والحمد لله إن أنا حتى وأنا كنت فيها مظنش كنت يوم واحد بس حتَّى مبسوط جواها، ومكنتش راضي عن أي فِعل ليا، حتى لو اصلاحي
ومستحيل ادخل تاني حتى لو كان فيه نفع للناس الموجودة
اللي عايز يبعد هيبعد، واللي عايز يهتدي ربنا هيهديه، الضابط هو نية الشخص + بذله للوصول، مكنش الضابط نهائي إنه يستني شخص عشان يعرف الصح من الغلط
والدليل إن المعظم جالهم شخص واتنين ومحدش اتغيَّر، وناس جالها النبي صلى الله عليه وسلم وبرضه زي ما هي
(فأما من أعطى واتقى (5) وصدق بالحسنى (6) فسنيسره لليسرى)
(وأما من بخل واستغنى (8) وكذب بالحسنى (9) فسنيسره للعسرى)

وأنت بتستعرض آية: (لا يُكلِّف الله نفسًا إلا وسعها) أو آية: (لا يُكلَّف الله نفسًا إلا ما أتاها) في لحظات ضعفك وانطفاءك في السعي الدنيوي والسعي في الرزق

افتكر إن في الحرام المتاح أمامك وفي النهي عن الحرام وعدم اتيانه: (لا يُكلِّف الله نفسًا إلا وسعها) و(لا يُكلَّف الله نفسًا إلا ما أتاها)
ليه لم تنتهِ عن الحرام المنتشر بكثرة حواليك وهو في وسعك الانتهاء عنه؟
وليه لم تتب من قريب عند إتيانه، وفي وسعك التوبة منه من قريب؟

وفي الطاعة والصبر على الطاعة والمحافظة على الواجبات: (لا يُكلِّف الله نفسًا إلا وسعها) و(لا يُكلَّف الله نفسًا إلا ما أتاها)

وفي الابتلاءات والصبر على البلاء: (لا يُكلِّف الله نفسًا إلا وسعها) و(لا يُكلَّف الله نفسًا إلا ما أتاها)

لو حد لقى حاجة أنا كاتبها عجبته أو فيها نفع ياخدها بدون اسمي وبدون (منقول) أو (لصاحبه) وخلافه، وينشرها بين الناس

إن شاء الله يكون له أجر كبير إن صحَّت نيته
والمهم النية تكون لنفع المسلمين ولأن يُعبد الله ولا يُعصى، وميكونش النية حُب الظهور أو التفاعل

زي ما كنت زمان مفكَّر إن الشخص اللي بيطلع على التليفزيون بيدفع فلوس عشان يطلع على التليفزيون ويبقى مذيع ويتشاف وكدا
برضه كنت فاكر إن شخص لما يشوف كلام له انتشر على الميديا، أو حد انتفع بيه وخده ونزله عنده وحد تاني ينتفع بيه وهكذا في سلسلة؛ إنه هيفرح ويتبسط

بس للأسف اكتشفت العكس، لإما لازم تكتب اسمه! أو تشير له البوست! أو أي شيء
مع إن الكلام ده مش كلام مطبوع في كتاب ليا، لو انتشر سوق الكتاب هيقف، ده كلام عادي على الميديا مش هيضرّك ماديَّا

كلامي بخلاف إن الكلام ياخده شخص جاهل ويتشهر على قفاه والناس تاخده مصدر ثقة، ده طبيعي إن الشخص يتضايق منه لأنه بسبب الموقف هيضر الدين
ودي حالة قليلة

ده رأيي الشخصي محدش مُلزم بيه، وكل واحد حُر في تحكمه في متعلقاته الشخصية بدون تعدٍّ
لكن أظن إن الموضوع لو كان دينيًا بيبقى فيه سِعة عن كدا شوية بس

كنت أتمنى اسمي بناتي إن شاء الله (مريم - كناريا)

