الحمد لله رب العالمين

تلاوة من سورة يس

عادي البنت بتتخلّى عن زينتها المختلفة بما يتناسب مع طبيعة شغلها
لكن لو قلنالها تتخلى عن زينتها بما بتناسب مع ظهورها أمام الأجانب، هتقول: صعب جدًّا وأنا بحب الزينة المعيَّنة دي جدًّا !

عادي شغلانة تتطلب لبس سترة كاملة ساترة عليها لمدة ٨ ساعات توافق بكل أريحية
عادي شغلانة تتطلب تغطية الوجه لمدة ٨ ساعات توافق بكل أريحية
عادي شغلانة تتطلب عدم ظهور أيديها طوال فترة الشغل
وخلافه

طب هو أيه تبقى من اليوم أصلاً، لو شيلنا كمان ٨ ساعات نوم، ووقت البيت!
يعني التمرُّد على ما حرّم الله بحجة أنه حاجة محببة للنفس، بيكون نص ساعة يوميا وأنتي راحة وراجعة م الشغل + أيام الأجازات؟

لازم تكون البنت صادقة مع نفسها ومع أسباب فعلها للغلط، وأسباب منعها منه، عشان تعرف توصل لحل حقيقي يفيدها، لأن في النهاية سواء كذبت أو قالت الحقيقة فلنفسها ولنجاتها

الطبيعي إن كل الشهوات المتاحة أمام الفرد يقدر يتحكم فيها بقدراته وبظروفه، اللي ربنا هيأ له قدارته وظروفه وفتن مناسبة لها، يقدر يتحكم فيها
(لا يكلف الله نفساً إلا وسعها)

ده بخلاف الوقوع العَرَضي اللي طبيعي بيحصل، حتى لو حصل بشكل يومي بس يكون عَرَضي، بدون نيّة مسبقة وبدون ترتيب

فكلمة: الموضوع ده صعب جدا، أو شاق، وأنها تكون عقبة حياتيه قدام التغيير، ده مش صح
ده تريح ضمير مش أكتر
لأن الكلمة دي ممكن كنت تقولها في الشغل، بس أنت اختارت تقولها في الدين، الجانب المايل من حياتك
لكن أنت عندك مقدرة وتقدر؟ طبعاً، وده عدل ربنا لخلقه، واللي يقول ميقدرش على حكم ديني ربنا مقدَّره، يبقى مشكلة كبيرة

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.

مش بفهم الصراحة فلسفة البنت اللي تبقى لابسة لبس شرعي، وتتصور مع واحدة حاطة مكياج، أو مبيّنة حجم جسمها أو كاشفة عن جزء من دراعها أو رجلها
والأدهى أنها ممكن كمان تنزّل الصورة دي ستوري عندها أو في بوست!

ونفس البنت دي لو صاحبتها نزلت صورة ليها وفيه جزء من لون جلدها باين بخلاف الوجه والكف، هتزعقلها !
طب أنتي بتنزلي ليه؟
هما في داهية مش مشكلة! المهم أنتي تكوني بتعملي الصح وهما مش مشكلة!
ليه تتصوري مع حاجة عارفه أنها حرام، وفيه أوقات كتير بيبقى كبيرة من الكبائر؟
وكمان بكل أريحية وبكل حُب!
حتى بدون أدنى نصيحة
مع إن لو واحدة نزلت صورة ليكي بالشكل ده هتتخانقي معاها

أيه الفلسفة؟
مش عارف الصراحة، بس بحسها أقرب للأنانية وإشباع الرغبة النفسية حتى لو على حساب هلاك الغير

(أيها الكادحون إلى الله يجاهدون أنفسهم والشيطان والدنيا وأصحابهم والمجتمع والأعراف؛ آخرُ الكَدْح لقاءُ الله)
.

