البنات مفكَّرة عشان هي بنت فلها الحق إنها تشوف الممثلات والرقاصات والبنات بالمايوهات والكلام ده
والحقيقة إن الكلام ده برده النظر عليه من البنات غلط، لأن الممثلة أو الرقاصة بتجاهر بمعصية واسمها في الشرع فاسقة، والإنكار القلبي للمشاهد دي واجب، وده مش أضعف الإيمان، أضعف الإيمان أنك متبصيِّش ليهم من الأساس، لأنك أنتي اللي بتختاري تشوفيهم أو لأ

التشهير بيهم وبأسماؤهم والفُرجة عليهم ودعمهم وتشجيعهم والضحك على فيديوهاتهم، كل ده غلط، لأن ببساطة هما في حرام من الكبائر، النفور منهم ومن أفعالهم ومتابعتهم واجب

الكلام ده حلال، لو البنت بتعمل الكلام ده وسط بنات بس، ولبسها ساتر للعورة، ماشي تتفرج وتُبدي رأيها زي ما تحب
لكن إن بنت تطلع باللبس ده قدام الرجالة، فهي في معصية ومشاهدتها بدون الإنكار عليها غلط، فضلًا عن مشاهدتها باستمتاع أو بفرحة

من الحاجات اللي بالنسبة ليا بتحددلي إذا كنت بحب الشخص ده فعلًا ولا بالنسبة ليا هو شخص عادي، إن أنا أخصص له جزء في الدعاء لو هو واقع في مشكلة معيَّنة أو هو طالب منِّي الدعاء بالتيسير في أمر معيَّن، وقت في الصلاة، أو وقت قبل المغرب، أو وقت يوم الجمعة، المهم يكون وِرد صافي ولو دقيقة واحدة وفي تحرِّي وقت إجابة، وادعيله

بصراحة لما جيت استرجع الأحداث لقيت فعلًا الموضوع ده أساسي، وفيه ناس وقعت في مشاكل، وكان الوضع العام أنا والناس مفكرة إن أنا واقف جمبه، وأنا ولا كنت واقف جمبه ولا حاجة، وجيت أفتكرت لقيت فعلًا إني مدعتش له بولا دعاء، وهو فعلاً مكنش بالنسبة ليا شخصيات محبوبة

عشان كدا لو حد جه سألني عن السؤال ده، أنت عارف أني بحبك؟ أو هو أنت بتحبني؟
بيكون ده دليل واضح وصافي على الحُب

أظن لو أهل القبور رجعوا تاني هيعملوا حاجات حرام عادي، بس اللي هيمتنعوا عنه:
المجاهرة بالحرام
تشجيع الناس على الحرام
هيتوبوا بعد أي حرام

ودي حاجات طبيعية المفروض أي "مسلم" يعملها بدون معايشة عقاب سواء جسدي أو رزقي

إن يعلم الله في قلوبكم خيرًا يؤتكم خيرًا مما أخذ منكم ويغفر لكم

قاعات الأفراح والكباريهات، الأماكن الوحيدة اللي الأغاني فيها مقصودة لذاتها، فطبيعي الجلوس فيها ولو كان فيها أغاني بس؛ حرام
ومفيش أي وجه تشابه بين المكانين دول، وأي مكان تاني بيشغَّل أغاني
عشان محدش يتفلسف ويقول: ما أنت قاعد في القاعة بتسمع أغاني، وقاعد ف المكروباص بتسمع أغاني
.

بوستات المشايخ والصالحين والآمرين بالمعروف والناهين عن المنكر وأصدقاءك الناصحين؛ صُحبتك الصالحة على الميديا وفي أرض الواقع

سَمتَك الديني -سواء ملابس أو لحية أو حجاب شرعي إلخ- شئت أم أبيت بيمنعك عن بعض الحرام قدام الناس، وهو صحبتك الصالحة إن لم تك لك صُحبة تساعدك على أرض الواقع

س/ يا شيخ أنا زنيت- شربت خمرة- اغتبت- سرقت إلخ أي حاجة حرام، أو قعدت فترة مصلتش

إجابة الشيخ في أغلب الأحيان بتكون: أكثِر من الذكر والنوافل وأكثِر من الاستغفار

عمل سهل، لكن تنفيذه صعب، ومحدش بيجرَّب وبعد كدا يقيِّم، لأ بعض الناس بترفض الحلول دي نهائي، بالنسبة ليها لو تركت فرض م الفروض أو عملت حرام، لازم يكون فيه قربان شديد بيتقدِّم للآله عشان هي شخصيًا تكون نفسيتها ارتاحت، وعشان تحس إن الآلة بقى راضي عنها،
أي حل من حلول: استغفر كتير وصلي نوافل كتير، بيعتبروه مش حل
وده تفكير مش صحيح، وناتِج عن تصور غلط عن الدِّين
قال النبي صلى الله عليه وسلم:
هلك المتنطعون، هلك المتنطعون، هلك المتنطعون 
قال النبي صلى الله عليه وسلم: إياكم والغلو في الدين فإنما أهلك من كان قبلكم الغلو في الدين
قال النبي صلى الله عليه وسلم: إن هذا الدين يسر 
قال النبي صلى الله عليه وسلم: إن هذا الدين يسر ولن يشاد الدين أحد إلا غلبه


يُرِيدُ اللَّهُ بِكُمُ الْيُسْرَ [البقرة:185]
 

عن زيد بن وهب قال:
قال لي ابن مسعود:

لا تَدَعْ إذا كان يوم الجمعةِ أن تُصَلِّيَ على النبيِّ صلى الله عليه وسلم ألف مرة، تقول: اللهمَّ صلِّ على محمَّد صلى الله عليه وسلم.