خلِّي بالك إن أنت لو فيه مجتمع منتشر فيه الزنا أو شُرب الخَمر
وبتحضر أفراحهم اللي فيها خمرة
وبتشوف الاستوريهات اللي فيها مقاطع زنا، أو مقدمات الزنا
وبتحضر مجالسهم اللي كلامهم وشُربهم فيها حرام
وبتشوف بوستاتهم ع الفيس، اللي غالبًا هتبقى كوميكس عن الخمرة أو الأفلام الأجنبية

كنت هتقول نفس مبرراتك؛ من إن النصيحة صعبة، ومحدش هيتقبلها، ومن إن أنا مُجبر أحضر معاهم الفرح عشان ميزعلوش، ومش حابب أنصح حد عشان محدش يزعل مني، وكده كده أنا بروح معاهم لكن مش بعمل حاجة حرام إلخ إلخ

نفس اللي بيحصل في مجتمعك من انتشار استوريهات الأغاني وبوستات الكوميكس بصور فاسقين وعرايا، وقعداتهم أغلبها غيبة ونميمة، وفي الكلية لا تخلو من الغش في الامتحانات والسرقة في الغياب، وفي الشارع لبس حرام غير شرعي

اللي مش هتعمله في مجتمعك، فمن باب أولى مش هتعمله في المجتمع التاني، ومن باب أولى مش هتعمله لو كنت في مجلس فيه كلام كُفر، لأن الأدنى أنت متكلمتش فيه

وربنا العَدل
والفُرص متساوية
ووضعك وتربيتك ومجتمعك ومقدار الدين اللي واصلك؛ كفيل بتأدية واجبك الديني من الأمر بالمعروف والنهي عن المنكر

لكن أنت بتسعى في تحصيل المال بشتَّى الطُرق، ومش بتسعى في حماية دينك وتعلُّم دين ولو بطريقة واحدة!
(وما ظلمهم الله ولكن كانوا أنفسهم يظلمون)

كان الصحابة رضي الله عنهم في زمن النبي صلى الله عليه وسلم إذا حدثت الحادثة أخذوا حكمها من الوحي، سواء كان مباشرًا وهو القرآن، أو غير مباشر وهو السنة
(ودي فرصتهم، وقوة الوحي متناسبة مع قوة الابتلاء)

ومع ذلك في عهد النبي صلى الله عليه وسلم كان فيه كفَّار ومنافقين وأصحاب كبائر، ممَّن صاحبوا النبي صلى الله عليه وسلم ورأوا معجزاته وسمعوا آيات الله غضَّة طريَّة تُنبئّهم بأفعالهم بشكل غيبي!

الله تعالى عدل، لا يظلم أحدًا
(إن الله لا يظلم الناس شيئا ولكن الناس أنفسهم يظلمون)
(ولا يظلم ربك أحدًا)
(إن الله لا يظلم مثقال ذرة)

فمتتخليش لو أنت مش مؤمن بالأدلة وبكلام العلماء الحالي في المسائل الدينية، أنك كنت هتكون أحسن حال أيام النبي صلى الله عليه وسلم وكنت هتقول سمعنا وأطعنا!
كنت هتبقى بنفس الوضع، مجادلتك الحالية ومراوغتك للأحكام ولي النصوص، وتتبع الثغرات، كنت هتتبع نفس الأساليب في الهروب من الجهاد ومن الزكاة ومن اللبس الشرعي لبس أمهات المؤمنين وخلافه
ربنا يهدينا لما فيه خير ديننا ودنيانا

أنك تشوف صاحبك بيغش في امتحان، أو بيسرق في تسجيل غياب، أو لبسها لبس حرام مش شرعي، أو صاحب بيشتغل شغل حرام، أو بينزل بوستات أفلام، أو استوريهات أغاني
وأنت مش بتنصح!
فأنت بحالك ده لو شوفته وهو بيزني وبيشرب خمر، مش هتنصح، ولو ارتد عن الدين
النصيحة هي النصيحة
والحرام هو الحرام
والمجاهرة هي المجاهرة
وأنت هو أنت بنفس تخاذلك وأنانيتك

