حياة|𝔏𝔦𝔣𝔢 🕊️🌻

حياة|𝔏𝔦𝔣𝔢 🕊️🌻 via @like

جمیله جمال اقرووها 😍

قآلت :

علاقتي بيهو أثبتت لي أنو التعليم ما كل حاجة ، انو الحكمة والفهم ما ليهم علاقة بالقراية ، وأنو الجهل في القلب مافي العقل ، ياما رجال مُتعلمين وغالبهم يحافظو علي بيتهم لانهم جاهلين آسس الحياة السعيدة 😊

اول مرة شوفتو كانت في مناسبة اخت صحبتي ، راجل هيبة وشخصية قوية ، خجول ما بعاين للنسوان ، قمحي والجلابية عليهو صلاة الرحمن من شوفتو قلت الله يجعلو من نصيبي ، كنت براقب فيهو وهو بضحك وهو بتونس ، مرات كان ببادلني النظرات ومرات بقبضني وأنا بعاين ليهو ويبتسم لي رغم انو هو ما وسيم شديد بس هو كان هيبة الوقار مكتوب في وشو😍
بس للاسف قصتنا ربنا ما كتب ليها تتم كانت محصورة بين تبادل النظرات بس😢
وانتهي العرس ورجعت بيتنا وواصلت حياتي😥

بعد سنة ونص كانت خطوبة صحبتي زاتها، فرحت جداً قلت يمكن نتلاقي مشيت لي صحبتي قبل يومين من خطوبتها بس ما شوفتو وعرفت أنو مشي الخلا لانو هو دهاب وما ح يقدر يحضر الخطوبة ، قلت في نفسي خير يا فاطمة ما تحزني اصلو هو مجرد أعجاب مع انو من جواي كنا متأكده أنو حب 😔
يوم الخطوبة كنا في الكوفير وأثناء ما نحن قاعدين اتذكرنا انو أمل نست فستانها قلت خلاص بمشي أجيبو مشيت البيت شلت الفستان وأنا طالعة سمعت أغنيه "يسلم الجنا اب طاقية" 😍 والبنات برقصو وقفت وسرحتا فيها ولمن جا مقطع " يا الدهابي تاني تجينا لو غبت عصرت علينا" 💙 أبتسمت وقلت فعلا عصرت علينا والتفت عشان أطلع لقيتو في وشي من الخلعة والفرحة لقيت بدون شعور دموعي نازلة 😭
قال لي بتحبي دهابي شكلك ، سكتا وما رديت ليهو وطلعتا الشارع لحقني قال لي اركبي اوصلك 😊
قلت ليهو لا شكراً بركب ركشة ، نهرني نهرة لمن لقيت نفسي جوة العربية 😅😅
قال لي بتحبي دهابي؟ 😒
قلت ليهو أيواا 😢
قال لي وهو بحبك؟ 😒
لا ما بحبني 😔
وأنتِ عرفتي كيف أنو ما بحبك 😒
عرفت وأنتهيت اصلا واضح 😭
قال لا هو بحبك وبحبك شديد كمان 😍
انا بقيت عاملة كده 😲😲😲
قال لي يا فاطمة يا بت عوض الكريم أنا عايزاك حلالي ، ما تتخلعي أنا اصلا من زمان حبيتك وكنت بسأل منك أمل وعرفت انو أنتی بتحبيني وقلت أكون نفسي واجي اعرسك لانو نحن ما عندنا شي اسمو علاقات 😒 واسي كونت نفسي وعندي بيتي وعربيتي بس يا فاطمة أنا ما متعلم 😢
أبوي اتوفي وانا كان لازم اضحي عشان اعلم اخواني ، تقبلي تتزوجي زول ما متعلم ؟ 😊

عاينت ليهو وانا مستحية وقلت ليهو : أنا عايزه راجل يخاف الله فيني ♥
قال لي ابشري من اللحظه دي أنتي بتي واسي انزلي وبكرة ح اكون مع ابوك ❤️

#الخلاصة : في الحُب ما تختاري الأسمر ولا تختاري الغني وما تفكري ده جاهل وداك متعلم لانو ديل مجرد كماليات
حبي البخاف عليك ، البشوفك عرضو ، المعاهو بتكوني حاسة بأمان ، البكون ليك ضهر ، حبي راجل قبل ما تحبي الشكل لانو الحُب بدوم لكن الشكل بكرة يعجز ويختفي الجمال 😥 وكان علي القروش ربنا قال " تزوجو فقراء يغنيكم الله" 💛

301 viewsAloOya 💖, 20:58