اللهم إنَّا نعوذ بك أن نُفتَن فنأتي ما كنا ننهى الناس عنه

لقيت ناس كتير مسميين أولادهم باسم (نوح) و(موسى) أسماء جميلة جدًّا وعجباني

يا رب إنك تعلم أن ما دعوناك به، وندعوك به، هو مبلغ عِلمنا الذي نرى فيه المصلحة لديننا وأنفسنا، وأنك أنت العليم الحكيم، فيارب اقدر لنا الخير لما فيه خير ديننا ودنيانا وارضنا به

كتير من ألوان الأغاني والمهرجانات وأنواع الغُنا، كانت الناس هتكرهها جدًّا لو كانت حلال، ولو كانت بتشتغل في المواصلات كانت الناس هتزعق مع السواقين عشان يقفلوها عشان مقرفة، ولو كانت شغالة في أفراح، الناس هتسيب الفرح وتمشي تقف برا القاعة عشان متسمعش الإزعاج ده

السبب الوحيد أنها محبوبة، إنها حرام، وممنوعة، والأغلب ماشي بمبدأ:
(ما ألذَّكِ في الحرام، وأبغضكِ في الحلال)

حتى إن كتير من المباحات، الشخص بيسيبها وملوش رغبة فيها، فبيفترض على نفسه قيود عرفية أنها حاجات عيب مينفعش تتعمل، عشان يحس بقيمة في الحياة وأنه ممتنع عن حاجة غلط
وكذلك حاجات بيعملها زيادة مش مفروضة عليه، لكن عشان متعود على فعلها، بيحاول يخليها واجبة عليه من ناحية الدين -عقليًا بجهله- أو العُرف

البنت لما بتدخل كلية طبِّية وبتتسأل ليه دخلتها، غالبًا بتقول عشان الطبيبة المسلمة وأعالج النساء وما شابه
نيجي نشوف تاريخها في الكلية تلاقيه:

غش في الكويزات والامتحانات
سرقة في تسجيل الغياب والحضور
بتجمع الصلوات عشان مواعيد السكاشن
بتشتغل لحالات "رجال" عشان مش لاقية حالات "نساء"
في حين برضه إن الشباب بيشتغلوا لنساء عشان مش لاقيين حالات رجال !!
هو شغل عكعكة وخلاص
يعني الدكتورة اللي بتشتغل لحالات رجال في الكلية عشان درجات، مش هتشتغل بعد ما تتخرج لرجالة عشان فلوس! أكيد هتشتغل
والدكتورة اللي المفروض المريضة المسلمة أمانة عندها، كان عملها في الكلية معظمه نصب وغش وسرقة! فين الأمانة والاستئمان؟
ده حال فئة مش قليلة من البنات

لو محصلش مجاهدة للنفس في موضوع الكلية اللي هو عبارة عن درجات، وغالبًا مش بيأثر في النجاح والسقوط، غالبًا مش هيحصل بعد الكلية مجاهدة في الشغل اللي هو عبارة عن فلوس!

مفيش فترة زمنية هتيجي صافية للاستمتاع باللعب والترفيه، والاستمتاع بالعبادة
ففي وأنت في مجال دراستك، وفي مجال شغلك، لازم تنشئ وقت وفترة للاستمتاع للنقطتين دول

وإلا اللي هيتحكم فيهم هي الفلوس، وحياتك هتبقى عبارة عن رأسمالية، حتى الترفيه بتاعك وعبادتك هتكون مترتبة على الرأسمالية

هتيجي تصلي أو تصوم؛ هتحسب الأول الصلاة هتأخرك عن الشغل قد ايه؟ وصيام النافلة هيعطلك ولا لأ؟
وتأخير الصلاة لآخر وقتها عشان نلحق نشتغل أكتر ونكسب فلوس إلى آخره

وفي اللعب، هتحسب الأول، الترفيه أو اللعب أو المشوار ده هيكلفك قد ايه فلوس؟ ولو فيه حاجة أرخص منه؟

وهتلاقي نفسك مش بتتعبد براحة واستمتاع ولا بتلعب براحة واستمتاع؛ في نظرك لأنك مستني الفترة المناسبة عشان تعمل كدة
وللأسف في الغالب مفيش فترة هتيجي لكده، لحد ما تموت

لقيت إن أكتر عطاء ممكن أي إنسان يفرح به، إعادة الأشياء المسلوبة له

الحمد لله رب العالمين

‏فَلَيتَ عَينَ حَبيبي في البُعادِ تَرى
‏حالي وَما بِيَ مِن ضُرٍّ أُقاسيهِ

غريبة شخص بيدَّعي التوبة -أي مسح أعماله الحرام من صحيفته- في بوست أو دعاء، وهو مش عايز يمسح الحرام من صفحته الالكترونية!
مسح الحرام من على الميديا؛ خطوة في طريق التوبة

في بداية كل سنة دراسية بتمنى منادي مثل الرجل الساعي لسيدنا موسى، يقول للطلبة: اهربوا من التيمات الطلابية المختلطة وانجوا بأنفسكم
مفيش أي مكسب في التيم يُضاهي خسارة نيتك وطريقة تعاملك مع العبادات مستقبلًا بالشكل اللي هيحصلك بيه مسخ في الجزئية دي جوا التيمات

إذا لم تستطع أن تعمل على اليقين والرضا في الأوامر والنواهي وترك ما تحب لله والأمر بالمعروف على مُرِّه والنهي عن المنكر مع أذاه، فإن في الصبر على ما تكره خيرًا كثيرًا

الحمد لله إن أنا مش بدَّن في مالطا، وبدَّن في بلد مسلمة وسط مسلمين؛ أحرى لأن يُستجاب لله وأن يُعبد الله في أرضه

أي اتنين مخطوبين بالوضع التقليدي السائد، بيقعوا في حرام أظهار الزينة من البنت أمام خطيبها وتزينها
وحرام حفلة الخطوبة بالاختلاط والأغاني والرقص اللي فيها
وحرام نزول صورتهما على الميديا
فمهما كان الشخص اللي خطب ومهما كانت درجة إيمانه هتفضل الحاجات دي حرام حتى لو عمل حاجة واحدة منها، وافضل استنكر الأفعال دي واستحقرها مهما كانت جميلة، لأن ربنا حرَّمها
ومتباركش لحد واقع فيها إلا ومباركتك متبوعة بنصيحتك له

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.

أمرنا الله بأمرٍ بدأ فيه بنفسه سبحانه ثم بملائكته فقال:

"إن الله وملائكته يصلون على النبي يا أيها الذين آمنوا صلوا عليه وسلموا تسليمًا"

الحمد لله إن أنا بعيد عن الأُسر الطلابية من كذا سنة

والحمد لله إن أنا حتى وأنا كنت فيها مظنش كنت يوم واحد بس حتَّى مبسوط جواها، ومكنتش راضي عن أي فِعل ليا، حتى لو اصلاحي
ومستحيل ادخل تاني حتى لو كان فيه نفع للناس الموجودة
اللي عايز يبعد هيبعد، واللي عايز يهتدي ربنا هيهديه، الضابط هو نية الشخص + بذله للوصول، مكنش الضابط نهائي إنه يستني شخص عشان يعرف الصح من الغلط
والدليل إن المعظم جالهم شخص واتنين ومحدش اتغيَّر، وناس جالها النبي صلى الله عليه وسلم وبرضه زي ما هي
(فأما من أعطى واتقى (5) وصدق بالحسنى (6) فسنيسره لليسرى)
(وأما من بخل واستغنى (8) وكذب بالحسنى (9) فسنيسره للعسرى)

وأنت بتستعرض آية: (لا يُكلِّف الله نفسًا إلا وسعها) أو آية: (لا يُكلَّف الله نفسًا إلا ما أتاها) في لحظات ضعفك وانطفاءك في السعي الدنيوي والسعي في الرزق

افتكر إن في الحرام المتاح أمامك وفي النهي عن الحرام وعدم اتيانه: (لا يُكلِّف الله نفسًا إلا وسعها) و(لا يُكلَّف الله نفسًا إلا ما أتاها)
ليه لم تنتهِ عن الحرام المنتشر بكثرة حواليك وهو في وسعك الانتهاء عنه؟
وليه لم تتب من قريب عند إتيانه، وفي وسعك التوبة منه من قريب؟

وفي الطاعة والصبر على الطاعة والمحافظة على الواجبات: (لا يُكلِّف الله نفسًا إلا وسعها) و(لا يُكلَّف الله نفسًا إلا ما أتاها)

وفي الابتلاءات والصبر على البلاء: (لا يُكلِّف الله نفسًا إلا وسعها) و(لا يُكلَّف الله نفسًا إلا ما أتاها)

لو حد لقى حاجة أنا كاتبها عجبته أو فيها نفع ياخدها بدون اسمي وبدون (منقول) أو (لصاحبه) وخلافه، وينشرها بين الناس

إن شاء الله يكون له أجر كبير إن صحَّت نيته
والمهم النية تكون لنفع المسلمين ولأن يُعبد الله ولا يُعصى، وميكونش النية حُب الظهور أو التفاعل