- اجوبة لبعض اسئلة المناقشة -

- عنوان بحثك ظاهرة منتشرة:
يعني حسب النسب الموجودة في بحثك او شيوع المرض ، واذا ما كان معروف عند عامة الناس.

- شكد اخذت عينات:
تذكرله عدد العينات ، ويفضل تفصله بان ذكور عدد كذا واناث عدد كذا (اذا كان عدك هيج تقسيم)..

- منين جبت العينات:
المستشفى او المركز الي رحتله واخذت العينات منه.

- شنو اسم طريقة دراسة بحثك:
يعني بحثك اما بحث نوعي Qualitative (وهذا بحث ما بيه جداول واحصائيات ويعتمد على الملاحظة والتجارب)
او بحث كمي Quantitative (وهذا اغلب بحوث المعهد، وبيه عينات وجداول واحصائيات ويعتمد على الاعداد والنسب ومناقشتها)

- شلون جيت المصادر وشلون قارنتهن:
يعني تكله بحثت عن مصادر بسنة مناسبة وقريب لسنتنا عن طريق المواقع المعتمدة في البحوث العلمية مثل google scholar .
والمقارنة كانت على الاعداد والنسب المشتركة والموافقة والمخالفة لبحثنا من البحوث الي كانت على نفس موضوع بحثنا.


- شلون كتبت البحث شنو طريقة كتابة المصادر؟
طريقة كتاب المصادر اثنين: اما فانكوفر Vancouver الي هي ترقيم وبالتسلسل
او طريقة جمعية علم النفس الأمريكية APA الي هي تسمية بالاحرف وبالاخير تكون المصادر اما بالابجدية او بالتسلسل .

طبعا اعذروني حاليا مشغول بس راح كل شوية انزلكم شي عن المناقشة بالي اكدر عليه

✓ الدراسة الاسترشادية (pilot study):
- دراسة اولية تكون قبل ما تبدي بالبحث الرئيسي ،
- عن طريقها تحدد وتقيم الامور الاساسية لبحثك (مثل التكلفة، الوقت المطلوب للبحث، الموارد المطلوبة، الادوات المستعملة).
- تكون دراسة صغيرة، وعيناتها كلش قليلة

- فائدتها وغرضها:
1. تحدد فائدة (او جدوى) البحث
2. تحدد المشاكل الي ممكن تواجهها بالبحث
3. تقلل المخاطر والتكاليف (لان تعطي نظرة اولية وتعطي تخطيط مسبق)

• هذا فكرة اساسية عنها.

✓ تصميم البحث (design of study):
- بحوثنا هي وصفية (Descriptive)
• او اسم اخر تحليلية (analytical)

- يعني توصف الحالة او الظاهرة الي عليها بحثك (حالة منتشرة بين الناس)، عن طريق جمع البيانات وترتيبها وتصنيفها (اما عن طريق الفحوصات او الاستبيان او الخ..)

- هيج نوع من البحوث يحدد الاتي:
1. تعريف الحالة (ما هي/what)
2.مكان انتشار الحالة (اين هي/where)
3.وقت انتشار الحالة (متى هي/when)
4. كيفية انتشار الحالة (كيف/how)
• الكيفية يعني تبحث تاثيرها / عددها وكذا امور

• مهم: الدراسة الوصفية ما تبحث عن سبب حدوث الحالة (تبحث عن فقط الي ذكرناه).

فاصل و نواصل

اذا بحثك امحصله على الجاهز ف على الاقل اعرف هذني الاساسيات:

1.شلون كتبت المصادر (باحد الطريقتين الي ذكرتهن فوق) مع تفاصيل كتابة المصادر

2. شلون حصلت المصادر (الموقع المعتمد او الطريقة)

3. شلون تاخذ من المصادر

4. الفصل الثالث مهم، مال منهجية جمع العينات

5. الفئة المستهدفة بالبحث، مثلا اذا بحثك عن الاجهاض ف عيناتكم هي النساء وبالتحديد الي صار عدهن اجهاض.

6. نوع الخط وحجمه:
Times new Roman
14 pt

• بالاضافة للي نزلناه وراح انزله

+ اذا بحثك جاهز اخذته، ف انتم الطلاب المشتركين بيه قسموه عليكم وكل واحد ياخذ جزء وكون يعرف طريقة كتابته ومحتواه والخ..

✓ خدمات صحة المجتمع نظري (اول 4 محاضرات) - مأشرة:
- نقطتين من اسئلة 2022
- جزء من اسئلة المد للمسائي
#خدمات #نظري

اسئلة خدمات صحة المجتمع نظري - المد (مسائي)

الي يشوفها مو واضحة،
اصلا راح اشر الموجود بيها بالمحاضرات فما يحتاج تقراها

ضفنا نقاط الـ صح وخطأ وكم توصيل

عــيـدٌ سـعـيـدٌ وأيامٌ مباركةٌ
وموعدٌ يغمرُ الأرواحَ بالفرحِ

تـقـبّـل اللَّهُ منـكم كـلَّ صالحةٍ
وخصّكم بعظيمِ الأجرِ والمِنَحِ

عيد مبارك وكلّ عام وأنتم بالف خير 🤍

- الاسئلة الاكثر تكرار حسب المناقشة الاولية مالتنا اليوم -

✓ اسم البحث: كلش لحوا عليه وركزوا بيه،
يعني مثلا بحثك «تقييم الآثار البيئية والصحية المتسببة من منطقة الطمر الصحي في محافظة ذي قار وكيفية ايجاد الحلول والمعالجات»
يحلله على نقاط:-
- (تقييم..) شنو كان النتيجة النهائية من التقييم
- (وكيفية ايجاد الحلول والمعالجات...) شنو كانت الحلول والمعالجات الي توصلت الها.
- علاقة اسم بحثك بمحتوى بحثك (اكو ربط لو لا).
• وهكذا مع بقية العناوين .

✓ شلون اشتغلت بحثك: تشرحله الفصل الثالث (ذهبت لكذا مكان وسويت كذا)

والبقية اسئلة معروفة...

❕ الاجوبة مال الاسئلة خاصة بمجاميع الي مشرفهم دكتور قصي ،
بس استفادوا من الاسئلة قد تجيكم باجر، والجواب يكون على حسب بحثك.

❕ اجوبة لاهم الاسئلة

✓ بخصوص عرض الباوربوينت :
- مدة العرض 10-15 دقيقة (كون القاءك ما يتجاوز هاي المدة)

- من تكعد تقرا العرض ، اقرا شي كلش مختصر والزبدة مال السلايد وتحول لغيره (يعني مو تكعد تقرا كل حرف وكل كلمة موجودة واتطول بالعرض).

- اذا بحثك انكليزي فالقراءة لازم بالانكليزي (بالكامل هذا الصحيح)

• ماكو اسئلة عند العرض ، من يخلص العرض تبدي المناقشة والاسئلة عن البحث.

✓ معايير اختيار العينة:
- هذني الامور الثابتة الي موجودة بكل عينة عدك
• مثلا حالة مرضية مشتركة / مكان اخذ العينة / العمر (من عمر كذا الى عمر كذا)

• مثلا بحثك تقييم معارف الممرضين الي عدهم خدمة لا تقل عن 3 سنوات ومن اعمار 25-40 ..
ف تكول بان معايير جمع العينة اختاريت فقط الممرضين الي عدهم خدمة لا تقل عن 3 سنوات ومن اعمار 25 الى 40 والخ..