أن يرفع الظلم عن كاهله و كواهل الناس أن يكون فاعلاً لاً مفعول به !!
وكلٌ ميسر لما خلق له ...!

#بين_التاريخ_والواقع
#راغب_السرجاني

#اقتباساتي 💭

إن الوحدة العربية الإسلامية مرتبطة بيقظة مجموع الأمة _وليس الحكام فقط_ وسعيها في تحقيق الوحده ، وهذه اليقظة تبدأ من أول مستوى يهم المسلم وهو صِله الرِحَّم فإن المسلم الذي لا يهتم بصله الرِحَّم ولا يهتم بحال جيرانه في المسكن ، لايمكن أن يهتم في حال المسلمين في بقاع الأرض حيث لا يراهم ولا يدري بمعناتهم .... !!

#بين_التاريخ_والواقع
#راغب_السرجاني

⭕️جدول المظاهرات لشهر ديسمبر

٢٥ ديسمبر: تجمع المهنيين و ابناء الوطن يدعموهم من كل مكان
٢٦ ديسمبر:اعتصام ابناء الوطن الخارج السودان في كل السفارات في يوم واحد كفيل بتغيير رائ العالم في الطاغيه و اعتصام السودانيين في الداخل امام السفاره الامريكيه
٢٧ديسمبر:اعادة الطامه الكبري كل ابناء السودان الموجودين في ولاية الخرطوم يجتمعوا في جاكسون من كل موقع في العاصمه بدون انتظار زول يمشي و انت تدعمو بالفيس الاعمى يقود المكسر
٢٨ ديسمبر: مظاهره الخلاص و النصر من المساجد الى الساحات و الشوارع بكل الاعمار و كل مدن السودان تنتفض في ساعات الخلاص من بعد الصلاه الى منتصف الليل
٢٩ديسمبر: اعتصام نسائي خالص في شارع النيل الخرطوم و رجالي في شارع المطار
٣٠ ديسمبر: الاحتفال بالنصر بإذن ربي موفقين و النتيجه نجاح ان شاء الله
نسبة التنفيذ 70% كفيله باسقاط النظام
مشاركه و توعيه للجميع لازم تكلم اي زول ما عندو واتس فيس لازم تبداء بناس بيتكم اهلك جيرانك النصر لنا بإذن الله

#الثورة_مستمرة
#مدن_السودان_تنتفض

‌‎#مدن_السودان_تنتفض
لعنة الله على كل من شارك في إراقة دم حرام.
أذكر هؤلاء القتلة بحديث:
قال رسول الله صلى الله عليه وسلم: «لو أنَّ أهل السماء وأهل الأرض اشتركوا في دم مؤمن لأكبهم الله في النار» رواه الترمذي.

