【本日焦點新聞 2023年11月23日】
//前立法會議員林卓廷與另外 6 名「非白衣人」，被控喺2019 年 7 月 21 日於元朗站暴動，今日（23 日）喺區院展開第 22 天審訊，法官陳廣池裁定，7 名被告暴動罪表證成立，需要作出答辯。案件審訊預計需時18日，押後至 2024 年 3 月 5 日至 28 日續審，料屆時開始辯方案情。
辯方指，7 名被告均希望出庭作供。林卓廷擬另傳召 5 名辯方證人，其中一位證人獲批匿名令。而第三被告擬另傳一名證人，其餘 5 名被告則將不傳證人。
法官一度指對審期押後至三月「唔贊成亦都唔理想」。林卓廷一方指，佢涉及高院原訟庭一宗案件，將喺之後11 月 29 日開始結案陳詞。法官即稱，「咁一定要畀返原訟庭啦。」而高院原訟庭案所指為民主派初選 47 人案，林與另外46人被控「串謀顛覆國家政權」罪，佢同另外 15 被告選擇唔認罪。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//前立法會議員林卓廷與另外 6 名「非白衣人」，被控喺2019 年 7 月 21 日於元朗站暴動，今日（23 日）喺區院展開第 22 天審訊，法官陳廣池裁定，7 名被告暴動罪表證成立，需要作出答辯。案件審訊預計需時18日，押後至 2024 年 3 月 5 日至 28 日續審，料屆時開始辯方案情。
辯方指，7 名被告均希望出庭作供。林卓廷擬另傳召 5 名辯方證人，其中一位證人獲批匿名令。而第三被告擬另傳一名證人，其餘 5 名被告則將不傳證人。
法官一度指對審期押後至三月「唔贊成亦都唔理想」。林卓廷一方指，佢涉及高院原訟庭一宗案件，將喺之後11 月 29 日開始結案陳詞。法官即稱，「咁一定要畀返原訟庭啦。」而高院原訟庭案所指為民主派初選 47 人案，林與另外46人被控「串謀顛覆國家政權」罪，佢同另外 15 被告選擇唔認罪。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年11月24日】
//香港教育局為「配合國家提出愛國主義教育方向」而開設嘅「小學人文科」，課程框架擬定今日（24日）出爐。課程分為6個範疇共48個學習主題，包括「健康與生活」、「環境與生活」、「理財與經濟」、「社會與公民」、「國家與我」仲有「世界與我」。
人文科及科學科由常識科分拆，據《明報》報道，全港小學由2025/26學年開始推行，人文科建議課時佔整體小學課程總課時不少於7%，小一至小二每周兩節；小三至小六每周兩至三節。
課程框架指，小一要初步認識國家培養家國觀念；小二要明白「香港自古以來是國家不可分離嘅部分」；小三要知道何謂《國安法》和對香港的重要性，以及駐港解放軍嘅防務工作等；小四學習對中國歷史影響深遠嘅人物和故事，例如岳飛精忠報國；小五年級學習中國經濟同科技發展，例如「一帶一路」、粵港澳大灣區以及鄧小平係改革開放「總設計師」等；小六要認識「國家喺中國共產黨嘅領導下嘅重大成就及最新發展」，以及了解日本侵略中國戰爭嘅原因及抗戰史，包括九一八事變、七七事變、南京大屠殺，務求學生明白國家統一同民族團結嘅重要性，啊仲有，要深入學習《國安法》。
教育局總課程發展主任 （幼稚園及小學）李建寰認為國家近年嘅卓越成就應該為小學生基本認知，如果讀完6年年小學對自己國家一無所知，「真係唔太好」。惟有小學校長表示，人文科內容與常識科比起有增無減，課題過於「臃腫」，憂慮日後「老師講、學生聽」嘅上課方式會延續。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//香港教育局為「配合國家提出愛國主義教育方向」而開設嘅「小學人文科」，課程框架擬定今日（24日）出爐。課程分為6個範疇共48個學習主題，包括「健康與生活」、「環境與生活」、「理財與經濟」、「社會與公民」、「國家與我」仲有「世界與我」。
人文科及科學科由常識科分拆，據《明報》報道，全港小學由2025/26學年開始推行，人文科建議課時佔整體小學課程總課時不少於7%，小一至小二每周兩節；小三至小六每周兩至三節。
課程框架指，小一要初步認識國家培養家國觀念；小二要明白「香港自古以來是國家不可分離嘅部分」；小三要知道何謂《國安法》和對香港的重要性，以及駐港解放軍嘅防務工作等；小四學習對中國歷史影響深遠嘅人物和故事，例如岳飛精忠報國；小五年級學習中國經濟同科技發展，例如「一帶一路」、粵港澳大灣區以及鄧小平係改革開放「總設計師」等；小六要認識「國家喺中國共產黨嘅領導下嘅重大成就及最新發展」，以及了解日本侵略中國戰爭嘅原因及抗戰史，包括九一八事變、七七事變、南京大屠殺，務求學生明白國家統一同民族團結嘅重要性，啊仲有，要深入學習《國安法》。
教育局總課程發展主任 （幼稚園及小學）李建寰認為國家近年嘅卓越成就應該為小學生基本認知，如果讀完6年年小學對自己國家一無所知，「真係唔太好」。惟有小學校長表示，人文科內容與常識科比起有增無減，課題過於「臃腫」，憂慮日後「老師講、學生聽」嘅上課方式會延續。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【11月26日 英國工會發聲要港府釋放47人示威活動】
