حياة|𝔏𝔦𝔣𝔢 🕊️🌻

Forwarded from قـــآع الهــــامؤر 🌚🔥 (Prince 🍃)

~ الواحد بطل يكتب نصوص ملانة حُب وتفاؤل تضامنا مع الحاصل هسي ؛
مع كليلو اللحم البي ٢٠٠ ج
قيراط البصل البي ٣٠٠ ج
شوال السكر البي ١٧٠٠ ج
إسطوانة الغاز البي ٢٥٠ج
رطل البن البي ٨٠ ج
رطل الشاي البي ١٦٠ ج
والطامة الكبرى العيشة البقت بي جنهين وخمسين قرش ،
يعني البسيط اللو قدر وفر مكونات حلة لي وجبة واحدة الا يشربها 💔
بيت لو فيه نفرين بس ٣ وجبات عايزين عيش بي ٢٠ علي الاقل ، خليك من بيوت بسيطة فيها عشرة اطفال وسبعة وتمانية !

تعالوا نبطل نرجسية وعبط وكلام فارغ ، نبطل إنصرافية وضحك واخد الموضوع كانه ملهم لنكات وقصص مضحكة ، الوضع مذري وسيء والسوء ده بيتناسب مع قلة الوعي الحاصل ؛

انا ما عارفة الحل شنو اكيد ! بس كل البعرفو انو نبطل فارغة علي الاقل ، لو فينا حبة وعي نحاول ننهض بيه ،
يعني شنو نقرأ لي حميد ونسمع مصطفي و ننرطب ونبكي ونتملي شجن وثورة وكل استجابتنا للوضع
إننا نشتري رصيد ونفعل نت ونخش عشان نقرأ الفارغة البنكتبها او نكتب فارغة جديدة ونضحك علي نكات في حالنا ده 💔

الليلة حصل لي موقف عمري م ح انساه وحدة بتشتغل عاملة في المستشفى
مرتبها "٦٠٠ " ج
زوجها متوفي 💔 عندها أربعة أطفال
٣ بنات وولد واحد اعمارهم كلهم دون ال ١٥ سنة 💔
قالت لي انا لو ما الله كريم مرتبي ده عيش تاني ما بكفيني 💔
الله كريم اكيد بس انا لسه بفكر انها فعلا ح تتصرف كيف !
اذا مرضوا ، طيب المدارس ، طيب احتياجات بناتها ، وعيالها لسه اطفال
اكيد نفسهم في مليون حاجة ، ح تعمل شنو ! 💔💔

الحال ده بملى الزول وجع جداً ..

تخيّل اننا في بلد بقى اكبر انتصاراتنا
اننا نلقى كيس عيش بعد مدافرة في صف وحر شموس ..

انك تقيف ساعات وممكن تبيت عشان تكب بنزين او جاز ..

انك تمشي صراف عشان تشيل قروشك تمن تعبك تلقاه فاضي ،
حقك ما قادر تشيله 💔

طبعاً خلينا من اننا بشر كانت عندنا احلامنا وأمالنا العريضة الكنا معلقنها علي باكر ، هدا باكر جا بس من غير طلعة شمس 💔

كنا بنفتش للرفاهية و يُسر الحال ،
حاليا بقى كل همنا ستر الحال 💔

#فرح_علي...

8 views08:31