رسالة لطلابي من منسوبي قوات الشرطة والقوات العسكرية والأمنية والأجهزة العدلية..
السلام عليكم ورحمة الله وبركاته..
أوجه لكم هذه الرسالة وأنا على سرير المرض في معركة ضد مرض السرطان وأسأل المولى الرحيم اللطف والشفاء التام.. ولكن أجزم بأن معركتي سهلة مقارنة بالمعركة الشريفة المشرفة والشرسة لبنات وأبناء السودان وهم يخوضونها بكل الجسارة ضد سرطان استشرى لمدة 30 عام ونخر جسد بلدنا النبيل.. فبتروا جزء عزيز منه ونهبوا كل مقدراته وشردوا أهله.. غول القهر والذل والفساد والانكأ سرقة مستقبل ثلاثة أجيال نشأت وهي ترى الوطن يدمر ويداس تحت أحذية تجار الدين الذين استغلوا عاطفة أهلنا الاسلامية السمحة وصبرهم فساموهم العذاب والجوع والهوان والإمتهان..
طلابي الأعزاء..رسالتي ليست سياسية ولا أدعى ولا أنا مؤهل كناصح او مرشد سياسي وقسما بالله العظيم لا أنتمي لأي تنظيم سياسي أو غيره .. بل أنتمي فقط بكل الفخر مثلكم لسودان العزة والكرامة..
لكن هذا تذكير أخلاقي متواضع لكم ولجميع المكلفين بأعمال الشرطة والأمن والعدالة في بلادي..
ولو تتذكرون في محاضراتي لكم في الطب الشرعي..حكمة أن هناك شيئين لا يرجعان أبداً إن أطلقتهما.. (الكلمة.. والرصاصة) ..
وان لا تحاولوا إطلاق النار الا على شخص يهدد حياتكم بسلاح مميت أو كان يقتل في العُزل ويهدد حياة المواطنين الامنين..
(وقلتها لكم بالدارجي الفصيح.. بمثل لييه تضرب رصاص على ولد كان متلبس مع بنت في حالة خلوة غير شرعية.. وقاموا جاريين.. ؟ وهل هروبهما كان من جريمة عقوبتها الإعدام..؟ وهل الأمر شرعاً وقانوناً يستحق طلق ناري..وهدر دم إنسان.. ؟
ما تتهوروا بالإندفاع والغضب اللحظي وبوهج السلطة.. وبعدين الندم بشقيكم وأرواحكم بتتعذب في الدنيا قبل الآخرة..ولات ساعة مندم )
والان طلابي من أخوتي وأبنائي وبناتي في قوات الشرطة والقوات الامنية الأخرى والأجهزة العدلية المختلفة..وأنتم أبناء هذا الشعب الكريم والذين مْنحتم شرف السلطة والسلاح بعد إجتهاد وتأهيل ومثابرة وأديتم اليمين..
هؤلاء المتظاهرين الأنقياء العزل والشباب الثائر من أجلنا هم جميعاً من أهلنا وعزوتنا.. خرجوا لإسترداد الوطن المسلوب ومن أجل حق العيش الكريم للكل.. من أجل وطن معافى خالي من الفساد ويسع الجميع بدون لون أو دين أو جنس أو قبيلة.. وأنتم تعلمون ما وصل إليه حال بلدنا من دمار وخراب يصعب على العدو قبل الصديق..
بالله عليكم.. لا تأمروا بإطلاق أو تطلقوا النار على أخواتكم وإخوانكم وأبائكم وأمهاتكم وأبنائكم وبناتكم وشعبكم الأبي الكريم وهم ينادون سلمية.. سلمية ضد الحرامية..وكفاية..كفاية.. السودان هو الغاية..
وحتى لو قذفكم شاب صغير أو طفل بحجر او غيره بإنفعال الثوار.. لا تطلقوا عليهم النار فالسلاح خائن وانت مقتدر بالسلطة.. فلنتذكر جميعا قدرة الخالق الجبار علينا..
تذكروا أنكم أقسمتم بالله على حماية الدستور وحماية الوطن والمواطن.. ولا طاعة شرعية في أي أمر بقتل العزل الأبرياء مهما كان الآمر..أنتم العين الساهرة على المواطن لا جلاديه.. أنتم حراسه لا قاتليه.. واذا كان هناك من يطلق النار على الابرياء بأسمكم عرّوهم واكشفوهم للجميع..فأنتم من رحم هذا البلد وليسوا بمرتزقة..
أفخر دوما.. وسأظل ما حييت بتدريسي لطلاب وسعادة ضباط الشرطة في الكلية والمعاهد بنفس درجة فخري بطلابي في الطب ..كما أفخر بتدريسي لمعالي القضاة ووكلاء النيابات والمحامين وكل القانونيين في القوات المسلحة.. حوبتكم جات يا أضلاع العدالة.. وشعبكم لاينشد غير العدالة..
والله من وراء القصد..

أخوكم علي الكوباني

#الثورة_مستمرة
#مدن_السودان_تنتفض

‏إلى جمعية حماية المستهلك: الحكومة السودانية تضرب المتظاهرين بقنابل مسيلة الدموع (بومبان) منتهية الصلاحية. يرجى سحب هذه الكميات التالفة من الأسواق وشراء قنابل صالحة للاستهلاك لضربنا بها احتراماً لحقوق الإنسان.

الطفل ذو العشرة سنوات قابع بجواري في المعتقل لا حولة له ولا قوة منظره يمزق القلب، بكاء زميلتي أثناء ضرب زميلي الصحفي كما لو ان الضرب وقع عليها، يصعب وصفه، ماذا أفعل وأنا الأعزل فوق ظهري البنادق ووجهي مصلوب على الحائط .

عزمي عبد الرازق
صحفي ويعمل بقناة امدرمان

#الثورة_مستمرة
#مدن_السودان_تنتفض

انا متحير في ناس الشرطه والأمن ديل ليهم كم سنه ما صلو صلاة للدرجه البتصل بيهو انو قلبه يُسود و يقتل إنسان بدم بارد !
كيف يقدر يقابل ربه و في رقبته دم أبرياء ؟
في الدين كلو ماف حاجه أعظم عند ربنا من بعد الشرك غير قتل النفس بدون حق! يعني انت و الكافر تقريباً في كفتين متقاربات..
و الرسول صلى الله عليه وسلم قال : لن يزال المؤمن في فسحه من دينه ما لم يُصب دماً حراماً


تسرق تنهب تظلم كلو هين مقارنه بإنو يكون في رقبتك دم يوم القيامه
و انت بترفع سلاح في زول اتذكر انك حتتقابلو سوا قدام ربنا ..

رسلوا الرابط ده لناسكم
تليجرام ما محظور
وما محتاج vpn
https://t.me/joinchat/AAAAAFZ9a8ncJpxgbWcyjQ

الحكومة بقت تخاف من الاعلام الممكن يكشف حقيقة الحاصل