ولم يزَل الرسول يألو قومه
نصحًا وكانوا يُكثرون لومه!
.

التكرار بيعلم الشطَّار
والزن على الودان أمر من السحر
والمجاهدة عبادة يومية لحد الموت
والتذكير أمر رباني للمؤمنين

والله يحب الصابرين

مش هيفيدك لبس البنت الواسع أو الشرعي أو حتى النقاب، طول ما هي بتتصور مع "كاسيات عاريات" لبس البنطلون والبلوزات الضيّقة، أو مع "متبرجات بزينة غير شرعية"
والله ما هيفيدك لبسها الشرعي، طول ما هي بتعمل كدا

اللبس الشرعي ينفي عنها صفة التبرج، لكن لا يُثبت صفة الديانة

ولا شك إن واحدة راضية تتصور مع واحدة لابسة لبس حرام، أو متزينة بزينة حرام، هي قليلة الديانة، وبالتالي مش هتفيد في شيء

والكلام هنا على واحدة بتتصور وهي مش موافقة طبيعي على الحرام اللي صاحبتها بتعمله، لأنه لو موافقة على الحرام، أو راضية بيه أو بتستحل اللبس الغير الشرعي، فدي مصيبة أكبر

فضلاً عن إنها بتمحي فريضة الأمر بالمعروف والنهي عن المنكر مع أصحابها!
والمجاهرة بالتعايش السلمي بين الحلال والحرام!

قال النبي صلى الله عليه وسلم:
(إذا عُمِلت الخطيئةُ في الأرضِ كان من شهِدها فكرِهها
– وقال مرَّةً : أنكرها –
كمن غاب عنها. ومن غاب عنها فرضِيها، كان كمن شهِدها)

وفي الحديثِ: الحثُّ على إنكارِ المنكرِ على كلِّ حالٍ، والاجتهادِ في ذلكَ حتى وإن بعُدَ عنه.

ونيجي نتصور مع لبس وضع حرام وفي مجاهرة قدام الناس!
اللهم اهدنا واغفر لنا

اللهم صلى وسلم وبارك على سيدنا محمد

المصيبة الكبيرة إن كل الناس دي عارفه الحرام والحلال وعندها عِلم بالإسلام ونواهيه، وبرده "بيجاهروا" بالحرام!

الله عليم بالذوات التي لا تصلح بإبلاغ الدين، وهمّ الدين؛ فيخذلهم!

في العُرف الفاسد: اللي تضيَّق الهدوم وتحدد الجزء العلوي من جسمها (فيما يسمى فستان) يتقال عليها محترمة
واللي تضيق الجزء السفلي وتحدده (فيما يسمى بنطلون) يتقال عليها مش محترمة

لكن في الدين: فالاتنين لبس غير شرعي يدل على قلة دين البنت
لإما في الفستان يُغطَّى الجزء المحدد (الصدر والوسط) بخمار
وفي حالة البنطلون يُطغى بعباية طويلة
لإما ميتلبسوش

(أنا مش زعلان منهم، أنا زعلان عليهم)

(وقيل لهم تعالوا قاتلوا في سبيل الله أو ادفعوا )

لو مش قادر تقاتل في سبيل الله = (بذل النفس أو المال أو الجهد أو الوقت وخلافه)
فعلى الأقل متنزلش عن طبقة (أو ادفعوا)
الدفع معناها تكثير سواد أهل الحق، خليك واقف معاهم بس، من غير أي بذل أو تضحية، الفكرة الكويسة ادعمها، والفكرة الحرام، متدعمهاش، بدون ما تنصح أو تغير المنكر بأيدك أو بلسانك، يكفيك أنك متدعمهاش بالحضور أو بالكلام

فلما تلاقي فيه فكرة حرام منتشرة في المجتمع، وأنت مش قادر حتى تقدم النصيحة، يكفيك أنك متشجعش اللي قايم بيها
+ في المستقبل متعملهاش أنت شخصيًا
ولما تلاقي حد بيقدم فكرة حلال شجَّعه عليها، وأقف في صفه

أو ادفعوا: أو كثِّروا سواد الحق وسواد الحلال، فإنكم إذا كثرتم دفعتم الباطل، ودفعتم الحرام!

لو شايف نفسك أسوأ خلق الله، ومفيش منك أمل، وشايف نفسك حاجة وحشة، فافتكر إن أنت لما تؤيِّد فكرة حرام، أو تعملها، فده مش خالص ليك لواحدك، ده فيه فتنة لعشرات من المسلمين في دينهم وفي إثارة شهواتهم!

أول شهيد كان في أول الإسلام استشهد أم عمار سمية، طعنها أبو جهل بحربة في قبلها!

وسيدنا حمزة قتله سيدنا وحشي بن حرب، برمية بحربة في ثُنَّتِه حتَّى خرجت من بين ورِكَيْهِ!

