ان شاء الله راح اشوف الاسئلة وأشر الداخل بالمحاضرات

✓ توليد عملي - 4 محاضرات ماشرة بالاسئلة الاتية:
- المد 2022
- الفاينل 2022
- الفاينل 2021

• الرعاية الاساسية والولادة القيصرية ما لكيت الهن اسئلة فـ ما ذكرتهن.

✓ تصحيح: علامات المخاض 6 نقاط بعد اكو اثنين جوه

لامتحان باجر | توليد عملي

✓ ركزوا على:

- الاختصارات الداخلة (ممكن يجي سؤال عليهن)

- المصطلحات [التعاريف] الداخلة (هم ممكن يجي سؤال عليهن)

- حساب GA / EDD (ممكن يجي حسابهن وي سؤال الكيسات)

• وان شاء الله انزلكم المهم الي قد يجي (على نمط الاسئلة السابقة).

• فكرة الكيسات بالمختصر:

- بدال ما اتجيبلك سؤال nursing care او العلامات والاعراض
- فـ اتجيبلك شرح لحالة مرضية (دخلت المستشفى)
وانت لازم تعرف نوع الحالة (مثلا عملية قيصيرية او انفصال المشيمة او الخ)

- بعدين تجاوب ضمن الي تعرفه والي قاريه

لامتحان باجر، ركزوا على اول محاضرات ما دام دكتور علي دوم يجيب اكثر شي من المحاضرات الاولى

ترتيب المحاضرات:
1. اول محاضرتين مال ست رنا
2. محاضرة الرهاب
3. محاضرة الوسواس القهري

السلام عليكم طلاب ،
اول شي اعتذر إلكم لان انشغلت بالزيارة وكذا وما كدرت انزلكم شي عن بحث التخرج،
بس ان شاء الله ما نسيتكم من صالح الدعوات وان شاء الله تكملون بحوث تخرجكم وتنتهي بخير

- اجوبة لبعض اسئلة المناقشة -

- عنوان بحثك ظاهرة منتشرة:
يعني حسب النسب الموجودة في بحثك او شيوع المرض ، واذا ما كان معروف عند عامة الناس.

- شكد اخذت عينات:
تذكرله عدد العينات ، ويفضل تفصله بان ذكور عدد كذا واناث عدد كذا (اذا كان عدك هيج تقسيم)..

- منين جبت العينات:
المستشفى او المركز الي رحتله واخذت العينات منه.

- شنو اسم طريقة دراسة بحثك:
يعني بحثك اما بحث نوعي Qualitative (وهذا بحث ما بيه جداول واحصائيات ويعتمد على الملاحظة والتجارب)
او بحث كمي Quantitative (وهذا اغلب بحوث المعهد، وبيه عينات وجداول واحصائيات ويعتمد على الاعداد والنسب ومناقشتها)

- شلون جيت المصادر وشلون قارنتهن:
يعني تكله بحثت عن مصادر بسنة مناسبة وقريب لسنتنا عن طريق المواقع المعتمدة في البحوث العلمية مثل google scholar .
والمقارنة كانت على الاعداد والنسب المشتركة والموافقة والمخالفة لبحثنا من البحوث الي كانت على نفس موضوع بحثنا.


- شلون كتبت البحث شنو طريقة كتابة المصادر؟
طريقة كتاب المصادر اثنين: اما فانكوفر Vancouver الي هي ترقيم وبالتسلسل
او طريقة جمعية علم النفس الأمريكية APA الي هي تسمية بالاحرف وبالاخير تكون المصادر اما بالابجدية او بالتسلسل .

طبعا اعذروني حاليا مشغول بس راح كل شوية انزلكم شي عن المناقشة بالي اكدر عليه

✓ الدراسة الاسترشادية (pilot study):
- دراسة اولية تكون قبل ما تبدي بالبحث الرئيسي ،
- عن طريقها تحدد وتقيم الامور الاساسية لبحثك (مثل التكلفة، الوقت المطلوب للبحث، الموارد المطلوبة، الادوات المستعملة).
- تكون دراسة صغيرة، وعيناتها كلش قليلة

- فائدتها وغرضها:
1. تحدد فائدة (او جدوى) البحث
2. تحدد المشاكل الي ممكن تواجهها بالبحث
3. تقلل المخاطر والتكاليف (لان تعطي نظرة اولية وتعطي تخطيط مسبق)

• هذا فكرة اساسية عنها.

✓ تصميم البحث (design of study):
- بحوثنا هي وصفية (Descriptive)
• او اسم اخر تحليلية (analytical)

- يعني توصف الحالة او الظاهرة الي عليها بحثك (حالة منتشرة بين الناس)، عن طريق جمع البيانات وترتيبها وتصنيفها (اما عن طريق الفحوصات او الاستبيان او الخ..)

- هيج نوع من البحوث يحدد الاتي:
1. تعريف الحالة (ما هي/what)
2.مكان انتشار الحالة (اين هي/where)
3.وقت انتشار الحالة (متى هي/when)
4. كيفية انتشار الحالة (كيف/how)
• الكيفية يعني تبحث تاثيرها / عددها وكذا امور

• مهم: الدراسة الوصفية ما تبحث عن سبب حدوث الحالة (تبحث عن فقط الي ذكرناه).

فاصل و نواصل

اذا بحثك امحصله على الجاهز ف على الاقل اعرف هذني الاساسيات:

1.شلون كتبت المصادر (باحد الطريقتين الي ذكرتهن فوق) مع تفاصيل كتابة المصادر

2. شلون حصلت المصادر (الموقع المعتمد او الطريقة)

3. شلون تاخذ من المصادر

4. الفصل الثالث مهم، مال منهجية جمع العينات

5. الفئة المستهدفة بالبحث، مثلا اذا بحثك عن الاجهاض ف عيناتكم هي النساء وبالتحديد الي صار عدهن اجهاض.

6. نوع الخط وحجمه:
Times new Roman
14 pt

• بالاضافة للي نزلناه وراح انزله

+ اذا بحثك جاهز اخذته، ف انتم الطلاب المشتركين بيه قسموه عليكم وكل واحد ياخذ جزء وكون يعرف طريقة كتابته ومحتواه والخ..