今日（11月26日）下午，有約150人在倫敦中國大使館門外參與由英國本地工會舉辦的釋放47人示威活動。
當中有工會組織代表、廣東人、東突厥斯坦人及香港人分享。
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
今日（11月26日）下午，有約150人在倫敦中國大使館門外參與由英國本地工會舉辦的釋放47人示威活動。
當中有工會組織代表、廣東人、東突厥斯坦人及香港人分享。
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年11月27日】
//前立法會議員許智峯周四（23日）遭律政司入稟申請破產，聆訊排期出年1月23日審理。許智峯表示，事件屬意料之內，懷疑與多宗刑事訴訟訟費有關，佢指責港府「醉翁之意不在酒」，明知無法喺海外拘捕，所以先不斷騷擾佢。又指，除非港府可以喺澳洲對佢申請破產，否則佢嘅律師牌唔會受到影響。
許智峯指遭申請破產是意料之內，估計同多宗2019年「反修例運動」期間及流亡後嘅刑事訴訟訟費有關。其中一單案件包括關家榮對示威者開槍一案，許曾以「非法使用槍械」及「企圖謀殺」提私人檢控，律政司其後介入案件，法庭隨即撤控。及後佢申請司法覆核，指控律政司介入做法唔合理。律政司反駁指許欺騙法庭同藐視法庭，加上許當時已離港，促使法庭終止司法覆核申請，並判許需繳付訟費。許引述代表律師指，「香港從來無案例顯示申請人不在港或受政治指控下，喪失打官司的身份。無論如何，佢知道我無可能喺香港抗辯，法庭便為所欲為。」
據佢接受《棱角》新聞訪問時，指責港府指「訟費無大家想像嘅多，而我喺香港嘅戶口存款絕對足夠繳付所有訟費，只係被銀行凍結。」許指，綜合過往港府對佢及其太太留港家人嘅騷擾，港府無法在海外拘捕佢，只係想不斷騷擾佢。
許智峯表示，一般香港商業錢債訴訟可以喺澳洲執行但門檻高，而今次事件牽涉港共政權嘅政治操作，佢坦言非常期待港府將事件再次搬上國際舞台。「唔單止法庭，甚至整個澳洲法律界嘅反應，或會牽動（澳洲）政府或機構緊急修例及表態，以至影響或暫停現有嘅商業判令、機制及引渡條例等，會對所有商業活動帶黎衝擊，相信港共政權會自有考慮，若港府政治凌駕一切，我都會有所準備。」//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//前立法會議員許智峯周四（23日）遭律政司入稟申請破產，聆訊排期出年1月23日審理。許智峯表示，事件屬意料之內，懷疑與多宗刑事訴訟訟費有關，佢指責港府「醉翁之意不在酒」，明知無法喺海外拘捕，所以先不斷騷擾佢。又指，除非港府可以喺澳洲對佢申請破產，否則佢嘅律師牌唔會受到影響。
許智峯指遭申請破產是意料之內，估計同多宗2019年「反修例運動」期間及流亡後嘅刑事訴訟訟費有關。其中一單案件包括關家榮對示威者開槍一案，許曾以「非法使用槍械」及「企圖謀殺」提私人檢控，律政司其後介入案件，法庭隨即撤控。及後佢申請司法覆核，指控律政司介入做法唔合理。律政司反駁指許欺騙法庭同藐視法庭，加上許當時已離港，促使法庭終止司法覆核申請，並判許需繳付訟費。許引述代表律師指，「香港從來無案例顯示申請人不在港或受政治指控下，喪失打官司的身份。無論如何，佢知道我無可能喺香港抗辯，法庭便為所欲為。」
據佢接受《棱角》新聞訪問時，指責港府指「訟費無大家想像嘅多，而我喺香港嘅戶口存款絕對足夠繳付所有訟費，只係被銀行凍結。」許指，綜合過往港府對佢及其太太留港家人嘅騷擾，港府無法在海外拘捕佢，只係想不斷騷擾佢。
許智峯表示，一般香港商業錢債訴訟可以喺澳洲執行但門檻高，而今次事件牽涉港共政權嘅政治操作，佢坦言非常期待港府將事件再次搬上國際舞台。「唔單止法庭，甚至整個澳洲法律界嘅反應，或會牽動（澳洲）政府或機構緊急修例及表態，以至影響或暫停現有嘅商業判令、機制及引渡條例等，會對所有商業活動帶黎衝擊，相信港共政權會自有考慮，若港府政治凌駕一切，我都會有所準備。」//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年11月28日】
//香港時間27號晚，有自稱係羅冠聰二哥羅冠鵬嘅人，喺社交媒體發文，聲明話正式與羅冠聰斷絕關係，並呼籲佢回港「面對一切」，「二哥只想同媽媽平靜喺香港生活」。
而呢個自稱係羅冠鵬嘅社交媒體帳號，本月初先第一次上傅帖文，仲要幾乎無同其他人有過任何互動，咁當然目前無法證實佢嘅身份。羅冠聰就指，無法確認所以無評論；但喺相關聲明發出後僅兩小時，《大公文匯》、《商報》等已陸續有報道。
自稱係羅冠鵬出嘅帖文指，自問係「土生土長愛國愛港嘅中國人」，佢同羅冠聰已經超過三年無聯絡見面，依家正式聲明與羅冠聰斷絕關係，羅冠聰喺海外鼓吹港獨同倡議外國制裁嘅言行同佢無關，又衷心建議羅冠聰回港面對一切。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//香港時間27號晚，有自稱係羅冠聰二哥羅冠鵬嘅人，喺社交媒體發文，聲明話正式與羅冠聰斷絕關係，並呼籲佢回港「面對一切」，「二哥只想同媽媽平靜喺香港生活」。
而呢個自稱係羅冠鵬嘅社交媒體帳號，本月初先第一次上傅帖文，仲要幾乎無同其他人有過任何互動，咁當然目前無法證實佢嘅身份。羅冠聰就指，無法確認所以無評論；但喺相關聲明發出後僅兩小時，《大公文匯》、《商報》等已陸續有報道。