مش قادر أفهم إيه الحلو في الشتا، في البيت برد، حتى لو عرفت تدفي نفسك، هتعاني لو تغسل أيدك أو تتوضى أو تدخل الحمام
وبرا البيت طين وزحلقة
ما فيش أحلى م الصيف والله
الشتا ده ابتلاء الصراحة لينا أهل المدن، فما بالك بأهل القرى، أو فما بالك بأهل الملاجئ والمخيمات

يعني أكون متأكدة أنها هتستخدمه في حاجة حرام، وكل اللي يهمني (هآخذ إثم معاها ولا لأ) !
وهي عادي يعني تولع لواحدها !
مش فاهم ليه خطاب الأنانية ده منتشر أوي

التريند بتاع:
روحت اعمل حاجة طلعت غالية/ روحت اشتري حاجة طلعت غالية، فجبت المكونات في البيت وعملتها

دي كلها مواقف كذب، وحرام الكذب ولو في الهزار
الصراحة مش فاهم أيه الداعي من البوستات دي، وفين الضحك أساساً فيها، حتى لو شارك فيها ناس محترمة، هيفضل كدب

قال النبي صلى الله عليه وسلم:
أنا زعيمٌ ببيتٍ في وسطِ الجنَّةِ لمن ترك الكذبَ وإن كان مازحًا.

الناس اللي بيتقال عليهم محترمين ومؤدبين في عالم موازي، لو كانوا صحابي كنت زماني مبلكهم والله، من كمية الحرام اللي بينزلوه يومياً
تقريباً بيوصفوا المحترم بإنه محترم وملتزم على حسب ملامح وشّه!
وطبعاً رضا أصحابهم أهم من دينهم وصلاحه، فبيخافوا يشيلوهم عشان ميتقمصوش، وفي داهية بقى الدين اللي بينسحب بالتدريج!

أي واحدة عاملة أكونت على الانستجرام، فهي حاطة نفسها في ركن ضيق جدًّا، هيبقى واجب عليها تنصح كل واحدة منزله صورة مش بحجاب شرعي، أو متزينة، وبعدين تشيلها من عندها عشان تنكر المنكر بأيديها وفي استطاعتها وبدون مفاسد
عشان كثرة تعرّضها للصور دي، هيقل من دينها وسترها مع الوقت، ولو مش هيقلل فهو غلط تتفرج على حرام

بيقولك:
الفيلم ده بدون مشاهد خارجة، فعادي تشوفه!

المشاهد الخارجة هي:
مشاهد فيها اختلاط بين راجل وست غير محارم
مشاهد فيها كشف عورة الست أو عورة الراجل
وعورة الست كلها، أو كلها ما عدا وجهها وكفَّها
مشاهد فيها أغاني
مشاهد فيها رقص
مشاهد فيها كذب لإضحاك الناس
مشاهد فيها تريقة على شعائر دينية
مشاهد فيها تزوير للتاريخ
وخلافه

لكن لو تقصد بالمشاهد الخارجة مشهد من مشاهد مقدمات الزنا، فدة مش مشاهد خارجة، ده فُجر

فلو فيه فيلم بدون مشاهدة خارجة عن تعاليم الدين، اتفرج عليه مفيش مشكلة

مهما كان شكلي أو فعلي فأنا واخد بفرضية اللحية، زي ما واخد بفرضية النقاب
وكل واحد وظروفه، بس الظروف مش هتغير من الحكم، وربنا يعين الجميع على عبادته على الوجه الذي يرضاه، ويتقبله

أنا ضد أي بوست بيقول: قلل سوشيال ميديا، أو اقفل الميديا، عشان المشاكل اللي بتيجي منها وخلافه
ربنا يرحم ويبارك في المشايخ اللي مهتمة بالميديا ومخصصة مقدار من الوقت للإجابة على أسئلة الناس وشرح المسائل الفقهية، والفتاوى المعاصرة ليهم
يا رب بارك في أوقاتهم وبارك فيهم

ما كل مجال في الدنيا فيه جزء كويس وجزء وحش، اشمعنا بنيجي عند الميديا ونقول نقفلها عشان عيوبها كتير! ما أنت لو خدت بأسباب تقليل عيوبها ومشاكلها، مش هتحس إن ليها مشاكل أصلًا

أما لو أنت عايز تتفرغ للعبادة فده شيء تاني خاص بيك لواحدك، لأن الدعوة إلى الله وتعليم الناس الدين من خلال الميديا من أعظم العبادات!

