مفيش حاجة فالدنيا سهلة يعني كل مكسب ليه ضريبة :

-يعني لا قلة الشغل مريحة ولا كترته مريحة.
-ولا الغربة سهلة ولا سحلة الشغل جوه البلد سهله.

-ولا إنك تفتح شركة سهل ولا كونك موظف بسيطة.
-لا عمل العلاقات سهل ولا قطع العلاقات شئ جميل.
-لا تجميع الفلوس بيشبّع ولا قلتها بيموت من الجوع.

الخلاصة :
الدنيا كلها شقى وتعب وكل واحد حر في إختياراته المهم خليك راضي عن نفسك وعن قراراتك ودايما متقارنش نفسك بحد وتوكل وكمل ف طريقك صدقني فالآخر هترتاح من اللي وصلتله.

المُحاسب الذي لا يتقدم يسقط، وفرصه بالسوق محدودة وصعبة ، أما المتقدم فهو مطمع للكثير من الجهات✨
أبرز فرص التطور الوظيفي والمهني - الاطلاع المستمر على أبرز التحديثات في التخصص والبحث والقراءة في الأنظمة واللوائح والمعايير ذات الصلة بالعمل المحاسبي.

الحصول على الشهادات المهنية يتطلب صبر ومذاكرة
اللي بيزهق من المحاضرات الطويلة لا يفكر في الشهادات المهنية

لن تفهم التدقيق ولا المعايير ولا المحاسبة الادارية ولن تحصل على الزمالة الا اذا عودت نفسك على التحمل : وتخصيص من ساعتين الى ثلاث ساعات يوميا للمذاكرة ومتابعة المحاضرات
الفيديوهات الشورتز هي للناس الفاهمة تعتبر كبسولات تذكير

🎯 رسالة للشباب الحالم بالشهادات المهنية

كتير من الشباب في المحاسبة بيحلموا بالشهادات المهنية عشان يتجنبوا التوهان اللي وقع فيه غيرهم. لكن الحقيقة:

ان قليل جدًا ال بينجح فعلاً وياخد الشهادة.
الأغلبية بتقع في وهم حلم الشهادة، وبتضيع وقتها وأحلامها أكتر. والوقت بيجري جامد
الحل؟
قبل ما تجري ورا الشهادة، ركز على الأساسيات:

افهم المحاسبة بجد مش مجرد حفظ.
اتعلم أدوات عملية زي الإكسيل.
اتقن التكاليف، القوائم المالية، التحليل المالي، والضرائب.
اربط بين الدراسة والتطبيق العملي في شغلك.
الشهادة خطوة مهمة، بس مش كفاية لوحدها. افهم شغلك كويس وهتلاقي نفسك على الطريق الصح تلقائيًا.

⏳ ابدأ النهاردة... لأن الوقت مش بيستنى!