自稱係羅冠鵬出嘅帖文指，自問係「土生土長愛國愛港嘅中國人」，佢同羅冠聰已經超過三年無聯絡見面，依家正式聲明與羅冠聰斷絕關係，羅冠聰喺海外鼓吹港獨同倡議外國制裁嘅言行同佢無關，又衷心建議羅冠聰回港面對一切。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年11月29日】
//警務處國家安全處今日（29日）落案起訴一名男子一項「作出一項或多項具煽動意圖的作為」罪、一項「管有煽動刊物」罪及一項「管有他人身份證」罪，今日喺西九龍裁判法院提堂。
被告諸啟邦，被控喺11月27日喺香港穿著一件印有「光復香港，時代革命」嘅衫，同公開展示，有意圖引起憎恨或藐視中央及或香港特區政府，或激起對其離叛；激起香港居民企圖不循合法途徑促致改變其他在香港依法制定的事項；煽惑他人使用暴力；及或慫使他人不守法或不服從合法命令。
被告另被控於同日喺香港國際機場登機閘口編號205或其附近，無合法辯解而管有煽動刊物，即3幅印有「光復香港，時代革命」嘅旗幟同一件衫，具引起憎恨或藐視中央及或香港政府。被告亦被控同日同管有屬於女子廖小麗嘅身分證。
控方申請將案件押後，以調查被告嘅手機同意社交媒體帳戶，考慮係咪涉及其他控罪。據了解，被告涉穿上有「光時」同「港獨」字眼嘅衫，同被搜出行李有光時旗幟。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//警務處國家安全處今日（29日）落案起訴一名男子一項「作出一項或多項具煽動意圖的作為」罪、一項「管有煽動刊物」罪及一項「管有他人身份證」罪，今日喺西九龍裁判法院提堂。
被告諸啟邦，被控喺11月27日喺香港穿著一件印有「光復香港，時代革命」嘅衫，同公開展示，有意圖引起憎恨或藐視中央及或香港特區政府，或激起對其離叛；激起香港居民企圖不循合法途徑促致改變其他在香港依法制定的事項；煽惑他人使用暴力；及或慫使他人不守法或不服從合法命令。
被告另被控於同日喺香港國際機場登機閘口編號205或其附近，無合法辯解而管有煽動刊物，即3幅印有「光復香港，時代革命」嘅旗幟同一件衫，具引起憎恨或藐視中央及或香港政府。被告亦被控同日同管有屬於女子廖小麗嘅身分證。
控方申請將案件押後，以調查被告嘅手機同意社交媒體帳戶，考慮係咪涉及其他控罪。據了解，被告涉穿上有「光時」同「港獨」字眼嘅衫，同被搜出行李有光時旗幟。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年11月30日】
//美國眾議院外交事務委員會喺星期三（29日）通過《香港經濟貿易辦事處認證法案》（Hong Kong Economic and Trade Office Certification Act），法案要求總統拜登，喺法案頒布後嘅30 日內，如果確認香港不再享有高度自治，應該取消香港駐美經貿辦依家享有嘅特權同豁免，並喺 180 日內關閉香港駐美經貿辦，議案將提交眾議院全體會議審議。
香港政府隨即發新聞稿強烈譴責，指法案完全漠視香港喺「一國兩制」中嘅地位，粗暴干預香港事務，因個別政治利益破壞雙邊貿易關係，嚴正促請美國停止政治抹黑攻擊香港特區和干涉香港事務。
港府指，一直按「一國兩制」原則與世界各地建立和維持經貿關係，在美國設立三個經貿辦，分別在華盛頓、紐約和三藩市，三個駐美經貿辦成功順利運作是「互利共贏」，而美國在香港有重大經濟利益，若美國一意孤行，最終只會損害美國及其企業的利益。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//美國眾議院外交事務委員會喺星期三（29日）通過《香港經濟貿易辦事處認證法案》（Hong Kong Economic and Trade Office Certification Act），法案要求總統拜登，喺法案頒布後嘅30 日內，如果確認香港不再享有高度自治，應該取消香港駐美經貿辦依家享有嘅特權同豁免，並喺 180 日內關閉香港駐美經貿辦，議案將提交眾議院全體會議審議。
香港政府隨即發新聞稿強烈譴責，指法案完全漠視香港喺「一國兩制」中嘅地位，粗暴干預香港事務，因個別政治利益破壞雙邊貿易關係，嚴正促請美國停止政治抹黑攻擊香港特區和干涉香港事務。
港府指，一直按「一國兩制」原則與世界各地建立和維持經貿關係，在美國設立三個經貿辦，分別在華盛頓、紐約和三藩市，三個駐美經貿辦成功順利運作是「互利共贏」，而美國在香港有重大經濟利益，若美國一意孤行，最終只會損害美國及其企業的利益。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月1日】
//加拿大皇家來福槍團A連老兵Homidas Fredette（1917-2023）先生已喺2023年11月29日仙遊。
Fredette先生所屬嘅皇家來福槍團A連喺香港戰役期間轉戰鶴咀半島、大潭、淺水灣、黃泥涌峽、赤柱等地，並經歷了三年零八個月嘅戰俘生涯。Fredette先生去世，意味著1941年香港戰役近82年後，所有曾經到港的C部隊官兵已全部離世。//
lest we forget
Source: bohk1941spatialhistory
