قال النبي ﷺ : «أيعجز أحدكم أن يقرأ في ليلة ثلث القرآن؟»
قالوا: وكيف يقرأ ثلث القرآن؟
قال: «قل هو الله أحد: تَعدِل ثلث القرآن».
رواه مسلم.

متنساش وأنت في وسط أدعيتك الدينية والدنيوية أنك تدعي بالجنة بشكل مباشر ليك ولأهلك وأصحابك وأصحاب الفضل عليك
يا رب ارزقني الجنّة
لأن مهما كانت أدعيتك الدينية والدنيوية مش بالضرورة استجابتها توصّلك للجنّة
ودخولك الجنّة المفروض ده الهدف الأساسي من أي عمل أو دعاء ديني أو دنيوي

(بسم الله الذي لا يضر مع اسمه شيء في الأرض ولا في السماء وهو السميع العليم)

لا أُشفَى حتى تُشفَى

اللهم وصلًا بمن يَصِلنا بك، وقطعًا عمَّن يقطعنا عنك

لا يستوى يوم القيامة عالمًا بالإسلام وجاهِلًا به
وأول تفكير البنت بعد فراغها من الدراسة؛ الشغل والفلوس، حتى لو لم تكُن مُحتاجة له
17 سنة ضياع في الدراسة
17 سنة أُخرى ضياع في البحث عن الشغل والفلوس
باقي كام قبل الموت؟

(إنَّ عائشة رضي الله عنها لَيَّنت السواك للنبي صلى الله عليه وسلم فاسْتَاك به)

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.

وياريت هنا كمان
أنا هتسأل عن كُل شخص بيشوف كلامي، وهتسأل عن كلامي
وأي حد عمومًا هيتسأل عن كل كلمة بيكتبها، فعشان محدش يكون سبب في ضرر حد، وفي النهاية الأعداد حاليًا مش بتفيد وفي الآخرة برده مش بتفيد

قال النبي صلى الله عليه وسلم:
(إن الله عز وجل لا ينام، ولا ينبغي له أن ينام، يخفض القسط ويرفعه، يُرفع إليه عمل الليل قبل عمل النهار، وعمل النهار قبل عمل الليل حجابه النور لو كشفه لأحرقت سبحات وجهه ما انتهى إليه بصره من خلقه)

قال النبي صلى الله عليه وسلم:
(صنفان من أهل النار لم أرهما؛ قوم معهم سياط كأذناب البقر يضربون بها الناس، ونساء كاسيات عاريات، مميلات مائلات، لا يدخلن الجنة ولا يجدن ريحها).
والحديث صحيح بلفظه

أول حاجة في الحديث كلمة (مُميلات) من ضمن تفسيرها: مُميلة للخمار عن الرأس والظهر والصدر، حتى يظهر منها ما يُفتن ويظهر الزينة، سواء زينة الملابس أو زينة الجسد في الأماكن دي
عشان أخواتنا اللي مازلت بتُميل الخمار عن صدرها ووسطها وبتخليه سبعة قدام وحتّى مفيش جزء من الظهر
لحُسن الدين والنيّة لو الفستان زي المتعارف عليه (من الوسط والصدر ضيّق) يبقى الخمار أو الطرحة يغطّي من الرأس حتى أسفل الوسط والظهر، يغطّي الكمر اللي بيظهر حجم الوسط
لأن التعامل بخُبث في الموضوع ده زي الحديث عقوبته عظيمة، والله يعلم

النقطة التانية
نساء كاسيات في اللباس لكن عاريات من اللبس الشرعي، ويكأنهم كاسيات لكن حقيقتهم أنهم عاريات
كبيرة من الكبائر، موضوع مش سهل
إزاي بنت مُسلمة مُلتزمة بالزي الشرعي عارفه الحديث وعارفه الحُكم وتقبل تتصوّر مع واحدة مش لابسة لبس شرعي!
بتتصور مع واحدة وهي في قلب عمل الكبيرة!
بمنتهى الفرحة والسعادة!
(ظهور زينة الوجه من المكياج
ظهور زينة الجسد من الملابسة الضيقة على الصدر فقط-فستان-
ظهور زينة الجسد من الملابس الضيقة على الجسم كله
كشف جز من الجسم القدم أو أسفل الرجل فوق الكوتش
أو ظهور جزء فوق اليد، جزء من الساعد
إلخ الخ)
كل ده وغيره حرام
ومينفعش تتصور/ي مع حد وهو بيعمل الحرام!
الموضوع منتشر، بس عادي الانتشار مش هيمنع حُرمة الموضوع
لو واحدة منهم قولتها: تتصوري مع واحدة وهي بتشرب خمرة؟
هتقول مستحيل
بل حتى مستحيل تتصور جوا مكان بيبيع خمرة
لكن في الموضوع ده عادي!
معرفش ده بسبب رفضها للتصوير مع الخمرة بسبب العُرب مش بسبب الدين؟ ولا بسبب جهلها بإن التبرج بالصورة اللي في الحديث من الكبائر؟

تلاوة من سورة يس

سبحان الله
مع إن الدكتور بيكتب وبيقول: مرَّة أحد المرضى ….
والجار بيقول: مرَّة واحد جاري….
وأي صاحب مهنة بيقول: مرَّة كان عندي زبون…
وكُل الشعب بيستعملها، يمكن أقل ناس بتستعملها الخُطباء
الخطيب مش كاشف الأسرار وفاضح بيوت الناس
لكن إزاي نغلط في طبيب أو مهندس أو تاجر!
لازم نميّل على الجانب اللي ملوش دراويش

(فإني رأيت الصبرَ عن مَحَارِم الله، أيسرُ من الصّبر علىٰ عَذابِ الله)

الرجالة تتكلم عن مشاكل الرجالة، وسيبوا مشاكل البنات للبنات!

