كل شيء في هذه الحياة إما أن يتركك أو تتركه إلا الله إن أقبلت إليه أغناك وإن تركته ناداك .

‏قال لها :
"ليتكِ تعلمين أنا أيضاً ليس لديّ أحد أُكلمهُ بقلبٍ مفتوح ، ولا أستطيع أن أُخاطب إنساناً في الشارع ، أنتِ إستثناء". ♥️

خوف العرس والدبيل😂

بحكي لي صحبي قال لي جارنا عرس في مرتو ، وقامت عليهو
بالليل ، سخنت موية حاارة وكبتا ليهو في
وشو ورقدوه في المستشفي .

اها قال لي كان موقف صعب خلاص وحاجة كدا هزت الحي كلو .

المهم قاعدين انا وابوي وامي ، بنشرب في الجبنة برااا البيت ، قاعدين في الحوش
ابوي قال لأمي حقو الزول اعرس فيك
مر كلامك كتيير خلاص 😂💔

امي قالت ليهو تعرس ؟؟
والله دا عرس دااا 😂

وبعد يوميين كان عندنا مناسبة في البيت
ضبحنا خروف ، وجبنا الفرار ( الفأس )
لغير الناطقين بها😂
كسرنا اللحمة ، وظبطناها ، وانا ختيت
الفاس جوة البيت ، وابوي شغال
بصلي في الضهر ، امي جات سألتني
الفرار ويين ، دايراك تكسر لي اللحمة دي
قلت ليها جوة جيبي وتعاالي
اها امي خشت وابوي راكع ، مسكت الفرار
ووقفت تعاين في ابوي😂😂
ابوي رفع من الركوع ، وبقا واقف ما دااير اركع
خايف امي 😂
ولما شافا وقفت طولت ، سلم وواقف
وقال السلام عليكم ورحمة الله
السلام عليكم ورحمة الله😂😂💔
ها مرا مالك ، علي الطلاق ما دااير اعرس فييك ، ويوم دااك بهظر معاك سااي يااخ
انا ما بشوف غييرك في الدنيا دي😂
امي قالت ليهو بسم الله يا راجل مالك
دايراك تسجد عشان اطلع الحتة ضيقة ما بتطلعني 😂😂💔
خت الرحمن في قلبك الكبير داا

وجاتني تموت من الضحك 😂
يا جماعة نكون صريحين ، والله نحن بنخاف من النسوان في حالة العرس التاني داا
بنخاف عدييل والله😂😂
بعدين يااخ اذا جينا للمنطق والله مشاكل عليك بس ، واذا مرتك دي مريحاك وقايمة
بواجبك وبتجي بيتك تنوم مطمن ومرتاح
ما تخرب بيتك بعرس تاني وتجوط حياتك
حاول دلع مرتك دي ، ابسطها ، جيب ليها هداية ، فسحها ، وصدقني والله حتختك
في عيونا جوة وما حتشوف غيرك تاني

ولا. كيف يا نسوان😂

لسه بحلم ب وطن يشبه عيونك يا صبية ..

تأكّـدي بأنـكِ جمـيلة كمـا أنـتِ،لاتُحاولـي أن تثبتـي لأحـدهم أنـّكِ عادلـة أو مهذبـة أوهادئـة كونـي كمـا خُلقـتِ بثورتـكِ وعنـادكِ وصمـتكِ وكلامـكِ وشخـصكِ كونـي أنـتِ🖤

أنا ماشي راجع لي بيوت..
تفتح لي🌸 ادق او ما ادق..
من غير تقول الزول منو..
ولا حتى علّ الداعي خير
ولا مالك الجابك شنو💙..

‏انت انت ده
ككائن بسيط
يهمك في شنو اذا كانت الكورونا سلاح بايولوجي مصنّع؟

غسّل يدينك وانت ساكت ياخ

_

الحجاب بقى موضه خلااص 🤝 ما شاء الله البنات الايام دي مُتفقات ، حتى بروفايلات الواتساب سوا سوا 💁‍♂️ شكلو الخساسه انتهت 🙇‍♂️

كُباية الجبنة بخمسين بعد الساعه ٨

#جمهورية_السوق_الاسود

‏Massage:❤

"لو ليك نصيب في حاجه حتي لو كل السكك ليها مقفوله ، ربنا هيرتبلك كل الاسباب لحد ما تبقى في إيدك .. اطمن "

- ‏"قد عرفنا حجمنا يا الله فارحم ضعفنا، فإن الكريم إذا قدر عفا."