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//加拿大皇家來福槍團A連老兵Homidas Fredette（1917-2023）先生已喺2023年11月29日仙遊。
Fredette先生所屬嘅皇家來福槍團A連喺香港戰役期間轉戰鶴咀半島、大潭、淺水灣、黃泥涌峽、赤柱等地，並經歷了三年零八個月嘅戰俘生涯。Fredette先生去世，意味著1941年香港戰役近82年後，所有曾經到港的C部隊官兵已全部離世。//
lest we forget
Source: bohk1941spatialhistory
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月4日】
//已經解散嘅前「香港眾志」副祕書長周庭12月3日透過Instagram宣佈，佢喺9月已離開香港去到加拿大讀書，原本已買好機票喺今個月回港就國安案件報到。但經過深思熟慮，考慮到香港嘅形勢、自身安全、生理同心理健康，「決定唔翻去報到，都大概一世都唔會翻去」。
周庭表示，佢今年做左一個重要決定，就係報讀碩士課程，並獲得加拿大嘅一間大學取錄。佢就此向國安處申請出境，而國安方面要求佢寫「悔過書」。及後喺今年7月初，香港警方指如要攞返護照去加拿大讀書，就要同國安一齊翻深圳一日，並會安排佢申請回鄉證，完成行程後就會歸還護照，而佢只需在大學假期時回港報到。周庭喺8月某一天，跟隨5名國安處人員翻中國，行程包括參觀改革開放展覽，併到騰訊總部參觀。回港後，周庭仲被要求寫下有關感謝警方安排，令佢可以瞭解「祖國偉大發展」嘅信件。
周庭表示，佢喺2020年11月23日因警察總部案開始還押，隨後被判入獄10個月；2021年6月離開監獄，但仍需遵守擔保條件，定期報到，護照都一直被沒收，唔可以出境，要每3個月去國安處簽署一份《扣留旅遊證件通知書》。佢指出獄後因長期擔心隨時被捕，經醫生診斷患有焦慮、驚恐及抑鬱病症。而唔再翻香港嘅主要原因，係擔心難以滿足警方嘅條件或突然被禁止出境。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//已經解散嘅前「香港眾志」副祕書長周庭12月3日透過Instagram宣佈，佢喺9月已離開香港去到加拿大讀書，原本已買好機票喺今個月回港就國安案件報到。但經過深思熟慮，考慮到香港嘅形勢、自身安全、生理同心理健康，「決定唔翻去報到，都大概一世都唔會翻去」。
周庭表示，佢今年做左一個重要決定，就係報讀碩士課程，並獲得加拿大嘅一間大學取錄。佢就此向國安處申請出境，而國安方面要求佢寫「悔過書」。及後喺今年7月初，香港警方指如要攞返護照去加拿大讀書，就要同國安一齊翻深圳一日，並會安排佢申請回鄉證，完成行程後就會歸還護照，而佢只需在大學假期時回港報到。周庭喺8月某一天，跟隨5名國安處人員翻中國，行程包括參觀改革開放展覽，併到騰訊總部參觀。回港後，周庭仲被要求寫下有關感謝警方安排，令佢可以瞭解「祖國偉大發展」嘅信件。
周庭表示，佢喺2020年11月23日因警察總部案開始還押，隨後被判入獄10個月；2021年6月離開監獄，但仍需遵守擔保條件，定期報到，護照都一直被沒收，唔可以出境，要每3個月去國安處簽署一份《扣留旅遊證件通知書》。佢指出獄後因長期擔心隨時被捕，經醫生診斷患有焦慮、驚恐及抑鬱病症。而唔再翻香港嘅主要原因，係擔心難以滿足警方嘅條件或突然被禁止出境。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月5日】
//喺2019 年反修例運動期間於荃灣中槍被捕後「在港流亡」嘅曾志健，早前承認暴動及妨礙司法公正等，被判監 47 個月。琴日，一個由「警方協助製作」之國安法節目喺CCTVB播出曾志健嘅訪問。佢在節目中表示參與懲教署嘅計劃後學左點管理情緒，又呼籲觀眾唔好被人煽動同唆擺。
該節目名為《有法安國》，喺國安法相關嘅資訊節目，逢星期一至五晚喺CCTVB播出，亦可以喺香港警察嘅社交媒體重溫。改節目由警方「協助」 TVB 拍攝，而每集節目有亦出現「資料贊助：香港警務處」嘅字眼。
琴日第六集節目題為「曾志健嘅心聲」，曾志健以背對鏡頭、黑色剪影嘅方式接受訪問，並配有佢在獄中生活嘅畫面。佢表示 2019 年因氛圍越來越激烈，「見到每個人都咁做嘅時候，就越行越前」。佢指自己喺棄保潛逃期間「經歷過無電、糧食不足，無床睡，試過喺轉移藏身地點嘅時候，要塞自己喺紙箱裏面，被人當作貨物運」。
曾志健又指，參加左懲教署「沿途有『理』」計劃，學左點去管理自己嘅情緒，「做事之前要諗清想楚，避免被人煽動同唆擺，最後承擔後果嘅其實就只係自己同屋企人。」
「沿途有『理』」係懲教署向「激進思想」在囚人士提供國民教育嘅更新計劃。
曾志健喺 2019 年 10 月 1 日喺荃灣中槍，2022 年7 月於西貢潛逃時被捕。曾志健承認暴動及襲警罪，另與 3 人承認妨礙司法公正，今年 10 月被判總刑期為 47 個月。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//喺2019 年反修例運動期間於荃灣中槍被捕後「在港流亡」嘅曾志健，早前承認暴動及妨礙司法公正等，被判監 47 個月。琴日，一個由「警方協助製作」之國安法節目喺CCTVB播出曾志健嘅訪問。佢在節目中表示參與懲教署嘅計劃後學左點管理情緒，又呼籲觀眾唔好被人煽動同唆擺。
