من مثلاً ١٣ سنة كدا وما قبلها، كنت بقعد ع الفطار ومجهّز المعلقة وحاطت فيها الرز واللحمة، ومستني الأذان

بعدها بكذا سنة فترة قليلة، بقى البيت كله رجالة وستات بيصلي المغرب الأول، وبعدين الأكل بيتغرف بعد ما بنيجي من الصلاة

ولما حد يكلمني بقى استغرب، وأقوله: أيه ده أنتوا مش بتصلوا قبل الأكل؟
بقى بالنسبة لي ده الطبيعي

صلِّ المغرب جماعة في المسجد، وفي البيت لو بنت، بعد ما تفطر على تمر أو عصير، وقبل الأكل
وبعد صلاة المغرب، قل:
- (لا إله إلا الله وحده لا شريك له له الملك وله الحمد يحيي ويميت وهو على كل شيء قدير)
(١٠ مرات) بعد صلاة الفجر وبعد صلاة المغرب ...
وهو ثانٍ برجليه قبل أنا يُكلِّم أحداً، أرسل الله له مسلحة تحميه.
مسلحة مسلحين من الملائكة يحمونه.

- بعد صلاة الفجر وبعد صلاة المغرب يقول الإنسان وهو دانٍ برجليه قبل أنا يُكلِّم أحداً: (اللهم أجرني من النار سبعاً) كُتب له جوار من النار.

وبعدين كُل

وبعد ما تخلص أكل، ادعي بخيري الدنيا والآخرة
ربنا يتقبل من الجميع

مقياس جدّيتك في رمضان
إنك لما تشوف حد بيتكلم عن مسلسلات رمضان، أو بيشيّر لها كوميكس، حتى لو مش بيتفرج
أنك تلغي متابعته، لحد نهاية الشهر حتّى

ولو في أي مكان أنت موجود ولقيت ناس بتتكلم عن المسلسلات، حتى لو كانت على سبيل التحليل عشان يقولوا إنها بتهاجم الدين وخلافه، متقفش معاهم لحد ما يخلصوا، أو غيّر محتوى الكلام

أفعالك نِتاج لحديثك واستماعك

«إذا سأل أحدكم ربه فليعزم، ولا يقل اللهم اغفر لي أن شئت، فإن الله لا يعجزه شيء».

متزهقش من الأمر بالمعروف والنهي عن المنكر والنصيحة عموماً، أغلب الناس بيكون منتظر كلمة عشان يعمل الحلال ويترك الحرام
والله إحنا بنعمل الحرام بترقُّب، منتظر حد يقولك ده غلط، عشان تقوله عندك حق، وتمتنع عنه، لما تعمل حرام مرة واتنين وتلاتة قدام الناس، ومحدش يقولك حاجة، بعد كدا هيبقى شيء عادي، وهتنتقل للحرام الأعلى منه وبرده تعمله بترقُّب، منتظر حد يقولك حرام عشان تبطله، وهكذا

دخلت في نوايا الناس وعرفت إنهم بيسألوا عشان يشوفوا كلمات المدح والثناء!

بس البوستات دي بالنسبة لفئة من البنات مش دخول في نوايا ولا حاجة وكلامها صح مية في المية

وكذلك البنات بتكتب أسئلة من نفس النوعية: بساعد جوزي من غير ما يعرف، كدا حلال ولا حرام؟ جوزي بيمر بأزمة مالية وانا بعت دهبي وو، وهكذا نفس المواقف بالضبط بتحصل

لكن طبعاً هي مش هتتكلم عليهم، هي هتتكلم عن الرجالة بس وهتدخل في نياتهم، مع إن الشخص العاقل اللي عارف طبيعة الرجل وطبيعة الست، هيعرف إن النقطة دي عند الستات أكتر


والواقع بيقول العكس هو اللي حاصل، البنات هي اللي بتحب تشوف كلمات الثناء والاعجاب، قبل ما تنزل صورة على الميديا بتقعد تجمّل وتفلتر فيها عشان تبقى حلوة، ولو الكومنتات مقالتش ليها إنها حلوة، بتمسح الصورة أو مش بتنزل صور تانية، وساعات بتدخل لأصحابها عشان يعلقوا لها !

لكن البوست هو جزء من التعصب الشديد لجنس النساء لا أكثر
(١)

مش هيقولوا البنت غلطانة ومرتكبة لكبيرة من الكبائر
لأ
وبيطعنوا في رجولة الرجالة!

