ارتباط وثيق جدًّا بين خلع الحجاب بسبب مشاكل في التنفس، وبين لبس ملابس ضيقة ووضع المكياج ونزول الصور على الميديا بعد خلع النقاب!
ولا حول ولا قوة إلا بالله

البنت اللي نفسها تلبس نقاب، بس أهلها مش موافقين، ليه مش بتلبس لبس النقاب بدون ما تغطي وشها؟
ولا هو لازم النقاب لإما لبس ع الموضة وضيَّق؟

نفس مجتمعك وبيئتك اللي رافضة الفائدة والربا بشكل قاطع، وبتستغرب إزاي فيه ناس توافق على الحرام دا!! عالم غريبة بجد ! وهكذا

ففيه مجتمع تاني برده شايف إن إزاي بنت تكون شايفه وعارفه الوعيد على اللبس غير الشرعي ولسه بتلبسه! ولسه بتتصور مع اللي لابساه أو بتصورها !

ومجتمع تالت شايف حُرمة الأغاني وإزاي حد يسمع أغاني ويقبل على نفسه ينزل موسيقى في ستوري وحد يشوفها

ومجتمع رابع شايف حُرمة الغش في الامتحانات، وإن إزاي فيه ناس بتغش وبتكتب أساميها في الغياب بسرقة واضحة وصريحة

وكذلك فيه مجتمعات شايفه التبرج يجوز، وشايفه الربا يجوز وعندهم أدلتهم وقال الله وكل حاجة

فالفكرة إن هي كلها أحكام دينية، ومش هيأثر استغرابك من الحكم في شيء، ولا هيأثر بيئتك ومجتمعك مجمعين على الحرام ده ولا رافضينه، مفيش حاجة هتغير الحكم الشرعي، وهتتحاسب أنت لواحدك على قد معرفتك بالدين وبالحلال والحرام وهتتحاسب على مجاهرتك بالحرام

فمستغربش لو لقيت إن بيئتك مش هتُغني عنك شيء، ولا هتغيَّر الحكم التشريعي
كلهم غلطانين ولا كرامة

أيه اللي يخلي حد ينزل صورة واحدة ماتت في عيد ميلادها !
حتى لو ست كبيرة، فضلًا إن المعظم بينزل صور بنات شابَّة ماتت، تنزل صورتها ليه!

حتى من باب الاستئذان، فضلًا عن الحرام في نزول الصورة

‏سُبحان الله وبحمدِه سُبحان الله العظيم

ممكن لو فيه نصيحة ليا أو اقتراح تقوله على أكونت صراحة أو الآسك
https://sarahah.top/u/uchihaislam
ولو فيه حاجة محتاجة رد منّي هرد عليها في نفس التطبيق، مش هنا، وياريت معدش حد يبعت رسالة مدح ليا أو لأي حد عمومًا غير أصحابه وحبايبه

الحلال والحرام بيُقاس بقال الله سبحانه وقال الرسول صلى الله عليه وسلم، مش بيُقاس بعدد الجمهور "المحترم" المؤيِّد.

والفعل الحرام هيفضل حرام حتى لو لقيته صادر من الشيخ الفلاني على صفحته، أو لقيته موجود في لِبس زوجة الداعية الفلاني في الشارع، أو صورة جماعية مختلطة فيها شخص بتثق في دينه

يا رب إنك تعلم أن ما دعوناك به، وندعوك به، هو مبلغ عِلمنا الذي نرى فيه المصلحة لديننا وأنفسنا، وأنك أنت العليم الحكيم، فيارب اقدر لنا الخير لما فيه خير ديننا ودنيانا وارضنا به

الدعاء كُلُّه سعي
والدعاء أهم أدوات السعي
والدعاء أفضل السعي
ثم بقية أسباب السعي

بتقدروا تكتبوا كلمة: اللهم بارك، على صورة فيها بنت متبرجة متزينة أمام الأجانب إزاي؟
(سواء بنت على صورة بنت، أو راجل على صورة راجل ومراته\ خطيبته)
يعني دعاء البركة ده على المعصية إيه محلُّه من الإعراب؟

وإزاي حد يقبل يشغّل أسماء الله الحُسنى على مزيكا وأغاني! وفي مكان مدجج بالحرام؟
لازم يكون في أولوياتك التنبيه إن أي أغنية فيها كلام عن الله، أو عن سيدنا محمد صلى الله عليه وسلم زي (اللي بيحب النبي) والحاجات دي، متشتغلش بأي حال من الأحوال، مينفعش

ممكن أزوّد ع الكلام إن من ضوابط الخطوبة، إن الخاطب لا ينظر للمخطوبة بشهوة ولا هي تنظر له بشهوة، والمشاهد إن المشاركين في التريند ده مش منتقبات، وأظن إن ولا واحدة فيهم بتلبس نقاب لما تقعد مع خطيبها !
وده حرام واقعين فيه أهو! بس محدش هيهتم بيه، لأنه مش حرام مشهور، المهم عندنا الحرام المشهور وبس!

طبعاً ربنا يبارك في بنت غير منتقبة ولما بتقعد مع خطيبها بالساعات بتلبس النقاب أمامه، ربنا يبارك فيها ويحفظها ويثبتها ويعينها هي وبنات المسلمين كافة

أتعلم تلك الحسنة الخفية التي فعلتها ..وتعلم يقينا أن لا يعلم بها إلا الله...
‏ناشدتك الله.. أن لا تقلها لأحد ولا تعرّض بها في هذه المواقع بزخرف القول..
‏فقد تكون المنجية...في وسط ركام كنت تظنه شيئا ...فتبدد لقلة الإخلاص ..!

