تلّوح لي مدن عينيك .. وترفع لي منارة بسمتك ساريه وبديت احلم .. 🌸♥️

"أنتِ تُضيئينَ من دون شيء
وعُتمتكِ ساطعة لهذا العالم،
فماذا لو ضحِكتي؟ سيزداد
توهُجك، سيُصبح الليل نهاراً."

تخيّل !
كيف سأضبِط ضحكاتي الممزوجة بالصبر حينها أمام الجمع لأظهر بهيئة العروس الخجولة؟
وكيف سيتماسك صبر السنين أمامهم دون أن يغرق الدمع المشهَد
خطواتنا المهتزّة بالحنين
جدّتي تطالعنا من على كرسيّها وتقرأ على حُبنا القرآن
صديقاتي ونظراتهُن التي تحكي كم فراق التقانا في الطريق ولكن يدك لم تفلتني ، وكم عسير ضحكنا له سوياً فتيسّر ، وكَم نهاية دسسناها في جوف دعائنا ليبقى اليوم ميعاد لقائنا الأبدي
وأنت
أنت يا حبيبي كيف ستتسِع يدكَ لكفّي الذي سيتمدد من فرط الفرَح
وكيف سأمنع صوتي المحلّق من اطلاق زغرودة أمام الملأ لتعلن انتصار الحُب بعد كل هذه السنوات..
كيف سأغدو هادئة مثلهن وكل شيء يدعو للجنون

في يومٍ ما لا أعلمهُ ، في زمانٍ ما ، وفي وقتٍ محدد ، ستطمئن يدي في راحة يدِك ، وسألتفت لكل من يناديني بزوجة فُلان ، سنهزم هذه المسافات بفستانٍ أبيض ، وكفٍ صغيرة تزينها الحنّاء ، وهمس خفيف يداعِب أنغام العديل والزين
سنجتاز كل هذه المحطّات سوياً ، كل هذا الخراب ، والظروف ، والبلاد والغياب والبكاء ، وسنضحك يومها لكل من قال لحبنا لا ، وستكون النعم حاضِرة بمحبَسٍ يزيّن يدي وصوت ينادي من البعيد
" تغلبها مال ، وتغلِبَك عيال "
فيتورّد خدّي ، وابتسِم لاترك لك مجالاً لآمين المغلّفة بالبشائر.
في يومٍ قريب
ستكون لي ، وسنلتقي كما نودُ ، بين دفء عائلتك وأمان اسرتي ، لننجِب قصّة جديدة
بالحُب ، بالحُب ليس إلا

#رغد_عبدالرحمن

عمري م خفت من جملة *كما تدين تدان* لاني فعلآ بتمنى يتعمل لي البعملو ف الناس.. 😴✨💜🔐

كثُر الحديث منِ التي أهواها، ما عمرها؟ ما أسمها؟ ما لونها؟
ما شكلها بيضاءُ أم سمراء؟! عيناك أحلي أنت أم عيناها؟!
جلّ الذي أخشاه أن تتأثري، فتماسكي ، فلغيرة النسوان فِعلُ الخِنجر!
هي أجمل من كل جميلة، أحلي مِنكِ وأحلي مِني، هي أرشق من كل رشيقه، هي أقرب من قلبي عنّي.
عيناها بيتي وسريري ووسادة رأسي أضلعها، تمحو كل هموم حياتي لو مسّ جبيني إصبعها، ضميني يا أحلي إمرأة لو صمتت قلبي يسمعها،،،،
يااا سلااااااام يخ
#نزاريُّ_الهوي_كاظميُّ_المِزاج

الحياة من تشوفني مبسوط بتقول : 😍
ادوهو مصيبه تانيه ده #زبون قديم 🙂💔🐸

م عندي حاجه اسمها اصحابي خزلوني وبتاع يخوانا انا بعزل اصحابي عزيل يعني اصحاب كفاءات.💛

"عدْ..
هكذا من دونما سببٍ
ولا تحرصْ على تبرير أسبابِ
الغيابْ

عدْ هكذا..
سلّم على يبسِ الديارِ
ودونَ طرقٍ ادلف البيت القديم
ولا تفكّر بالسلامِ
وضمّني..
هو هكذا معنى الإيابْ

