🖤
أما بعد ،
فكل مُتعلق بغير الله مخذول!

بس انتي يا ليلى استنيني ، اوعَ تفوتي
بس اوعيدني انك ح تنتظري عشان طاقتي كده بتزيد
" بيقول ليها كدا كأنه حيجري اخر الممر الواقفين فيه دا و يجي ، لكن هو جاري بعيد "
ليلى:
انا ح استنى .. بس ما عشانك عشان نفسي ، انا يا امير اصلا ما بقدر ما انتظرك ، افوتك وين انا ؟
بس والله هنا الدنيا حتضيق بدونك ..

يا ليلي انا ماشي عشان لما اجي تضيق المسافة البينا و توسع علينا الدنيا ..
عيونو اتملت دموع لكن وزّعها بسرعة شديدة عشان يمسح دموعها الابت تقيف ..
خلاص ودعتك لي الله يا الامير ..
قال ليها "يا الـ حبك شغل الضمير ؟؟ "
و ضحكو و اتفارقو ..
اصلاً هي اتعودت انه يضحّكها وسط البكا ..
جهّز شنطتو و دخل فيها توب حق امه و الجواز و التزكرة و المنديل .. منديل ليلى
ودّعهم و فات ..
امو : ( و دعتك لـ امين الوِداعة ، امين البلا و الساعة ،اريتك عايد و فايد ان شاءالله تعود سالم و غانم ، داراً توصي عليك و داراً ترحب بيك يا جناي و بكت )
شالت رملة من دربو و لمّتها ..
...

امير وصل و بقى شغال بي يدينو و رجلينو ، ورديتين ..
كل ما يحس انه تعب بتذكر ليلى و بتجيهو طاقة من ماف ..و بقول ل نفسو لازم اكسب الزمن عشان اكسب ليلى .. حرام البت تستناني اكتر من كدا ..
واقف علي سواقة تريلا ك شغل تالت رغم انه ما ليه في السواقة شديد .. مرت سنة علي الحال دا

- بهناك ليلى قاعدة علي احرّ من الجمر ، و الناس تنهش فيها بسبب العرسان البترفضهم
امير قبل شهرين رسل ليها :
"ليلاي .. الحِبَيبة ، مشتاق ليك شديد انا ، وِجيهك كيف ؟ عِويناتك ؟ ضفيراتك ؟ اخباري في قلبك شنو ؟
هانت يا الحبيبة ، والله قطعنا الكتير و باقي قليل ، خليك علي الوعد .. ابقي عافية و ابقي عشرة ..
سلام "
ليلى كل ما يكتر عليها الكلام و زنّة صحباتها بس بتتذكر كلام امير و تتبسم و تدمع ..
ستة شهور بعد الرسالة ديك امير تاني ما رسل ..
امو تجي تسأل ليلى منه بالدس و ليلى تمشي لامه تسألها بالدس و الاتنين ما لقو البجبر خاطرهم ولا يطمنهم ..
و ليلى بقت تصحى علي "وينو الراجياهو " و تنوم ب "غشاك و ضيع عمرك" و تتمسى بي "عرس خواجية"

بعد تلاتة اسابيع ام امير جاها ظرف رسالة و جرت بيهو علي ليلى عشان يقروهو مع بعض لانها حاسة ب رويحتا مارقة ورا امير اكتر منها ..
يا ليلى امير رسل ، كيتاً للزعلوك و ما قالو الغايب عذرو معاهو ..
وليدي يا يمة قدر وعدو .. و تشيل و تكورك و تسمِّع في نسوان الحلة
افتحي يا ليلى .. انا بعاين في الورقة و بسمعك
مضمون الرسالة:
"ان لله و انا اليه راجعون ، توفي ابنكم امير .م. ع اثر حادث مروري سبب له نزيف داخلي في الرأس ، نسأل الله لكم الصبر و السلوان "
ليلي ما قالت الرسالة..
قالت" لكن يا امير نحن قطعنا الكتير و باقي القليل ب صوت محشرج و عالي ل درجة كل الناس اتلمت في ثانية ..
طلعت الشارع و بقت تقول " قطعنا الكتير و باقي القليل ، قطعنا الكتير و باقي القليل " وتاني م رجعت ..

#سارة..