該節目名為《有法安國》，喺國安法相關嘅資訊節目，逢星期一至五晚喺CCTVB播出，亦可以喺香港警察嘅社交媒體重溫。改節目由警方「協助」 TVB 拍攝，而每集節目有亦出現「資料贊助：香港警務處」嘅字眼。
琴日第六集節目題為「曾志健嘅心聲」，曾志健以背對鏡頭、黑色剪影嘅方式接受訪問，並配有佢在獄中生活嘅畫面。佢表示 2019 年因氛圍越來越激烈，「見到每個人都咁做嘅時候，就越行越前」。佢指自己喺棄保潛逃期間「經歷過無電、糧食不足，無床睡，試過喺轉移藏身地點嘅時候，要塞自己喺紙箱裏面，被人當作貨物運」。
曾志健又指，參加左懲教署「沿途有『理』」計劃，學左點去管理自己嘅情緒，「做事之前要諗清想楚，避免被人煽動同唆擺，最後承擔後果嘅其實就只係自己同屋企人。」
「沿途有『理』」係懲教署向「激進思想」在囚人士提供國民教育嘅更新計劃。
曾志健喺 2019 年 10 月 1 日喺荃灣中槍，2022 年7 月於西貢潛逃時被捕。曾志健承認暴動及襲警罪，另與 3 人承認妨礙司法公正，今年 10 月被判總刑期為 47 個月。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月6日】
//已「完善」嘅香港區議會「選舉」將喺12月10日舉行，港府現時正全力催谷投票，同時針對煽惑人地唔投票嘅行為。周二（5日）一位男子被廉政公署落案起訴，指佢喺Facebook轉載黃世澤嘅Post，內容涉及煽惑他人杯葛區選，案件同日下午提堂，男子准以5000元保釋，案件押後至1月15日再訊。廉署同時發出新聞稿，指正通緝黃世澤。
黃世澤在得悉被通緝後，喺網上表示唔會透露目前喺邊，並指自己唔會回港，都無親友喺香港。又指，被廉署通緝為光榮，並視之作勳章，又直言「無咩好怕」，形容事件反映中共橫蠻無理及證明政權虛弱，強調自己作為海外評論人，應勇敢說話，並將會繼續評論。
被廉署起訴嘅男子被指違反《選舉條例》，被控一項「在選舉期間內藉公開活動作出煽惑另一人不投票的非法行為」罪，控罪指佢喺今年10月31日至12月4日期間，喺香港或香港以外地方，喺2023年區議會一般選舉中藉公開活動作出非法行為，即在「Sam Man」名下嘅Facebook帳戶，展示一篇10月31日嘅Post，煽惑他人喺該選舉中唔投票。2023年區議會選舉提名期於今年10月17日展開，而根據《選舉條例》，由當日起至投票日，被界定為「選舉期間」。
至於涉案帖文嘅原發布人為黃世澤，被控3項「在選舉期間內藉公開活動作出煽惑另一人不投票的非法行為」罪。控罪指，佢喺2023年區議會選舉期間，分別在3個社交媒體平台，展示上述煽惑其他人喺該選舉中唔投票嘅一段影片及兩個Post。
廉署嘅新聞稿指，裁判官已簽發手令通緝黃世澤，並指《選舉條例》具域外管轄權，適用於一切與選舉有關嘅行為，無論行為喺香港境內或其他地方作出。《選舉條例》訂明，「公開活動」包括向公眾作出嘅任何形式通訊（例如網上社交平台的影片同Post），以及向公眾分發或傳布任何材料。廉署同時呼籲市民「嚴守法規」，切勿參與呼籲或轉載相關違法內容，共同維護選舉「廉潔公平」。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//已「完善」嘅香港區議會「選舉」將喺12月10日舉行，港府現時正全力催谷投票，同時針對煽惑人地唔投票嘅行為。周二（5日）一位男子被廉政公署落案起訴，指佢喺Facebook轉載黃世澤嘅Post，內容涉及煽惑他人杯葛區選，案件同日下午提堂，男子准以5000元保釋，案件押後至1月15日再訊。廉署同時發出新聞稿，指正通緝黃世澤。
黃世澤在得悉被通緝後，喺網上表示唔會透露目前喺邊，並指自己唔會回港，都無親友喺香港。又指，被廉署通緝為光榮，並視之作勳章，又直言「無咩好怕」，形容事件反映中共橫蠻無理及證明政權虛弱，強調自己作為海外評論人，應勇敢說話，並將會繼續評論。
被廉署起訴嘅男子被指違反《選舉條例》，被控一項「在選舉期間內藉公開活動作出煽惑另一人不投票的非法行為」罪，控罪指佢喺今年10月31日至12月4日期間，喺香港或香港以外地方，喺2023年區議會一般選舉中藉公開活動作出非法行為，即在「Sam Man」名下嘅Facebook帳戶，展示一篇10月31日嘅Post，煽惑他人喺該選舉中唔投票。2023年區議會選舉提名期於今年10月17日展開，而根據《選舉條例》，由當日起至投票日，被界定為「選舉期間」。
至於涉案帖文嘅原發布人為黃世澤，被控3項「在選舉期間內藉公開活動作出煽惑另一人不投票的非法行為」罪。控罪指，佢喺2023年區議會選舉期間，分別在3個社交媒體平台，展示上述煽惑其他人喺該選舉中唔投票嘅一段影片及兩個Post。
廉署嘅新聞稿指，裁判官已簽發手令通緝黃世澤，並指《選舉條例》具域外管轄權，適用於一切與選舉有關嘅行為，無論行為喺香港境內或其他地方作出。《選舉條例》訂明，「公開活動」包括向公眾作出嘅任何形式通訊（例如網上社交平台的影片同Post），以及向公眾分發或傳布任何材料。廉署同時呼籲市民「嚴守法規」，切勿參與呼籲或轉載相關違法內容，共同維護選舉「廉潔公平」。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月7日】
