‏"أدكّ الأرض لا منّك زعلتي بالخطاوي دكّ /
‏أسابق بالرضا دمعك .. قبل لا يجرح أهدابك"

تعبت أتقيّد في سجن وجهك القتّال

ومثل ما قال الدحيح "جرح الرفضِ بالذات مش أقل من ست غرّز" و قِس على ذلك.

النفوس العظيمه تعرف اللّي تبيه
‏ما تدوّر رضا العالم وتركض وراه

‏من يجامل وجيه ويستحي من وجيه
‏راح عمره وهو يمشي بدون إتجاه

‏إلبس اللي يعجبك واكل ماتشتهيه
‏دامك في طاعة الرحمن عيش الحياه

‏لا تروح لمكان .. إلا وراحتك فيه
‏ولا تجي من مكان إلا بسيره وجاه .

‏"وتهادت من عيونك ضحكة مانيب ناسيها"

‏الحياة تخوّف امس كان يتمشى بين ثنايا روحك و اليوم حتى طواريه ما عاد تشدّك‏*

مروعني الوقت لو ياخذ طموحاتي
‏وتروعني الناس في صدمة مباديها

‏بارد ، ولا شي .. يلفت انتباهي
‏تمرني أشياء ما تمشي وامشيّها

‏" مسكر اذني .. و مقلل علاقاتي "
‏تتساقط الناس من عيني واخليها .

‏آه يادربٍ مشيته ماحشمّ جرة أقدامي

نطحنا الحياه بكل قوّه بدون سلاح
‏واهنّا .. جباروت الزمان بـ كرامتنا

‏علامة رضانا بسمةً كنها المصباح
‏وزعلنا حمَار عيوننا .. هو علامتنا

‏لنا الارض مفرش والسماء وشاح
‏على العز غني واطربي يا حمامتنا

‏انا نوب اقول الله خلقنا بعشر ارواح
‏على كثر ما جانا من الوقت ما متنا .

أقدّر من يقدّرني ويلقاني مثل ما ألقاه
‏وأجلّس كل نفسٍ .. فالمكان اللي يناسبها

‏ازعل وترضيك الليالي والايام
‏ماجاك منا شي يزعلك منّا

‏يغرك التفكير في بعض الاوهام
‏وتشوفنا مخطين وتصد عنّا

‏لا تحسب إنّا للمقفين خدام
‏من يتبع المقفين ماهوب حنّا

‏مالك علينا حق في وصل الارحام
‏عشان نمشي لك على ما تمنّا

‏الروح تظهر والجسد جلد وعظام
‏والنفس من يتبع هواها معنّا.

‏"لو ان قلبي على الي صار متعود".

‏كبرت أتفكّر وأتقرّف من التقليد
‏وأخيل العوض لو كان منيب معتاضة

‏ما أحب أنحصر في زين قامة و طولة جيد
‏أنا روحي أكثر روح حرّة و فضفاضة

‏ترى الشاعر اللي مستميتٍ على التمجيد
‏سواة المريض اللي يمدّح لك أمراضه

‏لا تآسى عليّ لا من زهت لك عيون الغيد
‏تباكى علي من تَبعة الشعر وأغراضه

‏كلامك كثير و زين لكن كلامك هشّ
‏وأنا لا غشيمة فالمحبة ولا ذيبة

‏تراي أتظاهر بالغباوة وأنا ما أنغش
‏وكلامٍ بدون أفعال والله مااالي به.

‏" تدور الخرايط كلها و الأراضي السبّع
‏و يمرونك أغلبهم - و شرواي ما مرّك"

صايرٍ همي لغم مدفون فالحدب النحايف
مابقى بينه وبين الإنفجار إلا شرارة

‏غرك اني في فضا دنياك هايم
‏وفي سواتك من البشر مانا اتفكر

‏وغرك اني ماتسمّع فيك لايم
‏من مجاميع المؤنث والمذكر

‏تحسب ان قلبي ملكته ملك دايم
‏يوم شفته لا يخون ولا يتنكر

‏انتبه من سجّة القلب المهايم
‏لانسى ينسى ولا عاد يتذكر

كتوم ستر همّه ورا ضحكة المسرور يموت الكلام بوسط صدره .. ولا قاله!

‏امّا تجيني بايع الناس لاجلي
‏ولا تروح . . وسمّح الله دربك

تسامحت مع نفسي وهوّن عليّ دعاي
‏خصوصاً دعاي اللي دعيته وأنا ساجد

‏غمرني شعور من الرضا للزمان الجاي
‏ولا صار عندي خوف من عضة الناجد

‏اثر من عطاه الله نزاهة ضمير ورأي
‏يغيب الغياب اللي يخلّيه متواجد

‏لاتشره عليّ يوم أبتسم في وجيه عداي
‏محبّيني أكثر من معاديني بـ واجد