عُد هكذا..
جاوز تفاصيل الحديثِ،
ولا تقلْ إلاّ:
فقدتك..
ينجلي كلّ السحابْ

عد هكذا..
مطرًا لأُنبتَ،
لا تفكّر بالعتابْ!"♥️✨

الصفوف الأخيرة ليست لي، أنا أينما أقف يبدأ العد 💙

جاات البدور تختال..مجليه سافرة لثاام
لاابسة السكينة وشااح..لاابسه الفضيلة وساام
ملكت سماء الافكار واتقسمت اقساام
كل ماا تميل تخطرر..تتماايل الاجساام
#زمن الربيع هلاا😻❤️

- بتحكي :
مره انا وهو مفلسين لمن بنشحد في بعض حق الرصيد وفي نفس الوقت طولنا شديد من بعض وانا كنت ماره بي فترة إكتئاب وعلى قولو كل يوم عندي زمن معين بضرب أتبكى ليهو فيو، المهم يوم جاني مبسوط إنو إشتغل يوميه في مكانٍ ما وطلع ليهو قروش تكفيهو يجيني بالمواصلات في "أتني"، وانا مفروض أحنك أمي واشيل منها وهذا ما حصل.
اتلاقينا وياهو الونسه وجبنتو الخالي دواء والشاي حقي بالفول، في اثناء الونسه قلت ليهو دا احلى ديت في الحياه، قال لي مجهز ليك حاجات احلى أبردي لي ، قمنا نتمشى وفجأه وقف جنب درداقة نبق وجاب لي لأنو عارف إني بحبو شديد، بعدها قعدني في مسطبه وجاء راجع شايل عيشتين حارات وطعميه وكاتشب وقزازتين بيبسي قزاز ربعنا رجلينا وكان تقريباً احلى فطور يمر علي، وفي اثناء ما احنا راجعين جينا مارين بي شجرة الياسمين قطع لي منها ورده واداني ليها، لمن جيت أركب المواصلات أداني ورقه وقال لي افتحها بعد العربيه تتحرك لقيت مكتوب فيها :
"الى الرِيله البحبها للدين :
ما تشيلي هم دامي معاك وم تخافي من بكره ربك كريم وقادر يفرجها زي م فرج كربتنا الليله، وانا باقي ليك زي النبق دايماً حاضر وقت زعلك، وزي الورده قادر اني ابسطك ، ويا الساكنه القِليب انا بيك وليك ومنك وفيك وعشانك قاعد وعايش، اوعك تصُري والله ما لايق عليك،. أبقي عافيه.
من الحَبيب البريدك زي ريدتو للعدس وأكتر 💛."
رسلت ليهو مسج :
"بريدك زي ريدة ابوي لي امي، بريدك زي الخريف المطرتو بسيطه، بريدك زي السماء ولونها، وبريدك زي اللون الأصفر"

- بحكي :
نفسنتها دي كانت منفسنه بي اكتر من اي شي، انا متعود عليها وهي جايطه وبتهظر وتتريق، متعود عليها وهي بتنقنق لي،. انا م متعود انها تكون بتبكي طبيعي، وقت لميت لي قريشات وقررت أطلع معاها كان كل همي كيف انسيها الإكتئاب العايشاهو ولو ليوم واحد، كيف ارجعها هي الزمان، عملت لسته بالحاجات البتحبها وكونو "أتني" هو المكان المفضل ليها فهو الحنمشيهو، بدينا اليوم بالشاي بتاعها بالفول كانت مبسوطه بيهو وتشيل وتصور فيهو انا كنت غرقان في كل تفاصيلها، فرحتها بالنبق كانت كفيله انها تديني طاقه ايجابيه حقت شهر لي قدام، حبها للطعميه خلاني احب الطعميه اضعاف ما كنت بحبها، وعلمتني إنو البيبسي أسلوب حياه، كانت بتاكل وكل شويه بتقول لي " انا مبسوطه قدر فرحتي يوم قطر عطبره جاء" كنت حاسي إني أنجزت إنجاز كبير في حياتي، وقت الورده رجعت لي ورا وبقت تنطط كانو جبت ليها ورده من محل، م عارف إحساسها بعد قرت الورقه بس متأكد انها قعدت تتبسم وتتكشم في المواصلات وأكيد لو فتحت التلفون حلقاها مرسله لي " بريدك زي ريدة ابوي لي امي" وجملات تانيه تشبيه لي ريدتها لي بالحاجات البتحبها، انا ببقى بيها وم بتحمل فيها اي شي 💛.

-حبو بعض يخوانا، املو الدنيا فرح 💛💛🌻.
#ربا_خالد