قال تعالى:

الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ ۖ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ

(وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ )
وضع الله لمشاعر الفِطرة الإنسانية حدود وضوابط بنزول الدين الإسلامي!
المشاعر الطيَّبة الحسنة لا تصلح العمل الفاسد الحرام
لو نتج عنها تعدِّي على دين الله

الإيمان بالله يُحتِّم عليك شهود عذاب أخوك إذا أتى بكبيرة من الكبائر!
وده رأفة ورحمة بمرتكب الكبيرة، لأن الحد مكفِّر وزاجر

(قُلْ هُوَ اللَّهُ أَحَدٌ)
وكان أمية بن خلف يخرجه إذا حميت الظهيرة بمكة المكرمة، واشتد حرها، وعظم لهبها، فيطرحه على ظهره، ثم يأمر بصخرة عظيمة، فتوضع على صدره ثم يقول له : "لا تزال هكذا حتى تموت ، أو تكفر بمحمد وتعبد اللات والعزى"،
وبلال في ذلك البلاء والكرب الشديد يقول: "أحد، أحد".

ويجي كلب لا يعرف من الإسلام سوى اسمه وشرائعه الظاهرة، ولا يعرف تعظيم الدين في نفسه شيء
يتريق ويقول: أحدٌ أحدٌ !!
للضحك والكوميك!!
ربنا يهديهم، أو ياخدهم، يا رب استجب

سبحااااااانه/ سبهان الله/ سوووبحاااان الله ...
لما تشوف واحد بيعمل كدا أنصحه، خليه يبطَّل قلة أدب
ده ذِكر شرعه اللي خلقك!
أنت بتعمل ايه؟
وأنت كمشاهد بتسكت ليه؟
راضي بالتريقة على الذِكر؟
ولا خايف من ردة فعله؟
ولا مكسِّل تقوله؟
لو مكنتش من مرتبة: (قاتلوا في سبيل الله)
أو مرتبة: (أو ادفعوا)
فمش متبقي غير: (ولكن كره الله انبعاثهم فثبطهم وقيل اقعدوا مع القاعدين)!!

مش عارف ليه كل ما أشوف موقف قدامي بين شخص وصاحب مسجد أو اعتكاف، والشخص بيقوله: ممكن أصلي التهجد، أو ممكن اعتكف، والراجل صاحب المسجد يحاول بشتّى الطرق إنه يمشيه وخلاص، حتى مش بيدوَّر معاه على طرق بديله أو بيديله نصائح
بفتكر: عبس وتولى!
موضوع صعب الصراحة

2020
2021
2022
من دار الأرقم بن أبي الأرقم

الغريب في الموضوع الناس اللي بتاخد الكلام دا والظُلم والصد عن سبيل الله؛ في ناحية الكوميك! والتريقة على أركان الصلاة وتقليل قدر الصلاة!
والله الكوميكات دي سبب من أسباب الصد عن سبيل الله، وتقليل هيبة وتعظيم الصلاة في نفوس الناس

اختيار الصحبة أو الصاحب أو بالأخص الزوجة أو الزوج
(ده بخلاف الصداقة اللي بتبقى بسبب جامعة أو شغل أو قرابة أو خلافه، أقصد لما أنا اللي أختار الشخص بنفسي)
لازم يكون على مفهوم الإسلام قبل العبادات وأهمها الصلاة
ربنا قال في تالت آية في المصحف بعد الفاتحة:
(الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ)
قدِّم الإيمان بالغيب

أهم ميزة تكون موجودة في شريك حياتك هي الإسلام: التسليم والاستسلام لأمر الله
أهم من الصلاة؟
الصلاة مترتبة على التسليم
والتسليم يأتي بجميع أركان وواجبات الدين
بدون تسليم، هتلاقي العبادات الظاهرة كالصلاة عادي جدًا، وهتلاقي المحرمات المنتشرة موجودة عند الشخص بحجَّة الخلاف أو الاضطرار أو الاستثناء، المثلث الشيطاني
وتعظيم الأوامر والنواهي اللي مفيش إطلاع عليها إلا من الله؛ هيكون غالبًا مُنعدم
لأن إيه المانع من الفعل؟
إيه الضرر من الفعل؟
(وَأَنِيبُوا إِلَىٰ رَبِّكُمْ وَأَسْلِمُوا لَهُ مِن قَبْلِ أَن يَأْتِيَكُمُ الْعَذَابُ ثُمَّ لَا تُنصَرُونَ )
لازم الشخص يكون عنده صفة التسليم لله (حتى ولو قولًا) لحد ما تيجي المواقف والاختبارات تُبيِّن صدق أو كذب الإدّعاء

التسليم لأمر الله حتى لو على حساب راحتي، حتى لو على حساب راحة أولادي، حتى لو هيحصل بسببه تضييق في رزقي أو شغلي، حتى لو هضطر أسيب بسببه الشغل نهائي، وأنا أب أو أم وعندي أولاد!
التسليم لأمر الله اللي ممكن يكون فيه: تسليم لذبح الابن، أو تسليم لبلاء ومرض لمدة سنين، أو تسليم لمعيشة بسيطة لفترة من الزمن، أو تسليم لتقديم تضحية في سبيل الله فقط، بدون أي مكسب دنيوي نهائي، وبدون اطلاع من أحد من الناس إلا أنت وشريكك وووو
الأمثلة في الموضوع دا لا حصر لها، ويكفي منه الإجابة القولية:
يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا
وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْرًا عَظِيمًا
السؤال الأول في بناء أي علاقة: لو تعارض زينة الدنيا مع الله وروسوله والدار الآخرة، هنقدِّم مين؟
بغض النظر عن الظروف والاستثناءات والاضطرارات
دي قاعدة عامّة هتمشي عليها العلاقة لحد ما نموت
ويكفي فيها الإجابة القولية: تقديم رضا الله طبعًا، بدون تردد
وفي الإجابات الفعلية مع المواقف، الأفعال بتتباين على حسب قوة الإيمان، ويمكن يحصل تأخير وتأجيل في التنفيذ، لكن مينفعش يحصل تفضيل لشيء دنيوي وهو حرام
وكل فعل أو قول في العلاقة حصل فيه خلاف بعيد عن نقطة الحلال والحرام، دا بقى بيرجع للرحمة والمودة والمعاني دي
لكن الدين مبيدخلش في الاختيارات
الدين مش اختيار جزئي من جزئي
الدين اختيار من البداية
كمان دا الاختيار في الآية كان بين زينة الحياة الدنيا (الحلااال) والطلاق، وما بين البقاء على الجواز والدين !!
أصلًا موضوع إن الدين يتحط في اختيار بينه وبين حاجة حرام دي مش موجودة، ومش منطقية!
فلو مفيش إجابة قولية بالتسليم لأمر الله بين أمر الدين، وبين زينة الدنيا المحرَّمة، يبقى لا خير في العلاقة قولًا واحدًا

محلات للطُرح والعبايات
محلات للزي الإسلامي
محلات للبس الشرعي والعبايات

المفروض نعمل محلات: للبس الشرعي الإسلامي
ده لو لفِّيت المدينة بالكامل، مش هتلاقي غير محل أو اتنين بيبيع لبس شرعي، والباقي مش نص حجاب، ومش حجاب أساسًا!
كُم واسع، وشُغل على العباية، وألوان، وحزام، وتضييق من عند الصدر، وتقصير في الكُم وووو

محتاجين محلات للزي الشرعي والله

نص بديع للإمام ابن تيمية:

"فعامّة الناس إذا أسلموا بعد كفر، أو وُلدوا على الإسلام والتزموا شرائعه وكانوا من أهل الطاعة لله ورسوله= فهم مسلمون ومعهم إيمان مُجمَل. ولكن دخول حقيقة الإيمان إلى قلوبهم إنما يحصل شيئا فشيئا إن أعطاهم الله ذلك. وإلا فكثير من الناس لا يصلون إلى اليقين، ولو شُكّكوا= لَشكّوا، ولو أُمروا بالجهاد= لَما جاهدوا. وهم ليسوا كفارا ولا منافقين؛ بل ليس عندهم من علم القلب ومعرفته ويقينه ما يدرأ الريب، ولا عندهم من قوة الحب لله ولرسوله ما يقدمونه على الأهل والمال. وهؤلاء إن عوفوا من المحنة وماتوا= دخلوا الجنة بإذن الله، وإن ابتُلوا بمَن يورِد عليهم شُبهات توجب ريبهم= صاروا مُرتابين وانتقلوا إلى نوع من النفاق. ولهذا لمّا قدم النبي صلى الله عليه وسلم إلى المدينة= أسلَم عامة أهلها، فلما جاءت المحن والابتلاءات= نافق مَن نافق. فلو كان مات هؤلاء قبل الإمتحان= لَماتوا على الإسلام ودخلوا الجنة وإن لم يكونوا من المؤمنين حقا الذين ابتُلوا فظهر صدقهم."

رايحين نصلي المغرب، والشارع كله مسيحيين بسبب الكنيسة اللي موجودة جمبنا
الحمد لله إن أحنا في الشتا (عصر نصف جليدي جميل)

كانت موضوع حفلة التخرج على جروب الدفعة، والحمد لله مكنش عندي على الفيس من الدفعة حد معترض، إلا أحمد ده
ولقيته بيتريق على الدين، فدخلت نصحته، وقالي: أنا حُر، وأنا أحسن منك ومش انت اللي هتعملني مع احترام ليك
قولتله: مش لازم تحترمي والله عادي، المهم تحترم الدين، ربنا يهديني ويهديك
لقيته رد عليا بشتيمة
فبعتله الكلام اللي في الاسكرين دا وسكت
فده كان رده عليا، بتعِّدي وجُرأة على الله، غريب ومؤذي جدًا والله
أظن هو مش عارف، ومش قاصد
بس بجد كلامه غريب أخذته العزة بالإثم!

ملحوظة على الهامش:
(أحمد دا كان بيتخانق مع واحد في امتحان شفوي 2 مدني، والواد ضربه وكان بيعيط، وأنا اللي دافعت عنه ومشيت الولا التاني)
تقريبًا عشان أنا بقوله احترم الدين، فبيحسب إن بتوع الدين دول هفأت
ربنا يسامح اللي نشر الصورة دي عن "المسلمين"

الحمد لله رمضان بيخلص وأنا معرفش أسماء مسلسلات رمضان، غير أربع مسلسلات اللي معمول عليهم كلام،
والمعظم بيشتم فيهم ودي حاجة كويسة

وهفضل كل شوية أي حد هينزل عن المسلسلات أو الأفلام هشيله، حتى لو أقرب واحد ليا، عشان مظنش إنك عنده شك إن المشاهدة دي حرام، فأنا مش هفضل وجوده عندي عشان هو صاحبي، على حساب إني استسيغ أشوف صور الممثلات أو مقاطع أو إن الناس عادي بتتفرج لأنها: مما عمَّ به البلوى!
ماشي عمَّ به البلوى، بس مفيش اختلاف على حُرمته!
يبقى نحاول نرجعه حرام وبيتم تناوله في الخفاء، مش للدرجادي

لو كل بوست نازل، عشرة بس من أصحاب الشخص نصحوه في الكومنتات، هو هيمسح البوست على الأقل من باب: ياعم بلاش صداع، أهو مسحته

ودي أولى المراحل في ترك العادات المعفة دي

أنا مبطلتش أنزل بوستات عن الكورة غير لما الشيخ/ عم الناس، ربنا يفك أسره يارب
كان كل شوية يعملي رياكت غضب على البوست، وينصحني في البوست

فمكنتش بنزِّل عشان: الشيخ هيعلق على البوست، أو هيزعل، فخلاص مش هنزِّل

وبعد كدا بقيت مبنزلش عشان حسيت إنه حاجة غلط، أو مش حاجة كويسة إنها تتكتب يعني
وهكذا
فأي حاجة حرام بدايتها بتكون بتركها بأي سبب تاني عشان حكمها الديني، دا شيء عادي جدًا، وبعد كدا الترك هيكون لله
زي الصلاة أو العبادات بتكون لازم تصلي، لأي سبب، حتى لو بأقل الحضور بأداء الحركات والألفاظ وبس، بس لازم التأدية، حتى لو جاي تصلي عشان باباك هيزعق لك، أو صاحبك هيصدعك
وبعدين مرة ومرة هيجي الحضور القلبي، وهتصلي عشان هي فرض وخلافه

ففي العبادات لازم الإتيان، وبعد كدا نشوف الباقي
وفي المحرمات لازم الترك، وبعد كدا نشوف الأسباب
.

موضوع الكتابة على الفيس أو الميديا عمومًا، ده أشبه بتأكيد المعصية، وعدم التوبة منها !
شخص بيتفرج على فيلم أو بيسمع أغنية، أو غيبة، أو بيجي على باله حاجة غلط
فيروح على الفيس يكتب الكلام أو الأغنية أو يشيَّر المقطع!
أو بعد ما يتصور مع أخته أو خطيبته أو هي تتصور، بحجاب غير شرعي أو مكياج أو بوضع لا يجوز أو بضحك وخلافه من الأمور التي لا تجوز، ينزلوا صورهم على الفيس!
بدل ما يتوب منها، أو يخليها في دماغه وخلاص
لأ، دا رايح يأكدها على الفيس، ويكتبها في صحيفته قبل ما تتكتب على الفيس بوك أو الميديا!
(أيوة أنا بتفرج على كذا)
(أيوة أنا بسمع كذا ومتابع التريند وفاهم في كل حاجة)
(أيوة أنا معنديش حياء، وهدومي هدوم شياكة وعشان شكلي حلو مش لحجب الزينة)

ومثلاً مش بعد ما بيحقق الضحك والهزار والناس بتضحك، تاني يوم يشيلها بقى؟
ما خلاص الموضوع خلص؟ ما أكيد مكنش فيه نية لله في البوست؟ دي شهوة وأنت رجعتها في البوست وخلاص
لأ، بتفضل موجودة برده!
أسلوب غريب جدًا لتثيت الخطئية في ذهنك وفي ذهن الناس وفتنتهم !
تثبيت للخطيئة في الصحيفة، زي تثبيت المعلومة الدراسية: بيستعمل حواس التفكير والبصر والكتابة والسمع!
شيء عجيب
ومجاهرة بمعصية
وفتنة للناس
وللمؤمنين
.

هكتب كلام رايق عن موضوع التدخين دا في رفض العريس
هو وجهة نظر شخصية، زي ما أي حد بيتكلم في الموضوع بيتكلم بوجهة نظره الشخصية وبنصيحته
عشان بتضايق من طريقة تناول الموضوع

على الفطار كدا إن شاء الله

أهوى هوى الدين واللذاااات تعجـبني
فـكـيـف لي بهـوى اللذات والديييين؟!

لو كانت الصلاة شهر واحد في السنة
أو كان الحجاب شهر واحد في السنة
أو كانت صلاة الجماعة شهر واحد في السنة
كانت هتُؤتَى بأفضل هيئة، وأفضل صورة
وهيتم السؤال عن كل تفصيلة صغيرة في أحكام الصلاة وشروط الحجاب وأحكام صلاة الجماعة

لكن اللي فرض الصيام شهر واحد في السنة هو اللي فرض الصلاة يوميًا
وصلاة الجماعة يوميًا
والحجاب أمام الأجانب يوميًا
وبأدق شروطهم وأركانهم وفروضهم وسننهم
1

لا إله إلا الله
حديث كل لفظ فيه قوي أوي
بدايته قسم رسول الله بالله! صلى الله عليه وسلم

الخروج من رمضان ولو بالمعنى ده بس، مكسب عظيم جدًا
تعظيم الأمر بالمعروف والنهي عن المنكر، تعظيم خيرية أمة الإسلام عن باقي الأمم
تعظيم خاصية من أعظم الخواصّ لبقاء نعمة هي أكبر النِّعم في حياتك وهي الإسلام
ورمضان فُرصة، واستجابة الناس فيه قويّة، وأمرك بالمعروف ونهيك عن المنكر فيه له دلالة، فرمضان هيشعّجك تأمر وتنهى، والبدأ دائمًا وأبدًا بالعشيرة القريبة؛ عليهم المعوَّل والحاجز الأكبر عن الخير لك، فلو اتكسر، وعظَّمت أمر الله على زعل صاحبك وأخوك، الموضوع هيفرق معك ومع إسلامك وفي تعاملك بعد كدا
وده فرض عليك، مش تفضُّل منك يعني!
(واللَّهِ، لَأَنْتَ أحَبُّ إلَيَّ مِن نَفْسِي، فَقالَ النَّبيُّ صَلَّى اللهُ عليه وسلَّمَ: الآنَ يا عُمَرُ)
ونفسك أعظم من أي حد في الدنيا بالنسبة لك، وما دونها فهو دون
(وما عليكَ إلا البلاغ)

(وَيُؤْثِرُونَ عَلَىٰ أَنفُسِهِمْ وَلَوْ كَانَ بِهِمْ خَصَاصَةٌ ۚ)
يؤثرون على أنفسهم من أجل إخوانهم
ومن قبلها الإيثار على النفس من أجل الدين!
(واللَّهِ، لَأَنْتَ أحَبُّ إلَيَّ مِن نَفْسِي، فَقالَ النَّبيُّ صَلَّى اللهُ عليه وسلَّمَ: الآنَ يا عُمَرُ)
ومن باب أولى إيثار الدين على الصاحب فضلا عن النفس
خلِّي بالك لو بتؤثر صاحبك عليك، ومش بتؤثر الدين عليك! لأحسن تكون بتؤثر صاحبك عليك، عشان كلامه أو كلام الناس عليك
لكن في الدين مفيش أي استفادة هتشوفها أو هتسمعها
(يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا)
(وَإن كُنتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْرًا عَظِيمًا)