المهم يعني الحجاب عبادة والله
واللي عايزه تتباهى الأوت فيت بتاعها، واللي بتظبط لون الطرحة على لون الشنطة واللي بتلبس لبس موحَّد في فرح أو في مناسبة
ده مش من مقصد "عبادة الحجاب"

عايزه تعملي ده، اعمليه براحتك
بس ده فعل من طبيعته المجاهرة، وفيها فتنة للمسلمات المحجبات وفتنة لغير المحجبات برده

والأهم ابعدي بالأفعال دي عن أمهات المؤمنين رضي الله عنهن أجمعين
أوعي لما حد يسألك ليه لابسة وشنطة وكوتش بلون وبشكل معين، هو أنت نيتك من اللبس ده الحجاب؟ والاحتجاب عن أعين الرجالة؟
تقومي تقولي زوجات النبي كانوا ..... وتبدأئي ترجَّعي وتتأوَّلي الأحاديث، وتخلِّي واحدة من أمهات المؤمنين إن نيتها تكون شكلها حلو وهي ماشية قدام الرجالة!
أوعي

ولو لقيت واحدة قالتلك كدا، سيبها، لحد ما تتخلص من أفعالها دي
ربنا يرضى عن أمهات المؤمنين ويلعن من يتعرض لهم بسوء، لتمرير فساد قلبه وهوىً لنفسه
.

أي بنت نازلة من بيتها وفي نيتها: شكلها ولبسها والأوت فيت وتظبيط الألوان والموضة والتزيُّن وشكلها يبقى حلو وهي نازلة والكلام ده، فهي على خلط في نيتها
النية الوحيدة من نزول البنت من بيتها: إن اللبس يكون حاجب زينة جسمها عن الرجالة + مكونش هو زينة، هي مش مانيكان

يا رب ننجح

موقف مشهور، والتخاذل فيه بالكووم:

بعض الناس عندهم ذوق في دعوة الناس لأفراحهم ومناسباتهم فبيقولوا وهما بيعزموا الناس: أنا عارف إنك مش بتحضر في مكان فيه رقص ولا أغاني ولا كدا، فبراحتك يعني لو مش عايز تيجي، وأنا والله ما هزعل منك لو أنت مش هتيجي للسبب ده تحديدًا

المفروض الشخص الطبيعي يقول: الحمد لله، مساعدة من ربنا، وإخراج من موقف محرج مع صاحبه
ويقول لصاحبه شكراً وربنا يتمم لك بخير وتتم من غير حاجات حرام وكدا

هو بقى المشهور بيعمل غلطين مشهورين والاتنين أسوأ من بعض:

- بيصعب عليه الشخص صاحب الفرح، وبيقوم جاي حاضر الفرح !!
مع معرفته بالحكم الشرعي في المسألة
ومع تسهيل ربنا للحلال له
وجبر ربنا لخاطره، وتليين قلب صاحبه
بيضرب بده الأرض، ويحضر الفرح!

- إنه مش بينصح صاحبه إنه ميمعلش الحرام ده، ويتخلَّى عنه
وبيتعامل بمنتهى الأنانية في موقف زي ده

والأفضل والله، ومن اللي أنا شوفته وحصل معايا، التسهيلات دي لما بتيجي، وإحنا بنطنشها، مش بتيجي تاني
+ والأسوأ بتتحوِّل: "فسنيسره للعسرى" بيبقى التيسير في الحاجات الحرام
.

صليت الظهر في المنصورة
والعصر في ميت سلسيل
والمغرب في المنصورة
والعشاء في المحلة
.

إن ربي لطيف لما يشاء إنه هو العليم الحكيم

أنا هبطت

هاخد استراحة محارب لحد يوم الخميس إن شاء الله، أتمنى يعني

مش من الكتابة هنا، أقصد من المشاوير والسفر

حتى لو الصورة مش حقيقية، إحنا مؤمنين إن خلق الله أعظم وأعظم
لا إله إلا هو

(لَعَلَّهُمْ يَتَضَرَّعُونَ)

فَلَوْلَا إِذْ جَاءَهُمْ بَأْسُنَا تَضَرَّعُوا وَلَٰكِنْ قَسَتْ قُلُوبُهُمْ ﴿٤٣ الأنعام﴾

فَأَخَذْنَاهُمْ بِالْبَأْسَاءِ وَالضَّرَّاءِ لَعَلَّهُمْ يَتَضَرَّعُونَ ﴿٤٢ الأنعام﴾

إِلَّا أَخَذْنَا أَهْلَهَا بِالْبَأْسَاءِ وَالضَّرَّاءِ لَعَلَّهُمْ يَضَّرَّعُونَ ﴿٩٤ الأعراف﴾

وَلَقَدْ أَخَذْنَاهُمْ بِالْعَذَابِ فَمَا اسْتَكَانُوا لِرَبِّهِمْ وَمَا يَتَضَرَّعُونَ ﴿٧٦ المؤمنون﴾
.

"فوالله لولا الحياءُ من أن يأثِرُوا عليَّ كذبًا لكَذَبْتُ عنهُ"

- قالها أبو سفيان -زعيم قريش- وهو على الكُفر، وفي حالة عِداء قائم مع الرسول ﷺ، وعلى بُعد آلاف الأميال من قومه، وأمام فُرصة سانحة للنيلِ من الرسول ﷺ في حَضرة قيصر الروم هِرَقل لمَّا سأله عن محمِّد ﷺ

والمسلمون لا يستحوا أن يأثِر الناس عليهم كذبًا أو أن يأثِروا عليهم غِشًّا، ويقولك: ما كل الناس بتعمل كدا
.

أنت الله ربُّنا ومولانا؛ اسألك من الخير كله عاجله وآجله ما علمت منه وما لم أعلم، وأعوذ بك من الشر كله عاجله وآجله ما علمت منه وما لم أعلم؛ لنفسي، ولوالدي، ولأصحاب الحقوق علي، الميت منهم والحي، ولمن سألني الدعاء من عبادك، ولمعارفي، وللمسلمين أجمعين

قال رسول الله صلى الله عليه وسلم:
(الذي لا ينامُ حتى يُوتِرَ حازمٌ)

- (من قال لا إله إلا الله وحده لا شريك له له الملك وله الحمد يحيي ويميت وهو على كل شيء قدير (١٠ مرات) بعد صلاة الفجر وبعد صلاة المغرب ... وهو دانٍ برجليه قبل أنا يُكلِّم أحداً، أرسل الله له مسلحة تحميه)
مسلحة مسلحين من الملائكة يحمونه.
- بعد صلاة الفجر وبعد صلاة المغرب يقول الإنسان وهو دانٍ برجليه قبل أنا يُكلِّم أحداً: (اللهم أجرني من النار سبعاً) كُتب له جوار من النار.