［獨派陣營，捨得合作未］

自六月開始，香港人更深刻認識到匪共既邪惡，理論上更應轉向獨派，二零一九年下半旬中大民意研究調查，支持香港獨立既人只有17%，而最近一次民間記者會既民意調查顯示，近9成人支持探討港獨可行性，「以『香港獨立』為抗爭終極目標」則獲七成認同。

既然抗爭陣營有九成都願意討論獨立，咁究竟點解，我地平時咁難睇到獨立既民意，呢股勢力，又去左邊呢？

由二零一六年起，本土派、獨派陣營都分裂左好多次，社運界內就朋黨相爭，立場相近都可以互相排擠，輿論戰入面都係自己人日日互屌。

小小陰謀論，匪共安放打手係連登、各大fb群組帶大家互屌，但受左呢種蠱毒既各位，亦難辭其咎。

我地既然有民意，點解枱面上依然係傳統泛民掌握大多話語權？

當然，泛民傳統累積左幾十年既政治勢力，的確有優勢。但有想法既獨派們，你真係準備好帶領香港邁向獨立嗎？而家咁多支持香港獨立嘅人，暫時冇人可以帶領佢哋前進。我地連代表到香港既人都無，點出去同外國遊說？有事要講，又旨意民間記者會？

成個獨派一盤散沙，最後新既獨派支持者好自然會流番去支持泛民個邊，信念唔同還信念唔同，張票係真既。

唔提國際戰線了，單論本地，其實由六月到而家，獨派失去左幾多個吸納支持者既機會？一月明明就獨派風起了，又水過鴨背咁款。

香港獨立既難度，本身已經世紀魔王級別，合作先有1%可能性通關。所有組織，所有政治人物，所有獨撚們，我地無再分裂既本錢了。

每次私怨，都係離獨立更遠一步。

//觀乎今次反送中抗爭，絕大多數抗爭者都願意為大局放下私利、個人感情，本土派和泛民主派也放下了過去恩怨，黃店亦無懼打壓而高調表態，乃至有不少法律界人士願意打破飯碗，高呼「法治而死，法庭無用」。事實說明，抗爭者比起所謂從政者，走得還要前，想得還要通透。那麼，坦白向支持者承認過去路線已經不符合現實，不能過分期待法庭和議會，又是否一件難事？//

全文請見Facebook：
https://www.facebook.com/1658518877723149/posts/2626324544275906/

/
⚠️‼️《 招募前線照片 》‼️⚠️

https://docs.google.com/forms/d/e/1FAIpQLScFQti9Rzj5WnV9xf9WoM_mhZqRQmoxKoucApG8te_KN2jPGQ/viewform?usp=send_form


/
「人類對抗權力的鬥爭，就是記憶與遺忘的鬥爭」-米蘭·昆德拉

作為一個以文宣為主的學生組織，我們長期需要大量有關抗爭/前線情況的圖片。然而，我們成員甚小，勢孤力薄的我們沒有任何轄下編委或前線學生記者，令我們逐漸缺乏文宣製圖素材。

在此，我們誠邀各位「記者」，提供一些前線相片給我們。時間不限，只要是與反送中革命有關便可。我們會在每次使用過那些相片過後在文宣的最後補上相片來源（例如攝影師名稱或IG 帳戶）。注意，我們不是希望拿取你們照片的擁有權，只求你們把照片的使用權授權予我們使用，你們仍然可以在任何地方登出該照片。

一張與一張照片，構成一份又一份文宣，這個過程正正就是在提醒眾生極權的可惡。感謝各位記者朋友的幫忙。

#Admin轉

【 黃 圈 鬥 黃 ， 好 比 基 佬 鬥 基 】

有晚我到一間黃店吃飯，朋友撩起了一個無聊的質疑：這間店貼着文宣，電視卻在播無線、收銀可用支付寶，會否是「偽黃」？——我很認真地批評了這種分類法。

我坦白告訴你：我住地鐵上蓋，我天天仍在搭地鐵；我家中有一半是簡體書；我有警察子女朋友；我有內地生朋友；我有親戚是公務員；我在北京沉浸過三個月，拍了許多樂而忘返的相片⋯⋯數吧，仔細考究，我不信有人連一片「偽黃」的標籤都貼不到。

但我不會被當成「偽黃」，因為我一直有大聲表態：「我支持港獨」，我寫過的文字、花過的心、做過的事，有人讀、有人記得。屈我「投共」，公海要求我「解釋」的，遇過兩三次，每次都爽手化解——因為我有經營過我的政治信用。

凡人容量有限，社會關係互拖互欠，挑「偽黃」的標籤，著實不費吹灰之力。畢竟我不會花多一倍時間搭巴士出市區，我不會燒掉我家中四百本簡體書，不會跟疼我的公務員親戚斷絕關係——這是對我敵人毫無直接殺傷力，兼自掘日常障礙的行為，做足我一天72小時猶不夠用。