سبحان الله
ما هو الراجل عنده أم وأخت وخالات وعمَّات وقرايب، زي ما عنده أب وأخ وقرايب وصحاب
فعادي مش مقياس لشيء

سبحان الله
الخروج بس لصلاة الفجر، بحسُّه بيجدد الإسلام ومعاني الإسلام، وبيعيد ترتيب أمور الحياة، حتّى قبل دخول المسجد

الراجل مهما عمل في يومه أو أسبوعه أو حتَّى سَنَتُه، بيلاقي أسباب دينيَّة بترجعله حساباته ودينه وبتحسسه بقيمته وبتهِّن عليه السعي والكد والتعب اللي بيلاقيه، وبتخليه يراجع نفسه ويتوب
لكن البنت ليها إيه؟
الصراحة مش عارف
بس البنت اللي يومها وأسبوعها متحاصر باستوريهات واتس صور لأصحابها بلبس حرام، وبوستات فيس معظمها شتيمة وإيحاءات جنسية وغزل في الرجالة، واستوريهات فيس بأغاني، وبشاتات فيها من الغيبة ما فيها
ثُمَّ خروجها من البيت يكون لفرح مُحرَّم أو تجمع عائلي أو صحاب مليئ بالغيبة
ثُمَّ ماذا؟
إيه هيخليها تراجع أفعالها وتفاصيل حياتها؟
بشوف إن البنت في حياتها قبل الجواز الصحبة الطيّبة، وبعد الجواز الراجل التّمام
الاتنين بيسلّموا بعض في مرحلتي الحياة للبنت
لكن أسباب تانية تقدر تنتشلها من مشاكل الحياة اليومية؟ أنا معرفش الصراحة، همَّا أدرى
لكن الانغماس في التفاصيل الحرام دي على المستوى البعيد؛ هتكوّن شخصية سيئة
ربنا قال:

كَانُوا لَا يَتَنَاهَوْنَ عَن مُّنكَرٍ فَعَلُوهُ ۚ لَبِئْسَ مَا كَانُوا يَفْعَلُونَ

يعني مُجرَّد السكوت عن الحرام؛ ربنا سمَّاه فِعل
فلو البنت هتقضِّي يومها بين الأبلكيشنات المختلفة نصايح لأصحابها، الموضوع هيفرق معاها شخصيًا بنسبة كبيرة، وده واجب عليها، ومع الوقت شخصيتها هتبقى قوية

بحب الاهتمام بالوقت "الحالي" والاستمتاع بيه، واستغلاله في صُنع فرحة وسعادة خاصَّة ليَّا

الشخص اللي دايمًا حاسس إن وقته الحالي مش كويس، ومنتظر أحداث محورية تحصل عشان حياته تتحسّن ويعيش حياته ويقدر يستمتع؛ بيضيَّع من حياته وقت كبير أوي في التفكير الزائد وإنه يشيل هموم المستقبل ويضيَّع لذة عيشته في الوقت الحاضر

وحتى لو حياته بقت مثالية ووصل للوضع اللي كان بيحلم بيه، بعد فترة هيحس بممل طبيعي، وهتحصل المشاكل والتعب والأمراض والعقبات كالعادة وسُنّة الحياة
مستفدش غير إنه يضيَّع حاضره وخلاص

استمتاعك بأوقات الفراغ الحالية في الأجازة، وشُربك الشاي، وتفتح الموبايل تلعب أو تفتح أي أكونت تتفرج
وخروجك للصلوات ومقابلتك لأصحابك
أنت السبب في فُقدانك لمتعتها الحالية، لأن بعد كدا أنت هتتمنى تعمل نفس الحاجات دي، ما هي الخيارات محدودة في الحياة، مفيش أنشطة كتير ويدوب اليوم ٢٤ ساعة تلتهم بيروح نوم، فمتحسس نفسك إن التفاصيل اليومية الحاليّة دي: حياة اكتئاب وملل والمشاعر السلبية دي، لأن دي أنشطة الحياة

سواء هتموت انهاردة، أو هتموت بعد ٥٠ سنة، هتفضل واجبات اليوم بتاعك معروفة، وهتفضل الأنشطة المتاحة لك في اليوم معروفة ومحدودة
فاستمتع بيومك، وأي حاجة أت تتمناها تحصل في يومك ادعِ ربنا بيها يوميًا، مع أنشطة حياتك، لحد ما ربنا يرزقك بالخير ليك وباللي يراضيك

(بسم الله الذي لا يضر مع اسمه شيء في الأرض ولا في السماء وهو السميع العليم)