الهاشتاق وصل الأول عالميا

‏يا جماعه بما انو الليله الجمعه الناس تكتر من الدعوات وانو ربنا ينصرنا و يحفظ لينا كل اهلنا الطلعو في مختلف المدن ويفرج الحال ويصلح حال السودان وينتقم من كل من كان السبب 🙌🏼
-منقووول

‏شباب ! نحن وصلنا خط اللارجوع ! اي تراجع حيخلق مساحة للحكومة الفاشية انها تلم شتاتها و تضربنا بكل ما تملك من قوة بما يسمى بالثورة المضادة ! الحكومة الان في خانة الدفاع و نحن في حالة الهجوم ! لا تراجع لا انتظار لا مساومة لا استسلام ! اهتفوا و اضربوا بلا رحمة !
‎
-منقول

نحن مرقنا ضد الناس الاكلو عرقنا... ونحن مرقنا ضد الناس القتلو ولدنا💪💪❤️✨
#مدن_السودان_تنتفض

‏الحكومة فكت بلطجية في المعمورة و شارع الستين
الازهري
السلمى
تعليماتهم يعملوا جوطة بس و يفلقوا اي زول بي عربية ولا غيرو
الغرض من الحاجة المظاهرات تفقد التأييد من المتشككين و المؤلفة قلوبهم
الناس الواعية تعمل تحالف لشباب الحلة و يقبضوا الناس ديل براهم

-منقول

‏اجريت اليوم بمستشفى بحري عملية بتر لليد اليمنى و عملية نظافة و بتر لطالبين في بداية حياتهم الأكاديمية و المهنية.. اثر اصابتهم في أحداث اليوم.
الخزي و العار على المعتدين ..
الخزي و العار على المجرمين ..

-منقول

‏في بحري الشرطه قفلت المساجد ومنعت الناس تصلي الجمعه عشان ما اطلعو بعد الصلاة واجي واحد اقول لييك الخروج على الحاكم حرام
#قبل_ساعتين_من_الآن
#مدن_السودان_تنتفض2

و حتشرق بإذن الله ❤️✨

‏انا متأكد انو قريب جدا النظام حيزول ، وحتتملي الشوارع بضحكتك انت وابوي وامي واخواني واصحابي والناس الكتيرة الحوالينا والما بعرفها متأكد انو قريب شديد مطار الخرطوم حيكون غرقان بدموع الفرح عشان رجوع المغتربين لأهلهم واخوانهم واصحابهم وحبايبهم وحترجع البلد حنينة زي ما كانت زمان❤️.
.
#مدن_السودان_تنتفض2

ما تحرقو الطرمبات
ما تحرقو العربات
ما تفلقو الناس
ما تكسرو المحلات
مااااا تضروووو المواطن زيادة
المووواطن ما تضرووووو
#مدن_السودان_تنتفض