沒明刀明槍的仗打，「黃」演變成「生活抗爭」，究竟是一個「盡量」的取態：順路盡量搭、身邊人盡量遊説、有代替品盡量幫襯。皆因每一個人的生活頻譜，都獨一無二，有私密的難易度——你在某方面「盡量」得輕而易舉，不代表所有人必定同等輕易，反之亦然。曾有貪平吃麥當勞的勇武，跟我發過晦氣：避這個排這個，很煩，哪有這麼多心力，寧願定期去打劫藍店。

故此，我傾向把秤鉈放在「表態」：一間黃店肯公開表態，就是其「盡量」的總和。等於出櫃，我向外人認基，就是我經過一連串不公開經驗的結論。「鬥基」來博什麼？難道我要逐個細項交代：你看，我搜尋記錄𥚃的gv，多你千幾套啦，你不夠我基——這對凝聚性小眾社群有何幫助？

社會很忙碌，表態之下，已有道基礎成本要克服，成本會摒除若干投機。把自主的出櫃，當作劃陣營的前期依據，是最安全的做法。誠然，會有「扮基」的人，他當街同大波妹打車輪，受質疑，合情合理。但我們需要就事論事，不應落入平面教條（鄭司律列了一門彈性的分類法：https://www.facebook.com/100002079406672/posts/2871531926259426/）。在「表態」以上，新添絕對準則，沉迷從出櫃基佬中捉「偽基佬」，便是失智行為——大半「偽黃」質疑，我聽起來，都像「個基佬冇裸半身披彩虹旗周街跑」。

至於圍繞不表態、表得含含混混的持份者，競猜他是黃是藍，是暗黃暗藍，更屬多餘至極。我想起中學的腐女，愛幫男同學亂砌cp（couple，情侶組合）。趣味自成一角，cp砌得再熱烈，級上的直男同學，依然不會被各位腐女的念力拗攣——對不予置評的人施加妄想，是自娛，你沒有接近了真相，亦沒有改變了真相。

連登舊時有個笑話：每個男人都會打飛機，即是每個男人都用過男人的手獲得高潮，所以每個男人都是基佬——「鬥黃」充斥着類似邏輯。以生活標籤誅心，是作繭自縛。「用淘寶冇資格做黃」？我呸！淘寶有安全軍火淘，我第一時間去淘。拒絕教條，才是我們有命走到今日的護身符。

[白宮聯署-呼籲美國支持香港獨立］
呢個聯署係喺海外嘅獨派手足發起，到而家為止差八萬個簽名，麻煩大家幫幫手簽咗佢，如果簽咗嘅人麻煩幫手推，幫手share去唔同嘅群組，share比其他手足，Facebook或者Twitter等等嗰個平台盡量廣傳

https://petitions.whitehouse.gov/petition/support-hong-kong-independence

程班長俾人老屈係國民黨相信大家都知啦，小編簡單講下我哋點睇：

1.「讀者投稿Channel唔使負責」呢個講法絕對講唔通，你收到個投稿嘅時候已經知道涉及攻擊其他人，咁係咪應該求證一下？無論PM問人，定係實地求證，我相信都唔係難事。更何況個Channel係你哋嘅，如果你哋覺得有問題可以選擇唔出，唔通個個講啲戇鳩野都要照出？屌你老味成日都有人PM我哋「點解唔加入民主黨改變民主黨」，唔通我又要照出？

2.你唔覺自己回應人哋嘅時候態度好撚差嘅咩？我唔知到底係純粹公關問題定係你哋覺得自己好威威，但係如果真係當人哋係自己友，態度唔應該係咁。之前我哋亦都試過因誤會同手足有拗撬，我哋有冇開口就屌鳩人哋？盡快同對方聯絡，搞清楚件事，要道歉就道歉，要澄清就澄清，比一個大家都收貨嘅回應，我覺得呢啲先係針對自己人之間拗撬嘅合理解決方法，我唔明點解係都要搞到咁僵。

3.黃絲代表嘅係政治立場，同係咪好人冇必然關係，藍黃都有契弟，黃絲都有人血饅頭啦係咪？如果是但有條友屌兩句就收皮話自己不問世事，其實呢個處理方法幾不智，如果下次有對家扮自己人屌我哋唔通我哋又收皮咩？面對一啲冇根據嘅抹黑睇開少少，如果唔係遲早激死。

4.有人走去話程班長係國民黨眼線，又話佢舖頭懸掛國民黨黨旗。你老味呢個世界邊度有人咁撚戇鳩又要做眼線又要表明自己身份？
如果所謂嘅國民黨眼線原來咁撚戇鳩，我諗我大概明白點解國民黨今日會如此潦倒。

5.一個早兩日share國民黨Channel嘅人走去話人係國民黨眼線，你自己會唔會覺得有啲搞笑


圖為所謂嘅讀者投稿