‏ندى عمر

اللهم أدم علينا نعمك وبارك لنا فيها واحفظها من الزوال

(اللهم إني أعوذ بك من عذاب القبر، ومن عذاب جهنم، ومن فتنة المحيا والممات، ومن شر فتنة المسيح الدجال)
قال بعض الفقهاء أن هذا الدعاء واجب، وإن لم يقل أنه ركن.
ومعنى فتنة المحيا والممات يعني ابتلاءات الدنيا، وابتلاءات الممات، وابتلاءات الممات: هو ما يكون عند الموت من الردة عياذًا بالله، أو ما يكون من سوء الخاتمة

(وأسألك نعيمًا لا ينفد)
ما هو النعيم الذي لا ينفد لا ينتهي؟

النعيم الذي لا ينفد في الدنيا الرضا بالقضاء، كيف ما هبت بك الرياح فأنت سعيد، لماذا؟ لأن هذا قضاء الله وقدره، لا يجدك أحدًا سخوطًا غضوبًا
والنعيم الذي لا ينفذ في الآخرة هو الجنة والنظر إلى وجه الله عز وجل

الله أعزُّ من خلقه جميعًا

لا إله إلا الله والله أكبر
لا إله إلا الله وحده
لا إله إلا الله وحده لا شريك له
لا إله إلا الله له الملك وله الحمد
لا إله إلا الله ولا حول ولا قوة إلا بالله

البنات اللي منزلة صورها، أو أصحابها منزلة صورها، ما تشيلوا صوركم، ولو حابين ابقوا نزلوا صور جديدة، لكن القديم أيه الفايدة منه؟ ما خلاص خدتوا اللاڤ والتعليق الجميل ووريني جسمك وجمالك للرجالة (أصل معلش لو كنتي عايزه توريهم للبنات بس، فعندك الواتس وتخلّي البنات أصحابك بس هما اللي يشوفوا جمالك)
فأيه الفايدة من إن الصور تفضل موجودة؟
مستنيين لما تموتي، أو صحبتك تموت، أو يحصل مشكلة في الأكونت ومتعرفوش تفتحوه!
وتفضل الصور للأبد معروضة قدام الناس؟
مش بيجي عليكم لحظات إيمان عالي تمسحوا فيها الصور القديمة زي ما بتتخلصوا من أي موضوع قديم في لحظات معينة؟
حرام ذنوب وفتنة للناس، بدون مقابل وبدون شهوة حتّى!
وغالبًا بمشاهدة الواقع ممكن تفضل الصور موجودة ليوم القيامة!
لو متمسحتش دلوقتي مش هتتمسح بعدين
ولو صحبتك كانت حريصة عليكي قبل الموت كانت مسحتها، إزاي هتمسحها بعد ما تموتي!
ده هتنزل صورك في تاريخ ميلادك وتاريخ وفاتك، ومش بعيد تحط عليها أغاني رومانسية!
ما هو مش بمزاجها تمشّي أحكام الدين على هواها!
محدش هيفيدك غير نفسك
والصور فيها فتنة للمسلمين والمسلمات، مش ذنب مقتصر عليكي
والصور فيها مجاهرة بحرام
ومفيش خاطر في رضا الله
والله أعزُ من خلقِه جميعاً

في نفس السياق

اللبس الشرعي لا يثبت ديانة، لكن اللبس غير الشرعي يُثبت قلة ديانة

النقاب أو اللبس الواسع، مع زعبوط طويل على الدماغ، أو لبس أوڤر سايز ملفت بشكل مبالغ فيه، أو شنطة غريبة، أو نضارة كبيرة ملفتة، أو اللبس ذات نفسه مُلفت وزينة

هيفيد بأية النقاب أو اللبس الواسع مع اللبس الموضة والشيك والأوڤر والكمام اللي نازلة على الكوع

والله ما هيفيدك بحاجة لبس واسع مع قلة دين
متتغرش بلبس شرعي ممزوج بتاتش قلة الدين من مظاهر جمال ومباهاه ليست من "عبادة الحجاب" في شيء

مش هتكتشف خطورة اللي بتعمله وبتوافق عليه وبتمرّره من غير نصيحة ولا تاخد موقف، غير لما تلاقي نفسك في قاعة الفرح وبتسقف مع أصحابك على رقص مراتك
ومش هتكتشفي خطورة اللي بتعمليه وبتوافقي عليه وبتمرّريه من غير نصيحة ولا تذكير، غير لما تلاقي نفسك بتحاولي توفّقي بين إن يبقى اسمك لابسة خمار، وبين إنه يكون باين رسمة الفستان على صدرك ووسطك في الفرح، ويسبقها البحث عن "ثغرات" في الدين عشان تحلّي لنفسك الزينة والأغاني في الفرح

النقطة الفاصلة وهي هتحدد المسار اللي هتكمل عليه حياتك هو نقطة الجواز

قبلها بتكون بتتحرّك على استحياء وبتتحجج بفلان المحترم وبفلانة المنتقبة، وبتتحجج بخلو البيئة من الصحبة الصالحة والدروس، وبتحاول تقلل من نشرك للحرام تجنبًا لصداع اتنين أو تلاتة من صحابك
بعد الفرح الموضوع هيكون على المشاع