عشان نبيّض ساحة المفتيين ونمنع الناس من الخوض في علمهم وفتواهم

الشخص صاحب المشكلة اللي جاي ياخد م الشيخ فتوى بإباحة الاختلاط والتعامل بين الجنسين في التيمات المختلطة، هو بيسأل سؤال ناقص إما بسبب غشه أو بسبب جهله

ولو اطلع الشيخ المفتي على الأخطاء والمهازل اللي الشخص ده شافها جوا التيم بس لم يخبر الشيخ عنها، كان الشيخ جاوب بالفتوى الصحيحة
أو لو كان أخبر الشيخ إن فيه تيمات بنفس النشاط قائمة على الفصل بين الشباب والبنات والغرض اللي معمولة عشانه متحقق، كان الشيخ جاوب بالفتوى الصحيحة

عشان محدش يسارع ويغلط في شيخ، بسبب شخص غبي نقل فتوى منه بدون ما ينقل معاها السؤال كان عامل ازاي

أكيد هتقابل أذى وحرقة دم وشتايم وصداع ومضايقة وأنت بتأمر بمعروف وبتنهى عن حرام، فمن باب التّسلِّي والصبر: صبّر نفسك إن دي ضريبة أعمالك الحرام، أو ده طبيعي يحصل لأي حد يدعو إلى الحق ملهاش علاقة بأسلوب وغيره
وربنا قال كل بني آدم في خُسران، إلا من آمن وعمل صالحًا وتواصى بالحق وتواصى بالصبر
ما دام هتقول الحق، لازم تصبر على ضريبة قوله

بيداروا على عدم نظافتهم الشخصية بالمكياج والبرفان
بيكسِّلوا يستحموا بعد ما يجوا م الشغل وينضفوا نفسهم، وعشان ينزلوا تاني يوم للشغل، لازم يحطوا مكياج يغطِّي على شعر وشهم وعلى ريحة بوءهم وجسمهم، وبرفان لباقي الجسم

بيسيبوا سنّة النظافة الشخصية الحلال، ويتجهوا لنظافة خارجية مصطنعة حرام
وبعد ما يعملوا كدا يفضلوا ينظَّروا على الستات الغلبانة اللي بيطلع منها ريحة مش كويسة وهي راجعة م الشغل ف المواصلات!

وآه جزء كبير من اللي بيحطوا مكياج شخصيات مش نضيفة نهائي، بتنضف نفسها في المناسبات بس، والمكياج بيغطِّي على العيوب في باقي أيام الأسبوع

قبل ما يجي تفكير للبنت أنها تنزل تشتغل عشان "تتشاف" أو عشان "تتجوز بسرعة" لازم تفكَّر في كذا حاجة:
كام واحدة مش شغَّالة وجالها العريس لحد البيت؟
كام واحدة شغَّالة وعدَّت سن التلاتين ولسه متجوزتش؟
كام واحدة شغَّالة واتجوزت بسبب أنها نزلت شغل بس جوازة ولا أسوأ منها؟
كام واحدة شغَّالة واتجوزت واتطلقت بعد مدة بسيطة؟
كام واحدة شغَّالة لحد ما تتجوز وبعد كدا بتنوي تسيب الشغل بعد الجواز، لكن مش بيحصل والفلوس بتعميها، وبتكمل شغل، وبناءً عليه أولادها بيتربُوا في الشوارع أو عند الجيران؟

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.

فيه خطيب أو واعظ موعظته بتنتهي على باب المسجد، أو لما تقابل أصحابك
وفيه خطيب أو واعظ برُوح حركية، يبقى همك الشاغل طول اليوم إنك تلاقي وقت مناسب لتنفيذ اللي قاله

اللهم وصلًا بمن يَصِلنا بك، وقطعًا عمَّن يقطعنا عنك

تطبيقات الموبايل مش مقصودة لذاتها، هي حلوة عشان أصحابنا اللي عليها، أو الاستفادة اللي بتحصّلها منها، لو نزلت تطبيق ومش عليه صُحاب ليك، أو مفيش محتوى بيفيدك، بتبقى تطبيقات مملّة
عشان كدا الموبايل بقى ممل بالنسبة ليا دلوقتي

فيه جُملة منتشرة منسوبة ل د. أحمد عبد المنعم
(عندما فُرض الحجاب تحجّبت أطهر نساء الأرض عن أطهر رجال الأرض)

والحقيقة بعيدًا عن إن الجملة للشيخ أو لأ، أو متزئة بشكل مش مناسب
إلا إن فيها نقطتين:
فين الاستفادة من جُملة زي دي؟ فين الحكمة؟ فين الهدف من نشرها؟
مش شايف فيها حاجة
وخصوصًا اللي فاجئني انهاردة إن واحد منزلها وكاتب عليها ل د أحمد، لقيت كومنت على البوست لواحد تاني: أنت سارقها مني!
والصراحة مش فاهم فين مجال السرقة في الموضوع، لكن ده واقع حاصل

الجزء التاني إن الجملة مش صحيحة، لأن غالبًا أطهر نساء الأرض دول محارم لأطهر رجال الأرض، وكانت ممكن الجملة تتقال: تحجّبت أطهر نساء الأرض أمام أنجس رجال الأرض وهم المنافقين والمشركين!
وتحجّب برده أنجس نساء الأرض من المنافقات!
وكان الجزء الأكبر اللي بيشوف الناس من المنافقين والمشركين، بحكم عددهم أكبر من المؤمنين، فلو كانت العبارة بقول: أنجس رجال الأرض كانت هتبقى أولى!