البعرفني قبل سنتين حيكون عارف انا كنت متخبطه قدر شنو و بالنسبه لي العمل الطوعي هو الخلاص في الدنيا دي ..
18/3/2018
قبليها بي اسبوع اتواصلت معاي صحبتي انو في مخرج عايز يعمل فلم دعم لي مرضي السرطان و عايز بت تحلق شعرها قصاد الكميرا .. ما فكرت و لا دقيقه و لا لحظه اديتها الموافقه وقتي ، كنت كاني في نفق و الموضوع دا زي النور انا محتاجه اساعد علي و عسي طريقي يسلك .. ما كلمت زول غير تلاته من قراب لي .. كنت متحمسه لدرجه انو من بدينا التصوير انا بسال ححلق متين .. ححلق متين .. اللحظه الختيت المكنه في راسي حسيت بي يقين و شي جواي قال لي يا غيداء هانت ♥️ في جمله بقولها دائماً ( إن السقوط كأن تنجبك الحياة او تموت ) و انا في اليوم دا كان ميلاد سعيد لي .. اول حاجه عملتها في الطريق بعد ما حلقته و انا راجعه البيت ' بعد ختيت تلجه نص صلعتي 😂 ' نزلته الطرحه و كنت بحاول اقرا تعاليق الناس ﷲ لا وراكم النظرات فكرت في اللحظه ديك انا لو مريضه حبقي علي السرطان الفي جسمي و نظرات الناس و الحاجه دي براها سرطان في حد زات نفسو ( متساوين في الألم ) 💔 دخلت علي ناس بيتنا صلعه امي بكت و كوركت و ابوي قال ما عايز يشوفني لحد ما شعري يقوم و اخواتي اضايقو جد اني ما ختيت زول في الصورة صالح كان كل المهم بالنسبه ليهو انو مربي شعرو و ناس البيت حيشغلوها ليهو و يقولو ليو البت حلقت و انت لا 😂 حبوبتي الزيت قالت لي امي البت لو خلعتوها شعرا ما بقوم فامي بقت ما بتسالني .. اليوم داك انا ما نمته من التفكير و ما كنت قادره اعاين في المرايه .. كنت بفكر كيف حقنع مجتمع كامل بالتضامن دا .. كنت بمشي الجامعه و بركب المواصلات و بمرق طلعاتي منغير طرحه لمن كان بجيني صداع من الشمس 😂 الفكره في الوقت داك كانت بسيطه و ممكن تشمل كل البنات ( ما بعيبك لا شعرك لا مرضك لا جسمك ) محاربات السرطان بحسو بسخونه شديده في راسهم و بعد دا خوفاً من نظرات الناس بغطوهو حتي مرات لي ناس البيت .. المهم امي ساقتني لي صحبتها محاربه سرطان ( ادعو ربنا يلمنا بيها في الجنه ) و قالت لي كلمة عمري ما حنساها " ربنا يجبر بخاطرك زي ما جبرتي بي خاطري " و عشان في خواطر كتيره مفروض تتجبر و عشان انا محتاجة اتجبر اكتر شي بديت المشوار .. عشان ابوي من انا صغيره كان بحكي لي عن السد العالي و انو الحكومه هجرت اهلي الحلفاوين لي خشم القربه و بنو ليهم بيوت توصيلات المويه و سقفها بالاسبستوس و غير البلاوي المدفون في الصحراء الكبري دا كلو من العوامل المسببه للسرطان .. عشان عندنا في العيلة ماف بيت بيخلو من السرطان .. عشان امنا الكانت في مانديلا جاها سرطان الرحم و عزلوها و بسبب الجهل و عدم الامكانيات ماتت و كانت اخر ايامها براها .. عشان لحد الآن الناس ما عارفه انو سرطان الثدي بجي للرجال .. عشان الكسرة الشفتها في حبوبه كبيره و هي بتسالني ( مدام السرطان ما بعادي مني مشي لبتي كيفن ) .. عشان الطفله العمرها 16 سنه ظهر ليها سرطان في الثدي و ودوها لي بصير و حالتها سائت و ماتت بعديها بي شهرين .. عشان ابوي الروحي و امي زنوبه عشان لمن الاقيهم في الجنه اقوليهم السرطان الأخدكم مننا شوفو انا عملت فيهو شنو و عشان و عشان و عشان الأسباب ما بتنتهي و محاربتي للسرطان ما حتخلص يا هو يخلص يا انا أخلص ..
قبل سنه من الآن بديت الطريق لي حلمي ( المركز التاهيلي لمرضي السرطان ) و اليوم بديت اول خطوة 💛
ارفعو اصبع النصر بوجه السرطان ✌🏻
ارفعو اصبع النصر بوجه الكيزان ✌🏻

غيداء ♥️♥️♥️♥️♥️♥️♥️

‏"أتمنى يا صديقي لو أنني أستطيع أن أخبرك أنني أخاف عليك من الحزن ومن الخسارات، و أني أستمد منك القوة ويؤلمني أن تضعف، أخاف عليك من حزن الدنيا و من فجائعها الصغيرة، أخاف على قلبك أن يُكسر، وأخاف على صدرك أن يشعر بالضيق و ألا يكفيك قلبي لتكون بخير".

‏يراكَ وأنت تطرقُ باباً تلو باب
‏تفشل هنا وتحزن هناك
‏هذا يعاتبك، وذاك يكيد لك
‏ولكنه ينتظر إقبالك
‏وأنت تتعثر وتقوم وتقع وتبكي
‏ثم ما تلبث أن تاتيه مكسوراً فتناديه
‏فيفتح بابه لك كأنه يقول :
‏إن جافوك فأنا حبيبك
‏وإن آلموك فأنا طبيبك
‏مرحباً بك آيباً تائباً
‏:
‏عن الله أُحدثك ! 💛
‏

تقبل الله صياامنا وصياامكم 🌸

ليت المرء يستطيع بتر جزء مـن وعيه .✨

"تعبَّد ما استطعت إلى ذلك سبيلًا،
ما زلت في أيام المنافسة والأعمال بخواتيمها" ✉️🍃

‏السر قدور 85 سنه ولسه بيقدم اغاني واغاني وبينطط و م محتاج عكاز !
‏وفيفي عبدو 77سنه ولسه بترقص ب خفه وحيويه ! ناديه الجندي 86سنه للان بتتمكيج وزواجها بعد العيد !
‏انا ف العشرينات بعد الفطور يشيلوني شيل ويتكلوني علشان اصلي المغرب وباليل يمسحوني ب فكس😂😂نسال الله السلامه

‏أُفضِّلُ أن أعيشَ حياةً صغيرةً أملكها
على أن أعيشً حياةً كبيرةً تملكني !
.

د. مصطفى محمود

أنا ثمل وأنت معتوه
فمن يقودنا إلى المنزل ؟

- شمس التبريزي

‏"نصيحة"
‏لا تجيبوا سيرة لأولادكم وتكبروهم وتربوهم على ذكرى سيئة حصلت بينكم وبين اقاربكم مهما ايش حصل بينكم، خلوهم يكبروا بنيّة صافية تحسن الظن بالناس، علموهم صلة الرحم وحب الأخوان والأقارب، حافظوا على سلامة افكارهم من عقدكم ومشاكلكم يمكن يكبروا احسن منكم ويصبحوا اصحاب قلوب بيضاء.

يشبه أنك تريد المغادرة لكن
قلبك عالق في جوف المكان.🌸

"السلام على كل الذين إلتفتوا للمرة الأخيرة ولم يجدوا يداً تلوِّح لهم"🖤

وأن غآب نصفك ، احذر ان تكمل فراغك بالعآبرين .🌸

‏الْيَوْمَ عندكَ سرُّها وحديثُها
‏وغدا لِغيركَ كفُّها والمِعصَمُ🌸✨

‏- مآ دامت صحتك تُسعفك للوقوف على سجادة الصلاة ، فأنت لم تخسّر شيئاً حتى الآن 💚

و إذا حَدثُوكَ عن سَيئة فُلان، فقُل :غَفرَ الله لنا و لهُ؛ و لا تَزِد💛

وكأنكَ مدينةُ وردٍ بعمق قلبِي
‏ لا تذبل أبدًا ، كَمَا وكأنكَ حَياة تتورّد بي ..

‏”المهم والأهم أن تطلب من الله أن لا تستيقِظ على صراخ الفقد، أن لا تعود لمنزلك فتجد أحدهم قد رحل إلى الأبد، أن لا يسرق الموت من أحببت.”