ربتنـا المـصايب :"

جنك وطن و خربوك احزاب🕊️"

- دولة البحرين عمرها 41 سنة...
- ‏- دولة الإمارات عمرها 48 سنة...
- ‏تطبّعان مع كيان محتل عمره 72 سنة...ليتآمروا جميعا على دولة أصغر شجرة زيتون فيها عمرها 2000 سنة..
وعصافير القدس لن تغرد بالعبرية مهما مضى على الاحتلال زمان
العظيمة فلسطين ، نحبها نيابة عن كل الذين باعوها.

- سالفه ورباط

اكو حرامي سرق سيارة ابو علوان البرازيلي خطيه يشتغل بيها تكسي وصاحب عائلة وعيشته عليها !
اجت سنين وراحت سنين رجع الحرامي لصاحب السيارة؟
وكاله عمي اني السرقت سيارتك ..
وجاي اعتذر منك وانه ندمان واريدك تسامحني !!
وعلى عين سيارتك الله رزقني !
وصار عندي املاك وفلوس وسيارات وخير من الله !
وهسه جايك واريد اعوضك واشتريلك سيارة
بدل سيارتك السرقتها ايام زمان من جنت فقير ..
كاله صاحبنه عمي مبري الذمة !
وما اريد منك كل شي روح الله وياك !
ما دام انت ندمان وحسيت بروحك غلطان آنه مسامحك ..
الحرامي.... !!
اصر على التعويض وكال لصاحبنه ابو علوان !
جيب المستمسكات وهسه تجي وياي للمعارض ؟
واخذ السياره التعجبك واني ادفع فلوسها !!
صاحبنه من شاف الحرامي مصر على رأيه ومتحمس !!
ما گال باطل جاب مستمسكاته وراح وي الحرامي للمعارض!
اجه يم السيارات الايرانيه يريد ياخذ سايبه ؟؟
الحرامي انزعج وگاله لا عمي الا اخذلك جكساره !
المهم اجه لصاحب المعرض وسأل عن السعر !
فأتفق وي صاحب المعرض وقرر يشتريها !
فطلب منه صاحب المعرض فلوس السيارة ؟؟
الحرامي گاله .. اكو واحد يشتري سمج بالشط!
غير اشوفها افحصها امشي بيها ؟؟
انت نظم عقد البيع وي الحجي واني طالع تراي ربع ساعه وراجع ؟؟
المهم الحرامي شغل وطلع !!
خلصت الربع ساعه.. خلصت الساعه.. خلصت الساعتين !!
والحرامي ما رجع لا ابو علي ولا مسحاته ؟؟
طفر بالسياره وتورط ابو علوان وظل يلطم على راسه وصاحب المعرض مجلب بي يريد فلوسه من صاحبنه الغشيم !!
*.......... الرباط ⛓️
هسه احنه صرنه مثل ابو علوان !!
يجيك نفس السياسي الناعم قبل الانتخابات
هو سارقك قبل 4 سنوات ؟
يقشمرك ويگلك راح اعوضك ..
وانت مكيف ومصدگ بي
وتنتخبه مرة ثانية !!
وهم راح يرجع يسرقك مثل كل مرة !!
والسرقة تكون اكبر !!
لان صار صاحب خبرة وتجربة ⁉️
ورزقه ورزق عائلته ع الشعب 💰💰
وعلى هل الرنة من 2003 ولحد الآن ؟؟؟؟

*

-

قبل كم يوم نزل لقاء على قناة دجلة مع "إسراء العبيدي".. بغض النظر عن كل شي لان إذا ردنا نحچي بكل تفاصيل اللقاء نحتاج جريدة

بس الي لفت انتباهي إسراء چانت تحچي عن الهدايا الي توصلها من المسؤولين العراقيين لان هي (حلوة ودمها عسل)، وبالتحديد السيارات، گالت قريباً راح أغير سيارتي "الجكسارة" لان مليت منها وراح آخذ "لكزس" وشكراً للمسؤول على هاي الهدية

آني كـ"شاب" عراقي كهرباء ما عنده وحالي حالي بقية الشباب نركض على العيشة والدراسة علمود نحصل تعيين أو شغل نگدر ناكل منه، برأيكم شنو راح أحس من أشوف هذا الكلام ؟ من أشوف وحدة مثل إسراء ولا صغراً بيها لكن شنو الي قدمته للفن أو تعبت بي علمود تحصل على كل هذا الدلال "بفلوس الشعب" أي بفلوس الشعب لان المسؤول ما يستلم راتب من ورث أبوه

الكلام طويل، بالنهاية أريد أگول شكراً لكل "لوگي" و"فاسد" وصلنا لهاي الحالة الي احنه بيها، وشكراً لكل شخص يخلي اليسوى والما يسوى يشتهر بهذا البلد، ويبقى السؤال.. إلى متى ؟

وهااا نقطة أخيرة.. قناة دجلة الي هي المفروض قناة فضائية وكبيرة أقوى جودة للفيديو إلها باللقاء چانت (480p)، نيالي 😷