عشان لو كنت بتقلل من حرام حرَّمه الله! بالنسبة لحرام تاني أكبر منه، ومستني الحرام الأكبر عشان تنصح فيه، فأنت مستحيل تنصح فيه
ومفيش أكبر من حرام بيتم المجاهرة به، عشان تنصح صاحبك وهو بيعمله

أسهل حاجة في الزمن ده إنك تحلق دقنك وتحط صور متبرجات ومقاطع أفلام وتسب وتشتم وتريح ضميرك بالجملة السخيفة (أنا ماقلتش إني شيخ).

ده على أساس إنك فاكر لما هاتقف قدام ربنا هايدخلك الجنة بغير حساب لمجرد إنك ماقلتش إنك شيخ؟

لا يا حبيبي هاتتحاسب زي الشيخ ويمكن أكتر لأن الشيخ ممكن يكون مقر بذنبه لكن أنت بجح مُصِرّ.

بديهيات من عمو حسام

إن أهنا عيشة قضَّيتها
ذهبت لذاتها والإثم حلّ

كل ما أسمعها، أفتكر الحرام الجماعي اللي لا يَقوم إلا بحضوري وحضور أصحابي، ولو مجيناش، كان الحرام الجماعي ده هيُهدم
لكن للأسف فضَّلنا المتعة واللذَّة على حُكم الله، وحاليًا يوميًا قاعدين بنجني تبعات الحرام الجماعي ده، من فتنة لشخص، أو سبب في استمرار العمل الحرام ده، أو إن وجودي سبب اطمئنان لحد بإن الفعل ده حلال وخلافه

زي الأفراح وحفلات التخرج والتيمات الطلابية وأي تجمع لا يجوز

ربنا يغفر لنا ويهدي عباده المؤمنين لما فيه الخير لهم

تحلَّى بشجاعة سيد الخلق صلى الله عليه وسلم في نصيحتك وفي فعلك وقولك

لو مش هتعرف تمتنع عن حرام معيَّن تمامًا، حاول تأجِّله وتأخَّره

فيس بوك، تويتر، استوري واتس، إلخ

بتلاقي الناس بتشتكي ربنا -تعالى الله عن ذلك- بشكل غير مباشر، وهي إنها بتشتكي أقدار الله، بتشتكي لمين؟
مش لحد، هي شكوى لمجرَّد الشكوى، شكوى لإن الوضع العام في سباق في نشر الشكاوي والصعوبات اللي الشخص بيمر بيها وإزاي بيقدر يعدي منها بقدارته الشخصية وبس

طب مفيش أي نِعمة أو فضل من ربنا حصلك في يومك؟ تشكره عليها علني، زي ما بتضجر علني على قدرك السيء من وجهة نظرك؟
مفيش حاجة خالص؟

لو واحد بص من برّا على كلامك مجملًا، هيلاقي معنى ضمني واضح بيدل عليه كلامك، وهو إن أنت شخص مظلوم من … الأقدار !

والله هو العدل المطلق
وستُكتب شهاداتك المنتشرة على الميديا عن حياتك وشكواك، وعن كُفرانك للنَعم وتضجرك، وستُسأل عنها يوم القيامة أمام الله

‏مش مهم كنت بتعمل أيه في الماضي
‏المهم دلوقتي بتعمل أيه؟
‏وهتعمل أيه؟

من المفارقات الرخمة اللي بلاحظها كتير
لو واحد عامل فرح محترم بدون حاجات حرام، بتلاقي الناس بتعتذر لأسباب عادية ولكسل
لكن لو فرح حرام، هتلاقي كلام زي: عشان ميزعلش مننا، هنسلم بس وهنمشي، أنا رايح غصب عني بس عشان أفرحه.. إلخ بشكل رخم