أكبر ميدان في العالم فيه ناس مجتمعة، وأكبر ميدان فيه ناس فعلًا عايزه تعرف وتتعلم وتسأل والمشايخ تجاوبها، ليه ببساطة يتقال: اقفل يا شيخ ميديا بلا وجع دماغ!!
وجع دماغ في تعليم دين ربنا !
حتى لو هيجيلك منه مشاكل أو وجع دماغ أو خلافه، طب ما أيه المشكلة؟ ما ده الطبيعي

ولا هو وجع الدماغ والمشاكل لو في الشغل عادي، لكن لو في العلم والتعلم يبقى بناقص نعتزلها؟

الميديا لا غنى عنها، ولا غنى عن وجود مشايخ ومفتيين يسمعوا للناس ويشرحوا ليهم ويجاوبوا على أسئلتهم، حتى لو فيه أوقات الفراغ، والكل عنده أوقات فراغ

لكن الاعتزال ده! قمة الغلط

أي حد لسه محترم ومش بيستخدم موضوع التعدد في الهزار، أو يستخدم أي ابتلاء يحصل في الهزار، أو يصنع منه كوميكات، فهو شخص على دماغي، وبخلاف كدا، بيحط نفسه في موقف محرج وبيقلل من قيمته وسط الناس

الأمر بالمعروف والنهي عن المنكر غايتك الأولى منه مش السعي في إصلاح العالم، ولكن السعي في إصلاح نفسك بدايةً والنجاة بها

- هو من أهم الأسباب في ثباتك

- وربنا قال: ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون

- وقال: وإذ قالت أمة منهم لم تعظون قوما الله مهلكهم أو معذبهم عذابًا شديدًا قالوا معذرة إلى ربكم ولعلهم يتقون

- قال رسول الله صلى الله عليه وسلم: (لتأمرنَّ بالمعروف، ولتنهون عن المنكر، أو ليوشكن الله أن يبعث عليكم عذابًا من عنده، ثم تدعونه فلا يستجيب لكم) !

قبل النصيحة ادعي للشخص المنصوح بالهداية، وبعد النصيحة ادعيله بالهداية، خليك كريم مع حبايبك والمسلمين بالغيب

الله الواسع، والإسلام جامعنا، اوعى تفكر بأنانية وبُخل
ومتخليش النصيحة "تقضية واجب" أو نظام "ترييح ضمير"

اللي البنت بتقول عليه فتنة صعبة، وتكليف إلهي صعب جدًّا على النفس، ولازم أنفذه بخطوات مينفعش أعمله علطول لأنه محتاج مجاهدة كبيرة

بيكون أسهل شيء على نفس البنت في تركه تماماً، لو كان شرط لشغلها !

واللي البنت بترفضه وتنكره من أفعال حرام من بنات مشاهير على الميديا
بتقبله لو اللي عمله شخصية بتحبها وكمان بتهنّي صحابها لو عملوه!

عشان متحسش بالتناقض، تشوف فعلًا هي ممتنعة عن الحرام بسبب إنه حرام، ولا على حسب دين البيئة المحيطة هي ماشية!
لأن إحساس التناقض ده مع الوقت بيُفضي لفعل الحرام

نيتك في الأعمال عامل مهم لزيادة إيمانك، وفي ثباتك، وأحرى للقبول عند الله، ومن الاستجابة من الناس

يا رب الناس اللي كل كلامها عن الجواز والتعدد تتجوز
الموضوع بقى رخم أوي الهزار في الجواز والهزار في التعدد، ودمه تقيل، ولا بيضحك ولا نيلة، مش فاهم أيه الهدف من استهلاك المجهود في الكلام عن احتياجك للجواز أو كوميكاتك عن التعدد