لبس البنات في الشارع بيدل إن:
- إنهم واقعين في حرام وكبيرة
- إن هي راضية بالحرام وراجل البيت راضي بالحرام (الاتنين، مش الراجل لواحده)
- إن هي خارجة غصب عن الراجل وشخصيتها أقوى منه
- إن الراجل بيتخانق معاها يوميًا عشان تغير لبسها وهي مش موافقة
- إن هو بينصحها كل مرة ومستمر في النصح وهي مستمرة في الإعراض

لكن مفيش أبدًا سبب واحد يقول إن البنت مش غلطانة والراجل غلطان
فلما نيجي نتكلم نتكلم عن الحرام بتاع البنت وبعدين نشوف فيه تقصير من ناحية الرجل ولا لأ، وفي الغالب بيكون التقصير من البنت بس، والراجل عامل مشاكل معاها ومكلّم الناس ومتضايق، لكن بيستمر في النصيحة عشان البيت ميقعش!
بس في الآخر يطلع سبب وقوع البنت في الكبيرة هو أبوها أو جوزها !! والبنت مش غلطانة !!

جزء من التعصب الشديد برده لجنس النساء
(٢)

الإنصاف عزيز
والبنت عشان تنتقد ظاهرة فجّة زي التبرج، وفي نفس الوقت مش عايزه تنتقد العنصر النسائي تقوم جايبة الذنب على الراجل !!

والله حوالينا ناس كتير محترمة جداً ورجالة أوي، وزوجته مغلباه جداً في موضوع اللبس وهو مستمر في النصيحة والدعاء لها !

تيجي بنت ملهاش لازمة توصفه إنه "مش راجل" !
لا إله إلا الله
طب ما ما توصفه، ممكن توصف البنت إنه مرتكبة لكبيرة من الكبائر، وإن النبي صلى الله عليه وسلم قال عنها: (لا يدخلن الجنة، ولا يجدن ريحها) ؟
غالبًا مش هتلاقي
عشان ده حركة تعصب جاهلية للنساء، ملهاش علاقة بالحق ولا بالنصيحة

لو ناوي من دلوقتي تحضر فرح صاحبك اللي في العيد أو بعده، انوِ أنك متحضرش، وادعي ربنا يجنبك الذهاب
متنويش تعمل حاجة حرام مستقبلية، سيب الذنب لوقته، لعلك تتوب قبله، أو يحول الله بينك وبين فعله

واللي بصراحة ناوي من دلوقتي يعمل فرحه بشكل حرام، بعد رمضان، عنده مشكلة كبيرة

شدة وهتزول

(تذكَّر؛ بينك وبين غضب الله وعقابه توبتُك).

(ما يضرُّك زوال أسبابٍ حرصت عليها؛ إذا بقي لك الله قيومًا على أمرك!)

الحمد لله وحده.

الإمام الشافعي أحد أئمة هذه الدنيا من ولد آدم، وهو أيضا: قرشيّ مطّلبي، ابن عم رسول الله صلى الله عليه وسلم.

هل يُعقل أن نحتاج إلى تنبيه أهل الصيانة والمتدينين إلى عدم جواز استعمال اسمه في الهذر والتساخف؟

أجيبوني، فإن فهمي لم يسعفني:
عندما تكتب أنت عبارة عامة، حقيرة سخيفة، ثم تنسبها للإمام الشافعي فتكتب اسمه بعدها، مازحا هازلا لاعبا..
وقد تزيد فتضع صورة ممثل تافه.. فما الفرق بينك وبين هؤلاء الفساق؟

اعذرني وأجبني: هل فعلك أنت خير واحترام للشافعي ومعرفة لقدره وعدم تلاعب بتاريخنا وتراثنا وأئمتنا،، بينما فعل هؤلاء الفسقة: شر وفساد؟

وإن كان قصدك هو تسفيه وتحقير هؤلاء، فهل المصلحة من هذه الطريقة الكاذبة راجحة على مفسدة مشاركتهم في السوء والكذب؟

قل لي:
هل تعدّ نفسك حينئذ: تاركا لقول الزور، تاركا للعمل بالزور، تاركا لأعمال الجُهّال؟

أم أنك داخل في قول رسول الله صلى الله عليه وسلم: (من لم يدع قول الزور، والعمل به، والجهل؛ فليس لله حاجة أن يدع طعامه وشرابه)؟!

بالله هل عندك فسحة من الوقت، وسعة في رمضان، للترويج للفسقة؟
هل أعنتهم أو أشعتَ فحشهم أو جوّدته؟

والله ما عدت أفهم ما يصنع الناس على هذا المواقع ولماذا.

سبحانك اللهم وبحمدك، أشهد أن لا إله إلا أنت، أستغفرك وأتوب إليك.
خالد بهاء الدين

(قليل من الإرادة كل يوم.
قليل من العبادة والذكر والقرآن كل يوم.
قليل من الاستعداد والتزود بمعارف وأعمال، وعلوم وعبادات =

يورثك كل ذلك ثباتا ورسوخا في وجه فِتَن الواقع وشدتهم وبأسهم.