لكن في الحالتين وباعتبار إن الجملة صحيحة، مش شايف فيها موعظة أو حكمة أو سبب لنشرها

مش حاجة كويسة إن اللاعب بعد ما يسجل هدف إنه يسجد، والأولى له إنه يغطِّي عورته على أحد الأقوال إن ظهورها حرام، وسجود الشكر سنَّة، واجتناب الحرام فرض
الفرحة لما لاعيب يكون مخطِّي عورته لحد ركبته، لكن السجود مش شيء يدعو للفرحة

مينفعش تعمل افتتاح لمكان وتشغل قرآن وبعديه تشغل أغاني، ويجي واحد يقول: كويس إنه شغَّل قرآن
لأ، الأفضل إنه ميشغلش حاجة خالص
الزّج بالقرآن بالشكل المعتاد ده في مواضع الحرام، وحتى لو هتشغل أغاني، متشغلش قرآن برده

لما يكون مكان مجتمع فيه شباب وبنات باختلاط غير مُبرر وبلبس بنات متبرج حرام، متشغلش فيه قرآن، قول التهجيص اللي عايز تقوله وامشي وانهي الحرام الحاصل القائم ده سريعًا

لما تعمل فرحك وتعمله فرح حرام، متبدأش الفرح بقرآن ولا بأسماء الله الحسنى، قلل وقت الفرح والتجمع الحرام ده، ولا تزج بالدين في مواضع الحرام ليكون امتهان لشعائر الدين أكتر من إظهارها

والعامل المشترك بين المواقف وغيرها هو ترسيخ فكرة: التعايش السلمي بين الطاعة والمعصية
ومفيش أي سبب يدعو للفرحة بالشعارات دي في أماكن الحرام

المِهن اللي ممكن المرأة تحس فيها بشيء من الإهانة أو الإحراج، لكن بتشتغلها لاضطرارها للفلوس، زي خدّامة، أو عاملة نضافة، أو حارسة عمارة، وخلافه
بشوف إن حاجة كويسة إنها تلبس فيها نقاب للسبب ده، ولما تخلص شغل تخلعه أو براحتها
وده مش نوع من التلاعب بأمر ديني، ولا نوع من التخفِّي ورا مظهر ديني برده
ولا يدل على قلة دين المرأة أو إنها قليلة الأدب أو أي شيء نهائي، هو يدل إنها لابسة نقاب تجنبًا للأذى اللي ممكن تتعرض له حتى لو أذى نفسي بس

- (من قال لا إله إلا الله وحده لا شريك له له الملك وله الحمد يحيي ويميت وهو على كل شيء قدير
(١٠ مرات) بعد صلاة الفجر وبعد صلاة المغرب ...
وهو ثانٍ برجليه قبل أنا يُكلِّم أحداً، أرسل الله له مسلحة تحميه)
مسلحة مسلحين من الملائكة يحمونه.

- بعد صلاة الفجر وبعد صلاة المغرب يقول الإنسان وهو دانٍ برجليه قبل أنا يُكلِّم أحداً: (اللهم أجرني من النار سبعاً) كُتب له جوار من النار.

بيبقى بين إن الشخص يهوى في مستنقع التنازلات، وبين إنه يستمر في المحافظة على مبادئه ودينه؛ نصيحة واحد صاحبه
نصيحة واحدة بس، كلمة بسيطة جدًا، هتغيَّر حاله المستقبلي بالكامل
لكن للأسف بيبقى فيه نوع من عدم تحمل عواقب النصيحة
أو نوع من عدم الرضى بالأذى في سبيل الله
أو نوع من الخوف من ردة الفعل
أو نوع من اللامبالاة
أو نوع من الكسل
أو نوع من الأنانية

أغلب الأوقات اللي بيقدِّم تنازل بقصد، أو بيقع في تنازل بغير قصد، بيبقى مستنِّي ولو شخص واحد غريب يقوله بلاش، حتى لو هيقولهاله بشكل مش كويس
أغلب الناس بتعتمد في تقديم التنازلات، على أسلوب "العلامة"
لو حد بس قاله كلمة، هيقول: دي علامة، ومعدش هيعود للتنازل ده
ولو محدش كلمه نهائي، حتى من يظن هو إنهم أهل دين وعلم، هيقع
وهنيجي بعد كذا شهر نقول: سبحان الله ده كان محترم جدًّا بقى عامل ازاي!!
ربنا يثبتنا!!
.

لو فعلًا مش عايز تغش في الامتحانات، بس مقاومتك ضعيفة في اللجنة، ادعي ربنا بفقد أسباب الغش في الامتحانات في اللجنة
وربنا يعينك لو صادق في دعواك

أمَّا تبييت النيَّة على الغش في الامتحان، فدي مصيبة
.

(أصابتنا فتنةٌ لم نكن فيها بررةً أتقياءَ ولا فجرةً أقوياء)

بلايستيشن في مدينة الحرية في المنصورة، وطبعًا مش مشغّل أغاني، ولو حد شتم بصوت عالي بيروح يقوله الشتايم لو سمحت

فَلَا یَكُن فِی صَدۡرِكَ حَرَجࣱ مِّنۡهُ

رأيت في بعض المِحن أناسا يبدؤون الصلاة على النبي صلى الله عليه وسلم طلبا لتفريج كُربة أو تحصيل مِنة، موقنين بفضل الله عليهم، فما يتوقف لسانه حتى ينال مراده أمام عيني.

الشيخ أبو علياء

أمرنا الله بأمرٍ بدأ فيه بنفسه سبحانه ثم بملائكته فقال:

"إن الله وملائكته يصلون على النبي يا أيها الذين آمنوا صلوا عليه وسلموا تسليمًا"

والله يعلم نذكر المكروبين من المسلمين ساجدين في كل صلاة؛ يا رب لا تُنسينا أهلينا المسلمين من الدعاء

يا رب اجمعنا بحبايبنا

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.