‏بحاول أخفف من الميديا الأيام دي، اخير لي أكون جاهل بالبحصل لانو لا عقلي لا نفسي بقت قادرة علي انها تواكب الحاصل بنفس الوتيرة السريعة دي
الجهل نعمة ياخ

‏"عَبدك فى ضِيق وكرمَك واسع لا يضيق يالله❤"

اذا أصابني هذا المرض اللعين
واخترق مناعتي و تدهورت حالتي
وقامت الدوله بإدخالي للحجر الصحي
ومنعوني من هاتفي و انقطع اتصالي بكم
فربما اعود و ربما أموت..
فسامحوني عن أخطائي وادعو لي بالرحمه
لعلها تخفف سكرات موووتي و تضئ قبري ..
اللهم اني استغفرك واتوب اليك
ي ربي لطفك ي ربي لطفك ي ربي لطفك..

وانتي قايلة ف زول بِريدك زي ابوك♥️

‏فهل من زمان يعيد الطريق لأقدامنا
‏وهل من زمان يلملم بالصُّبحِ أشلاءنا
‏تعبنا من العدو خلف السّراب
‏وذقنا زماناً بأحزاننا.

مشيت الدكتور وهو زول معروف بالمساخة قال لى بتحسي بشنو قلت ليهو ملاريا والتهاب في المعدة جدع لي القلم قال لي...
لمن مشخصة مرضك براك اكتبي العلاج جايني لي شنو؟؟؟

واحد اسمه زاهر مشى ورا الستارة بقى م زاهر
😂😂😂😂😂😂😂😂😂😂😂😂

قبل يومين صاحبنا عبّر عن إنزعاجه من الحجر المنزلي.. بعبارة:
"والله المساجين ديل عايشين عذاب شديد" ..
بعد فترة أردف صاحبنا تاني.. "قعدة البيت دي مرهقة أكتر من الطلعة"
العبارتين ديل خلوني أتذكر عبارة تالتة..
"يعني إنتِ بتعملي في شنو؟ ما اليوم كله قاعدة في البيت"
قدر شنو نحن بنحكم على البنت و المرأة إنها مرتاحة في قعدة البيت..
اللي في الأغلب إجبارية.. لأنه في مجتمعنا.. البنت ما مسموح ليها بسهولة تطلع غير لي واجب إجتماعي، عمل أو دراسة..
أي نعم الحاجة دي بدأت تقل في الأجيال الحالية..
بس لسه الولد عنده مساحة حرية أكبر..
النقطة دي خلتني أفكر إنه نحن كيف كنا بنلوم البنت و معتبرينها مرتاحة من غير أدنى شعور بالرهق النفسي اللي بيتبعه رهق جسدي نتيجة قعادهن في البيت فترات طويلة..
قدر شنو الحاجة دي ممكن تكون ساهمت بشكل مباشر في التركيبة النفسية "الما مفهومة لدى الرجال" عن المرأة..
طبيعي جداً ينتج كل التباين الحاصل ده بين المرأة و الرجل نتيجة نمط الحياة المختلف تماماً و نتيجة التربية اللي بتدي الولد فرصة يعرف الحياة و يعرف داير شنو.. و في حين البنت اللي ما جربت بالقدر الكافي ليها حق ما تعرف دايرة شنو..
تقريباً نحن مفروض بعد الحجر ده نعرف كويس إنه عبارة "اليوم كله قاعدة في البيت" دي مفروض يصاحبها تعاطف و مساندة.. و ما محل عتاب خالص..

ربنا يحفظنا و يحفظكم و كل البتحبوهم ⁦❤️⁩

#علي_عباس

في لحظاتٍ كهذه أود كثيرًا لو كان بإمكاني القدرة على إغلاق كافة السُبل التي قد تسمح للآخرين العبور إلى عالمي، أن أكون منعزلًا بشكل تام لا يصلني صوت ولا أرى أحدًا، حتى لا أكون مضطرًا للإشمئزاز من أشخاص يشكلون في حياتي الكثير.

لم يفت الاوان بعد ، الله ليس ببعيد 💙