قليل تؤدي شكره خير من كثير منقطع.

هكذا نروي شجارنا الصغيرة، نسقي كل يوم نبتاتنا الضعيفة الهشة، والتي من هشاشتها قد تقتلعها رياح المدلهمات المعاصرة، أو تجففها مشاكلنا العائلية البسيطة، أو تحطمها أزماتنا في العمل ومع الأصحاب والأقارب.

ما نحتاجه ونسعى إليه هو أن نحول هذه النبتة شيئا فشيئا لشجرة عملاقة ثابتة راسخة الجذور مورقة الثمار، بقليل من الرعاية والعناية كل يوم، ومع كل قطرة ماء من العلم والعبادة تكتسب نبتاتنا المزيد والمزيد من القوة والمناعة.

لن ترى الفارق الذي تحققه إذا قسته بيوم بعد يوم، لكنك على المدى الطويل ستشعر به وتلمسه كشجرة تظللك في لظى الفتن المستمرة).

من ينبهك على فعلٍ مذموم تعاطيته، أو صفة مذمومة اتصفت بها؛ لتزكي نفسك عنها كان كمن ينبهك على حيةٍ أو عقربٍ تحت ذيلك، وقد همت بإهلاكك فإن كنت تكره ذلك فما أشد حمقَكَ!!

الغزالي

معلش
محدش يتريق أو يضحك أو ياخد الموضوع باستهتار بالمساجد اللي بتصلي بأجزاء بسيطة في التراويح، ولو حتّى بآيتين في الركعة

- هي عبادة عظيمة، مينفعش بأي حال من الأحوال تتحط في موضع ضحك وهزار بسبب إن مسجد بيصليها بشكل خفيف

- المسجد اللي بيصلي بأقصر السور فهصلي بثلاث آيات مع الفاتحة، في ١١ ركعات بأكتر من ١٠٠ آية!
والنبي صلى الله عليه وسلم قال: (ومن قام بمائة آية كتب من القانتين)
يُكتب عند الله من القانتين، والناس بتاخده بضحك وتريقة وكوميكس!!

- النبي صلى الله عليه وسلم قال: (سبق درهمٌ مائةَ ألفٍ)!
الناس عندهم أمراض، وشغل، وأطفال، وخلافه، يمكن أصلًا بيصلوا الـ١١ ركعة والموضوع بيتعبهم جداً وناس بتتأخر عن أهلهم وشغلهم وبيحصل مشاكل
والي بيصليهم في ساعتين، يمكن فاضي ومش بيتعب وعنده المقدرة يصلي أزيد! الله أعلم بأجودهما!
وأنت قاعد تقلل من قيمة التراويح لو وقتها بسيط!

قبل ما تطلب من حد إنه يدعيلك، معلش تعالى على نفسك وادعِ لنفسك، وتحرَّى أوقات الإجابة وادعِ فيها لنفسك ولوالديك، وبعدين ابقى أطلب من أي حد يدعيلك عادي
لكن متعولش على دعاء الناس وأنت مش بتدعي لنفسك
لأن مفيش حد هيخاف على مصلحتك وعارف اللي يصلحك أكتر منك

سيروا باسم الله في نصيحة خلقه أصحابكم وأهلكم؛ وأبشروا

بتستهويني جداً مواقف الكرم الشبيهه بالمواقف دي
واللي بتكون بمبالغ بسيطة أصلًا مش بتأثر في فلوسك، بس في نفس الوقت برده مش بيوفّق ليها إلا صاحب الكرم
وأنا بحب أصاحب الناس دي، أو أكون متواجد في مكان موجود فيه الشخصيات دي
وغالبًا مش هيجي في بالنا الأفعال دي غير لو شوفنا حد بيعملها
- كنا في ميتم وراجل البوفيه معدّي، فالراجل اللي قدامي بمنتهى السهولة حطلته فلوس في جيبه، وبتاع البوفيه ضحك وهز رأسه بمعنى شكراً ومشى، ومحدش يذكر هياخد باله، ولا الراجل محتاج منه مصلحة ولا هيشوفه تاني
- بابا كل ما يركب معايا تاكس يحاسب هو بمبلغ أكبر من الأجرة ولما السواق يديله الباقي يقوله سهلة، والراجل يضحك ويدعيله
- محصّل الكهربا والمياة والغاز اللي بيجي البيت بالفاتورة والفاتورة تكون فيها فكة، وتديله مجمد وتقوله خلاص الباقي
وخلافه من مواقف الكرم اللي بدون مقابل نهائي بنشوفها يوميًا، اللي بتحسس الشخص إنه بخيل والله 😁