اُعمّم رسائلي .. وأعنيك 💛

‏ما لمس الحبُّ شيئا إلا وجعله مقدساً.

- جلال الدين الرومي

‏ثم قالت : بعد خمسين عاماً من الزواج .. مازال زوجي يقدمني للناس قائلا:
‏'' عروستي الجميلة ''❤️

‏وَالرُّوحُ يَاربَّاهُ طَالَ شَتَاتُهَا
وَالرَّوحُ مِنْكَ فَيَا مُعِينُ أعِنِّي.

‏يرى الإنسان نفسه عجوزآ حينما ينظر لأشخاص من نفس عمره يتراكضون في ربيع الحياة يملأهم الشغف وهو منطفئ ، منطفئ جدآ💔".

لَم يَخذلني وداعه ، لقد خذَلني ظرف الوداع نَفسه ، كان أقل من حَجم محبتي ، كَان باهتاً لا أستحقهُ ..🖤

بتحكي :-لما عرستا قعدتا فتره كبيره جواي رهبه من البيت الجديد ، م كنت بنوم كويس او أني أكل قدامو علي طبيعتي.

_تاني يوم من زواجنا أهلو جو عندنا ، قعدوا وكان المفروض أعمل أكل فدخلت أجهزه ، لقيتو دخل وراي طلع العصير وكب الكبايات وشال الصنيه وطلع.

_لما أختو المسافره رجعت وزارتنا وحبت تدخل تشوف البيت من جوه ، قال ليها "ثواني" ودخل أتأكد أن البيت من جوه نضيف ، دخل اوضه النوم ظبطها ع السريع لأنها جات الصباح بدري.

_ونضف أي حاجه شافها قدامو ، وبعدين طلع قال ليها "أتفضلي"

_كانت حرارتي بترتفع دايما وأغلب الوقت مصدعه صداع "نصفي" ، لما حس إني تعبت وبدأت أمسك راسي وأنا واقفه في المطبخ دخل زحاني عن حراره البوتجاز ووقف مكاني وقال لي"وصفي لي الحاجه وأنا بعملا"

_م خجل من امو الدخلت علينا فجأه ولقيتني واقفه بعمل السلطه وهو بحمر في الرز ، ضحك قداما وقال ليها "أبنك بقي ست بيت شاطر" ، قالت ليهو "في بيتنا م كنت بترضي تنضف مكانك" ضحك في وشها وسألني "أعمل شنو تاني".

_في مره كنت معاهو في بيت اهلو، وامو كانت مطلعه مرهم بتدهن بيهو رجليها ، مسكت منها المرهم عشان أعملوا أنا ، قومني وأتربع قدام رجليها ومسك المرهم ودعملو هو.

_حسيت أنو مبسوط وهو بيعمل كدا فسألته ليه قومتني من قداما ، قال لي "انتي كنتي حتعملي كدا عشان حسيتي إنو من الواجب تعمليهو ، أنا م عايزك تعملي حاجه غير وانتي حابه تعمليها فعلا"

_أتشاكلنا مع بعض في مره وكنت مجهزه شنطتي عشان أمشي بيت أهلي ، كنت قاعده في أوضتي ببكي وقافله الباب علي نفسي.

_باب الشقه خبط وكان أخوه ومرتو جايين عندنا ، فتح ليهم وقعد معاهم وبعدين دخل خبط علي وقال اي أطلعي سلمي عليهم وماتحسسيهم أنو احنا متشاكلين أو زعلانين من بعض.

_مسحت دموعي وظبطت نفسي وطلعت مبتسمه في وشهم وقعدت معاهم ، قعد جنبي وهزر معايا وكان بيوجه لي كلام كتير عشان ارد عليه ، ويحط إيدو ع كتفي ويبتسم لي.

_سابني قاعده معاهم ودخل فضي الشنطه ، وأكتشفت بعدها أن هو اللي اتصل ع اخوهو ومرتو وعزمهم عندنا عشان يعرف يصالحني بالحجه دي لأني كنت مصممه أمشي

_وحقيقي مافي أنجاز أكبر من انك تختاري شخص صح ، ماتهوني عليهو ويعرف يعظمك قدام الناس ويخت ليك أعذار.
قال:-
"كانت تليق بي ، وأنا خلقت خصيصآ لأليق بها"🖤

لا هسي انا لمن اكتب نكتة والناس تضحك بتجيني حسنات يعني🌝🌚

‏"الرجال قوّامون على النساء"
هذا خطاب تكليف لا خطاب تشريف .. أنت قوّام لتجعلها سيدة لا خادمة ، أنت قوّام لتجعلها زوجة لا جارية ، أنت قوّام لتجعلها رفيقة لا تابعة !.

صباح الورد 🌸

Morning
" قلبك ده عامل زي بيتك ،، في ناس ما ينفع تدخل ييتك ،، وفي ناس أخرها على الباب من بره ،، ، وفي ناس ممكن تحكي ليهم هو عامل كيف وشنو الجواه ، وفي ناس ممكن تعيش معاك فيه ويكونو جزء لا يتجزأ من البيت ده ،، المهم إنك تحفظ حُرمة بيتك وما تدخل فيه أي زول ، حافظ على قلبك."♥✨

بعد معافرة وصبر طويل ،

و لما فجأة ربنا يعوضك بناس وحاجات بتليق بيك وبقلبك من حيث لا تدري ،

كأنه بوريك إنو مهما حصل ليك دايماً في أمل وفي حاجة حلوة ح تحصل ليك ، وكل شي فيه خير ليك ح يكون ماشي وراك ويصنع من احزانك حاجات حلوة متخبيه عشان تطلع في يومها المناسب و تسعدك وتفرح قلبك ! 💙

#محتاجة_صبر

قال تعالى: {وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ}.

صباح الخير لكل الذين لايزالون ينتظرون، لكل الذين يترقبون، لكل الذين يفتشون عشرات الرسائل بحثًا عن رسالةٍ واحدة ، لكل الذين يمرون بمئات الأسماء بحثًا عن أسمٍ واحد ، لاتنتظروهم..
أنتم على حواف السفح والطلل أستبدلوا أحبابكم بأحباب جدد ، فما علاج الحب إلا حبٌ آخر .

‏إنني أَحاول جاهدًا أَنّ أَكونَ نفسي، ولا يهمُني كثيرًا هلّ يقبل الناسُ أم يرفضونَ ذلِك.

فكرة الزواج و اختيار شريك الحياة شئنا أم أبينا موضوع مهم جداً..
زمان كانت المجتمعات صغيرة و غالباً الخيارات محصورة في بنات أهلك أو بنات القرى المجاورة.. و توقعاتك بتشبه الخيارات دي..
بس مع تداخل المجتمعات و السوشيال ميديا الموضوع اختلف شديد..
و بقت في خيارات كتيرة و تباين كبير بينها..
و توقعاتنا زاتها بقت مليون توقع و إحتمال..
الوفرة دي و كثرة الخيارات خلت الاختيار أصعب..
لو دايرها جميلة في مليون بنت جميلة..
لو دايراه محترم في مليون ولد محترم..
كل الصفات في مليون نسخة منها..

مرة صاحبي قال لي:
هسي نحن ح نعرس كيف و كل يوم بنتكرش في زول؟
و الكراش لغير الناطقين بها هو الزول اللي بنكون معجبين بيه..
حقيقة مشكلة صاحبي دي عاملة زي تكون عطشان و واقف قدام تلاجة مليئة بالمشروبات الغازية.. و مفروض تختار..
و الحا تختارها دي.. ح تفضل تشربها للابد..
ف بتفضل واقف مسافة عشان تختار و إنت خايف تندم إنه اختيارك يكون غلط أو اختيارك يضيع عليك فرصة خيار أفضل..
طيب وسط الفوضى دي ح نختار كيف؟

غالباً مقياس نجاح الزواج في مجتمعاتنا بتتقاس باستمراريته..
لكن في الحقيقة في زيجات كتيرة مستمرة و في جواها انتهت..
علاقات كتيرة رابطاها خيوط الأولاد و التقاليد.. و خوف وصمة الانفصال..

ف فكرة إنك تختار زواج مستمر و ناجح "مجتمعياً" دي ما صعبة إذا التزمت بمقاييس مجتمعية محددة..
يعني إذا إنت ولد.. أقعد مع أمك و أبوك و ح يختاروا ليك الهدية و رضية..
و إذا انتي بت شوفي راي اهلك في العريس القدامك و ح يكون رايهد صائب غالباً..

بس هل نحن دايرين ده؟
زواج مستمر وخلاص؟
في رأيي الصحيح إنك تسعى لزواج سعيد و مستقر..
مبني على التفاهم و الوضوح و الالتزام بالمسؤولية و الحب..
و تعمل بالأسباب البتحقق كدة..

و عشان تصل للنتيجة دي مهم نفهم كيف نختار الشريك المناسب..
و بدايتها بتكون بي فهمك لي نفسك.. عشان لو ما عرفت إنت شنو ما ح تعرف البناسبك شنو..
لو ما عرفت مقاسك كم.. ما ح تعرف تشتري قميص قدرك..
ف البداية بتكون عبر صدقك تجاه نفسك كل ما وقفت قدام المراية..
أعترف بعيوبك و أعرف مزاياك.. و سمي الأشياء بمسمياتها..
خت لي نفسك تقييم عديل في كل شي و خليك الحكم الصادق و العادل..
و بعدها حدد إنت داير شنو..
خليك واقعي.. و أعرف إنه الحب ما قصص و أفلام و رومانسيات بس..
كمان ما توهم نفسك إنه الزول البقولوا عليه الناس كلهم إنه كويس معناها ح يكون كويس معاك..
ف ما تختار بناء على راي زول.. و هنا ما بقول ما تسمع ترشيح الناس..
لا لا عادي.. قابل و أعرف شريك حياتك المحتمل عن طريق أمك، أختك صاحبك أو صاحبتك..
عادي.. أعرفه عن طريقهم.. بس ما تختار عشان هم قالوا كويس..
اختار عشان إنت شايفه كويس.. و كويس شديد كمان..

#علي_عباس

‏"عُضَّ عليه بالنَّواجِذ
‏ذاكَ الإنسان الذي يُذَكِّرُكَ دوماً بالله" ♥️

صباح الخير :
‏ ولا يغشى الغُلب قلبك ، ولا تشقي 💜✨

‏قال لها :
"ليتكِ تعلمين أنا أيضاً ليس لديّ أحد أُكلمهُ بقلبٍ مفتوح ، ولا أستطيع أن أُخاطب إنساناً في الشارع ، أنتِ إستثناء". ♥️

‏کوصيه يا رفيقتي :
‏مُصحفك إيّاك أن يَعلوه غُبار💜