صباح الخير عليكم☺️
📌 Factoring of Accounts Receivable – التمويل السريع بدون انتظار العملاء! 💰
📊 معاك فواتير مستحقة بس الكاش عند العملاء وانت محتاج فلوس دلوقتي؟ 🤔 الحل: الـ Factoring!
يعني إيه Factoring؟ 🤷‍♂️
ببساطة، الـ Factoring هو لما تبيع حسابات المدينين (Accounts Receivable) لشركة تمويل (Factor) عشان تاخد كاش فورًا بدل ما تستنى العملاء يدفعوا بعد شهر أو أكتر. طبعًا الشركة اللي بتشتري الفواتير بتاخد عمولة مقابل المخاطرة.
🔹 أنواع الـ Factoring 🏦
1️⃣ 📌 With Recourse (مع حق الرجوع)
✅ لو العميل ما دفعش، الفاتورة بترجع لك ولازم تدفعها بنفسك.
✅ المخاطرة عليك، بس العمولة اللي هتدفعها لشركة التمويل بتكون أقل.
✅ بيستخدمه الشركات اللي واثقة إن عملاءها هيدفعوا وما عندها مشاكل في التحصيل.
2️⃣ 📌 Without Recourse (بدون حق الرجوع)
✅ لو العميل ما دفعش، شركة التمويل هي اللي تتحمل الخسارة، وانت مش مسئول عن الدفع.
✅ المخاطرة على الشركة التمويلية، فبيطلبوا عمولة أعلى.
✅ مناسب للشركات اللي عندها مخاوف من عدم سداد بعض العملاء.
🔹 الفرق بين الـ Factoring والـ Discounting 💡
❌ Factoring: بيع الفواتير لشركة تمويل، اللي بتتولى التحصيل بنفسها.
❌ Invoice Discounting: الشركة بتاخد قرض بضمان الفواتير، لكنها تفضل مسئولة عن تحصيلها بنفسها.
🔹 إيه الفايدة من الـ Factoring؟ 🤩
✅ تحسين التدفق النقدي (Cash Flow) بسرعة بدون انتظار العملاء.
✅ تقليل المخاطر الائتمانية (Credit Risk) لو استخدمت Without Recourse.
✅ توفير وقت ومجهود، لأنك مش هتحتاج تطارد العملاء عشان يدفعوا.
✅ إمكانية الحصول على تمويل حتى لو البنك رفض القرض.
⚠️ ❌ بس خد بالك من العيوب!
❌ الشركات التمويلية بتاخد عمولة (Factoring Fee) بتتراوح بين 1% - 5% أو أكتر حسب المخاطرة.
❌ ممكن يضر بعلاقتك مع العملاء لو حسّوا إنك مش واثق فيهم وسلمتهم لشركة خارجية.
❌ مش مناسب لكل أنواع الشركات، خصوصًا اللي عندها هامش ربح قليل.
📍 مثال عملي:
📌 شركة عندها $100,000 Accounts Receivable من عملائها، لكنها محتاجة سيولة فورية (Immediate Cash).
📌 قررت تبيع الفواتير لشركة Factoring بدون حق الرجوع (Without Recourse) بعمولة 3%.
📌 هتحصل على $97,000 كاش فورًا، وشركة التمويل تتحمل أي مخاطر لو العملاء ما دفعوش.
📢 هل شايف الـ Factoring حل مناسب لشركتك؟ ولا تفضل طرق تمويل تانية؟ 🤔 شاركنا رأيك في التعليقات! 👇😊
وللحديث بقية ....

أكبر إنجاز تقدر تعمله لنفسك في الزمن ده هو إنك تكون إنسان محترم ، و متربي و مسيطر على نفسك و سلوكك و محافظ على كرامتك ..
متحكم في أفعالك و دائماً عندك مسطرة أخلاقية ماشي عليها و عارف حدودك ..
و ديماً إفتكر إن "وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً"

لو انت محاسب و دخلت شركة صغيرة ومفيهاش سيستم أو سيستم فيه بيانات او مستندات غير واضحة وعايز تنظم المستندات وتطلع ميزان مراجعة مظبوط لأصحاب المصلحة والمراجعيين الخارجيين .

تعالى أقولك على بعض الحاجات اللى تظبط فيها شغلك :-

🟢1- ميزان المراجعة :- تأخذ الميزان المراجعة الموجود حاليا معاك فى اكسل شيت كدة وتبدأ تعمل له Mapping بالبنود الرئيسية له في بنود ميزانية وقائمة دخل وتبدأ تمسك بند بند كدة تراجعة وتحلله أزاى تعالى أقولك بالترتيب ونبدأ أولا بالترتيب لبنود الميزانية.

🟢2- الأصول الثابتة : - تمسك الأصول الثابتة فى الشركة وتشوف الملف فيه أى فواتير مشتريات وعقود الشراء للأصول وتطابقة مع سجلات الاصول الثابتة فى الشركة أولا علشان مستندات الأصول مهمة جدا جدا وبعدين تعمل لجنة جرد فعلى للأصول الثابتة فى الشركة كلها ولو أمكن تعمل Tag للأصل يبقي جميل بالمرة وتطابقة مع المسجل فى الدفاتر وقرار مجلس ادارة او اللى عندة صلاحية التوقيع على استبعادات الاصول لو مش موجودة وتشوف فواتير المشتريات لو الاصول موجودة وممكن تكون تم تسجيلها من قبل كدة كمشتريات مواد او تعمل سجل جديد بقيمة سوقية اذا كان مفيش أصلا سجلات للأصول الثابتة ( ازاى اعمل 🤷‍♂️ قيمة سوقية من خلال مقيم أصول ثابتة لو الاصول قيمتها كبيرة أوفي حالة عدم توفر معلومات كافية تشوف تسعيرات من موردين لنفس الاصل من أكثر من مورد وتأخذ القيمة الوسطى ) وتقدر تعمل عمر تقديرى للاصل وتعمل اهلاك للاصول الثابتة بجدول الاصول الثابتة وماتنساش تتأكد من قيد الاهلاك تم بشكل صحيح وتختلف نسبةً الإهلاك من تصنيف الاصل الى تصنيف أخر ( السيارات مش زي المعدات الثقيلة مش زي أجهزة الكمبيوتر) وبكدة تقدر تطابق الاصول الثابتة ومجمع الأهلاك مع ميزان المراجعة بتاعك بشكل صحيح .