//中歐領導人會晤前夕，多家媒體喺周三（6日）報道，指意大利已正式通知中國退出一帶一路計劃。意大利外長塔亞尼（Antonio Tajani）同日確認消息，指意大利對中國出口比其他無加入一帶一路嘅歐洲國家少，經貿發展未達預期。中國外交部發言人汪文斌於今日（7日）表示，中方「堅決反對抹黑破壞共建一帶一路合作，反對陣營對抗、製造割裂。」
意大利外長塔亞尼較早前曾表示，加入一帶一路前，對中國出口約有130億歐元，2019年加入後至去年，年度出口約164億歐元，增幅只有20%。相反，無加入一帶一路嘅歐洲國家，對中國嘅出口比意大利增幅更明顯。而中國對意大利嘅出口從317億歐元大幅增加至575億歐元，增幅超逾80%。增幅不似預期，加上對中進出口差距擴闊，最終意大利決定退出計劃。
外交部發言人汪文斌喺今日（7號）例行記者會上表示，中方堅決反對抹黑破壞共建一帶一路合作，反對陣營對抗、製造割裂。並補充，一帶一路倡議提出10年來，惠及超過150個國家，得到國際社會嘅普遍支持同歡迎。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//中歐領導人會晤前夕，多家媒體喺周三（6日）報道，指意大利已正式通知中國退出一帶一路計劃。意大利外長塔亞尼（Antonio Tajani）同日確認消息，指意大利對中國出口比其他無加入一帶一路嘅歐洲國家少，經貿發展未達預期。中國外交部發言人汪文斌於今日（7日）表示，中方「堅決反對抹黑破壞共建一帶一路合作，反對陣營對抗、製造割裂。」
意大利外長塔亞尼較早前曾表示，加入一帶一路前，對中國出口約有130億歐元，2019年加入後至去年，年度出口約164億歐元，增幅只有20%。相反，無加入一帶一路嘅歐洲國家，對中國嘅出口比意大利增幅更明顯。而中國對意大利嘅出口從317億歐元大幅增加至575億歐元，增幅超逾80%。增幅不似預期，加上對中進出口差距擴闊，最終意大利決定退出計劃。
外交部發言人汪文斌喺今日（7號）例行記者會上表示，中方堅決反對抹黑破壞共建一帶一路合作，反對陣營對抗、製造割裂。並補充，一帶一路倡議提出10年來，惠及超過150個國家，得到國際社會嘅普遍支持同歡迎。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月8日】
//古思堯被警方國安處拘捕，指佢涉嫌企圖作出或準備作出具煽動意圖的作為。
警方今日（8日）香港時間 3 點左右發新聞稿，指國安處今日照早喺長沙灣採取執法行動，拘捕一名 77 歲男子，涉嫌違反香港法例第 200章《刑事罪行條例》第九同十條「企圖作出或準備作出具煽動意圖的行為」罪。警方指，男子現正被扣查，案件仍在調查中。
古思堯是社民連成員，過去多次因示威被捕，曾對外透露已坐 11 次監，並且身患末期癌症。古思堯第 10 次入獄，係因為侮辱國旗罪成被判囚 4 個月，佢 2021 年 4 月 7 日獲釋。佢當時已經話：「下次唔單止燒五星旗，下次可能會故意違反國安法，坐監我只當係生活嘅一部份。」
2019 年 10 月 5 日《禁蒙面法》生效當天，前香港眾志秘書長黃之鋒同古思堯等人涉喺港島參與「反禁蒙面法大遊行」，最後古被裁定參與未經批准集結罪成，判監 5 個月。佢喺 2021 年 7 月 23 日刑滿出獄，離開赤柱監獄，獲社民連成員前往迎接。古思堯當時又指：「今次我第 11 次坐監，唔係最後一次，會有第 12 次、第 13 次、第 14 次」，「將來會繼續焚燒五星旗」、「我會故意違反公安法」。佢強調自己唔驚坐，會繼續抗爭。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//古思堯被警方國安處拘捕，指佢涉嫌企圖作出或準備作出具煽動意圖的作為。
警方今日（8日）香港時間 3 點左右發新聞稿，指國安處今日照早喺長沙灣採取執法行動，拘捕一名 77 歲男子，涉嫌違反香港法例第 200章《刑事罪行條例》第九同十條「企圖作出或準備作出具煽動意圖的行為」罪。警方指，男子現正被扣查，案件仍在調查中。
古思堯是社民連成員，過去多次因示威被捕，曾對外透露已坐 11 次監，並且身患末期癌症。古思堯第 10 次入獄，係因為侮辱國旗罪成被判囚 4 個月，佢 2021 年 4 月 7 日獲釋。佢當時已經話：「下次唔單止燒五星旗，下次可能會故意違反國安法，坐監我只當係生活嘅一部份。」
2019 年 10 月 5 日《禁蒙面法》生效當天，前香港眾志秘書長黃之鋒同古思堯等人涉喺港島參與「反禁蒙面法大遊行」，最後古被裁定參與未經批准集結罪成，判監 5 個月。佢喺 2021 年 7 月 23 日刑滿出獄，離開赤柱監獄，獲社民連成員前往迎接。古思堯當時又指：「今次我第 11 次坐監，唔係最後一次，會有第 12 次、第 13 次、第 14 次」，「將來會繼續焚燒五星旗」、「我會故意違反公安法」。佢強調自己唔驚坐，會繼續抗爭。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【讀者福利：蘇格蘭湯圓工作坊折扣】