#شيييييييييييييييييييييييييييييير
حقيقة تذبذب الانترنت في السودان يوم أمس الخميس واليوم الجمعة صديقي يعمل في وزارة الاتصالات قال لي يوم أمبارح إقتحم برج الاتصالات عدد من كبار ضباط الامن فيهم اللواء والرائد وعدد من الجنود وطلبوا من مدير الهئية القومية للاتصالات (دكتور يحي عبدالله) قطع خدمة الانترنت بسبب المظاهرات لكن دكتور يحي رفض وقال ليهم ما بنقدر نعمل حاجات ذي دي لأسباب سياسية وطالبهم يجيبو أمر أو قرار من وزير الاتصالات أو مدير الامن وقال ليهم أنا لا أعمل تحت إمرتكم.. الضباط طوالي مسكوا الراجل من ملابسه وسحبوه معاهم وقالوا ليهو لو داير قرار تعال شوفو بنفسك هناك في رئاسة الامن،، المهم بعد ساعتين دكتور يحي رجع ودخل مكتبه وهو قرفان وملابسه مكرفسة وعمل إتصالات بجهات ما معروفة وتناسي الموضوع. اليوم الصباح جوهو نفس المجموعة شايلين قرار من رئاسة الجمهورية وموقع عليه رئيس الجمهورية شخصياً بإعفاء يحيي عبدالله من رئاسة الهئية القومية للإتصالات وتعيين لواء أمن مصطفي عبدالحفيظ.... وطردوا دكتور يحي بطريقة مهينة جداً أمام كل الموظفين.... المدير الجديد بتاع الامن ده جمع الفنيين والمهندسيين بتاعين الهئية وقال ليهم بالحرف الواحد: أنا بعرف الإتصالات دي وفاهمها أكثر منكم فأي واحد يلف ويدور معاي ويعمل فيها شفت أنا ما برحمه والان المطلوب منكم حاجة واحدة بس وهي تعطيل خدمات الانترنت في السودان فوراً.... الموظفين المساكين طبعاً خافو وكانوا دايرين ينفذوا الامر فعلا ويقطعوا الانترنت من البلد وبدأو الشغل لكن بعد فترة في ناس أتكلموا مع اللواء وقالوا ليهو يا سعادتك قطع الانترنت ده بيوقف البلد ويعطل والبنوك وشركات الطيران ومؤسسات كتيرة مهمة يعني ده عملية خطيرة جداً لكن ممكن نوقف ليك الحاجات اللي بتهمك بس مش أنت داير شبكات التواصل الاجتماعي تقيف ممكن نوقفها.. اللواء قال ليهم خلاص وقفوها وما داير أشوف فيسبوك ولا واتساب ولا زفت تاني. وهذا ما حدث.. الان شبكات التواصل الإجتماعي كلها متعطلة بسبب اللواء أمن مصطفي عبدالحفيظ..

تعديل :
ممكن تشتغل عادي من السودان بس افتح ال VPN

‏ما بين ١٠ لي ١٣ تاتشر و الفيها كلهم مسلحين مشو ورا جامع الشيخ خوجلي في بحري حلة خوجلي