🔷3- حسابات المخزون :- تقدر تعمل جرد فعلى للمخزون فى تاريخ الميزانية وتعمل له أكواد مخزون للاستلام والتسليم لكل بند من بنود المخزون وتبدأ تصنف المخزون بتاعك على حسب التصنيف التالى ( مخزون مواد خام – مخزون إنتاج تام – مخزون قطع غيار – مخزون مواد تجارية لو انت بتشتريها وتبيعها ) وتبدأ تعمل لها سجل على الاكسل شيت أو تعدلها على السيستم بتاعك بما يعادل قيمة المخزون الفعلى ( طبقا لطرق تقييم المخزون واللى عايزة وقت تانى لشرحها ) بعد الاجراءات للتحقق من أسباب هذه الفروقات كانت ناتجة عن أخطاء في التسجيل، سرقة، تلف، أو أسباب أخرى وبالتالى بعد التحقق من نتيجة الفروقات هتبان طريقة تسجيل الفروقات وغالبا هتكون تكاليف او مصروفات لحين التحقق منها لأنها مفيش دفاتر منتظمة من الاول طبعا . وبالتالى تكون طابقت المخزون بتاعك مع ميزان المراجعة .

🔷4- حسابات العملاء أو المدينين :- تبدأ تشوف أرصدة العملاء فى ميزان المراجعة وتفاصيل العملاء المدينيين وتراجع التحصيلات من كشف حساب البنك خلال الفترة مع أرصدة العملاء وتسجل الدفعات لو مش مسجلة وبعدين تعمل مطابقات أرصدة معاهم علشان تشوف الفروقات معاهم وتبدا تعمل لها مطابقة وتسوية لحد ما تظبط الرصيد بتاعك مع أرصدتهم وبالتالى تكون كشف الحساب مظبوط معاك وأساس لبعد كدة .ولو فى عملاء أرصدتهم أكثر من سنة ومفيش تحصيل منهم ممكن تعمل لهم مخصص ديون مشكوك فى تحصيلها طبقا للمعيارالذي يغطي الخسائر الائتمانية المتوقعة فهو IFRS 9.