أمرنا الله بأمرٍ بدأ فيه بنفسه سبحانه فقال:

"إن الله وملائكته يصلون على النبي يا أيها الذين آمنوا صلوا عليه وسلموا تسليمًا"

الميديا بقت عند البعض أداة لكُفران نعمة الله عليه
وعرض خذلان الله للشخص -تعالى الله عن ذلك علوًا كبيرًا-
وقدرة الشخص الخارقة في تجاوزة تحديات وابتلاءات الحياة دون أي مساعدة روحانية !

الاستخدام ده للميديا استخدام مُهلك للشخص ذات نفسه، ممكن يكسب تعاطف نسبي من أصحابه؟ ممكن، لكن نهايته؟

﴿..ومن شكر فإنما يشكر لنفسه ومن كفر فإن ربي غني كريم﴾ [النمل: ٤٠]

‏{سَتُكْتَبُ شَهَادَتُهُم وَيُسأَلُون}

دور البَرد بياخد ٣ أيام مهما أخدت من الأسباب الدنيوية والأدوية الطبيّة
سبب واحد بس اللي ممكن يخليه يقل عن ٣ أيام وهو الدعاء وقيام الليل
لكن طبعًا في حالة التَعب بيبقى فيه زُهد غير مُبرّر في العبادة، وكسل شديد في ركوع ركعتين

ارتضيت بالله ربًّا وبالإسلام دينًا
وتؤمن بأن القرآن كلام الله المقدَّس
وتؤمن بـ (لا يكلف الله نفسًا إلا ما آتاها)
وتؤمن بـ (لا يكلف الله نفسًا إلا وسعها)

وبعد كدا تسخط على قدر الله؟

هل وصل بيك الحالة: (حتى إذا استيأس الرسل وظنوا أنهم قد كذبوا)؟ مرحلة اليأس بعد استنفاذ جميع الأسباب؟
في الغالب: لأ،
هل سبب السخط: (ولنبلونكم بشيء من الخوف والجوع ونقص ‏من الأموال والأنفس والثمرات)؟
في الغالب: لأ،
وحتى لو سبب عظيم زي ده، فالحل في نفس الآية: (وبشر الصابرين (155) الذين إذا أصابتهم مصيبة قالوا إنا لله وإنا إليه راجعون (156) أولئك عليهم صلوات من ربهم ورحمة وأولئك هم المهتدون)

فلما تشوف واحد بيسخط بسبب كُلية أو امتحان أو تقدير، اعرف إنه كائن غبي
والأغبى نشر السخط على الميديا
ربنا يهدينا ويهديهم

- (من قال لا إله إلا الله وحده لا شريك له له الملك وله الحمد يحيي ويميت وهو على كل شيء قدير (١٠ مرات) بعد صلاة الفجر وبعد صلاة المغرب ... وهو دانٍ برجليه قبل أنا يُكلِّم أحداً، أرسل الله له مسلحة تحميه)
مسلحة مسلحين من الملائكة يحمونه.
- بعد صلاة الفجر وبعد صلاة المغرب يقول الإنسان وهو دانٍ برجليه قبل أنا يُكلِّم أحداً: (اللهم أجرني من النار سبعاً) كُتب له جوار من النار.

- (من قال لا إله إلا الله وحده لا شريك له له الملك وله الحمد يحيي ويميت وهو على كل شيء قدير (١٠ مرات) بعد صلاة الفجر وبعد صلاة المغرب ... وهو دانٍ برجليه قبل أنا يُكلِّم أحداً، أرسل الله له مسلحة تحميه)
مسلحة مسلحين من الملائكة يحمونه.
- بعد صلاة الفجر وبعد صلاة المغرب يقول الإنسان وهو دانٍ برجليه قبل أنا يُكلِّم أحداً: (اللهم أجرني من النار سبعاً) كُتب له جوار من النار.

(بسم الله الذي لا يضر مع اسمه شيء في الأرض ولا في السماء وهو السميع العليم)

هذا المنكر الذي كان يتوجّب عليك إنكاره، وهذا الأمر البيّن الذي كان عليك أن توضّح حلاله من حرامه؛ قد يكون نجاتك في الآخرة، وقد يكون سببًا في هداية مئات بل ملايين مِمّن يتّبعونك.

أمر بغرس الفسيلة (بالعمل) حتى بعد قيام الساعة
هل بعد قيام الساعة فيه ثواب ديني؟
لأ
هل بعد قيام الساعة فيه استفادة دنيوية مُحصّلة من غرس الفسيلة؟
لأ
عمل لله وفقط، دون انتظار استفادة دنيوية أو أخروية، عمل إسلامي للامتثال لأمر النبي صلى الله عليه وسلم

ولسّه فيه ناس هتقولك عن أمرك بالمعروف ونهيك عن المنكر: كلامك مش هيقدّم ولا هيأخّر!
بيعارضوا كلام النبي صلى الله عليه وسلم!
ويُقدمون بين يدي الله ورسوله
والله سبحانه قال:
(يا أيها الذين آمنوا لا تقدموا بين يدي الله ورسوله واتقوا الله)
وقال:
(يا أيها الذين آمنوا لا ترفعوا أصواتكم فوق صوت النبي ولا تجهروا له بالقول)

اللهم اجعل سعينا كُلَّه في مرضاتك يا رب، وتقبله