لو منت بكفـو مـا جتك الكلايّف
‏القـوي دايـم صواديفه قـويه

‏دوري لي شبر في الشام ولا في الجنوب
مايجيه إلا الهوى، والمطر، وأنتي وأنا

‏" ياما و انا في شرفة الأيام ريش
‏و تهبّني ريح الظروف الموجعه

‏كنت أبلع الغصّه ورا الغصّه وأعيش
‏و أخذ بخاطر خاطري لين أقنعه

‏إن العمر ضحكة وتنهيده وطيش
‏وإن الحياه بخير .. والدنيا سعه "

‏وش ورا ليلك إلا نجمةٍ من سهادي
‏كلّما شعشعت جوّد حياتي رحبها

‏بين أعسّك ديار، وبين أدوّرك وادي
‏ضيّع العمر همسات العيون وْعَتبها

‏أذكر أخر مساري نظرتك في بلادي
‏يوم قفّت ركايبها، وشدّت عربها

‏وجيت أسوق المنايا غارقٍ في عنادي
‏لين علقتْ حلمي في طوارف هدبها.

خل لك فوق الشّواهيق والعليا مكان
اردع النفس العنيدة وخالف ودّها

لا تحدّك سود الأيام وظروف الزمان
كل ما شفت اللّيالي تحدّك؟ حدّها

‏حاول تصير علاج روح، ولا تصير
‏اللي إلى مرّ الخواطر ما جبر

‏لا تنصدم بالواقع الواقع مرير
‏والمفلح اللي شاف غيره واعتبر

‏أحدٍ كبر عقله وهو سنه صغير
‏وأحدٍ كبر سنّه وعقله ما كبر.

شعّار المرحله وأنتهى ..

‏"أنا ما هو مخلّيني
‏أشوف إن الحياة بخير
‏سوا اللي لا ذكرته
‏انفهق .. من صدري إرهاقي"

‏لاتعطي أيامك سوى من يثمنها

‏تطيب حظوظك اذا طابت نواياك

‏استر على المخطي ترا الوقت دوار .

‏على سور قلبي لا تغرّك جموع الناس
‏ترى ما ورى بيبانه إلا مداهيلك

‏زعلك ماهو ذنب ندخل به النار
‏ورضاك ما يفتح لنا باب جنَّة

ماهوضروري ألتفت وأدوّرك بين الجموع
من لذّة الطعنة عرفت إيدك وأنا ما شفتها"

علام الصدور تستضيق بها الأنفاس
ونفسٍ الله معطيها من جزعها

تشوف بها نفسك والنفس تستباح
شيٍ من زود ضيقتها بيحت سدها !

‏هاذي هي الدنيا حظوظ وتوافيق
‏اما وطاك الحظ … ولا وطيته .

‏أعرف إني قصيدة ما طرت في بال شاعر قطّ
‏وأحب إني مزيجٍ بين ما يجذبك - ويغيضك

‏يصبّرني على بعض الشعور أنك لا زلت بخير
‏أنا أحوالي إلى منّك غديت بخير مستوره

‏- صالح بن حمد

‏"الحياة حلوة .. يوم يكون عندك شخص من كثر حبه لك يحسسك انك انت الصح وانت القرار وانت المصير وانت الشخص اللي حل لحزانه وروقانه"

‏من قوة الصدمات صرت ميّت شعور
‏ارحب بمن جاء و اودع كل من قفى

‏كل ما ضقت شرحت حزني فالسطور
‏ليا لفاني الضيق ارحب وهاجسي غنى

‏قلبي من الغدر صار كنه مقطع بماطور
‏و الصدر ضاق وقده من الضيقه معبى

‏انا ترا صدوف بقعى علي ماسكه طابور
‏تعبت وليتني ليا قلت لضيق هد . . هدى.

أنا البارحة ياحسين مانمت كون أدناش
‏سرى الليل وعيوني من النوم منحاشة

‏اصارع همومٍ ماركد عجها في الجاش
‏ونفس العنى من كثر الأحزان منداشة

‏وحالي كما حالة مريضٍ دخل الأنعاش
‏يتابع طبيبه نبض قلبه على الشاشة

‏على صاحبٍ حاولت بنساه لكن ماش
‏طواني بحبه طية العجل لفراشه