كمل نقطة ٥ و ٦ في التعليقات

نكمل باقى بنود الميزانية وقائمة الدخل فى بوستات أخرى

شاركني رأيك 🙏

هل الشهادات المهنية فنكوش مالهاش لازمة ام أساسية فى طريقك ؟
خلينا نرد على هذا السؤال بسؤال بالنسبة لايه من اى منظور .طبعا الرد على سؤال بسؤال ده من عادتنا كمصريين ومش تخلف لانه موجود فى علم الإدارة .
طيب لو حضرتك لبست نظارة أن الشهادات المهنية أنها فنكوش و مالهاش لازمة وقاعد فى التالتة يمين تعالى حقولك انتا صح
أيوة فعلا فنكوش بس فى أى حالات تعالى ونشوف
اولا لو حضرتك بتقول انها فنكوش
١. علشان بقا أعداد كبيرة حاصلين عليها فأحب اقول لحضرتك دى حيلة نفسية مخك بيخدعك بيها علشان ما تبذلش مجهود فى مسار تعلم إنما لما تعمل اسكرول على الموبايل اسهل وأمتع . انتا محتاج تكون صادق مع نفسك انك نفسك مش طويل وبعدين بعدها ناخذ مسار تعلم خطوات بسيطة جدا تدينا قدر من التعلم فى وقت بسيط وهكذا يبقا انا مش حتابع الشهادات بس مش حذم فيها بس يكون مطلع وده مناسب جدا
٢. لو وصلت لحالة التكبر على الناس بعلمك اقدر اقولك انتا صح الشهادات المهنية فنكوش . فى مسار التعلم حيجيلك عجب بنفسك ولابد بس لو خليت نفسك تسوقك ومش انتا اللى تسوق نفسك بفضل الله فكانك دخلت مرحلة الكبر ولا يدخل الجنة من كام فى قلبه مثقال ذرة من كبر واصبح قارون قدوة لك هو قارون قال ايه . إنما اؤتيته على علم عندى . يبقا ياريتك ما تعلمت لان اصبحت الشهادات المهنية وبال عليك .
٣. لو تعلمت الشهادات المهنية واصبح عندى علم والتف على القوانين والتشريعات والحلال والحرام وادور على ثغرات علشان اكل العيش وراتبى ومكانتى تزيد . وقتها اقولك أن الشهادات المهنية فنكوش لانك لم تستثمر العلم فى انك تطيب تأخذ رزقك من رزق حلال . بس احيانا قد يصل الأمر انك تبيع اخرتك بدنيا غيرك . اطب مطعمك تكن مستجاب . اطب مطعمك تستقيم لك حياتك وأسرتك . المال فتنة كبيرة . وانتا بتكون سبب فى إدارة أموال الناس فادرها بالحق وليس بالباطل .
٤. لو تعلمت الشهادات المهنية علشان يكون نيتىك أن الناس تتكلم عنك . مع أن البريسنوال برانديندج مهم ولكن تكون نيتك هى ده أساسها قربك مطلع عليها . اول من تسعر النار بهم عالم . رد ربنا عليه انك تعلم العلم ليقال عالم وقد قيل . ده مع افتراض أن العالم هنا فى اى مجال بخلاف العلم الشرعى . فالشهادات المهنية كانت وبال عليه وقتها اقولك أن الشهادات المهنية فنكوش . أما البريسنوال برانديندج مهم بس الإكثار منه كارثة وأبسط شىء ربنا بيقول ورسلا لن نقصصهم عليك .
طب تعالى نشوف من نظارة هل الشهادات المهنية أساسية فى طريقك ؟
احب اقولك انتا صح
١. لانك اخذت مسار تعلم وبتكمل فيه رغم اى صعوبات بتقابلها
من مجهود بتبذله وسهر ومع عملك وانك تأخذ من راحتك ووقت اسرتك وتتعرض لظغوطات مادية ومجتمعية أمام مجهول انتا بس اللى شايفه من الاول مع انك تعمل سكرول اسهل على الموبايل
٢. انك تتعلم العلم علشان يكون أحد أسباب الرزق
٣.ان الشهادات المهنية عبارة عن عدد ساعات تدريب طويلة فى بعض الشهادات قد تصل إلى ٢٠٠٠ساعة تدريب . مع لغة ليست لغتك الام . مهارات فى التعامل مع الاسءلة وعامل الوقت
٤. الشهادات المهنية ليست عبارة عن ورقة انتا فرحت انك اخذتها وعلقتها . دى عبارة عن مسار تعلم وعدد ساعات تدريب واعتماد دولى انك اجتزت المهارات المطلوبة منك و مهارات أخرى مثل إدارة الوقت وانك عندك انضباط ذاتى بعد فضل ربنا عليك
٥. انك تكون قدوة لغيرك ومثال يحتذى به فى اسرتك أو داءرة اكبر
٦. بتساعدك أنها تفتح لك باب فى دخول فى شركات
اخيرا الشهادات المهنية أحد أسباب الرزق وليست انك لو اخذت شهادات مهنية راتبك حيوصل كذا وكذا الكلام ده مغلوط .

https://www.linkedin.com/posts/eslam-salama-987a2211b_%D9%87%D9%84-%D8%A7%D9%84%D8%B4%D9%87%D8%A7%D8%AF%D8%A7%D8%AA-%D8%A7%D9%84%D9%85%D9%87%D9%86%D9%8A%D8%A9-%D9%81%D9%86%D9%83%D9%88%D8%B4-%D9%85%D8%A7%D9%84%D9%87%D8%A7%D8%B4-%D9%84%D8%A7%D8%B2%D9%85%D8%A9-%D8%A7%D9%85-activity-7294217048874795010-iXd0?utm_source=share&utm_medium=member_desktop