لما يبقى فيه حرام، بتلاقي الحجج والمبررات عشان تروح وعشان الموضوع يزيد بجاحة بتلاقي إنه بيزوّق الحجج دي بإطار ديني
والعكس لو فرح ديني، بيلاقي كل الحجج والاعذار إنه مش هيقدر يحضر

وللأسف مش واخد باله إن الأولى عبادة والتانية حرام ومعصية
الموضوع مش مجرّد عمل مباح
وإن الحجج في الحالتين من تزيين الشيطان
وأن من أعطى واتّقى سيسره الله لليُسرى
وأن من بخل واستغى سيُسره الله للعُسرى

مش عشان اسمه الشيخ فلان
أو معروف عنه إنه شخص متدين
أو إنه شخصية محترمة
أو هي لابسة حجاب كويس أو خمار أو نقاب
أو هي بنت محترمة آوي

إنه يحصل تمرير للحرام اللي بيعملوه! ونقول إن ليهم أعذار خاصّة بيهم منعرفهاش، عشان بس مش عايزينهم يطلعوا بيعملوا حاجة غلط، وهما معروف عنهم عكس ده

لو أي حد عمل شير أو اتفاعل مع بوست فيه حاجة حرام؛ فهو فِعل حرام ويجب نصيحته
وأشهر البوستات اللي بتتمرَّر، هي اللي فيها صور بنات وسواء كانت متبرجة بمكياج أو بلس غير شرعي أو مش محجبة، التفاعل مع الصور دي هيفضل حرام، ومش هيفيدك إقرارك بفعله عشان هو بالنسبالك "شخصية محترمة اوي"!

تيجي تتفرج على ما يُسمى "بودكاست ديني" عشان تبعد عن الأفلام والمسلسلات، تلاقيهم بيقولوا ألشات أفلام ومسلسلات!

وتيجي تتابع على الميديا أكونت لشخص "محترم" و"متدين" تلاقيه قاعد ينزِّل كوميكس عن الممثلين والأفلام!

وفي الحالتين دي قلة أدب، ملهاش تبرير

وصورة ممثل من فيلم عارفه أو ألشة من فيلم كنت بتحبه؛ كفيلة تضيَّع منك الحالة الإيمانية اللي أنت قاعد تسمع ساعات عشانها

والله معادلة بسيطة:
مش لازم تبقى قطب من أقطاب الإسلام، أو تترك أثر
الأهم من دا:
إنك متبقاش فتنة لغيرك !
متجاهرش بذنبك !
متخليش الإسلام يُؤتى من ناحيتك !
مش لازم تَعمَل للإسلام
بس على الأقل خلاص سيبه زي ماهو !
عيش وموت من غير أي إضافات للدين، بس في نفس الوقت ميجيش أذى للدين من ناحيتك أو بسببك !
أي تصرف عندك فيه شبهه حلال أو حرام، متجاهرش بيه على الأقل !
الموضوع مش مستحمل، والناس ما بتصدق تلاقي حد بيعمل، عشان تعمل
أي تصرُّف قيسه بميزان الحسنات والسيئات، مفيش كفَّة تالتة، لو مش موجود في ميزات الحسنات، بلاش تجاهر بيه على الأقل خالص
فعلًا والله:
هو دينٌ غالٍ، أتاكَ على أشْلاءِ ناسٍ؛ فلا تكنْ محطةَ نَحْسٍ، فتُفَرِّطَ فيه
سيبه زي ما هو
وهتدخل الجنة بإذن الله، بدون أي أثر في الحياة، مش مهم
المهم تعبد ربنا زي ما قال

إن من تترك نصيحتهم خوفًا على زعلهم، وتحضر معهم لأماكن الحرام خوفًا على حزنهم؛ لا ينفعونك كثيرًا في مصائب الحياة الدنيا على ظهر الأرض؛ فأنَّى ينفعونك شيئًا في دواهي الآخرة تحت الأرض ثم يوم العرض!