12月16至17日，蘇格蘭港人組織The Hong Kong Scots 舉行湯圓製作工作坊，報名嘅時候只需要輸入「HarbourofFreedom」，即享有八五折優惠，有興趣嘅朋友唔好錯過。
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
12月16至17日，蘇格蘭港人組織The Hong Kong Scots 舉行湯圓製作工作坊，報名嘅時候只需要輸入「HarbourofFreedom」，即享有八五折優惠，有興趣嘅朋友唔好錯過。
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月11日】
//2023年嘅香港區議會換屆選舉，連月黎政府都舖天蓋地咁宣傳，總動員明星、歌手谷票但投票率仍然強差人意。今早（11日）公佈總投票率為27.54%，即約119萬名選民投票，為區選41年黎投票率嘅歷史新低；亦比早前2021年立法會換屆選舉30.2%為低。
今次區議會選舉，係2019年反送中運動後特區政府「完善舉制度後」嘅首次區選，直選議席大幅減少至兩成外，候選人須獲至少三名「三會」會員提名，先可以取得候選資格；結果論民主派人士全部被排除，無資格參選。選舉日警方派出逾萬名警員喺全港約六百個投票站巡邏，而七點半左右以電腦系統故障為由，罕見將投票時間延長1.5小時至凌晨零時。
特首李家超凌晨喺皇仁書院嘅點票站會見傳媒，佢認為選舉達到原先訂下嘅目標，並就電子選民登記冊出現系統故障向市民致歉，指會就此成專責調查小組調查事故，喺選舉完成後三個月內提交報告。「完善地區治理體系之後嘅區議會，跟以往嘅區議會唔一樣。唔會再出現有以前啲區議員會鼓吹「港獨」，全面泛政治化，唔記得我地日常嘅民生問題，仲更加涉及一些危害國家安全嘅行為。」 //
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//2023年嘅香港區議會換屆選舉，連月黎政府都舖天蓋地咁宣傳，總動員明星、歌手谷票但投票率仍然強差人意。今早（11日）公佈總投票率為27.54%，即約119萬名選民投票，為區選41年黎投票率嘅歷史新低；亦比早前2021年立法會換屆選舉30.2%為低。
今次區議會選舉，係2019年反送中運動後特區政府「完善舉制度後」嘅首次區選，直選議席大幅減少至兩成外，候選人須獲至少三名「三會」會員提名，先可以取得候選資格；結果論民主派人士全部被排除，無資格參選。選舉日警方派出逾萬名警員喺全港約六百個投票站巡邏，而七點半左右以電腦系統故障為由，罕見將投票時間延長1.5小時至凌晨零時。
特首李家超凌晨喺皇仁書院嘅點票站會見傳媒，佢認為選舉達到原先訂下嘅目標，並就電子選民登記冊出現系統故障向市民致歉，指會就此成專責調查小組調查事故，喺選舉完成後三個月內提交報告。「完善地區治理體系之後嘅區議會，跟以往嘅區議會唔一樣。唔會再出現有以前啲區議員會鼓吹「港獨」，全面泛政治化，唔記得我地日常嘅民生問題，仲更加涉及一些危害國家安全嘅行為。」 //
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月12日】
//屈穎妍丈夫、資深傳媒人「超人」林超榮病逝，享年61歲。
沈西城：「好友超人林超榮離世！哀悼！」而劉倩怡亦發帖說：「好突然！好難過，RIP。」曾智華亦留言悼念：「再見喇超人！他日天堂相見再大吃大喝大搞笑喇⋯⋯RIP。」鄭啟泰都喺IG發文悼念。據知林超榮患血癌，早前確診武肺，病情急轉直下；昨晚因併發症入院，至今日中午離世。
林超榮妻子為知名藍營KOL人屈穎妍，2015年，屈穎妍因喺報上發表撐警文章，及後收到全家死亡恐嚇，後來宣布停寫《明報》專欄。做開「頭條新聞」嘅林超榮及後都喺《明報》專欄支持太太，決定共同進退，宣布「劈炮」唔寫該報專欄。當時佢指：「社會言論風氣愈來愈惡毒，愈惡毒愈正常，無法制止，惟見一女子單打獨鬥，應該有一男士，護駕殿後，畫上美麗句號，作出共同進退。」
RAP //
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//屈穎妍丈夫、資深傳媒人「超人」林超榮病逝，享年61歲。
沈西城：「好友超人林超榮離世！哀悼！」而劉倩怡亦發帖說：「好突然！好難過，RIP。」曾智華亦留言悼念：「再見喇超人！他日天堂相見再大吃大喝大搞笑喇⋯⋯RIP。」鄭啟泰都喺IG發文悼念。據知林超榮患血癌，早前確診武肺，病情急轉直下；昨晚因併發症入院，至今日中午離世。
林超榮妻子為知名藍營KOL人屈穎妍，2015年，屈穎妍因喺報上發表撐警文章，及後收到全家死亡恐嚇，後來宣布停寫《明報》專欄。做開「頭條新聞」嘅林超榮及後都喺《明報》專欄支持太太，決定共同進退，宣布「劈炮」唔寫該報專欄。當時佢指：「社會言論風氣愈來愈惡毒，愈惡毒愈正常，無法制止，惟見一女子單打獨鬥，應該有一男士，護駕殿後，畫上美麗句號，作出共同進退。」
RAP //
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月13日】