هي الدُنيا كده ، تتكعبل في بوست شغل و إنته عالسرير وبتنام و تبعت الCV وتتقبل وتشتغل وتمسك مرتب وتترقي ويبقا أكبر باب خير ليك ، تعرف ناس و تعاشرهم و تحبُّهم و يخزوقوك و تتوجع بعدين تختار ناس عالفرّازه يكمّلوا حياتهم معاك ، تروح ميعاد شغل تقابل بنت تخلص شغلك و تمشي بعدين تقابلها تاني صدفه و تبدأ قصه كانت أبعد ما يكون عن خيالك ، هي الحياه كده ، مهما رتبتلها ملهاش ترتيب ، مهما كنت مآمن إنك هتصحي بكره بنفس حياتك النهارده هتلاقي الدنيا ليها ترتيبات تانيه تماماً ، خططك دي كلها بتكون من باب الإستعانه و التوكل، بس صدقني مفيش حد حسبها فالدنيا و صابت ١٠٠٪ ، فكّر فيها هتلاقي كُل أو أغلب اللي إنته فيه دلوقتي محض صدفه ، و كرم من رب خزاينه مابتفضاش ، متحسبهاش أَوي ، أستعن و توكّل ، الحمدُلله

لو انت لسه مبتدئ في المالية، ابدأ بـ:

_فهم أساسيات المحاسبة المالية.
_تحليل القوائم المالية لأي شركة.
_تعلم Excel لإعداد التقارير المالية.
_دراسة التدفقات النقدية وإدارتها.
_فهم الفرق بين الربحية والسيولة والاستدامة.

ابدأ بالتدريج ومع الوقت طور نفسك وهتوصل للأفضل

إقفال الحسابات المؤقتة هو عملية محاسبية تتم في نهاية الفترة المالية لإغلاق الحسابات المؤقتة (مثل الإيرادات والمصروفات وحسابات المسحوبات الشخصية) ونقل أرصدتها إلى حسابات دائمة، وذلك لتحديد نتيجة النشاط (ربح أو خسارة) ولتهيئة الحسابات لفترة مالية جديدة.


---

ما هي الحسابات المؤقتة؟

الحسابات المؤقتة هي حسابات تُستخدم فقط خلال فترة مالية واحدة، ثم يتم تصفيرها في نهاية تلك الفترة. تشمل:

1. الإيرادات: مثل المبيعات، خدمات مقدمة، دخل إيجار.


2. المصروفات: مثل الرواتب، الإيجارات، مصروفات تشغيل.


3. حساب المسحوبات الشخصية: في الشركات الفردية أو الشراكات.




---

خطوات إقفال الحسابات المؤقتة:

1. إقفال حسابات الإيرادات:

تُنقل أرصدة جميع الإيرادات إلى حساب يسمى ملخص الدخل (Income Summary).

القيد المحاسبي:

من حـ/ الإيرادات (كل الإيرادات)
إلى حـ/ ملخص الدخل


2. إقفال حسابات المصروفات:

تُنقل أرصدة المصروفات إلى ملخص الدخل.

القيد المحاسبي:

من حـ/ ملخص الدخل
إلى حـ/ المصروفات (كل المصروفات)


3. تحديد صافي الربح أو الخسارة:

يتم احتساب الفرق بين الإيرادات والمصروفات في حساب ملخص الدخل.

إذا كان الرصيد دائنًا (الإيرادات > المصروفات): صافي ربح.

إذا كان الرصيد مدينًا (المصروفات > الإيرادات): صافي خسارة.


يُغلق حساب ملخص الدخل في حساب رأس المال (في الشركات الفردية) أو الأرباح المحتجزة (Retained Earnings) في الشركات.

القيد المحاسبي:

في حالة الربح:

من حـ/ ملخص الدخل
إلى حـ/ رأس المال (أو الأرباح المحتجزة)

في حالة الخسارة:

من حـ/ رأس المال (أو الأرباح المحتجزة)
إلى حـ/ ملخص الدخل



4. إقفال حساب المسحوبات الشخصية (إن وُجد):

يتم نقل رصيد المسحوبات الشخصية إلى حساب رأس المال.

القيد المحاسبي:

من حـ/ رأس المال
إلى حـ/ المسحوبات



---

نتيجة الإقفال:

تُصبح أرصدة جميع الحسابات المؤقتة صفرًا.

تُنقل نتائج الأداء المالي إلى الحسابات الدائمة (مثل رأس المال أو الأرباح المحتجزة).

الحسابات جاهزة لفترة مالية جديدة.



---

أهمية إقفال الحسابات المؤقتة:

1. تحديد نتيجة النشاط المالي (الربح أو الخسارة).


2. إعداد القوائم المالية بشكل دقيق.


3. تهيئة الحسابات لفترة مالية جديدة دون تداخل الأرصدة السابقة.


