(( صاحب نعمتي ))


حسين ... ربــي گلبــي بس الدمــعتك
حسين ... اشنفعه عمري لومآ خِدِمتك
حسين ... ضـــايع انه ابــلايه رحمتك … حسين

من عــالم الـــذِل والـوهم
جيت أثبــتِ أبــحبك قدم
من رحـمة أچــفوفك ردت
ترزقني دمعه اعلى الخيم

شفتك وطن ...... ساجـيتي
وبس مأتمك ...... تعزيتـــي
أذبـــــل وأرد ...... تِحـــيني
يــمك شـفت ...... مـآهيتي

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
ضياع ... يابــو الأكـــبر انــه دونــك
ضياع ... أشـملني من رحمة عيونك
ضياع ... حب وهب ورزقني جونك ... ضياع

صاحب نعمـتي وخير أدَي
يالـــرحمــتك مــنَت علَــيّ
عايش علـى الله ورحمتك
كلهه شـمس بس أنت فـَي

عــنــــك فــلا ...... تبــعدنـي
ومن مجلسك ...... تحـرمني
ماريد أحـــس ...... بالــراحه
ابجرح الخيام ...... أضهدني

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
أعيش ... روحي دمعه ابكل عزِيه
أعيش ... من أبچي للـجـثته رِمِيه
أعيش ... ويه أمـك ابذيچ المِسيه ... أعيش

يالضـامي مــن ماي العـــذب
كل عــمــري انوح وانتـــحب
الموتي أنكسر لإسمك حسين
أوي كلــمة الـناعــــي أشــب

للــماله أخـــــو ...... بالغـــربه
وحافر يدوس ...... ابگـــــلبه
المــــن بعـــــد ...... ياروحي
عايــش أضـــل ...... ياصعبه

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
حنين ... من زغــر گــالتــلي أمــــي
حنين ... مـــن اندبه الگـــــه يمـــي
حنين ... ابكبره همه ويگضي همي ... حنين

فاگد اخــو وفــاگـــد زلــم
أبچي الك يقــــضه وحـلم
ساترني وأنت اعلى الرمل
أبحر الهــجــير ابلا هـــدم

أبچي علـيك ...... أمــربـــــع
لجلي فديت ...... الــــيرضع
قاصر شـــكر ...... يحسيني
بمصابي الك ...... والمـــدمع

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""
لگيت ... أكـــثـــر مــن امـــي تـــحـبني
لگيت ... مــن الــذنب چـفك يگـضـــني
لگيت ... عاصي أجي وحضنك يضمني ... لگيت

أرحــم عليـــه مــن هـلـي
گلبك شفت يابــو عـلـــي
گبـل الربــع گبل الأهــــل
لمن أطيـح تركــض الــي

مديون أضــل ..... لچــفوفك
لآيــذ عـــشت ...... بحروفك
ميــت عطـش ...... ياضامي
وترؤي اليحب ...... إيشوفك

صلى الله عليك يا أبا عبدلله .....
"" "" "" "" "" "" "" "" "" "" "" "" "" "" ""

#اللهم_عجل_لوليك_الفرج

تـبدي حــياتي الصــدگ
مــن اول المـعـــــــــرفه
وحــبك يــدگ بـــالگلب
وبيــه العشــگ تقـــذفه

مثل الطــفل
مـــن ينــولد
ابيــض گلــــب كون
وانــه ابگلب
مذنـب اجي
مــنك ردت عــــون
رايــد عفـــو
من حضرتك
وكل عمري مرهون

يــمك جـــــــبت      ساجيـــــتي
واحنــــــــي الك     ناصـــــــيتي
لـــــولاك انــــــه      متشــــــتت
ضايــــــــع اضل      تاليــــــــتي

درب الحـب---- من گلبــك---- ينــــثر طيبه
واليــــــــبعد ----عن دربك---- نضره اتجيبه
يالجــــــايب---- امــــثالي----وصرت ابهيبه



غلــطه العــمر لو خلـص
غافــل عــن امحـــــبتك
تعـــــــــمه البصـــائر اذا
ماتبــــصر الرحــــــمتك

اوضـح عشــگ
ماينحــــــجب
عن عـــــين الانــــسان
انتـــه الـــــذي
روض الارض
والـــــباقي وديــــــان
واليــحتـــمي
بسد رحـمتك
يتســـمه ســــــلطان

داعــــــيك انـــــه     يالهــــــــفي
اقبلـــني الــــــــك    امد چــــفي
رايــــد اضــــــــل     وي حــــبك
امــــرض عشـــگ     ما اشــــفي

املكــــني ---- وخليــني ---- بــين اعيونك
وسمــيني ---- مو خادم----  لا مـــــديونك
اتشــــرف ---- لو اخـدم ---- ليخـــــدمونك


يابــــو المــــــواجع ردت
مـــن المخـــــــــــيم ألم
تاخـــــذني مـــن دنيتي
وتحطني حـــارس خيم

باســـــط الــك
چـــف وگــلب
يـــم بــــاب الخــــيام
تأذن الــــــــي
انه الــــــــعبد
واتلگـــــه الاســـــهام
عن بـت علي
بلكـــــــي بعد
ماتمـــــشي للـــــشام


كســــرة وجــــــــرح    مايبـــــــرد
زينـــــب صــــــــعب    تتگـــــــيد
اخــــــوتهه مـــــــــن   تتـــــــذبح
كل الخـــــــــــــــــيم    تتـــــفرهد

وعالهـــزله ---- المـتعوبه ---- تصــعد زينب
وبالكـــوفه----ايفروهـــا ---- هاي الاصـعب
وحســينچ----  يانـــاره ---- وخدره امسلب



عــاش ابضمــيري العــطش
واتخـــــيل اهــل الضــــعن
هيــــــه التـــــــــحز بالگلب
زينــــــب تــــــدور وطــــن

ياغربتـــــــچ
بين الــــــفلا
كـــــون اليـــواسيچ
من يـــــنذكر
طاري السبي
يتــــــغرب اعليـــچ
دمعچ نـــزل
مثل الجـمر
يادمـــعه ترويــــچ

حســـــين انــــذبح    من ضـــــيمه
شـــــــاف العطــش    بالخــــــــيمه
وانــــــه الـــــــدمع     ملكــــــــيتي
واســــــمع خـــــدر     بالهــــــــيمه

ياگلبـي----اعله الراحت ----اسبي اجروحي
ياراحه ---- وعالرمضه ---- ضل مذبـــوحك
عالطايح ----متـــــوذر ---- طول نــــــوحك

#اللهم_عجل_لوليك_الفرج