(٢)
‏في كل رحلاتي كانت تغمرني رغبة التجربة بالسكن في هوستل ، لكن دائمًا ما أحصل خيارات مناسبة ،
‏لكن هالمرة كنت محظوظة اني حصلت خيار غرفة فيها ٤ اسرة للبنات ، ونادر احصل هالخيار من ناحية عدد الاسرة والاغلب تكون مكس رجال وبنات في نفس الغرفة ، في خيالاتي ان في التجربة راح أتعرف على بنات من جنسيات مختلفة وفعلًا صادف معي مسافرة من كندا واخرى من الارجنتين والسرير الثالث شاغر ،

‏كانت تجربة ولا اظن اكررها لسبب راح اذكره بعدين ، الكندية علاقتي معها رائعة حتى اليوم وبيننا تواصل مستمر ، خصوصًا وان بيننا قواسم مشتركة ،، وشجعتني نطلع مع بعض غلاسكو يوم رايح جاي ، وكانت خير الرفيقة ، لكن سبب عدولي عن موضوع السكن في الهوستل ، اخر يوم لي حزمت حقائب السفر وقفلت عليها في اللوكر ، وحطيت الباك باق فوق اللوكر بحكم ان مافيها شي غالي ، لما صحيت ماحصلت الشنطة ولما طلعت لقيتها عند الباب برا ،
‏السيناريو الي ببالي ان الباب انفتح لما طلعت وحدة من البنات و سحبها وفتشها ومالقى فيها شي يستحق السرقة وتركها ،، الحرامي كان مركز على الهدف واشكره بصراحة لان لو هو اقشر كان تخلص من الشنطة 😅..
‏الهوستل مجمع ناس اغرب ومختلفين تمامًا ، و وصلت لقناعة يومها ، ان الناس برا تسرق لغرض الحاجة وليس التخريب ، ما ابرر لهم لكن في السفر احنا المفروض نكون حريصين مانجيب معنا ممتلكات غالية ولا ملابس مبالغ فيها ، ومن الاشياء الي تعلمتها في السفر اني ما اوضح انا من وين او مرجعي الديني واندمج مع المجتمع كاني وحدة منهم ،،

‏و بيوم العودة قفل علي اللوكر وانا لازم الحق على المطار فسبب لي ربكة مامريت فيها ، ولان مافيه ريسبشن انتظرت موظف يجيني من اخر الدنيا حتى يفتحه لي 🥳 وش حادني عالمرمطة؟ عشان اجرب وهذيني جربت وتعلمت 😆