4. تحسين الإدارة المالية والرقابة.

ليه المحاسب لازم يفهم الضرائب حتى لو مش شغال في الضرائب؟

كتير من المحاسبين لما بيسمعوا كلمة "ضرائب"، بيفتكروا إن ده تخصص لوحده، وإنه "مش شغلي"، ودي أكبر غلطة!
الحقيقة إنك كمحاسب، لازم تبقى فاهم الضرائب حتى لو مش شغال في قسم الضرائب، لأن شغلك اليومي كله مرتبط بيها، وأي خطأ بسيط ممكن يعرض شركتك لمشاكل وغرامات

تعالى نشوف ليه الموضوع ده مهم، وازاي ممكن تبدأ تفهم الضرائب بسهولة:

1. المحاسبة والضرائب.. إيد واحدة!
أي قيد يومي بتسجله، أي فاتورة بتراجعها، وأي مصروف بتثبته، كل ده له علاقة بالضرائب
لو ما حسبتهاش صح، الشركة ممكن تدفع ضرائب زيادة، أو تقع في مشكلة مع مصلحة الضرائب

أمثلة بسيطة:
لما تسجل فاتورة شراء، هل فيها ضريبة قيمة مضافة (VAT)؟
لما تصرف مرتبات، هل حسبت ضريبة كسب العمل على الموظفين؟
لما تدفع لحد مقابل خدمة، هل خصمت منه ضريبة خصم وإضافة؟
لو مش واخد بالك من الكلام ده، ممكن القيد يبقى شكله سليم، لكن الضريبة فيه غلط

2. أنواع الضرائب اللي لازم أي محاسب يفهمها:
أ) ضريبة القيمة المضافة (VAT)
نسبة حاليًا 14% في مصر على معظم السلع والخدمات
لما تشتري حاجة للشركة، المفروض تسجل الضريبة دي كمبلغ منفصل
لما تبيع، لازم تضيف الضريبة على الفاتورة، وتسددها للدولة

الغلط اللي بيحصل:
ناس بتحسب الضريبة ضمن المبلغ، وبتنسى تفصلها في الحسابات.
أو بيحطوا رقم غلط، والشركة بتدفع أكتر أو أقل

ب) ضريبة كسب العمل (ضرائب المرتبات)
نسبة متغيرة حسب دخل الموظف، وبتبدأ من 0% لحد 25%
المحاسب مسئول إنه يخصم الضريبة دي من الموظف كل شهر، ويسددها للدولة
الغلط اللي بيحصل:

ناس بتحسبها بطريقة تقديرية، وبتكتشف بعدين إنها سددت غلط
لو في بدلات أو حوافز، بيتلخبطوا هل عليها ضريبة ولا معفاة

ج) ضريبة الخصم والإضافة (Withholding Tax)
لما تدفع لمورد أو مقدم خدمة (زي مقاول، مصمم جرافيك، استشاري)، لازم تخصم منه نسبة ضريبة (5% مثلًا) وتوردها للدولة
بعد كده بتدي المورد شهادة تثبت إنه اتخصم منه المبلغ ده

الغلط اللي بيحصل:
ناس بتدفع الفاتورة كاملة، وبتنسى تخصم الضريبة
المورد بيطالب بشهادة الخصم، والمحاسب بيتزنق

3. لو مش فاهم ضرائب.. إيه اللي ممكن يحصل؟
ممكن الشركة تدفع أكتر من حق الدولة، وده خسارة
أو تدفع أقل، وتتغرم لما تيجي المراجعة
ممكن مأمورية الضرائب ترفض دفاتر الشركة لو فيها أخطاء
ممكن تتأخر في سداد الضرايب، ويتحسب عليك غرامات تأخير

الخلاصة:
كمحاسب، فهمك للضرائب مش رفاهية، ده جزء أساسي من شغلك
كل جنيه بيتحرك في الشركة ليه تأثير ضريبي، ولو فهمت ده، هتبقى قيمة كبيرة جدًا في شركتك
"المحاسب الناجح هو اللي يعرف يجاوب لما المدير يسأله: الفاتورة دي عليها ضريبة كام؟"

الوعاء الزكوي :

هو المصطلح الذي يُطلق على المال أو الأصول التي تُفرض عليها الزكاة وفقًا للشريعة الإسلامية