منقول.....
#مدن_السودان_تنتفض2

# ديسمبر _23_ ﺍﻟﺴﻮﺩﺍﻥ _ ﻋﺼﻴﺎﻥ _ ﻣﺪﻧﻲ
ﺍﻟﺴﻼﻡ ﻋﻠﻴﻜﻢ .
ﻗﺒﻞ ﺍﻱ ﺣﺎﺟﺔ ﺍﻗﺮﺍ ﺍﻟﺮﺳﺎﻟﺔ ﻛﻮﻳﺲ ﻭﺍﺳﺘﻮﻋﺒﻬﺎ ﻭﻗﻮﻝ ﺑﺴﻢ ﺍﻟﻠﻪ ﻓﻲ ﺍﻻﻭﻝ ﻭﺍﺑﺪﺍ ﺍﻧﺸﺮ
ﺣﻤﻠﺔ ﺟﺎﻳﻴﻚ ﻳﺎ ﺳﻮﺩﺍﻥ
ﻳﺎ ﺍﺧﻮﺍﻧﺎ ﺍﻧﺎ ﺡ ﺍﺗﻜﻠﻢ ﺑﻲ ﻟﻐﺔ ﻋﺎﻣﻴﺔ ﻛﺪﺓ ﻋﺸﺎﻥ ﺍﻟﻨﺎﺱ ﻛﻮﻭﻭﻭﻟﻬﺎ ﺗﻔﻬﻢ ﻻﻧﻮ ﺍﺣﻨﺎ ﻣﺤﺘﺎﺟﻴﻦ ﻟﻲ ﺍﻱ ﻓﺮﺩ ﻓﻲ ﺍﻟﺴﻮﺩﺍﻥ ﺍﺣﻨﺎ ﻣﺤﺘﺎﺟﻴﻦ ﻟﻴﻜﻢ ﻳﺎ ﻣﻮﻇﻔﻴﻦ ﻭﻳﺎ ﺭﺟﺎﻝ ﺍﻻﻋﻤﺎﻝ ﻭﺫﻭﻱ ﺍﻻﻋﻤﺎﻝ ﺍﻟﺤﺮﺓ ﻭﺍﻟﻄﻠﺒﺔ ﻭﺍﻱ ﻣﻮﺍﻃﻦ ﺳﻮﺩﺍﻧﻲ ﻣﺤﺘﺎﺟﻴﻦ ﻭﻗﻔﺘﻮ ﻣﻌﺎﻧﺎ ﻋﺸﺎﻥ ﻧﻘﺪﺭ ﻧﻐﻴﺮ ﻭﻧﺤﻘﻖ ﻣﺮﺍﺩﻧﺎ
ﻃﻴﺐ ﺑﻲ ﺻﻮﺭﺓ ﺍﻭﺿﺢ -:
ﺍﻧﺎ ﺑﺘﻜﻠﻢ ﻋﻦ ﺍﻟﻌﺼﻴﺎﻥ ﺍﻟﻤﺪﻧﻲ ﻳﺎ ﺍﺧﻮﺍﻧﺎ ﺍﻗﻮﻱ ﺣﺎﻛﻢ ﻓﻲ ﺍﻟﻌﺎﻟﻢ ﺣﻜﻮﻣﺘﻮ ﺑﺘﺴﻘﻂ ﺑﻌﺼﻴﺎﻥ ﻣﺪﻧﻲ ﻧﻘﻄﺔ ﺳﻄﺮ ﺟﺪﻳﺪ
ﻋﺎﺭﻓﻴﻦ ﻋﺼﻴﺎﻥ ﻣﺪﻧﻲ ﻳﻌﻨﻲ ﺷﻨﻮ ؟
ﺗﻌﺎﻟﻮ ﺍﻓﻬﻤﻜﻢ ﻭﺍﺣﺪﺓ ﻭﺍﺣﺪﺓ : ﻋﺼﻴﺎﻥ ﻣﺪﻧﻲ ﻳﻌﻨﻲ ﻛﻞ ﺣﺎﺟﺔ ﻓﻲ ﺍﻟﺒﻠﺪ ﺡ ﺗﻘﻴﻒ ﻳﻌﻨﻲ ﺍﻟﺤﻜﻮﻣﺔ ﺍﺫﺍ ﺍﺗﻨﻔﺬ ﻋﺼﻴﺎﻥ ﻣﺪﻧﻲ ﺍﺫﺍ ﺻﻤﺪﺕ ﻳﻮﻣﻴﻦ ﺍﻟﺘﺎﻟﺖ ﻡ ﺑﺘﻘﺪﺭ ﻭﺍﻟﺠﻴﺶ ﺡ ﻳﺪﺧﻞ ﻭﻳﺴﺘﻠﻢ ﺍﻟﺤﻜﻢ .. ﻋﺼﻴﺎﻥ ﻣﺪﻧﻲ ﻳﻌﻨﻲ ﻧﺘﺎﺋﺞ ﻣﻀﻤﻮﻧﺔ %1000 ﻭﺍﺑﺼﻢ ﺑﺎﻟﻌﺸﺮﺓ ..
