Ижтимоий тармоқларда Тошкентда эр аёлини ўлдириб, жасадини 2 кун машинасида сақлаб юргани ҳақидаги хабарлар тарқалган.

Ҳозирда ушбу ҳолатни аниқлаштириш юзасидан иш олиб борилмоқда

Натижаси ҳақида хабар қилинади.

Telegram I Twitter

Эр турмуш ўртоғининг мурдасини 2 кун мобайнида автомашинасида олиб юрганлиги ҳолати ўз тасдиғини топмаган.

Ҳозирда комиссиявий судга оид тиббиёт экспертизаси ўтказилмоқда.

Текшириш ҳаракатлари Бош прокуратура томонидан назоратга олинган.

Telegram I Twitter

Ижтимоий тармоқларда Тошкентда эр аёлини ўлдириб, жасадини 2 кун машинасида сақлаб юргани ҳақидаги хабарлар юзасидан маълумотга аниқлик киритамиз.

Бош прокуратура томонидан олинган маълумотларга асосан, 2022 йил 10 июнь куни Тошкент шаҳри Яккасарой туманида яшаган эркак ўзи билан шаръий никоҳда бўлган 35 ёшли аёл учун тез тиббий ёрдам чақирган. Тиббиёт ходимлари соат 09:00 да Д.Ж.нинг уйига етиб келиб, кўрсатган тиббий ёрдамга қарамасдан, соат 09.45 да аёл яшаш уйида вафот этган.

Шундан сўнг, соат 11:27 да тез ёрдам ходимлари томонидан "102"га хабар берилган, ҳодиса жойига тергов-тезкор гуруҳи келиб, суд-тиббиёт экспертизаси тайинлаш ҳақидаги қарор профилактика инспекторига тақдим этилган. Шу куннинг ўзида соат 14:00 ларда экспертиза бюросида мурдани экспертизадан ўтказиш бошланган.

Ижтимоий тармоқларда кўп муҳокамаларга сабаб бўлаётган видеотасвир жорий йил 10 июнь куни соат 18:00 ларда марҳуманинг мурдаси суд-тиббиёт экспертизаси текширувларидан олиниб, турмуш ўртоғи томонидан Тошкент шаҳри Яккасарой туманидаги яшаш жойига автомашинада олиб келинган вақтда тасвирга олинган.

Telegram I Twitter

Ўзбекистон Республикаси Президентининг “Ўзбекистон Республикаси давлат мустақиллигининг ўттиз бир йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисида"ги Фармони билан прокуратура органларида хизмат қилаётган бир гуруҳ ходимлари ҳам мукофотланди.

Telegram I Twitter

Kun.uz сайтида "Судья ёрдамчиси катта тезликда пиёдани уриб юборган. Пиёда ҳодиса жойида вафот этган" сарлавҳали хабар чиқарилган.

Аниқланишича, 30 август куни соат 01.40 ларда 21 ёшли ҳайдовчи ўзига тегишли бўлган “Нексия-3” русумли автомашинасида М.Улуғбек кўчасида жойлашган пиёдалар ўтиш жойидан йўл-қатнов қисмини кесиб ўтаётган 41 ёшли пиёдани (эркак) уриб юборган.

Олган оғир тан жарохатлари оқибатида пиёда воқеа жойида вафот этган.

Мазкур ҳолат юзасидан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Ҳозирда Тошкент шаҳар ИИББ Тергов бошқармаси томонидан тергов ҳаракатлари олиб борилмоқда.

Telegram I Twitter

Mustaqilligimiz abadiy bo‘lsin 💙🤍💚

Фарғона вилояти Ўзбекистон туманида давлат мактабгача таълим ташкилотининг 4 ёшли тарбияланувчи бола дарёда чўкиб вафот этганлиги ҳолати юзасидан Жиноят кодексининг 116-моддаси 3-қисми (Касб юзасидан ўз вазифаларини лозим даражада бажармаслик) ҳамда 167-моддаси 2-қисми “г” банди (Ўзлаштириш ёки растрата йўли билан талон-торож қилиш) билан жиноят иши қўзғатилди.

ДМТТнинг молиявий фаолияти ўрганилганда, тарбияланувчилар учун сарфланиши лозим бўлган 24,3 млн. сўмлик озиқ-овқат маҳсулотлари талон-торож қилинганлиги ҳам аниқланган.

Тергов ҳаракатлари олиб борилмоқда.

Telegram I Twitter

Тошкент шаҳрининг Чилонзор туманидаги ҳудудда қурувчи ташкилот томонидан 58 туп ҳар хил турдаги дарахтлар қонунга хилоф равишда кесиб юборилганлиги оқибатида табиатга 797,7 млн. сўм миқдорида зарар етказилган.

Ўтказилган текшириш натижасига кўра, қурувчи ташкилот мансабдор шахсларига нисбатан Жиноят кодексининг 198-моддаси 3-қисми (Экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) билан жиноят иши қўзғатилди.

Тергов ҳаракатлари олиб борилмоқда.

Telegram I Twitter