الزكاة هي أحد أركان الإسلام الخمسة، وهي فريضة واجبة على المسلمين الذين يملكون نصابًا معينًا من الثروة

يشمل الوعاء الزكوي أنواعًا متعددة من الأموال والأصول التي تختلف حسب طبيعتها، ويمكن تفصيلها كما يلي :

1 - الأموال النقدية :

الأموال السائلة
سواء كانت بالعملة المحلية أو الأجنبية، تخضع للزكاة إذا بلغت النصاب (ما يعادل 85 غرامًا من الذهب) ومضى عليها حول كامل (عام هجري)

يشمل ذلك الرواتب المستحقة وما في حكمها الحسابات البنكية، والأرباح المتراكمة


2 - الذهب والفضة :

يُفرض على الذهب والفضة زكاة إذا بلغا النصاب

النصاب هو 85 غرامًا من الذهب و595 غرامًا من الفضة

تشمل الزكاة الحلي غير المستعمل للتزين، مثل المدخرات من الذهب


3 - عروض التجارة :

يقصد بها الأموال المخصصة للتجارة، مثل البضائع والسلع المخصصة للبيع


تُحسب الزكاة على قيمة البضائع المتوفرة عند نهاية العام بسعر السوق

يدخل في ذلك أيضًا رؤوس الأموال المستثمرة في التجارة


4 - الأصول البيلوجية:

المحاصيل الزراعية تخضع للزكاة إذا بلغت النصاب، الذي يعادل 5 أوسق (ما يقارب 653 كيلوغرامًا من الحبوب أو الثمار)

تُفرض الزكاة بنسبة 10% إذا كانت تسقى طبيعيًا (بالمطر)، و5% إذا كانت تُروى باستخدام وسائل الري

وتشمل أيضا الأنعام التي تُستخدم للإنتاج أو التجارة و مثل الإبل و البقر و والغنم

يجب أن تبلغ النصاب وتكون سائمة (ترعى في البر مجانًا معظم السنة)


5 - العقارات :

العقارات المعدة للتجارة تخضع للزكاة

أما العقارات المستخدمة للسكن الشخصي أو المؤجرة فلا زكاة عليها إلا على العائد المالي منها

6 - الاستثمارات :

يشمل ذلك الأسهم والسندات إذا كانت للاستثمار، وتُفرض الزكاة على قيمتها السوقية أو على الأرباح الناتجة عنها

أيضًا الصناديق الاستثمارية والودائع البنكية طويلة الأجل


طريقة حساب الزكاة :

يتم تحديد القيمة الإجمالية للأصول أو الأموال التي تخضع للزكاة بعد خصم الديون المستحقة

تُحسب الزكاة بنسبة 2.5% من إجمالي قيمة الوعاء الزكوي

تأثير الزكاة علي القوائم المالية :

من منظور محاسبي الوعاء الزكوي له تأثير مباشر على القوائم المالية للمنشآت، خاصة في الدول التي تُطبق الزكاة كمستحق قانوني على الشركات يتطلب ذلك معالجة خاصة في القوائم المالية حيث تُعتبر الزكاة التزامًا ماليًا يجب قياسه والإفصاح عنه

1 - قائمة المركز المالي :

الالتزامات :

تُدرج الزكاة كمستحق ضمن الخصوم (المطلوبات المتداولة)، وتُسجل كمبلغ مستحق الدفع للجهات المختصة

وتصنف الزكاة المستحقة تحت "الخصوم المتداولة" لأنها عادة تُسدّد خلال عام


الأصول :

تؤثر الزكاة على قيمة الأصول، خاصة تلك الداخلة ضمن الوعاء الزكوي (مثل النقدية، الذمم المدينة، المخزون، والاستثمارات)

2 - قائمة الدخل :

تُعتبر الزكاة التزاما ماليًا يُخصم من الأرباح في نهاية الفترة المالية

تُدرج الزكاة كبند مستقل تحت المصروفات



المعالجة المحاسبية للزكاة :

القيد المحاسبي عند احتساب الزكاة :

من حـ/ مصروف الزكاة
إلى حـ/ الزكاة المستحقة

ب) القيد المحاسبي عند سداد الزكاة:

من حـ/ الزكاة المستحقة
إلى حـ/ النقدية


تعكس الزكاة أهمية كبري للشركات من حيث الامتثال القانوني والشرعي

حيث يُظهر التزام الشركة بالقوانين والضوابط الشرعية مما يعزز مصداقيتها