ﻃﻴﺐ ﺳﺆﺍﻝ ﺗﺎﻧﻲ ﻟﻴﻪ ﺍﺧﺘﺮﻧﺎ ﺍﻟﻌﺼﻴﺎﻥ ﺍﻟﻤﺪﻧﻲ ؟؟؟
ﻻﻧﻮ ﻳﺎ ﺍﺧﻮﺍﻧﺎ ﺍﺫﺍ ﻃﻠﻌﻨﺎ ﻣﻈﺎﻫﺮﺍﺕ ﻡ ﺡ ﻧﻠﻘﻲ ﺷﻲ ﻏﻴﺮ ﺍﻟﻀﺮﺏ ﻭﺍﻟﻌﻨﻒ ﻭﺍﻟﻘﺘﻞ ﻣﻦ ﻗﺒﻞ ﺟﻬﺎﺯ ﺍﻻﻣﻦ .. ﻭ ﺡ ﻧﺨﺴﺮ ﺍﻛﺘﺮ ﻣﻦ ﻣﺎ ﺍﺣﻨﺎ ﺧﺴﺮﺍﻧﻴﻦ .. ﻓﻲ ﺃﻡ ﺡ ﺗﻔﻘﺪ ﻭﻟﺪﻫﺎ ﺍﻟﻮﺣﻴﺪ ﻭﻓﻲ ﺍﻃﻔﺎﻝ ﺡ ﻳﺘﺮﺑﻮ ﺍﻳﺘﺎﻡ - ﻃﻴﺐ ﻟﻴﻪ ﺩﺓ ﻛﻠﻮ ﻭﺍﺣﻨﺎ ﺑﻲ ﻳﺪﻧﺎ ﺍﻟﺤﻞ ﺍﻟﻨﺎﺟﺢ ﻭﻣﻦ ﻏﻴﺮ ﺧﺴﺎﺋﺮ ﻧﻘﻄﺔ ﺳﻄﺮ ﺟﺪﻳﺪ
ﺡ ﻳﺘﻨﻔﺬ ﻛﻴﻒ ﻭﻣﺘﻴﻦ ؟؟
ﺍﻭﻝ ﻧﻘﻄﺔ ﻻﺯﻡ ﺗﺘﻔﻬﻢ ﺍﻧﻮ ﻡ ﻋﺎﻳﺰﻳﻦ ﺗﺨﺎﺫﻝ ﻣﻦ ﻣﻮﺍﻃﻦ ﺳﻮﺩﺍﻧﻲ ﻭﺍﺣﺪ ﻻﻧﻮ ﺑﻴﻔﺮﻕ ﻭ ‏( ﺍﻳﺪ ﻟﻲ ﺍﻳﺪ ﺗﺠﺪﻉ ﺑﻌﻴﺪ ‏) ‏( ﻓﻲ ﺍﻻﺗﺤﺎﺩ ﻗﻮﺓ ‏) ﻭ ‏( ﺗﺎﺑﻲ ﺍﻟﺮﻣﺎﺡ ﺍﺫﺍ ﺍﺟﺘﻤﻌﻨﺎ ﺗﻜﺴﺮﺍ ﻭﺍﺫﺍ ﺍﻓﺘﺮﻗﻨﺎ ﺗﻜﺴﺮﺕ ﺍﺣﺎﺍﺩﺍ ‏)
ﻻﺍﺯﻡ ﺍﻟﺸﻌﺐ ﻛﻠﻮﻭ ﻳﻘﻴﻒ ﻭﻗﻔﺔ ﺭﺟﻞ ﻭﺍﺣﺪ .. ﻣﺎﻑ ﻣﻮﻇﻒ ﻳﺘﺨﺎﺫﻝ ﻋﺸﺎﻥ ﻭﺿﻌﻮ ﻛﻮﻳﺲ ﻻﻧﻚ ﺍﺫﺍ ﻭﺿﻌﻚ ﻛﻮﻳﺲ ﻓﻲ ﺍﺧﻮﻙ ﺡ ﻳﻤﻮﻭﺕ ﻭﻓﻲ ﺟﺎﺭﺭﻙ ﻡ ﻗﺎﺩﺭ ﻳﺎﻛﻞ ﻭﻻ ﻳﺘﻌﺎﻟﺞ ... ﻧﺤﻨﺎ ﺑﻨﺘﺮﺟﺎﻛﻢ ﻳﺎ ﺍﺧﻮﺍﻧﺎ ﺍﻱ ﻣﻮﻇﻒ ﺍﻱ ﻋﺎﻣﻞ ﺍﺭﺟﻮﻭﻭﻭﻭﻛﻢ ﻋﺸﺎﻧﺎ ﻭﻋﺸﺎﻧﻜﻢ ﻭﻋﺸﺎﻥ ﺍﻭﻻﺩﻙ ﻭﻋﺸﺎﻥ ﺍﻟﺴﻮﺩﺍﻥ ﺗﻘﻴﻔﻮ ﻣﻌﺎﻧﺎ
ﻃﻴﺐ ﺍﻟﻮﻗﺖ ؟؟
ﻟﻮ ﻗﻠﺖ ﺑﻜﺮﺓ ﺍﻭ ﺑﻌﺪﻭ ﻣﺎﻑ ﻓﺎﺋﺪﺓ ﻻﻧﻮ ﺍﻟﺮﺳﺎﻟﺔ ﻡ ﺡ ﺗﻜﻮﻡ ﻭﺻﻠﺖ ﻟﻠﺸﻌﺐ ﺍﻟﺴﻮﺩﺍﻧﻲ ﻛﻠﻮﻭ .. ﺍﻧﺎ ﻋﺎﻳﺰﺓ ﻟﻤﺎ ﻟﻤﺎ ﺍﻟﻮﻗﺖ ﺍﻟﻤﺤﺪﺩ ﻳﺠﻲ .. ﻳﻜﻮﻥ ﺍﻱ ﻣﻮﺍﻃﻦ ﻗﺮﺃ ﺭﺳﺎﻟﺘﻲ ﺩﻱ ﻭﺍﺗﺨﺬ ﻗﺮﺍﺭ ﺍﻧﻮ ﻫﻮ ﻣﻌﺎﻧﺎ .
ﻳﻮﻡ23/12 ﺍﻟﻠﻲ ﻫﻮ ﻳﻮﻡ ﺍﻻﺣﺪ ﻣﻦ ﺍﻻﺳﺒﻮﻉ ﺍﻟﻘﺎﺩﻡ ﻣﺎﺍﻑ ﻣﻮﺅﺳﺴﺔ ﻭﻻ ﺍﻱ ﺑﻘﺎﻟﺔ ﻭﻻ ﺻﻴﺪﻟﻴﺔ ﻭﻻ ﺟﺎﻣﻌﺔ ﻭﻻ ﻣﺪﺭﺳﺔ ﺡ ﺗﻜﻮﻥ ﺷﻐﺎﻟﺔ ﻧﻘﻄﺔ ﺳﻄﺮ ﺟﺪﻳﺪ
ﺡ ﻧﻌﻴﺶ ﻛﻴﻒ 3 ﺍﻳﺎﻡ ﻣﻦ ﻏﻴﺮ ﻡ ﻧﻄﻠﻊ ؟؟
ﻋﺎﺭﻓﺔ ﺍﻟﻮﺿﻊ ﺻﻌﺐ ﻭﻓﻲ ﻛﺘﻴﺮ ﻣﻨﻨﺎ ﺍﻟﺒﻌﻴﺶ ﺑﻲ ﻗﻮﺕ ﻳﻮﻣﻮ ﺑﺲ ﻟﻮ ﻗﻠﺖ ﺑﺴﻢ ﺍﻟﻠﻪ ﻭﺧﺘﻴﺖ ﺍﻟﺮﺣﻤﻦ ﻓﻲ ﻗﻠﺒﻚ ﻭﻳﻮﻡ ﺍﻟﺴﺒﺖ ﻣﺸﻴﺖ ﺟﺒﺖ ﺷﻮﻳﺔ ﺣﺎﺟﺎﺕ ﻟﻠﺒﻴﺖ ‏( ﺩﻗﻴﻖ - ﻟﺤﻤﺔ - ﻋﻴﺶ ‏)
ﺑﺘﻌﻴﺸﻮ ﻭ ﺍﻟﻠﻪ ﻭﺍﻟﻌﻴﺸﺔ ﻋﻤﺮﻫﺎ ﻡ ﻏﻠﺒﺖ ﺯﻭﻝ ..
ﻳﺎ ﺍﺧﻮﺍﻧﺎ ﻭﺍﻟﻠﻪ ﺍﻟﻌﻈﻴﻢ ﺣﺎﺟﺔ ﻧﺘﻴﺠﺘﻬﺎ ﻣﻀﻤﻮﻧﺔ ﻭﻣﻦ ﻏﻴﺮ ﺧﺴﺎﺋﺮ ﻳﻌﻨﻲ ﺍﻟﺸﺮﻃﺔ ﻣﺴﺘﺤﻴﻞ ﺗﺠﻴﻚ ﻓﻲ ﺍﻟﺒﻴﺖ ﺗﻀﺮﺑﻚ ﻋﺸﺎﻥ ﺍﻧﺖ ﻡ ﻃﻠﻌﺖ ﻭﻻ ﺷﻨﻮﻭﻭ ؟؟؟
ﺍﺭﺟﻊ ﺍﻛﺮﺭ ﻭﺍﻗﻮﻝ ﻭﺍﻋﻴﺪ -:
ﻡ ﻋﺎﻳﺰﻳﻦ ﻳﻮﻡ ﺍﻟﺴﺒﺖ ﻳﺠﻲ ﻣﻦ ﻏﻴﺮ ﻣﺎ ﺍﻱ ﻣﻮﺍﻃﻦ ﺳﻮﺩﺍﻧﻲ ﺗﻜﻮﻥ ﻭﺻﻠﺘﻮ ﺭﺳﺎﻟﺘﻲ ﺩﻱ .. ﻭﻣﻮﺍﻗﻊ ﺍﻟﺘﻮﺍﺻﻞ ﺍﻻﺟﺘﻤﺎﻋﻲ ﺳﻬﻠﺖ ﺍﻟﻤﻮﺿﻮﻉ .. ﻛﻞ ﺍﻟﻌﻠﻴﻚ ‏( ﻧﺴﺦ + ﻟﺼﻖ ‏) ﻓﻲ ﺻﻔﺤﺘﻚ ﻓﻲ ﺍﻱ ﻗﺮﻭﺏ ﺧﺎﺷﻲ ﻓﻴﻬﻮ ﻟﻲ ﺍﻱ ﺯﻭﻝ ﻣﻀﺎﻑ ﻋﻨﺪﻙ ﻓﻲ ﺍﻟﻮﺍﺗﺲ - ﺍﻟﻔﻴﺲ - ﺍﻟﺘﻮﻳﺘﺮ
ﻋﺎﻳﺰﺓ ﺍﻟﺮﺳﺎﻟﺔ ﺩﻱ ﺗﻠﻒ ﺍﻟﻌﺎﻟﻢ ﻣﺶ ﺍﻟﺴﻮﺩﺍﻥ ..
ﻋﺸﺎﻥ ﻳﻮﻡ ﻳﺤﺼﻞ ﺍﻟﺘﻐﻴﻴﺮ ﻛﻠﻜﻢ ﺗﻘﻮﻟﻮ ﺍﻟﻔﻀﻞ ﻟﻴﻨﺎ ﻡ ﻗﺼﺮﻧﺎ
ﺑﻤﺠﺮﺩ ﻡ ﺗﻨﺸﺮ ﺍﻟﺮﺳﺎﻟﺔ ﻋﻠﻲ ﻗﺪﺭ ﻡ ﺍﻟﻠﻪ ﻳﺪﻳﻚ ﻭﺗﺴﺎﻧﺪﻧﺎ ﻳﻮﻡ ﺍﻻﺣﺪ ... ﻭﺍﻟﻠﻪ ﻭﺍﻟﻠﻪ ﺣﻴﺎﺗﻨﺎ ﻛﻠﻨﺎ ﺡ ﺗﺘﻐﻴﺮ
ﻳﺎ ﺍﺧﻮﺍﻧﺎ ﺍﻧﺎ ﺑﺘﺮﺟﻲ ﺍﻟﺴﻮﺩﺍﻥ ﻡ ﻋﺎﻳﺰﻳﻦ ﺗﺨﺎﺫﻝ .. ﻡ ﻋﺎﻳﺰﻳﻦ ﺗﺨﺎﺫﻝ .. ﻡ ﻋﺎﻳﺰﻳﻦ ﺗﺨﺎﺫﻝ ..
ﻣﻬﻤﺎ ﻛﺎﻥ ﻋﻤﻠﻚ ﺑﻴﻔﺮﻕ ﻡ ﺗﻘﻮﻝ ﺩﻛﺎﻧﻲ ﺡ ﻳﻌﻤﻞ ﺷﻨﻮﻭ ؟
ﺑﻴﻌﻤﻞ ﺍﻧﺎ ﻋﺎﺭﻓﺔ ﻭﻣﺘﺎﻛﺪﺓ ﺑﺲ ﻗﻮﻝ ﺑﺴﻢ ﺍﻟﻠﻪ
ﻭﺭﺑﻨﺎ ﻣﻌﺎﻧﺎ ﻭﺭﺑﻨﺎ ﻋﻠﻲ ﺍﻟﻈﺎﻟﻢ
ﻭﺍﻟﻠﻪ ﺍﻛﺒﺮ
ﺍﻟﻠﻪ ﺍﻛﺒﺮ
ﺍﻟﻠﻪ ﺍﻛﺒﺮ
ﻭﻻ ﺍﻟﻪ ﺍﻻ ﺍﻟﻠﻪ
ﻋﺮﻓﻨﺎ ﻃﺮﻳﻘﻨﺎ ﻭﻣﺎﺷﻴﻦ ﻓﻴﻬﻮ ﺡ ﻧﻨﺠﺢ ﻏﺼﺒﺎ ﻋﻦ ﺍﻱ ﺣﺎﺟﺔ
ﻭﻃﻨﺎ ﺣﺒﻴﺒﻨﺎ ﺭﻏﻢ ﺍﻟﺒﻴﻦ
#عصيان_مدني✌
منقول

عاااجل
الولايه الشماله تعليق الدراسه بجامعتي دنقلا وعبداللطيف حمد الى اجل غير مسمى
حظر التجول
منع التجمعات صباحا
في الخرطوم تعليق الدراسه

نحنا مرقنا ضد الناس السرقو عرقنا ما للسكر والبنزين مرقنا عشان تجار الدين يالماهيتك كم مليون نحن الشعب البات مديون مرقنا عشان الوطن الراح وما برجعنا الليله سلاح ضد العسكر والبنبان مرقنا عشانك ي سودان
#مدن_السودان_تنتفض

قد تعمد هيئة الاتصالات لمراقبة موبايلات النشطين والتجسس عليها..
افضل طريقة لقطع الطريق امام التجسس على مكالماتك وعلى رسايلك باتباع الطرق دي
اولا امشي ل اتصال .. اكتب الكود ده
*#21#
اضغط اتصال او call
الرساله المفروض تجيك انو كل مكالماتك غير محوله
It shouldn t be forwarded
لو لقيت انو مسموح بتحويل المكالمات وتوجيهها لجهه تانيه
و عايز تعرف الجهه البتتحول ليها الاتصالات او الرسائل
اضغط على
*#62#
حيجيك الرقم البيتجسس عليك.
يبقى تعمل شنو ! تعطل خاصية للتجسس دي. كيف !
بكتابة كود
##002#
مرفق صور توضيحية
موفقين
يمكن الطريقه م تشتغل في كل الاجهزه