اكتر من مبدع والله 🌸✨

-
"لولا الجيوب لماتت الأكف من الخجل."💙!

‏"لا حيلة لك في حزن امرأة تدس كل أوجاعها في ضحكة."

‏-نزل عليه الكلام ذي الصاقعة "معليش بس نحن مضطرين نفصل والدتك من جهاز التنفس"
-يا دكتور، لسة عليها شوية، انا حاسيها حتتحسن.
-معليش و الله، الموضوع برة يدنا، في شابة عمرها تلتين سنة محتاجة للجهاز و حسب التوجيهات حقت الوزارة لازم نعمل كدة.

‏-طيب لو الموضوع قروش، أنا مستعد ادفع بس خلو لي امي في جهاز التنفس يا دكتور.
-يا ريت لو بنقدر، بس نحن الاجهزة المتوفرة عندنا عددها بسيط جدا، و على قلتها دي، القرار طلع انه اي زول فوق الستين يتفصل من الجهاز لو في مريض شاب احتاج ليه.

‏**اقرا السيناريو دا كويس!
غمض عيونك و انت بتتخيل امك ولا ابوك في موقف ذي دا، في بلد نظامه الصحي لسه هش.
الموضوع مؤلم صح؟؟ وإتخيل تكون انت الجبت ليهم العدوى عشان ما رضيت تقعد في البيت واتعافيت وهم راحو.
قوم غسل يدينك الله يرضي عليك، ووعي ناس بيتكم و الله يحفظنا و يحفظكم جميعا.

‏واتخيل بعد دا يقولوا ليك لا حتقدر تخش تودعهم، لا تشوفهم، لا تدفنهم عشان العدوى ما تنتشر. وانه ناس الدعم السريع، خصصوا حتة كدا خارج الخرطوم يدفنوا فيها ناس الكورونا بعيداً عن الزحمة. ولافي دفن لا في بكا لا في تجمعات وامكن بالتلفون يوروك بالوفاة وفي ظل حظر التجول تقعد تبكي في بيتك.

‏السيناريو الفوق دا حصل في ايطاليا.. احنا ما احسن منهم لا طبيا لا وعي لا اي شي. واسا مع الحالة التانية دي مفروض تعرفو انه في ناس كتار غيرها حايمين بيعدوا في الناس.
وانا شايف الستوريهات والحفلات والبرامج والعضة من ناس بيجوا هنا يقولو للناس اقعدوا في بيوتكم.. الموضوع دا في يدكم !!

‏اوعوا شوية وخلوا ال"شفتنة" البتعملوا فيها دي لانو صدقوني الموضوع دا ما لعب. مناعتكم ما بتحلكم وكان حلتكم ما بتحل ناس بيتكم.
خليكم واعين! اقعدوا في بيتكم! عشان البتحبوهم💜

‏⭕️ وزارة الصحة | شفاء اخر حالة كورونا بالسودان.

⭕️ وزارة الصحة | السودان أصبح دوله موبوئه مثل إيطاليا.

حدد العنوان العايز تقراهو بعد اسبوعين ..

‎#اقعد_في_بيتك
‎#اترزعوا_في_بيوتكم

يا اخوانا بالله اي زول اميون كومبرمايزد (مناعتو ضعيفه) لأي سبب من الاسباب.. زي ناس السكري وباقي أمراض المناعة او الناس البياخدو علاجات بتقلل المناعه (ستيرويد او الكورتيزون) ما يمرقو قبل يلبسو كمامه ويهتمو بغسيل اليدين والتعقيم.. ولو ما مرقو احسن زاتو...
خليك من الكورونا.. الحاصل في الشوارع دا يدك كل الميكروبات في فتيل..

ف موكب ف العربي، اتوا متخيلين يخوانااا؟!!
يعني في أولاد أغبياء، م فارق معاهم مرض أو وباء عالمي صنفتو ال WHO م فارق معاهم صحة دووولة كااامله!!
وااي مرارتي يخواناااا 😪💔

وزير الصحة:
بعد ما واجهنا مشاكل في الأرقام الحددناها للتعامل مع #كورونا، بسبب عدم وجود عدد كافي من الناس عشان يرد عليها، تم التصديق من قِبل الدولة على 200 وظيفة للتعاقد (فوراً) مع وزارة الصحة، حنعين ناس عشان يردوا على المواطنين ويرشدوهم، دي كانت مشكلة عندنا، ومشكلة المادة والقروش الحمد لله اتحلّت، والتوظيف برضو لمساعدة المرافق الصحية البتشهد زيادة في أعداد الناس

شركات الإتصالات وافقت على التعاون مع وزارة الصحة بنشر صيغة موحدة للرسايل تتضمن الإرشادات الطبية.
-----

ننتظر لبعدين المؤتمر الصحفي لوزارة الصحة

وربنا يحفظ الجميع