የናይጄርያ ፕሬዝዳንታዊ ምርጫ እጩ ተወዳዳሪ የሆኑት ፒተር ኦቢ ቢራ ሲጠጡ ያሳያል የተባለው ምስል የተለወጠ ነው

በመጪው የናይጄርያ ምርጫ ላይ የሌበር ፓርቲ እጩ ተወዳዳሪ የሆኑት ፒተር ኦቢ በአንድ ሬስቶራንት ውስጥ ሲመገቡ እና “ሂሮ” የተሰኘውን ቢራ ሲጠጡ እንደሚያሳይ የተነገረለት ምስል በናይጄርያ ማህበራዊ ሚድያዎች በስፋት ሲጋራ ቆይቷል።

ምስሉ የክርስትና እምነት ተከታይ የሆኑትን የናይጄርያ ፕሬዝዳንታዊ ምርጫ እጩ ተወዳዳሪ ቢራ ሲጠጡ የሚያሳይ ከመሆኑ በላይ የአልኮል መጠጥ በእስልምና ሀይማኖት ዘንድም መከልከሉ ይታወቃል። በዚህም ምክንያት እጩ ተወዳዳሪው በአብዛኛው የእስልምና እምነት ተከታዮች ዘንድ ያለውን ተቀባይነት ያሳጣዋል ተብሎ ይታመናል።

ምስሉ የተቀናበረ እንደሆነ የሚያሳዩ የተለያዩ ምልክቶች ቢኖሩም አፍሪካ ቼክ የተባለ የመረጃ አጣሪ ተቋም የጎግል ተገላቢጦሽ ምስል ፍለጋን በመጠቀም ባደረገው ማጣራት ትክክለኛውን ምስል በአንድ የትዊተር አካውንት ላይ ተጋርቶ አገኝቶታል።

በሰፊው በተዘዋወረው ፎቶ የፒተር ኦቢን ምስል ለማምጣት የልብሱ ቀለም እና የሰውየው መልክ የተቀየረ ሲሆን ከዚህም በተጨማሪ በኦርጅናሉ ምስል ላይ የነበሩት ሀይል ሰጪ መጠጦች በቢራ ጠርሙስ ተቀይረዋል። ይህ ሀሰተኛ መረጃ የፕሬዝዳንታዊ ምርጫ እጩን ብቻ ሳይሆን መራጩ ህብረተሰብ ላይ ተፅዕኖ እንደሚያደርግ ተገምቶ ነው በዚህ ሁኔታ ሊጋራና ሊዘዋወር የቻለው።

ሙሉ ፅሁፉን ለማንበብ የተያያዘውን ሊንክ ይጫኑ
http://bit.ly/3Juz34U