//繼反送中運動中被警方開槍射傷嘅「健仔」曾志健之後，再有國安相關在囚人士獲安排喺電視節目「懺悔」，今次主角係香港首宗《國安法》案件被告唐英傑。佢喺《有法安國》節目中稱，入獄最難受嘅係失去跟年邁婆婆相處嘅時光，未來出獄佢未必仍在生，「其實我真係懲罰緊我身邊嘅人」；又透露喺監獄內曾擔任國旗升旗手。
2020 年 7 月 1 日國安法立法當日，唐英傑駕駛插有「光復香港 時代革命」旗幟嘅電單車，衝越警方防線，之後被裁定《煽惑他人分裂國家》及恐怖活動兩罪名成立，重判囚9 年。佢最近喺TVB節目《有法安國》嘅第12集亮相，該集以《唐英傑的反思》為題，佢側身對著鏡頭受訪，形容當日「諗埋咗一邊，思緒被當時的社會氣氛影響，覺得除左用暴力，好似解決唔到問題，當時就純粹興起。」
據佢講喺獄中參加左懲敎署嘅更生計劃，學習情緒管理，並入讀為成年在囚人士開辦嘅立德學院，完成課程後等同中學文憑試5科合格；更在學院成立儀式唐英傑仲擔任升旗手，佢表示「了解國旗國歌當中嘅意義」。節目中唐英傑又稱，更新計劃令佢可以喺監獄裡「重新拎起書包為未來鋪路」，出獄後希望成為跳傘或潛水教練。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//繼反送中運動中被警方開槍射傷嘅「健仔」曾志健之後，再有國安相關在囚人士獲安排喺電視節目「懺悔」，今次主角係香港首宗《國安法》案件被告唐英傑。佢喺《有法安國》節目中稱，入獄最難受嘅係失去跟年邁婆婆相處嘅時光，未來出獄佢未必仍在生，「其實我真係懲罰緊我身邊嘅人」；又透露喺監獄內曾擔任國旗升旗手。
2020 年 7 月 1 日國安法立法當日，唐英傑駕駛插有「光復香港 時代革命」旗幟嘅電單車，衝越警方防線，之後被裁定《煽惑他人分裂國家》及恐怖活動兩罪名成立，重判囚9 年。佢最近喺TVB節目《有法安國》嘅第12集亮相，該集以《唐英傑的反思》為題，佢側身對著鏡頭受訪，形容當日「諗埋咗一邊，思緒被當時的社會氣氛影響，覺得除左用暴力，好似解決唔到問題，當時就純粹興起。」
據佢講喺獄中參加左懲敎署嘅更生計劃，學習情緒管理，並入讀為成年在囚人士開辦嘅立德學院，完成課程後等同中學文憑試5科合格；更在學院成立儀式唐英傑仲擔任升旗手，佢表示「了解國旗國歌當中嘅意義」。節目中唐英傑又稱，更新計劃令佢可以喺監獄裡「重新拎起書包為未來鋪路」，出獄後希望成為跳傘或潛水教練。//
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
【本日焦點新聞 2023年12月14日】
//警察國安處今日（14日）晏晝開記者，公布喺琴日（13日）拘捕四人，指控佢地透過網上訂閱「眾籌平台」，資助涉嫌違反國安法嘅許智峯和羅冠聰。
國安處指，被捕嘅分別有兩男兩女，年齡介乎由 28 歲至 69 歲，被指控「資助他人分裂國家罪」，部分人訂閱期長達三年，涉及金額由 1 萬元至 12 萬元不等，被捕人分別報稱為電梯技工、補習老師同退休人士。
國家安全處總警司李桂華拒絕透露係咪涉及 Pateron，，至於佢地係咪有要求海外平台提供資料，國安處指佢地有執行法律賦予嘅權力，但具體調查方法就唔會透露。
「書生」專頁提到 Patreon 改左會員嘅私隱政策，其中包括可以俾「訂閱者」之間互相看到對方嘅部分資料。
為左「私隱」理由，「書生」建議關閉「完整的公開個人資料」。
關閉方法如下：
(1). 到 Patreon「帳號設定」，連結為：https://www.patreon.com/settings/account
(2). 「帳號設定」頁面拉到最底「私隱」一欄，關閉「完整的公開個人資料」同「社群個人資料」
除了關閉功能外，「書生」亦提醒唔好對任何人公開自己有訂閱「某某人」，都唔好喺Patreon披露任何個人真實資料（包括相片頭像或名字）。//
參考資料：書生
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom
//警察國安處今日（14日）晏晝開記者，公布喺琴日（13日）拘捕四人，指控佢地透過網上訂閱「眾籌平台」，資助涉嫌違反國安法嘅許智峯和羅冠聰。
國安處指，被捕嘅分別有兩男兩女，年齡介乎由 28 歲至 69 歲，被指控「資助他人分裂國家罪」，部分人訂閱期長達三年，涉及金額由 1 萬元至 12 萬元不等，被捕人分別報稱為電梯技工、補習老師同退休人士。
國家安全處總警司李桂華拒絕透露係咪涉及 Pateron，，至於佢地係咪有要求海外平台提供資料，國安處指佢地有執行法律賦予嘅權力，但具體調查方法就唔會透露。
「書生」專頁提到 Patreon 改左會員嘅私隱政策，其中包括可以俾「訂閱者」之間互相看到對方嘅部分資料。
為左「私隱」理由，「書生」建議關閉「完整的公開個人資料」。
關閉方法如下：
(1). 到 Patreon「帳號設定」，連結為：https://www.patreon.com/settings/account
(2). 「帳號設定」頁面拉到最底「私隱」一欄，關閉「完整的公開個人資料」同「社群個人資料」
除了關閉功能外，「書生」亦提醒唔好對任何人公開自己有訂閱「某某人」，都唔好喺Patreon披露任何個人真實資料（包括相片頭像或名字）。//
參考資料：書生
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom