بعيدًا عن الدين
لو اتكلمنا عن الصاحب اللي بيغش في الامتحانات وبيسرق في الغياب والحضور؛ فهو ما زال شخصية غشاشة وحرامية بأي مقياس من مقاييس الأرض
مستحيل يتقال عليه راجل أو جدع أو محترم
ممكن يبقى له وصف مركب لو دي مشكلته الوحيدة ويتقال عليه: محترم وحرامي، مؤدب وغشاش إلى آخره

وده أحسن وصف له، عشان لو قلنا عليه بيتلوّن حسب البيئة، وأغلب الناس حرامية في الغياب والامتحانات فهو بقى زيهم؛ فده شخص عديم الشخصية وعديم المبادئ، أشبه بالحيوان يعني

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.

لسه لحد اللحظة دي الناس بتتساهل وبتترك سيئات جارية على صفحتها
- بدون ما تتوب منها
- وبدون ما تمسحها
مع إنها معدش ليها لازمة، ومعدتش هتجيب لايكات، ومعدتش هتضحك حد، ومش هتفيدك في أي شيء في الدنيا؛ غير إنها هتبقى حرام لم تتب منه

صورة واحد وخطيبته، صورة واحد ومراته في فرحهم، صورة واحد مع الدكتورة أو المعيدة، صورة واحدة، كلمات أغاني، كوميكس لأي فاسق من الفسَّاق، كلمات فاحشة حتى لو كان بيشتم بيها جماد، غيبة للاعيبة أو المشهورين، فيديوهات أغاني، مقاطع من أفلام ومسلسلات، بوست بيفتخر بيه بطُرق الغش اللي كان بيغش بيها في الامتحانات على سبيل الهزار إلخ إلخ

مش عارف هيجرى إيه لو واحد دخل ومسح كل الحرام القديم
ويقع في حرام جديد، وبعد ما يعدِّي وقته وياخد غايته وشهوته من البوست سواء لايكات أو كومنتات أو ضحك الناس عليه، يقوم ماسحه، وميخليش وراه أثر للحرام ده

وخليك فاكر إن أي كلمة بتكتبها أو بتشيرها على الفيس أو أي موقع بتقع في صحيفتك قبل ما الناس يشوفوها، وطول ما هي في صفحتك فهي في صحيفتك
وأظن أنك مش هتحب خالص تلاقي في صحيفتك يوم القيامة: كلمات أغاني، أو صور لمغنيين وممثلين (متحرشين وخمورجية وحرامية وخونة وظلمة…) ولا شتايم مهما كانت مستساغة في وسطك المحيط، هتظل كلمات قليلة الأدب، ولا غيبة، ولا تريقة على خلق الله، ولا كُفران لنِعم الله، ولا سخط على أقداره وخلافه

وتذكر:
متخططش لمعصية، ولو عملت معصية متكلبش فيها.
فرق كبير أوي بين اللي بيُغلب على معصية، وبين اللي بيعمد إليها.
وبين اللي المعصية بتطرأ عليه، وبين اللي بقت جزء من حياته.

عدد البنات الملتزمة باللبس الشرعي والمنتقبة وبيسمعوا أغاني وبيشوفوا مسلسلات وبيغتابوا مُرعب
وعدد الرجالة الملتزمين بهدي النبي صلى الله عليه وسلم الظاهري وبيشتموا وبيغتابوا مُرعب

جِسر قوي يعبر به المسلم/ة الضعيف من الرهبة من فِعل المحرمات دي، للأمان لفعلها
{وليحملن أثقالهم وأثقالا مع أثقالهم}
{ليحملوا أوزارهم كاملة يوم القيامة ومن أوزار الذين يضلونهم}

قال رسول الله صلى الله عليه وسلم: (من سنَّ في الإسلام سنة حسنة فعُمل بها بعده كُتب له مثل أجر من عمل بها، ولا ينقص من أجورهم شيء؛ ومن سن في الإسلام سنة سيئة فعُمل بها بعده كُتب عليه مثل وزر من عمل بها، ولا ينقص من أوزارهم شيء).

ومن حديث أبي هريرة رضي الله عنه مرفوعاً قال: (من دعا إلى هدى كان له من الأجر مثل أجور من تبعه، لا ينقص ذلك من أجورهم شيئاً، ومن دعا إلى ضلالة كان عليه من الإثم مثل آثام من تبعه، لا ينقص ذلك من آثامهم شيئاً)

أنا روحت أشتري هدوم من كذا واتطردت منه
أنا اتطردت من محل كذا وأنا بجيب أكل
والجمل الشبيهه

قال النبي صلى الله عليه وسلم: (ويل للذي يحدِّث بالحديث ليضحك به القوم فيكذب، ويل له ويل له)

وقال النبي صلى الله عليه وسلم: (أنا زعيمٌ ببيتٍ في وسطِ الجنَّةِ لمن ترك الكذبَ وإن كان مازحًا)

وتفاعلك مع الكلام ده مشكلة تانية، لإن الكاتب غرضه الأساسي الضحك والتفاعل، لو ملقاش حاجة منهم، مش هيكتب تاني

ده في عُرف الشباب بنقول: اقلع السلسة وأنت بتتصور معايا، عشان دي مش حركة رجّالة
(الشباب المتدين وغير المتدين)

على النقيض تلاقي تساهل غريب من البنات (المتدينة) مع التصوير مع أي بنت لابسة لبس غير شرعي، أو مُتزيّنة بزينة حرام!
لا يجوز
والمفاسد والفتن في نموذج المسلمة غير الملتزمة بحجابها أزيد بكتير من السلسلة للرجل

ده اللادينين والثائرين على الأديان، مستحيل يتصوروا مع بنت منتقبة، أو يكونوا موجودين في صورة جماعية فيها نقاب

وإحنا المسلمين بنلاقي تساهل شديد أوي!
مع فِعلة صاحبها توعّدها الله سبحانه وتوعّدها النبي صلى الله عليه وسلم بوعيد شديد

دي نقطة، ونقطة كون إن البنت الملتزمج بحجاب الشرع وبزينة الشرع، متنصحش النموذج المضاد، وتتصور معاها بكل أريحية؛ ده نموذج شخصية غشّاشة مهما كانت الحجج والمبررات، لأن حتى لو شخصيتها ضعيفة واتكسفت وغيره، ممكن لما تروّح تنصحها من ورا الشاشة!
لكن الأنانية والغِش صفات متجذّرة

يا رب رحمتك وغفرانك

((واستعن بالله ولا تعجز))

تنويه:
مش معنى أنك شايف إن خطاب الحديث عن الرزق والصبر خطاب ناقص، إن كلامك يَشوبه تقليل من الآيات والأحاديث الواردة في الموضوع، أو يحصل لك عدم إيمان بالقدر وبالمسلَّمات ومن أن الله هو الرزَّاق، وإن ممكن يكون الغلاء نتيجة لانتهاك المحرمات وبقية الأسباب المسلَّم بيها المثبتة في القرآن والسنة

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.

مش لاقي محل من الإعراب لسؤال: طب والمنتقبة؟

هي منتقبة عشان يتيسَّر لها البروز أمام الرجال؟
هي زيادة التقوى في اللباس بيقابله نقص في تقوى الحياء؟
سؤال بشوف عجيب

مبحبش أتكلم في جداليات، وأظن متكلمتش قبل كدا في شيء مختلف عليه

بس هيفضل قضية تصوير البنت مع بنت أخرى لابسة لبس غير شرعي أو متزيّنة زينة حرام؛ أمر حرام

حتى لو فعله جميع النساء
ولحد دلوقتي مش عارف ليه الناس واخداه بسهولة، مع إنه مشكلة كبيرة ورضا بتعايش واقعي علني بين الحلال والحرام

الحلال والحرام بيُقاس بقال الله سبحانه وقال الرسول صلى الله عليه وسلم، مش بيُقاس بعدد الجمهور "المحترم" المؤيِّد.

والفعل الحرام هيفضل حرام حتى لو لقيته صادر من الشيخ الفلاني على صفحته، أو لقيته موجود في لِبس زوجة الداعية الفلاني في الشارع، أو صورة جماعية مختلطة فيها شخص بتثق في دينه

لو كُل زوجات المشايخ، والمُعلِّمات في حلقات التعليم اتصوروا مع بنات لبسهم غير شرعي، أو لبسهم شرعي بس حاطين مكياج، فهي هتبقى آثمة، وهيبقى الفعل فِعل حرام، وفيه فتنة للناس
ويوم القيامة هتُسأل عن عِلمك وفِعلك، وفِعل المُعلِّمة أو البنت المحترمة اللي في الدفعة لن تُغنِ عنك شيئًا

متبررش الغلط؛ عشان متتحاسبش يوم القيامة على إقرارك لمنكره وغلطه

متتفاعلش على حاجة حرام؛ عشان متتحاسبش يوم القيامة على تشجيعك لمنكر وحرام
متتفاعلش على بوست فيه غيبة أو بُهتان
متتفاعلش على بوست فيه شتيمة
متتفاعلش على بوست هو أقرب للحرام منه للحلال حسب إحساسك الشخصي

قال الله سبحانه: (ونضع الموازين القسط ليوم القيامة فلا تظلم نفس شيئًا وإن كان مثقال حبة من خردل أتينا بها وكفى بنا حاسبين)
وقال: (ومن يعمل مثقال ذرة شرًّا يره)؛ واللايك أكبر من المثقال، أكبر بكثير

ليه مدرسة أو جامعة "للبنين فقط" يشتغل فيها مدرسات ودكاترة ستات؟ وإداريات؟ وليه البنت تقبل تشتغل في مكان زي ده؟

وليه مدرسة أو جامعة "للبنات فقط" يشتغل فيها مدرسين ودكاترة رجالة؟

ما ترجعوا كل نوع لنوعه، وملهاش لزمة العكعكة

المواصلات العامة والشوارع وأماكن الدراسة وشؤون الطلاب والأسواق إلخ، كلها أماكن شُغل وكسب رزق، مش أماكن رفاهيات وخروجات وفُسح
فطبيعي أنك في بعض الأحيان تشم روائح عرق وتعب الناس الغلابة الشقيانة وروائح الشمس والتراب وغيره، وعادي ممكن يكونوا مستحميين قبل ما ينزلوا، ويحصل كدا
الناس في شغلها معندهومش رفاهية الاستحمام في نص الشغل، أو تغيير الهدوم في نص الشغل، أو وهما بينتقلوا من مكان لمكان
لو حضرتك شايف إن الناس بتبقى ريحتهم "وحشة" في أماكن معينة، فأنت ممكن تتحرّك في أماكن ريحة الناس فيها حلوة
لكن أنك تغلط في راجل أو ست غلبان بسبب حاجات غصب عنهم لسعيهم في الحر؛ فده يدل أنك شخص قليل الأدب بلا خلاف

البنت اللي بتتخلّص من روائح جسمها الكريهة بالمكياج والبرفان
طبيعي تكون في نظرك أقذر من أقل راجل شقيان بيشتغل باليومية
لأن الذنب قذ
فلو بنت مغطية ريحة جسمها بروايح حرام، وبتتريق وبتقلل من الناس الغلبانة؛ فهي عبارة عن صندوق، ربنا يهديها

اللهم إنَّا نعوذ بك أن نُفتَن فنأتي ما كنا ننهى الناس عنه