تقبل الله🌸✨

وراء كل رجل عظيم رحيم قطه♥️✨

‏اللهم علمني متى أخالط الناس وأتودّد، ومتى ألوذ بعزلتي وأتصدّد.

مازلتُ أعتني بصوركِ وأنظر إليها وأقبلها في نهاية كل يوم سيّئ , مازالٺ صوركِ ملاذي في حُزني .

أتعلمين أي حُزنٍ يبعثُ المطر ؟

حافظ على غرابتك، لاشيئ أسخف من أن تكون مألوفًا.

‏جدّتي تقول بأنّ الموت غير موجود، وأنّنا نموت عندما ينسانا الآخرون"
-فليس الموت قبرٌ وعزاء، إنما الموت حين يغادرك الجميع.🌸

عزيزتي الحياة : ألا يَكفِي :)!

لالا لسع قداامنا شویه🙂

لم يتبق منا شئ

اننا ننجو بالدُّعاء يا رِفيقةة
فمن كان لك عنده نصيبٌ من الحُب فليضُم اسمك في دعواتِه ..💛🔐

إننا ننجو ببعض الدعاء وبعض الحب💙!

‏على سرُرٍ متَقابلين
‏الُلـهم مع من نحب 💛.

نحن أخوانك يابليد (أعظم سلمية)
إنت الدكتور؟ (أقصر محاكمة)
مخالف سعادتك (أصدق وطنية)

أضرب فأنت لست كوزا" !
#مدنية_بس

ستعود فينا الحياة مهما يئسنا
فكل غيمة سوداء حتماً ستمطر..

🖤
أما بعد ،
فكل مُتعلق بغير الله مخذول!

بس انتي يا ليلى استنيني ، اوعَ تفوتي
بس اوعيدني انك ح تنتظري عشان طاقتي كده بتزيد
" بيقول ليها كدا كأنه حيجري اخر الممر الواقفين فيه دا و يجي ، لكن هو جاري بعيد "
ليلى:
انا ح استنى .. بس ما عشانك عشان نفسي ، انا يا امير اصلا ما بقدر ما انتظرك ، افوتك وين انا ؟
بس والله هنا الدنيا حتضيق بدونك ..

يا ليلي انا ماشي عشان لما اجي تضيق المسافة البينا و توسع علينا الدنيا ..
عيونو اتملت دموع لكن وزّعها بسرعة شديدة عشان يمسح دموعها الابت تقيف ..
خلاص ودعتك لي الله يا الامير ..
قال ليها "يا الـ حبك شغل الضمير ؟؟ "
و ضحكو و اتفارقو ..
اصلاً هي اتعودت انه يضحّكها وسط البكا ..
جهّز شنطتو و دخل فيها توب حق امه و الجواز و التزكرة و المنديل .. منديل ليلى
ودّعهم و فات ..
امو : ( و دعتك لـ امين الوِداعة ، امين البلا و الساعة ،اريتك عايد و فايد ان شاءالله تعود سالم و غانم ، داراً توصي عليك و داراً ترحب بيك يا جناي و بكت )
شالت رملة من دربو و لمّتها ..
...

امير وصل و بقى شغال بي يدينو و رجلينو ، ورديتين ..
كل ما يحس انه تعب بتذكر ليلى و بتجيهو طاقة من ماف ..و بقول ل نفسو لازم اكسب الزمن عشان اكسب ليلى .. حرام البت تستناني اكتر من كدا ..
واقف علي سواقة تريلا ك شغل تالت رغم انه ما ليه في السواقة شديد .. مرت سنة علي الحال دا

- بهناك ليلى قاعدة علي احرّ من الجمر ، و الناس تنهش فيها بسبب العرسان البترفضهم
امير قبل شهرين رسل ليها :
"ليلاي .. الحِبَيبة ، مشتاق ليك شديد انا ، وِجيهك كيف ؟ عِويناتك ؟ ضفيراتك ؟ اخباري في قلبك شنو ؟
هانت يا الحبيبة ، والله قطعنا الكتير و باقي قليل ، خليك علي الوعد .. ابقي عافية و ابقي عشرة ..
سلام "
ليلى كل ما يكتر عليها الكلام و زنّة صحباتها بس بتتذكر كلام امير و تتبسم و تدمع ..
ستة شهور بعد الرسالة ديك امير تاني ما رسل ..
امو تجي تسأل ليلى منه بالدس و ليلى تمشي لامه تسألها بالدس و الاتنين ما لقو البجبر خاطرهم ولا يطمنهم ..
و ليلى بقت تصحى علي "وينو الراجياهو " و تنوم ب "غشاك و ضيع عمرك" و تتمسى بي "عرس خواجية"

بعد تلاتة اسابيع ام امير جاها ظرف رسالة و جرت بيهو علي ليلى عشان يقروهو مع بعض لانها حاسة ب رويحتا مارقة ورا امير اكتر منها ..
يا ليلى امير رسل ، كيتاً للزعلوك و ما قالو الغايب عذرو معاهو ..
وليدي يا يمة قدر وعدو .. و تشيل و تكورك و تسمِّع في نسوان الحلة
افتحي يا ليلى .. انا بعاين في الورقة و بسمعك
مضمون الرسالة:
"ان لله و انا اليه راجعون ، توفي ابنكم امير .م. ع اثر حادث مروري سبب له نزيف داخلي في الرأس ، نسأل الله لكم الصبر و السلوان "
ليلي ما قالت الرسالة..
قالت" لكن يا امير نحن قطعنا الكتير و باقي القليل ب صوت محشرج و عالي ل درجة كل الناس اتلمت في ثانية ..
طلعت الشارع و بقت تقول " قطعنا الكتير و باقي القليل ، قطعنا الكتير و باقي القليل " وتاني م رجعت ..

#سارة..