拜登亦都表示美國將會禁止懸掛俄羅斯國旗嘅船隻進入美國港口。

最新：拜登表示美國正啟動一項接受烏克蘭難民嘅計劃，加快佢哋移民過程。

最新：拜登表示油價上漲嘅原因係『COVID and Vladimir Putin』，疫情同埋普京。

最新：拜登呼籲俄羅斯確保平民由馬里烏波爾以及亞速鋼鐵廠安全撤離。

俄羅斯在特維爾的國防部研究所起火，暫時造成2死30傷

按：俄羅斯S400防空導彈和9K720伊斯坎德爾飛彈是該研究所所研發的

突發：烏克蘭大部分地區，包括成個中部響起防空警報。

最新：車臣部隊慶祝佔領馬里烏波爾。

最新：頓涅茨克國旗喺馬里烏波爾電視塔升起。

最新：法國總統馬克龍表示無討論過禁運俄羅斯天然氣；法國財政部長勒梅爾就表示歐盟可能係未來幾個禮拜之內對俄羅斯石油實施禁運，但係具體日期仲未確定。

法國財政部長勒梅爾：『對俄羅斯石油實施禁運嘅計劃係一啲歐盟國家遇到擔憂同埋抵制。』

突發：一架烏軍An-26軍用運輸機係扎波羅熱地區墜毀。

俄羅斯國防部最新早間鳩噏簡報：

▪️ 俄軍3M-54「口徑」巡弋飛彈摧毀烏軍位於梅利奧拉季夫涅一個火車站整整一個營嘅士兵以及裝備。

▪️ 俄羅斯空軍嘅高精準導彈係夜間襲擊咗烏軍三個軍事設施，包括大諾沃西爾卡一個S-300防空導彈系統、奧列克桑德里夫卡地區嘅指揮所以及軍事裝備集中點，摧毀23架裝甲車以及擊斃80名烏軍、擊落一架烏克蘭無人機。

▪️ 俄羅斯空軍襲擊咗烏克蘭58個軍事設施包括四個控制點、三個燃料庫、51個軍事裝備集中點。

▪️ 俄軍嘅火箭炮及大砲係夜間攻擊咗烏克蘭1285軍事基礎設施，包括摧毀9個燃料庫、37 個指揮所、1221個據點以及烏軍士兵同埋軍事裝備聚集點。

▪️ 俄軍防空系統係頓涅茨克州亞西努瓦塔市、斯塔羅米海利夫卡、奧列克桑德里夫卡、托卡列韋等地區擊落7架烏克蘭無人機。

▪️ 俄軍9K37 「山毛櫸」防空導彈係頓涅茨克附近擊落一枚烏克蘭OTR-21托奇卡戰術導彈。

▪️ 自特別軍事行動開始至今，總共摧毀烏克蘭軍隊140架飛機、106架直升機、520架無人機、257個防空導彈系統、2448架坦克同其他裝甲車、271個多管火箭炮系統、1062門野戰砲同迫擊砲、2289架特種軍車。

最新：世界銀行估計，俄烏戰爭至今導致烏克蘭嘅建築物以及基礎設施損失達六百億美元。

最新：根據英國衛報報導，英國首相約翰遜表示幾十名烏克蘭士兵正係英國接受訓練，學習點樣使用英國援助嘅120架裝甲車；另外佢表示英軍亦都係波蘭訓練烏軍使用防空導彈。