وموضع القتل واحد (أسفل البطن)
وأداة القتل واحدة (الحربة)
قتل بأبشع طريقة ممكنة
يا رب ألحقنا بهم على خير، ولا تجعلنا فتنة لإخواننا المسلمين، ولا تفتن بنا أحدًا من عبادك يا رب

فعل المرء أبلغ من قوله
=
أفعال الشخص على أرض الواقع، أبلغ مليون مرة من كلامه على الميديا
وأفعاله هي نِتاج أفكاره ومبادئه الحقيقية

لا تُعِن أحد على حرام، ولا تفِر من نصيحة أحد

يكفيك كف أذاك عن "المسلمين" من إخوانك، وأذاك للمسلمين من مجاهرتك بالحرام

فيه كوميكات كتير منتشرة، فيها استهزاء واضح بأحاديث النبي صلى الله عليه وسلم، وطبعاً بدون قصد من الناشر ده عن جهل، لأنه لو قصده هيبقى كُفر

المهم لازم تخلّي بالك قبل ما تشير أو تتفاعل أو تقول كوميكس معينة، تتأكد أنها خالية من محرمات

عايز أبرَّأ ساحة عدد مش قليل من الرجالة من مصطلح "الدياثة" اللي بيتوصفوا بيه بسبب لبس مراته، والحقيقة إنك قبل ما تشوف مراته في الشارع أو ع الميديا، فهو بيحصل بينهم عشرات الخناقات، عشان يمنعها عن قلة الأدب اللي هي بتعمله، ساعات بينجح وساعات بيفشل، وساعات بتعمل حاجات غصب عنه، أو وهو مش شايفها ومش موجود، وفي الآخر كل واحد وله أسلوب معين بيستخدمه مع نشاز مراته، وكل واحد وله شخصيته، لكن هما رجالة جدًّا، ربنا يعينهم على الابتلاء اللي هما فيه

(فاتفق جمهور العلماء على حرمة هذا النظر إن كان بشهوة، وذهب بعضهم على جوازه إن كان بغير شهوة، وضابط الشهوة أن يجد في نفسه ميلا زائدا في قلبه عن ميله لأخته الجميلة).

عشان الخاطب اللي بيقعد قدام خطيبته بالساعات، فنظره لها حرام من غير خلاف، لأنه لو نظره لها مكنش بيحرك قلبه، أو كانت زي ما يكون قاعد مع أخته هيفسخ الخطوبة، أو ع الأقل مش هيقعد الساعات دي، ربع ساعة وهيمشي

فالمعضلتين اللي غير المنتقبين بيحطوا نفسهم فيها بسبب العُرف الحرام المنتشر، موضوع الجلسة مع الخاطب وموضوع مكياج الفرح

فالجلسة مع الخاطب، حتى لو البنت مش منتقبة، لازم تلبس نقاب قدام الخاطب

وفي يوم الفرح، لو هي مش منتقبة، لازم تغطي وشها بالنقاب عشان تغطي المكياج
زي ما بتغطي رسمة الفستان بالخمار عشان ميبانش تفاصيل جسمها من فوق

والحاجات دي حرام، مفيهاش خلاف
والاستهتار بيها مصيبة، لا تقل عن مصيبة البنات اللي بتقلع الطرحة يوم الفرح! بنفس المنطق بالضبط!

لكن الناس بتتعامل بأهوائها وحسب اللي العُرف يقبله، خلاص بنعمله!
فالعرف بيقبل المكياج والقاعدة بالساعات مع راجل اجنبي للحكاوي والهزار والضحك تحت مسمى "الخاطب" وبيقبل إن البنت تقلع الخمار وتبرز تفاصيل جسمها عشان رسمة الفستان تبان!
وكل ده حرام،
بالإضافة إنه مجاهرة بالحرام،
وفيه تشجيع على استمرار السنة السيئة دي في الدين
وفيه فتنة لبنات المسلمين

يا رب اهدنا لما فيه الخير لنا وللمسلمين

لا عذر لكم أمام الله إن ساعدتم على نشر أو استمرار سنَّة سيئة في الإسلام، ويمكنكم النصيحة، أو عدم التشجيع عليها، بدون أدنى بذل مجهود حقيقي

ليه البنت متنزلش تنويه عام قبل أي مناسبة ليها (فرح/ خطوبة) إن:
يا حبايبي ياريت مفيش بنت تيجي بلبس ضيق أو غير شرعي، ومفيش بنت تيجي وهي حاطة مكياج، وأنا كدة هكون فرحانة

واللي مش عايزه تلبس شرعي وهتيجي، تيجي

واللي هتتكسف تيجي بعد كلامي وهتعتذر وترفض تيجي، مفيش مشكلة مش هزعل منها وعلاقتنا زي ما هي

هو تذكير مني لأهلي وأصحابي

أسلم للبنت ولدينها، ولدين أصحابها، ولدين المسلمين

ونشر سنَّة حسنة بين المسلمين

"قوا أنفسكم (وأهليكم) نارًا"

بلاش أنانية الله يكرمكم
مش معنى أنك لابسة لبس شرعي، إن اللي جاي من أهلك وأصحابك لابسين اللي عايزيه، فبراحتهم! ليه كدا؟
ليه الناس تكون قاعدة في بيوتها في أمان الله، وبسبب دعوتك ليها لفرحك، هتخليها ترتكب كذا حرام مع بعض، هيوصل لكبيرة من الكبائر
ليه ترضي لأهلك وأصحابك بكدا؟
عشان تفرحي؟ وتضمني إنهم هيجوا؟
وهل فرحك بحضورهم أكبر من فرحك بعبادتهم لله؟

يا رب بارك في بنت نبَّهت أصحابها يوم فرحها على لبس اللبس الشرعي وعدم وضع الزينة الحرام، يا رب بارك لها وبارك فيها وفي زوجها وأهلها وولدها

اللهم طيَّره كُل مطار، وانفع به المسلمين

في نص الكوشة بتاعة الخطوبة/ الفرح مكتوب: وجعل بينكم مودة ورحمة
وفي أعلاها مكتوب: إن الله كان عليكم رقيبًا

رقيبًا بأفعالكم في الحفلة، ورقيبًا بأفعالكم في العلاقة بعد الوعد بالزواج، أو بعد العقد

إن الله كان عليكم رقيبًا